Category: Mamul.am

Քաղաքացիական ավիացիայի կոմիտեն հայտնում է․ «Հաշվի առնելով 2026թ. մայիսի 3-ից մինչև մայիսի 5-ն ընկած ժամանակահատվածում Հայաստանի Հանրապետությունում կայանալիք լայնամասշտաբ միջոցառումները (ԵՔՀ 8-րդ գագաթնաժողով, ՀՀ-ԵՄ գագաթնաժողով, Երևանյան երկխոսություն), և օտարերկրյա մեծաթիվ պատվիրակությունների մասնակցությունը նշված միջոցառումներին՝ տեղեկացնում ենք, որ 2026թ. մայիսի 3-ից 5-ը, ելնելով անվտանգության նկատառումներից, ՀՀ օդային տարածքում արգելվում է ընդհանուր նշանակության ավիացիայի, այդ թվում քաղաքացիական անօդաչու օդանավերի ցանկացած բնույթի թռիչքների իրականացումը»։

«Դա իմ որոշումն է եղել, քաղաքական թիմի, ոչ մեկի հետ չեմ քննարկվել»,- այս մասին ԱԺ-ում լրագրողների հետ զրույցում ասաց «Քաղացիական պայմանագիր» խմբակցության պատգամավոր Խաչատուր Սուքիասյանը՝ անդրադառնալով հարցին, թե արդյոք առաջիկա ընտրություններում իր չառաջադրվելը քաղաքական թիմի որոշումն է եղել։

Նա նաև հավելեց, որ այդ հարցը չի քննարկել նաև Նիկոլ Փաշինյանի հետ և իր չառաջադրվելու հարցը կապ չունի վարչապետի այն հայտարարության հետ, թե գործարարներ ու օլիգարխներ կառավարության մեջ չպետք է լինեն։

«Իշխանությունը չպետք է պատկանի հարուստ մարդկանց,- ընդգծեց Սուքիասյանը։- Նրանք կարող են մանդատ ունենալ, եթե փորձ ունեցող մարդիկ են, բայց երբ որ ուզում են իշխանություն վերցնել, դա արդեն․․․ «Տնտեսվարողի, բիզնեսմենի գիտակցությունը, որպես այդպիսին, և պետական համակարգի կառավարումը տարբեր բաներ են։ Դու պետք է շատ լավ բիզնեսը հասկանաս, որպես կառավարիչ, բայց դու պետք է այլ սկզբունքներից կառավարես երկիրը, որպես պետական գործիչ։ Երբ որ մասնավորն է գալիս, ինքը պետական ինստիտուտների դերը, նշանակությունը, խստությունը, բյուրոկրատիայի աստիճանը չի գիտակցում։ Որովհետև մասնավորը, ինքը որոշումներ է կայացնում, ինքն է կորցնում, իսկ պետությունը չի կարող այդպես, որովհետև պետությունը բոլորինն է», – նշեց Սուքիասյանը։

Ռուսաստանն ու Ադրբեջանը հասել են հետևանքների վերաբերյալ համապատասխան համաձայնության` կապված 2024 թվականին Ակտաուի մոտակայքում AZAL ավիաընկերության ինքնաթիռի կործանման հետ, ասվում է ՌԴ և Ադրբեջանի ԱԳՆ հայտարարության մեջ։

«Կողմերը հասել են հետևանքների պատշաճ կարգավորման, այդ թվում՝ փոխհատուցման հարցի վերաբերյալ` կապված 2024 թվականի դեկտեմբերի 25-ին Ակտաու քաղաքի մոտ AZAL-ին պատկանող Embraer 190 ինքնաթիռի կործանման հետ, որը տեղի է ունեցել Ռուսաստանի Դաշնության օդային տարածքում ՀՕՊ համակարգի ոչ միտումնավոր գործողության արդյունքում», – ասվում է ՌԴ դիվանագիտական ​​​​գերատեսչության կայքում տեղադրված համատեղ հայտարարության մեջ։

«Հանրային հեռարձակողի խորհրդի» նախագահ Վասակ Դարբինյանը գրել է. ««Հանրային հեռարձակողի խորհրդի» համաձայնությամբ «Հանրային հեռուստաընկերություն»-ն իր յութուբյան պաշտոնական էջում տեղադրել է Տիգրան Պասկևիչյանի «Անկախության մեր ճանապարհը» ֆիլմը։
     Հուսամ՝ Պասկևիչյանը տարրական պարկեշտություն կունենա և հրապարակավ ներողություն կխնդրի բոլոր նրանցից, որոնց հանիրավի մեղադրել էր իր ֆիլմն արգելելու և գրաքննելու մեջ, զազրախոսել, զրպարտել ու վիրավորել՝ հալածյալի կերպարանք առնելով և հանրությանը մոլորեցնելով։
     Ազնիվ կլինի, եթե ներողություն խնդիր նաև հանրությունից»։

