ԱՄՆ-ն շատ մոտ է Իրանի դեմ գործողության ավարտին։ Այս մասին հայտարարել է ԱՄՆ նախագահ Դոնալդ Թրամփը։
«Կարծում եմ՝ ամեն ինչ մոտ է ավարտին։ Ես իրավիճակը համարում եմ շատ մոտ ավարտին։ Բայց մենք դեռ չենք ավարտել»,- ասել է նա՝ Fox News-ին տված հարցազրույցում։
Նա նաև հայտնել է, թե Իրանը հուսահատորեն ձգտում է ԱՄՆ-ի հետ գործարք կնքել:
ԱՄՆ-ն շատ մոտ է Իրանի դեմ գործողության ավարտին։ Այս մասին հայտարարել է ԱՄՆ նախագահ Դոնալդ Թրամփը։
«Կարծում եմ՝ ամեն ինչ մոտ է ավարտին։ Ես իրավիճակը համարում եմ շատ մոտ ավարտին։ Բայց մենք դեռ չենք ավարտել»,- ասել է նա՝ Fox News-ին տված հարցազրույցում։
Նա նաև հայտնել է, թե Իրանը հուսահատորեն ձգտում է ԱՄՆ-ի հետ գործարք կնքել:
ԱՄՆ-ն շատ մոտ է Իրանի դեմ գործողության ավարտին։ Այս մասին հայտարարել է ԱՄՆ նախագահ Դոնալդ Թրամփը։
«Կարծում եմ՝ ամեն ինչ մոտ է ավարտին։ Ես իրավիճակը համարում եմ շատ մոտ ավարտին։ Բայց մենք դեռ չենք ավարտել»,- ասել է նա՝ Fox News-ին տված հարցազրույցում։
Նա նաև հայտնել է, թե Իրանը հուսահատորեն ձգտում է ԱՄՆ-ի հետ գործարք կնքել:
«Հրապարակ»-ը գրում է․ «Թեև սկսվել է հունիսի 7-ի ընտրությունների առաջադրումների փուլը, սակայն իշխող «Քաղպայմանագրում» դեռ քննարկում են իրենց նախընտրական ցուցակը և հնարավոր է որոշակի փոփոխությունների ենթարկեն արդեն հրապարակված տարբերակը։ «Անձեռնմխելի» է համարվում առաջին 50 համարը:
Ի դեպ, օրենքի պահանջն է, որ առաջին 30-ը պետք է հաստատվի համագումարում, սակայն վարչությունը որոշել է, որ կարող են 50 համարից հետո գտնվողների միջեւ տեղափոխություններ կատարել։ Երկրորդ 50-յակում փոփոխությունը կարող է անել ՔՊ վարչությունը, իսկ 100-ից հետո որոշել են, որ Փաշինյանը միանձնյա է որոշելու` ով որտեղ լինի։
ՔՊ ներքին ընտրությունների արդյունքներով, շատ հայտնի ՔՊ-ականներ, պատգամավորներ հետին հորիզոնականներում են հայտնվել, թեպետ իրենց պոտենցիալով, գիտելիքներով անհամեմատ տարբերվում են, այսպես կոչված, առաջատարներից: Մեկը, օրինակ, գործող ԱԺ սոցիալական հարցերի հանձնաժողովի նախագահ Հերիքնազ Տիգրանյանն է՝ 96-րդ տեղում, կամ Մարիա Կարապետյանը և այլք։
Մեր տեղեկություններով, մինչև ապրիլի 17-ը վերջնական տեսքի կբերվի իշխող ուժի ցուցակը»։
«Ժողովուրդ» օրաթերթը գրում է. «Ադրբեջանը մտադրված է ակտիվորեն շահագործել Արցախի գրեթե բոլոր հանքերը։ Այդ մասին է վկայում Ադրբեջանի նախագահ Իլհամ Ալիևի ստորագրած վերջին կարգադրությունը՝ Ադրբեջանում լեռնահանքային և մետալուրգիական արդյունաբերության զարգացմանն ուղղված միջոցառումների մասին։ Փաստաթղթում շեշտվում է, որ այս ոլորտների զարգացումն Ադրբեջանի համար ռազմավարական նշանակություն ունի, և հատուկ ընդգծվում է նաև օկուպացված Արցախի այն հանքերի շահագործումը, որոնք ժամանակին կա՛մ չեն շահագործվել, կա՛մ լիարժեք չեն շահագործվել։
Թե ինչ հանքային պաշարներ ունի Արցախը, ինչն է արդեն շահագործվել և ինչի վրա կարող է կենտրոնանալ Ադրբեջանը, ներկայացրել է աշխարհագրական գիտությունների թեկնածու, դոցենտ Յուրի Առաքելյանը։ Նրա խոսքով՝ Արցախի ընդերքը չափազանց բազմազան է։ «Արցախի տարածքի երկրաբանական կառուցվածքի բազմազանության պատճառով բազմազան են օգտակար հանածոները։ Հանդիպում են մետաղական և ոչ մետաղական հանածոների հարուստ տեսականի։ Արցախի տարածքում չկան վառելիքի արդյունաբերական նշանակության հանքավայրեր։ Բացակայում են նավթի և գազի պաշարներ, որոնց այլընտրանքային տեսակ կարող է հանդիսանալ քարածխի որոշ երևակումներ։ Արցախի Հանրապետության տարածքում քարածխի շերտեր հայտնաբերված են յուրայի և կավճի նստվածքների որոշ կտրվածքներում՝ Մաղավուզի հանքավայրում, Նարեշտարի երևակում և Քոլատակի երևակում։ Չնայած տարածքի փոքրությանը՝ Արցախին բնորոշ են նաև մետաղական օգտակար հանածոները։ Ինչպես գիտեք, մետաղաձուլությունը Արցախում հայտնի է դեռ շատ վաղուց։ Այդ են վկայում Խծաբերդի, Մեհմանայի հնագույն ձուլարանները»։
Մանրամասները՝ թերթի համարում։
Երևան քաղաքում`
Ապրիլի 15-ի ցերեկը, 16-17-ին, 18-ի գիշերը սպասվում է առանց տեղումների եղանակ։ Ապրիլի 18-ի երեկոյան, 19-ին սպասվում է անձրև և ամպրոպ։
Հանրապետության տարածքում`
Ապրիլի 15-ի ցերեկը, 16-17-ին, 18-ի գիշերը սպասվում է առանց տեղումների եղանակ։ Ապրիլի 18-ի ցերեկը, 19-ին առանձին շրջաններում սպասվում է անձրև, հնարավոր է ամպրոպ։
Քամին` հյուսիսարևմտյան` 2-5 մ/վ:
Օդի ջերմաստիճանն ապրիլի 15-ի գիշերը կնվազի ևս 2-4 աստիճանով, 15-18-ի ցերեկային ժամերին աստիճանաբար կբարձրանա 8-12 աստիճանով։
Երևան քաղաքի ապրիլի 15-ի բազմամյա կլիմայական տվյալներ
Օդի առավելագույն ջերմաստիճան 28.8°C (2008թ.)
Օդի նվազագույն ջերմաստիճա – 0․7°C (2022թ.)
Օդի միջին օրական ջերմաստիճան 12.52°C
Եղանակի կանախատեսումներին կարող եք ծանոթանալ նաև այստեղ։
Փաստաբան, «Ուժեղ Հայաստան» կուսակցության անդամ Գոհար Մելոյանը ֆեյսբուքյան իր էջում գրել է․ «Մեր Գոհարն ու Վերժինեն ազատ են։
Շնորհակալություն բոլորիդ աջակցության, ապրումակցման համար։
Շնորհակալություն մեր առաջնագծի մարտիկներին՝ ԶԼՄ-ների ներկայացուցիչներին։
Սա ևս մեկ դրվագ էր մեր միասնականության ուժի մասին. երբ հանրությունը համերաշխ ու վճռական է, հաղթանակն անխուսափելի է։
Դատարանի կողմից կիրառվեց վարչական հսկողություն, մենք էլ շարունակում ենք մեր աննահանջ ճանապարհը դեպի Ուժեղ Հայաստան։
Կհանդիպենք ժամը՝ 12:00-ին, կրկին Հակակոռուպցիոն դատարանի մոտ, որտեղ կկայանա Սամվել Կարապետյանի նկատմամբ ապօրինի քրեական վարույթի առաջին դատական նիստը»։
Երևանի ավագանու «Մայր Հայաստան» խմբակցության անդամ Մեսրոպ Մանուկյանի ֆեյսբուքյան գրառումը՝ կից տեսանյութով․ «Սկսում ենք Նոր շարք.
. թե ո՞վքեր պետք է զբաղվեին մեր հայրենակիցների սոցիալական վիճակը բարելավելով․․․
. թե ի՞նչպես են ՔՊ-ականները հաղթահարել աղքատությունը իրենց գլխներում և ԳՐՊԱՆՆԵՐՈՒՄ․․․
. թե ի՞նչով պետք է զբաղվեին կոռուպցիա դեմ պայքարողները․․․
Հ․Գ․ Նախորդ տարի ԱԺ պատգամավոր Աննա Գրիգորյանի հետ Շիրակի մարզ այցելություններից և մարդկանց սոցիական ծանր վիճակին ծանոթանալուց հետո, փորձեցինք հասկանալ՝ արդյո՞ք ի պաշտոնե այս խնդրով զբաղվող պաշտոնյաները նույնպե՞ս ապրում են նույն պայմաններում․․․
Շիրակի մարզի ՔՊ-ականներին հաճելի դիտում»։
Քաղաքագետ Գարիկ Քեռյանի ֆեյսբուքյան գրառումը. «Հունգարական ընտրությունների արդյունքների առաջին միջազգային քաղաքական արձագանքները: Մոսկվայում Պեսկովը հայտարարեց, որ չեն պատրաստվում շնորհավորել նորընտիր վարչապետին, բայց շարունակելու են միջպետական հարաբերությունները: Հավանաբար հակառուսական հռետորաբանությունը, որ երևում էր նորաթուխ վարչապետի նախընտրական շրջանում, իր բացասական հետևանքներն ունենալու է հունգարացիների քսակի վրա: Նավթամուղն ու գազամուղը պարզ է, որ չեն գործի, էժան ռուսական էներգակիրներ չեն լինի, ինչի համար, որ պայքարում էր Օրբանը: Վաշինգթոնում շատ սառն են ընդունել լուրը: Սա հարված էր նաև Վենսի և հանրապետական վարչախմբի հեղինակությանը: Ցավակցում եմ ԵՄ ժողովրդին, նոր վարչապետը հայտարարեց, որ վերացնելու է Ուկրաինային տրվող 90 մլրդ դոլարի արգելքը: Գոտիները պետք է ձգեն: Եվրաբյուրոկրատները, հատկապես Ուրսուլան ցնծության մեջ են և ողջունում են ժողովրդավարության հաղթանակը: Սա նշանակում է, որ ԵՄ քաղաքական ուղեգիծը ավելի խորն է տարանջատվելու ԱՄՆ-ից, քանի դեռ Վաշինգթոնում իշխում է Թրամփը: Մեկ այլ կանխատեսում: Օրբանի պարտությունից շատ ոգևորություն է ապրում Զելենսկին: Կարելի է ենթադրել, որ, որ ռուս-ուկրաինական ճակատը կարող է ակտիվանալ: Այս հանգամանքը և իրանական ճգնաժամի խորացումը առժամանակ դեռ պասիվ են պահելու Կրեմլին հետխորհրդային տարածքում: Միաժամանակ բացառված չեն 90 մլրդ-ի հետ կապված տարաձայնությունները Մակրոնի, Մերցի, Մելոնիի և Սթարմերի միջև, որովհետև նրանք իրանական դեպքերից հետո շատ մտահոգված են էներգակիրների թանկացմամբ, հասկանալի է, որ ուկրաինական բեռը արդեն ծանր է նստում: Մակրոնն արդեն շեշտադրում է Պուտինի հետ բանակցելու անհրաժեշտության մասին: Այնպես, որ արմատական լիբերալներին շնորհավորելուց առաջ պետք է մտածել նաև յուրաքանչյուր երկրի ներքաղաքական իրադարձությունների միջազգային հետևանքների մասին: Սա այն է, ինչ որ անվանում են ներքին և արտաքին քաղաքական գործընթացների միահյուսում համաշխարհային ասպարեզում: Գրել եմ մեր հայ «կարկառուն հունգարագետների» համար, որոնք տևական ժամանակ է, որ օրբանացավով են տառապում»:
«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը․ «Ինչ վերաբերվում է Ռուսաստանի հայերի միույթան նախագահի քոչարյանական թեկնածու Վիկտոր Սողոմոնյանին, ապա մեծ տաղանդ պետք չէ ունենալ կանխատեսելու համար, թե ինչ է նա սարքելու այդ միությունից:
Ո՞վ է Վիկոր Սողոմոնյանը և ինչով է զբաղվել վերջին տարիների ընթացքում: Կամ ավելի կոնկրետ պետք է հասկանալ ինչ է կարողանում անել այդ մարդը, հետևաբար և ինչ է անելու հետագայում: Սողոմոնյանը տարիներ շարունակ ստեղծել է մեդիաներ, կեղծ և իրական տեղեկատվական խողովակներ, որոնք հիմնականում մեկ նպատակ են ունեցել՝ փնովել առանց բացառության բոլոր ընդդիմադիր ուժերին, ցեխ շպրտել աջ ու ձախ, որպեսզի այդ համատարած կղանքի մեջ Քոչարյանը լինի միակը, ով մակերևույթի վրա կմնա:
Այդպես էր, երբ Սրբազան պայքարի օրերին Վիկտորի քֆուրչիներն ամեն ինչ թողած սկսեցին ցեխոտել Թաթոյան Արմանին, որովհետև շուխուր էր ընկել, թե Բագրատ Սրբազանը նրա թեկնածությունն է առաջադրելու որպես վարչապետ: ՀՀԿ-ի ու անձամբ Սերժ Սարգսյանի հասցեին լուտանքները սկսվեցին 2021 թվականի ԱԺ ընտրություններից անմիջապես հետո: Սարգսյանին նույն քֆուրչիները սկսեցին մեղադրել Նիկոլ բերելու մեջ, որպեսզի իրենց միջոցով Նիկոլին լեգիտիմացնելուց հետո լռեցնեն իրենց հասցեին արդարացիորեն հնչող հարցերը: Նույն քայլերն անամոթաբար հիմա ձեռնարկում են Սամվել Կարապետյանի ուղղությամբ: Առաջին նախագահի և ՀՀՇ կուսակցության մասին էլ չասեմ: Սրանք նույնիսկ սեփական թիմակից համարվող Դաշնակցության հետ են հուդայաբար վարվել:
Ահա թե ով է Վիկտոր Սողոմոնյանը և ինչ անել գիտի նա: Հիմա ի՞նչ եք կարծում, Հայերի միության նախագահ դառնալով` նման մարդը փոխվելո՞ւ է, թե անելու է այն, ինչն ամենալավն է անում…
Ուրեմն հարցս այդ կառույցի մաս կազմող անդամներին, մասնավորապես գործարարներին, և նույնիսկ այն հայերին է վերաբերում, որոնք դեռ կառույցի հետ առնչություն չեն ունեցել. կարո՞ղ եք կանխատեսել` ինչ մեխանիզմներով են ձեզ շուտով «ներգրավելու» «հայանպաստ» ծրագրերի համար: Փորձեք կռահել»: