️Կաթողիկոսի և 6 եպիսկոպոսների «գործով» դատավոր Հակոբ Մանուկյանը ինքնաբացարկ հայտնեց և հրաժարվեց գործը քննելուց: Այս մասին լրագրողների հետ զրույցում հայտնել է փաստաբան Արա Զոհրաբյանը։
Հիշեցնենք, որ դատական նիստն անցկացվեց դռնփակ և սկսվելուց մոտ 20 րոպե անց ավարտվեց։
Լուրը լրացվում է
Ամենայն Հայոց կաթողիկոս Գարեգին Երկրորդի և մի շարք բարձրաստիճան հոգևորականների դատավարությունն ընթանում է դռնփակ։ Այս որոշումը կայացրել է Արմավիրի մարզի ընդհանուր իրավասության առաջին ատյանի դատարանի դատավոր Հակոբ Մանուկյանը։
Նա իր որոշումը հիմնավորել է նրանով, որ քննվում են որոշ անձնական տվյալներ։ Դատավորը չի բացառել, որ հետագա փուլում գործընթացը կանցկացվի այլ ձևաչափով։ Այսպիսով, լրատվամիջոցները դուրս են հանվել դատական նիստերի դահլիճից։
Նշենք նաև, որ նիստը սկսվել է արքեպիսկոպոս Նաթան Հովհաննիսյանի բացակայությամբ։
Ինչպես հաղորդվել էր ավելի վաղ, մեղադրյալների թվում են արքեպիսկոպոս Նաթան Հովհաննիսյանը, արքեպիսկոպոս Հայկազուն Նաջարյանը, եպիսկոպոսներ Մուշեղ Բաբայանը, Հովնան Հակոբյանը, Մակար Հակոբյանը, Վահան Հովհաննիսյանը։
Լեհաստանի նախագահ Կարոլ Նավրոցկին հայտնել է, որ կառուցում է ամուր հարաբերություններ «ամենակարևոր դաշնակցի, ռազմավարական դաշնակցի՝ Ամերիկայի Միացյալ Նահանգների և նախագահ Դոնալդ Թրամփի հետ», հաղորդել են տեղի լրատվամիջոցները։
«Մեզ հաջողվել է ճանապարհ հարթել Լեհաստանում ամերիկյան զորքերի մշտական ներկայության համար։ Այժմ ամեն ինչ կախված է կառավարությունից, որին ես աջակցում եմ։ Մենք պետք է լրջորեն զբաղվենք Թրամփ ֆորտի կառուցման և Լեհաստանում ամերիկյան զորքերի մշտական ներկայության ապահովմամբ», — նշել է երկրի նախագահը։
Այսօր ավելի քան 500 մլն ՀՀ դրամի խնայողություն ունեցանք 25 հազար հատ էլեկտրոնային հաշվիչների ձեռքբերման մրցույթի արդյունքները ՀԷՑ-ում ամփոփելիս։ Այս մասին ֆեյսբուքյան իր էջում գրել է ՀԷՑ-ի ժամանակավոր կառավարիչ Ռոմանոս Պետրոսյանը:
«Ընդ որում, մրցույթի արդյունքում հաղթող ճանաչվեց «Տաշիր» ընկերությունների խմբի մաս կազմող այն նույն ընկերությունը, որը վերջին տարիներին «մենաշնորհային» մատակարարումներ էր անում ՀԷՑ-ին, սակայն այս անգամ «ստիպված էր» վերասակարկել մատակարարման գնի շուրջ, քանի որ բաց և թափանցիկ մրցութային գործընթացին այժմ արդեն մասնակցում էր ՀՀ-ում գործող մեկ այլ էներգատեխնիկական ոլորտի արտադրանք տվող հսկա ձեռնարկություն, ում մուտքն այս ոլորտ տարիներ ի վեր «փակ էր» ՀԷՑ-ի օրվա սեփականատերերի «թեթև ձեռամբ»։
Պետության կողմից լեգիտիմ միջամտության և ՀԷՑ-ի ժամանակավոր կառավարման մեկնարկից ի վեր, ըստ իս, սա ամենաակնառու և խոսուն փաստն է, որ վերահաստատում է ընթացիկ գործընթացների խիստ անհրաժեշտությունն ու արդարացվածությունը մեր երկրի ու ժողովրդի համար։