«Մի տերմին կա, ո՞նց էր կոչվում` օտարերկրյա գործակալ… Ոչ թե շպիոնաժը նկատի ունեմ այլ… Վերջը` էդ գործունեությունն ա ծավալում, այսինքն, փորձ ա անում հրահրել ՀՀ-ՌԴ կոնֆլիկտ` այդ կոնֆլիկտի վրա ձեռները տաքացնելու համար: Ես անհնար եմ համարում նման բան:

Հայաստանի և Ռուսաստանի հարաբերություններն այսօր գտնվում են ամենաբարձր մակարդակի վրա, քան երբևէ եղել են։

Նայեք ՀՀ և ՌԴ ղեկավարների հանդիպումների, հեռախոսազանգերի, այցերի և այլնի դինամիկաները և համեմատեք նախորդող շրջանի հետ։ Ընդ որում, այս նույն ձևաչափով ես լիարժեք կապի մեջ եմ ՌԴ նախագահի հետ»,-ասաց նա։
     Նա նաև հայտնեց, որ Ռուսաստանի հետ ձեռք են բերվել ռազմավարական նշանակության պայմանավորվածություններ, որոնց ազդեցությունը շուտով զգալի կլինի:
     Նրանք, ովքեր ուզում են խաթարել Հայաստան-Ռուսաստան բարեկամությունը, էդ մարդիկ պարզապես «ինաստրաննի ագենտ են»:

«Մի տերմին կա, ո՞նց էր կոչվում` օտարերկրյա գործակալ… Ոչ թե շպիոնաժը նկատի ունեմ այլ… Վերջը` էդ գործունեությունն ա ծավալում, այսինքն, փորձ ա անում հրահրել ՀՀ-ՌԴ կոնֆլիկտ` այդ կոնֆլիկտի վրա ձեռները տաքացնելու համար: Ես անհնար եմ համարում նման բան:

Հայաստանի և Ռուսաստանի հարաբերություններն այսօր գտնվում են ամենաբարձր մակարդակի վրա, քան երբևէ եղել են։

Նայեք ՀՀ և ՌԴ ղեկավարների հանդիպումների, հեռախոսազանգերի, այցերի և այլնի դինամիկաները և համեմատեք նախորդող շրջանի հետ։ Ընդ որում, այս նույն ձևաչափով ես լիարժեք կապի մեջ եմ ՌԴ նախագահի հետ»,-ասաց նա։
     Նա նաև հայտնեց, որ Ռուսաստանի հետ ձեռք են բերվել ռազմավարական նշանակության պայմանավորվածություններ, որոնց ազդեցությունը շուտով զգալի կլինի:
     Նրանք, ովքեր ուզում են խաթարել Հայաստան-Ռուսաստան բարեկամությունը, էդ մարդիկ պարզապես «ինաստրաննի ագենտ են»:

«ԱՄՆ-ից ամենաբարձր մակարդակով ստացել ենք հավաստիացումներ, որ ԹՐԻՓՓ նախագիծն ինչպես եղել, այնպես էլ շարունակում է մնալ առաջնահերթություն Միացյալ Նահանգների համար»,- այս մասին ԱԺ-ում հայտարարեց վարչապետ Նիկոլ Փաշինյանը։

«ԹՐԻՓՓ-ի հետ կապված պրոցեսները ոչ միայն չեն դանդաղել, այլև արագացել են։ Երկու կողմերն էլ ցանկություն ունեն հնարավորինս ամենաարագ ժամկետներում դա իրականացնել»,- ընդգծեց Փաշինյանը։

Վարչապետ Նիկոլ Փաշինյանը ԱԺ-ում անդրադառնալով «Քաղաքացիական պայմանագիր» խմբակցության պատգամավոր Լիլիթ Մինասյանի դիտարկմանն այն մասին, որ «Ուժեղ Հայաստան» կուսակցության անդամները հայտարարում են՝ եթե Նիկոլ Փաշինյանը վերընտրվի, ՀՀ-ում տնտեսական պատերազմ է սկսվելու, ընդգծեց․ «Ինձ այդ խոսույթն ակնհայտ է դարձնում, որ գործ ունենք օտարերկրյա գործակալի հետ։ Փորձ է անում հրահրել ՀՀ-ՌԴ կոնֆլիկտ, էդ կոնֆլիկտի վրա ձեռները տաքացնելու համար։ Ես անհնար եմ համարում այդպիսի բանը։

2018-ին, 2021-ին հիշո՞ւմ եք ինչեր էին ասում․․․ Հայաստանի և Ռուսաստանի հարաբերություններն այսօր գտնվում են ամենաբարձր մակարդակի վրա․․․ Մենք ԵԱՏՄ անդամ երկիր ենք և 5 երկրներից մեկն ենք, որ որոշումներ է կայացնում։ Այդ մարդիկ, ովքեր սադրանքներ են անում, ուզում են ԵԱՏՄ-ն կաթվածահար անել, ուզում են ԵԱՏՄ-ն, որպես կազմակերպություն, ոչնչացնել, որպեսզի փրկեն իրենց ունեցվածքը, մեկ է, չեն փրկի։ Ավելի լավ է ԵԱՏՄ-ն սադրանքների մեջ չներքաշեն»։

«

ՔՊ-ական պատգամավոր Լիլիթ Մինասյանն ԱԺ-ում դիմեց Նիկոլ Փաշինյանին. «Ընդդիմության արհեստական առաջնորդներից մեկը մի ուղերձ էր հրապարակել, որում նշվում էր, որ ՀՀ-ն աղքատանալու է, քանի որ, եթե ընտրվի Նիկոլ Փաշինյանը, Հայաստանը տնտեսական պատերազմների մեջ է մտնելու Ռուսաստանի դեմ»:

«Ձեր նշած բազմաքաղաքացին ինքն իր մասին է խոսել, քանի որ ես կանխատեսում եմ, որ նա մինչև տարվա վերջ աղքատանալու է: Իրենից մեծ-մեծ պարտավորություններ որ ստանձնել է, դրանք չկատարելու արդյունքում իրա նոմինալ ունեցածն իր ձեռից առնվելու ա: Եվ նա իր կողմից կառավարվող բանի դարդն ա լացում: Հայաստանի Հանրապետությունում արդեն տեսաք` ինչ եղավ, ուրիշ տեղեր է′լ ավելի են լինելու»,- սպառնաց վարապետը:

Քաղաքական վերլուծաբան Միհրան Հակոբյանի ֆեյսբուքյան գրառումը․ «Գիտե՞ք՝ ինչու Քոչարյանի գլխավորած դաշինքը ոչ մի սոցիոլոգիական հետազոտությամբ 8 տոկոսի շեմը չի հաղթահարում: Որովհետև մարդիկ ապուշ չեն, որ կրկին անգամ քվեարկեն մեկին, ով խոստացել էր «կրել», բայց պարտվեց, ավելին՝ 5 տարի «բոքսի տանձիկ» աշխատեց Նիկոլի համար:
     Անշուշտ, ես հասկանում եմ, որ մի ամբողջ ժողովրդի ապուշի տեղ դնելու մենաշնորհը Նիկոլը հոր տնից չի բարել, բայց Քոչարյանի պարագայում իրավիճակը 10 անգամ ավելի խայտառակային է:
     Խայտառակային է, որովհետև բոլորի աչքի առաջ «կրած» Քոչարյանը 5 տարվա մեջ զբաղվել է 3 գործով՝ 5 տարիներից 2.5 տարին անցկացրել է Հունաստանում, յուրային մեդիաներին տարին 1-2 վերլուծական հարցազրույց է տվել ոչ մի բանի մասին (ներկա ստանալու համար) և իր աղբաբերան ռուսկախոս պառավների տելեգրամյան ալիքներով տարածել է, որ «Նիկոլին Սերժը բերեց» (թեև «Նիկոլ վարչապետ» ցույցերին իր ազգուտակն էր մասնակցում):
     Մենակ Մոսկվայում վեր ընկած Քոչարյանի շտաբի պետ Սողոմոնյան Վիկտորին կարող էր թվալ, որ նախորդ 5 տարիների Քոչարյանի այս անփառունակ գործունեությունը կարող է քաղաքական հետևանքներ չունենալ: Ավելին՝ մենակ մոսկվաբնակ կրետինին կարող էր թվալ, որ Նիկոլի «բոքսի տանձիկ» Քոչարյանը ձայներ խնդրելու համար դեռ երես ունի և պետք է անձամբ մասնակցի ընտրությանը:
     Իհարկե, այս ամենի մասին կարելի էր ընդհանրապես չխոսել, բայց չի կարելի չխոսել, երբ կա վերահաս վտանգ: Իսկ այդ վտանգը Ռոբերտ Քոչարյանն է, ով իր անձով չի կարողանալու հաղթահարել դաշինքի համար նախատեսված 8 տոկոսի շեմն ու այդ փոշիացված ձայներով վերարտադրելու է Նիկոլին:
     Հետևանքները, երևի հասկանում եք, թե ինչպիսին են լինելու…»։