2023 թվականին Ադրբեջանի ռազմական բյուջեն կազմել է 3,1 մլրդ դոլար, 2024 թվականին՝ 3,7 մլրդ, 2025 թվականին՝ 4,9 մլրդ դոլար։ Ընդ որում, ընթացիկ տարվա բյուջեն կազմել է 5,1 մլրդ դոլար։ Այս մասին օգոստոսի 7-ին Ազգային ժողովի նիստում, ընդդիմությունից խորհրդարանի փոխնախագահ ընտրելու հարցի քննարկման ժամանակ, հայտնել է ընդդիմադիր «Ուժեղ Հայաստան» խմբակցության պատգամավոր Գառնիկ Դավթյանը։
Այսինքն, ինչպես նշել է պատգամավորը, ստացվում է, որ 2023-ից մինչև 2026 թվականն Ադրբեջանի ռազմական բյուջեն աճել է մոտ երկու անգամ։
Նա, մասնավորապես, համեմատել է Հայաստանի և Ադրբեջանի ռազմական բյուջեները։ Պատգամավորի խոսքով՝ 2025 թվականին Հայաստանի ռազմական բյուջեն կազմել է ընդամենը 1,74 մլրդ դոլար, ինչը, միաժամանակ, 20 տոկոսով ավելի է նախորդ տարվա ցուցանիշից։
«Իսկ 2026 թվականի ռազմական բյուջեն ոչ միայն չի ավելացել, այլև կրճատվել է։ Ընդ որում, այդ կրճատումը կազմում է մոտ 15 տոկոս։ Եվ ամենակարևորը, ինչն ինձ զարմացրեց, Հայաստանի Հանրապետության պաշտպանության նախարարի մեկնաբանությունն էր այս հարցի վերաբերյալ։ Ես միշտ զարմացել եմ, թե ինչպես է զարգանում մեր քաղաքական միտքը։ Այն երբեք հաշվի չի առնում Ադրբեջանից բխող սպառնալիքները։ Ինչո՞ւ, օրինակ, Ադրբեջանը, առաջնորդվելով նույն խաղաղության տրամաբանությամբ, հաշվի չի առել Հայաստանի բարի կամքը և չի կրճատել իր ռազմական բյուջեն», – ասել է ընդդիմադիր գործիչը։
Այսօր՝ օգոստոսի 7-ին, արտակարգ դեպք է տեղի ունեցել Գեղարքունիքի մարզում։ Ժամը 06:00-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Սևանի բաժնում օպերատիվ տեղեկություններ են ստացվել, որ Ծովազարդ բնակավայրի Անդրանիկի փողոցի տներից մեկում գտնվող գետնափոր շինությունում կենդանիների կողմից հոշոտված գառներ կան, հաղորդում է Shamshyan.com–ը։
Տեղում գառների տերը ոստիկաններին հայտնել է, որ առավոտյան ժամը 05:30-ի սահմաններում է գառներին հայտնաբերել սատկած, և դժվարանում է ասել, արդյոք գայլերը, թե թափառող շներն են հոշոտել գառներին։
Դեպքի փաստով ոստիկանության Սևանի բաժնում փաստաթղթեր են կազմվում։ Արդյոք Գեղարքունիքի մարզպետն ու Սևան խոշորացված համայնքի ղեկավարը օգնության ձեռք կմեկնեն սոցիալապես անապահով վիճակում գտնվող այս ընտանիքին, դեռևս հայտնի չէ։
Իրանի խորհրդարանի նախագահ Մոհամադ Բաղեր Ղալիբաֆը հայտարարել է, որ երկիրը չի տրվի ճնշման։
«Սպասվում է զանգվածային հարձակում… Սպասեք, կարևոր չէ, նրանք ցանկանում են բանակցել»։ Սա մաշված թատերական դիվանագիտություն է։
Վախեցնելու, խախտված խոստումների և կեղծ լուրերի օգտագործումը որպես լծակ՝ ձախողված ռազմավարություն է։ Ընդունեք փաստերը և կատարեք ձեր պարտավորությունները։ Մեզ այլևս թատրոն պետք չէ», — նշել է նա։
Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
ՀՀ կառավարությունը պատրաստակամություն է հայտնել պատասխանատու գերատեսչության միջոցով հանդիպում կազմակերպել Բաքվում ապօրինի պահվող Ռուբեն Վարդանյանի կնոջ՝ Վերոնիկա Զոնաբենդի հետ: NEWS.am-ի գրավոր հարցմանն ի պատասխան՝ գործադիրից հայտնել են, որ կապ է հաստատվել տիկին Զոնաբենդի հետ, և փոխանցվել են համապատասխան պաշտոնատար անձի կոնտակտային տվյալները՝ իրեն հարմար ժամանակ հանդիպումը կազմակերպելու համար:
Հիշեցնենք, որ Վերոնիկա Զոնաբենդը հուլիսի 8-ին բաց նամակով դիմել էր ՀՀ վարչապետ Նիկոլ Փաշինյանին՝ տեղեկացնելով կանանց միջազգային մարդասիրական պատվիրակության կազմում Բաքու մեկնելու իր մտադրության մասին: Հուլիսի 15-ին NEWS.am-ը գրավոր հարցմամբ դիմել էր կառավարությանը՝ պարզելու, թե արդյոք պատրաստվում են աջակցել տիկին Զոնաբենդին և միջազգային պատվիրակությանը այդ նախաձեռնության իրականացման գործում:
Բացի այդ, հաշվի առնելով, որ Կարմիր խաչի միջազգային կոմիտեն Բաքվում պահվող հայ գերիներին և պատանդներին վերջին անգամ այցելել էր նախորդ տարվա դեկտեմբերին, NEWS.am-ը հետաքրքրվել էր նաև, թե արդյոք ՀՀ կառավարությունը պատրաստվում է դիմել միջազգային գործընկերներին կամ կոնկրետ քայլեր ձեռնարկել՝ Ադրբեջանում պահվող հայերի հետ կանոնավոր մարդասիրական կապը, ընտանիքների հետ շփումը և միջազգային իրավապաշտպան կառույցների այցելությունները վերականգնելու ուղղությամբ:
Օգոստոսի 5-ին կառավարությունից պատասխանելով հարցմանը՝ հայտնել են, որ տեղեկացված են Վերոնիկա Զոնաբենդի կողմից բաց նամակով բարձրացված հարցերին:
«Հաշվի առնելով դրանց զգայունությունը, Կառավարությունը պատրաստակամություն է հայտնել պատասխանատու գերատեսչության միջոցով հանդիպում կազմակերպել տիկին Զոնաբենդի հետ՝ հասցեագրելու բարձրացված հարցերը, ինչպես նաև ներկայացնելու Ադրբեջանի Հանրապետությունում անազատության մեջ պահվող մեր հայրենակիցների վերադարձի, նրանց իրավունքների պաշտպանության ուղղությամբ իրականացվող քայլերն ու գործողությունները: Միաժամանակ հայտնում ենք նաև, որ կապ է հաստատվել տիկին Զոնաբենդի հետ, փոխանցվել են համապատասխան գերատեսչության անձի կոնտակտային տվյալները՝ իրեն հարմար ժամանակ հանդիպում կազմակերպելու նպատակով»,- ասված է կայքին ուղարկված պատասխանում:
Նշենք, որ պատասխանում հիշատակված համապատասպան գերատեսչությունը ՀՀ արտաքին գործերի նախարարությունն է:
Օգոստոսի 6-ին, առեղծվածային մահվան դեպք է տեղի ունեցել Շիրակի մարզում։ Ժամը 23:00-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Շիրակի մարզային վարչությունում օպերատիվ տեղեկություններ են ստացվել, որ Ջրառատ գյուղի գերեզմաններում դի կա, հաղորդում է Shamshyan.com–ը։
Տեղում պարզվել է, որ ստացված օպերատիվ տեղեկությունը հավաստի է, ապա դեպքի վայր ժամանած հանրապետական շտապօգնության Գյումրու ենթակայանի բժիշկների հերթապահ խումբը արձանագրել է տղամարդու մահը։
Քրեական ոստիկանները գերեզմանների մոտ հայտնաբերել են Շիրակի մարզի բնակիչ 70-ամյա Սամվել Ա.-ի դին, իսկ կողքին՝ հրազեն։
Դեպքի փաստով քննչական վարչությունում նախաձեռնվել է քրեական վարույթ, նշանակվել է դիակի դատաբժշկական փորձաքննություն։
Կայքի տեղեկություններով՝ դիակը հայտնաբերվել է մահացածի ծնողներից շիրիմների մոտ, ինչպես նաև նամակ, որում մասնավորապես գրված է․ «Ներս չմտնեք, ոչ մի բանի ձեռք չտաք զանգեք ոստիկանություն 02 համարին»։
Տեղի ունեցածը սպանություն է, ինքնասպանություն թե դժբախտ պատահար, պարզվում է։
Թուրքիայի նախագահ Ռեջեփ Թայիփ Էրդողանը մեկօրյա աշխատանքային այց կկատարի Սաուդյան Արաբիա և բանակցություններ կվարի թագավորության թագաժառանգ արքայազն Մուհամեդ բին Սալմանի հետ, հաղորդել են տեղական լրատվամիջոցները։
Սպասվում է նաև Թուրքիայի նախագահի հանդիպումը Պակիստանի վարչապետ Շահբազ Շարիֆի հետ։
Reuters-ի աղբյուրների տվյալներով՝ Թուրքիան, Սաուդյան Արաբիան և Պակիստանը կստորագրեն համատեղ համաձայնագիր պաշտպանության ոլորտում։
2025 թվականին Հայաստանում ընդունվել է օրենք Եվրոպական միությանն անդամակցելու գործընթացի մեկնարկի մասին, և նման օրենքի ընդունման ռազմավարական նպատակը մեր երկրի համար այլընտրանք ստեղծելն է։ Այս մասին օգոստոսի 7-ին Ղրղզստանում Եվրասիական միջկառավարական խորհրդի նիստում հայտարարել է Հայաստանի վարչապետ Նիկոլ Փաշինյանը։
Նրա խոսքով՝ Հայաստանն ի գիտություն է ընդունել ԵԱՏՄ չորս պետությունների ղեկավարների 2026թ. մայիսի 29-ի հայտարարությունը, որում աջակցություն է հայտնվել երկրի Եվրոպական միություն մտնելու հարցով Հայաստանում հանրաքվեի անցկացման գաղափարին։
«Մենք հասկանում ենք, որ Եվրասիական տնտեսական միությունում և Եվրոպական միությունում միաժամանակ անդամակցությունը հնարավոր չէ, սակայն նշված օրենքի ընդունման փաստը չի նշանակում, որ Հայաստանն այսօր հնարավորություն ունի դառնալու ԵՄ անդամ։
Երբ հեռանկարում Հայաստանը որակապես պատրաստ լինի ԵՄ անդամակցությանը, դա նույնպես չի նշանակի, որ մեր երկիրն ինքնաբերաբար կդառնա ԵՄ անդամ։
Դրա համար դեռևս անհրաժեշտ կլինեն ԵՄ անդամ պետությունների համաձայնությունը և Հայաստանի քաղաքացիների հավանությունը։
Մյուս կողմից՝ ակնհայտ է, որ անհնար է այս հարցը ներկայացնել Հայաստանի քաղաքացիների որոշմանը՝ առանց նախնական ինստիտուցիոնալ նախապատրաստական աշխատանքի։ Եվ նույնիսկ դրանից հետո անհրաժեշտ կլինի ԵՄ-ին դիմել Եվրոպական միությանն անդամակցելու պաշտոնական հայտով, ապա պետք է ստանալ ԵՄ-ին անդամակցելու թեկնածու պետության կարգավիճակ։
Առանց թվարկված փուլերի առնվազն մեծ մասն անցնելու՝ նշված հարցով հանրաքվե անցկացնելը կլինի ոչ բովանդակային և կնշանակի, որ մենք մեր քաղաքացիներից ակնկալում ենք մի հարցի պատասխանը, որն այս պահին պարզապես գոյություն չունի։ Դա կնշանակի, որ մենք ակնկալում ենք, թե Հայաստանի քաղաքացիները կընտրեն երկու այլընտրանքների միջև, որոնցից մեկը գոյություն չունի։
Դա կլինի անհարգալից վերաբերմունք մեր ժողովրդի նկատմամբ և գործնականում ոչ լեգիտիմ։
Ես շնորհակալ եմ իմ գործընկերներին Հայաստանի լեգիտիմ իրավունքը տարբեր գործընկերների հետ հարաբերություններ զարգացնելու և իր երկրի համար առևտրատնտեսական այլընտրանքներ ստեղծելու հարցում ճանաչելու համար։
Ավելին, ես նման մոտեցումն օգտակար եմ համարում ԵԱՏՄ-ի համար, քանի որ հնարավոր այլընտրանքների գոյությունը գործոն է, որը կնպաստի ԵԱՏՄ մրցունակության և գրավչության զարգացմանը։
Կարծում եմ՝ ոչ ոք չի ժխտի, որ այս իմաստով ԵԱՏՄ ներսում աշխատելու բան կա։ Մենք պատրաստ ենք և առաջարկում ենք աշխատել այդ ուղղությամբ։
Մյուս կողմից՝ պետք է նշեմ, որ Հայաստանի և Եվրոպական միության միջև ներկա հարաբերություններում չկան որևէ իրավական, տնտեսական կամ քաղաքական պարտավորություններ, որոնք կհակասեն ԵԱՏՄ ներսում և շրջանակներում մեր հարաբերությունների կարգավիճակին։
Հայաստանը ելնում է նրանից, որ Եվրասիական տնտեսական միությունը չպետք է դիտարկվի որպես սահմանափակումների տարածք։ ԵԱՏՄ անդամների փոխգործակցությունը երրորդ գործընկեր երկրների հետ չպետք է ընկալվի որպես զրոյական գումարով խաղ։
Հայաստանը հետևողականորեն հանդես է գալիս ԵԱՏՄ անդամ պետությունների իրավահավասարության և փոխշահավետ գործնական համագործակցության հետագա զարգացման օգտին։
ԵԱՏՄ-ն այնքան ավելի գրավիչ կլինի, որքան ավելի հետևողականորեն մենք կպահպանենք մեր իսկ պայմանավորվածությունները և կհարգենք միմյանց ինքնիշխան իրավունքները։ Հենց դրանում ենք մենք տեսնում վստահության, կայունության և երկարաժամկետ հաջողության հիմքը»,- նշել է Փաշինյանը։
Օգոստոսի 6-ի երեկոյան և օգոստոսի 7-ի առավոտյան Ռուսաստանի Դաշնության զինված ուժերը շարունակել են հարվածներ հասցնել ծովային նավերին, որոնք օգտագործվում էին Ուկրաինայի զինված ուժերի շահերի համար։ Այս մասին հայտնել է Ռուսաստանի պաշտպանության նախարարությունը։
Անօդաչու թռչող սարքերի հարվածներից Սև ծովի ջրատարածքում խոցվել են ռազմական նշանակության բեռներ տեղափոխող երեք բեռնատար նավեր։
Օգոստոսի 7-ին Երևանում շարունակվում է Հայաստանի նորընտիր Ազգային ժողովի նիստը։ Այն նվիրված է նոր խորհրդարանի ղեկավար մարմինների ձևավորմանը։
Այժմ քննարկվում է ընդդիմությունից Ազգային ժողովի փոխխոսնակի ընտրության հարցը։ «Ուժեղ Հայաստան» խմբակցությունն առաջադրել է Արամ Վարդևանյանի թեկնածությունը։
Նախօրեին «Ուժեղ Հայաստան» խմբակցության ղեկավար Նարեկ Կարապետյանը հայտարարել էր, որ այսօր ժամը 16:00-ին իրենք կլինեն Էջմիածնի դատարանի շենքի մոտ, որտեղ կմեկնարկի Ամենայն հայոց կաթողիկոս Գարեգին Բ-ի դատավարությունը։
Այսօրվա վերջին նիստին, որը պետք է սկսվի 16:30-ին, նույն պատճառով չի մասնակցի նաև «Հայաստան» խմբակցությունը։