Հ.Գ. Նշեմ, որ 25 հազար հաշվիչների ձեռք բերման համար ՀԷՑ-ի տարեկան գնումների պլանով նախատեսված էր շուրջ 2մլրդ ՀՀ դրամ, իսկ մրցույթի նախահաշվային արժեքը սահմանված էր շուրջ 1,944մլրդ ՀՀ դրամ, ինչը նախորդ տարիներին նմանատիպ հաշվիչների ձեռք բերման միջինացված արժեքի հիման վրա է ձևավորվել Սակայն ՀԷՑ-ում գնումների թափանցիկության և մրցակցայնության ապահովման շնորհիվ նույն կազմակերպությունը վերասակարկման արդյունքում պատրաստակամություն հայտնեց՝ մատակարարելու նույն խմբաքանակը 1,430մլրդ ՀՀ դրամով և հաղթող ճանաչվեց։
Հ.Գ.Գ. Խնայված միջոցները վերաբաշխման արդյունքում կուղղվեն բաշխման ցանցի արդիականացման անհետաձգելի աշխատանքների իրականացմանը հաճախակի վթարներ ունեցող բնակավայրերից մեկում։
ՀԷՑ-ն այլևս ծառայում է մեր ժողովրդին»,- գրել է նա։
Եվրոպական միության՝ «Աջակցություն Հայաստանում վիզաների ազատականացման երկխոսությանը՝ սահմանային կառավարման, փաստաթղթերի անվտանգության և իրավապահ մարմինների բարեփոխումների ոլորտներում» ծրագրի շրջանակներում 2026 թվականի օգոստոսի 3–ից 7-ը ՀՀ ազգային անվտանգության ծառայության սահմանապահ զորքերի հրամանատար, գնդապետ Գարիկ Մուրադյանի գլխավորած պատվիրակությունը աշխատանքային այցով գտնվել է Լիտվայի Հանրապետությունում։
ԱԱԾ–ից NEWS.am–ին հայտնում են, որ այցի շրջանակներում ՀՀ ԱԱԾ սահմանապահ զորքերի պատվիրակությունը հանդիպում է ունեցել Լիտվայի Հանրապետության Ներքին գործերի նախարարության պետական սահմանապահ ծառայության հրամանատար, գեներալ Ռուստամաս Լյուբաևասի հետ։
Հանդիպման ընթացքում քննարկվել են երկու երկրների սահմանապահ գերատեսչությունների համագործակցությանն առնչվող հարցեր, ներկայացվել են Լիտվայի պետական սահմանապահ ծառայության կառուցվածքը, հիմնական խնդիրներն ու գործառույթները, ինչպես նաև սահմանային իրավիճակը և ծառայության կազմակերպման առանձնահատկությունները։
Այցի շրջանակում պատվիրակությունն այցելել է պետական սահմանապահ ծառայության Վիլնյուսի սահմանապահ շրջան, սահմանային անցակետեր, Վիլնյուսի օդանավակայանի սահմանային կայարան, ինչպես նաև պետական սահմանապահ ծառայության դպրոց և ավիացիոն վարչություն։
Այցերի ընթացքում ներկայացվել են սահմանապահների պատրաստման համակարգը, սահմանային վերահսկողության կազմակերպման առանձնահատկությունները, ավիացիոն ստորաբաժանումների գործունեությունը, ինչպես նաև պետական սահմանի պահպանության ընթացքում կիրառվող տեխնիկական միջոցներն ու ժամանակակից լուծումները։
Այցերի ընթացքում կողմերը քննարկել են սահմանային անվտանգության, սահմանային վերահսկողության կազմակերպման, անձնակազմի մասնագիտական պատրաստության, սահմանապահ ստորաբաժանումների տեխնիկական կարողությունների զարգացման և երկկողմ համագործակցության ընդլայնմանն առնչվող հարցեր։
Այցը գնահատվել է արդյունավետ և նպատակային՝ ապահովելով փորձի փոխանակման ու երկկողմ համագործակցության հետագա զարգացման համար անհրաժեշտ հիմքերը։ Կողմերը վերահաստատել են պատրաստակամությունը շարունակելու և զարգացնելու Հայաստանի Հանրապետության ազգային անվտանգության ծառայության սահմանապահ զորքերի և Լիտվայի Հանրապետության ներքին գործերի նախարարության պետական սահմանապահ ծառայության միջև ձևավորված համագործակցությունը՝ փոխադարձ հետաքրքրություն ներկայացնող ուղղություններով։
Հուլիսի սկզբից ռուսական հարձակումները ոչնչացրել են ուկրաինական բիզնեսի ավելի քան 400 000 քառակուսի մետր պահեստ և լոգիստիկ համալիրներ, հաշվարկել է Forbes Ukraine-ի վերլուծական բաժինը։
Տուժածների թվում են Fozzy Group-ը, Rozetka-ն, «Էպիցենտր»-ը, «Նովա պոշտա»-ն և հարյուրավոր ձեռնարկատերեր, որոնք ապրանքներ էին պահում խոշոր ընկերությունների ենթակառուցվածքում։
Այն պահին, երբ Ազգային ժողովում հնչում էին ելույթներ, և հիմա, երբ ես ինքս եմ ելույթ ունենում, մեր թիմակիցները գտնվում են Վաղարշապատ համայնքում՝ Ամենայն Հայոց կաթողիկոս Գարեգին II-ի դեմ դատական գործընթացին մասնակցելու վայրում։ Այս մասին Ազգային ժողովի նիստում, ընդդիմությունից խորհրդարանի փոխնախագահի ընտրության հարցի քննարկման ընթացքում, օգոստոսի 7-ին հայտնել է ընդդիմադիր «Ուժեղ Հայաստան» դաշինքի խորհրդարանական խմբակցության քարտուղար Տիգրան Աբրահամյանը։
Նա կոչ է արել ևս մեկ անգամ խորությամբ մտածել իր վերջին արտահայտության շուրջ՝ նշելով, որ եթե մի քանի տարի առաջ ինչ-որ մեկն իրեն նման բան ասեր, ինքը դա աբսուրդ կհամարեր։
«Ցավոք, այսօր մենք ունենք այս խայտառակ իրավիճակը», – ասել է Աբրահամյանը՝ ընդգծելով, որ այն ուղղված է ոչ միայն կաթողիկոսի, այլև հայ ժողովրդի հազարամյա պատմության դեմ։
Դրանից հետո «Ուժեղ Հայաստան» դաշինքի պատգամավորների մեծամասնությունը լքել է ԱԺ նիստերի դահլիճը և ուղևորվել Էջմիածին՝ կաթողիկոսին աջակցություն ցուցաբերելու համար։
12 տարի առաջ փոքր արտադրամասից իր ճանապարհը սկսած «Սմայլ Սվիթ»-ն այսօր դարձել է հայկական հրուշակեղենի շուկայում զարգացող արտադրողներից մեկը։ Ընկերության հաջողության ճանապարհի հիմքում որակի նկատմամբ հետևողական մոտեցումն է, նոր արտադրատեսակների ստեղծումն ու սպառողների վստահությունը։
Այսօր «Սմայլ Սվիթ»-ն արտադրում է մոտ 50 տեսակի թխվածքաբլիթ և հրուշակեղեն, իսկ ընկերության զարգացման հարցում առաջնորդվում է շուկայի ուսումնասիրությամբ, բարձրորակ հումքի ընտրությամբ և կայուն որակի ապահովմամբ։
«Սմայլ Սվիթ»-ում նշում են՝ այսուհետ ևս ընդլայնելու է արտադրական հնարավորությունները, ավելացնելու է ներկայությունը վաճառքի կետերում և ներկայացնելու նոր արտադրատեսակներ։
Հիմնադրման հենց սկզբից ընկերության գործընկերն է եղել Կոնվերս Բանկը՝ իր Converse Leasing պրոդուկտով, որի շրջանակում Բանկը տրամադրում է մինչև 1 մլրդ ՀՀ դրամի/համարժեք արտարժույթի չափով ֆինանսավորում՝ առավելագույնը 84 ամիս ժամկետով:
Ընկերությունում վստահեցնում են, որ առաջիկայում ներկայացնելու են շուկայում նորույթ հանդիսացող նոր տեսականի: Իսկ զարգացման և ընդլայնման ճանապարհին «Սմայլ Սվիթ»-ի գործընկերը շարունակելու է մնալ Կոնվերս Բանկը՝ աջակցելով բիզնեսի աճի և նոր նպատակների իրականացմանը։
Տեսանյութն՝ այստեղ
conversebank.am, 010 511 211
Կոնվերս Բանկը վերահսկվում է ՀՀ ԿԲ կողմից: