Category: News.am

Գարեգին Երկրորդ կաթողիկոսը եկել է Էջմիածնի դատարանի շենք։ Բակում հավաքվածները կաթողիկոսին ողջունել են ծափահարություններով և «Վեհափառ» վանկարկումներով։

Հիշեցնենք, որ այսօր Էջմիածնում սկսվում է դատական գործընթացը Ամենայն Հայոց կաթողիկոս Գարեգին Երկրորդի և վեց արքեպիսկոպոսների ու եպիսկոպոսների դեմ։ Գործը կքննի Արմավիրի մարզի ընդհանուր իրավասության առաջին ատյանի դատարանի դատավոր Հակոբ Մանուկյանը։

Մեղադրյալների թվում են արքեպիսկոպոս Նաթան Հովհաննիսյանը, արքեպիսկոպոս Հայկազուն Նաջարյանը, եպիսկոպոսներ Մուշեղ Բաբայանը, Հովնան Հակոբյանը, Մակար Հակոբյանը, Վահան Հովհաննիսյանը։

Այժմ Ուկրաինան պաշտպանում են մոտ 16 հազար օտարերկրյա կամավորներ աշխարհի առնվազն 72 երկրից։ Այս մասին հաղորդել է ռազմական օմբուդսմեն Օլգա Ռեշետիլովան Ուկրաինայի արտասահմանյան դիվանագիտական հաստատությունների ղեկավարների խորհրդակցության ընթացքում։

«Այսօր Ուկրաինան պաշտպանում են մոտ 16 հազար օտարերկրյա կամավորներ աշխարհի առնվազն 72 երկրից։ Նրանց գրեթե 40 տոկոսը Լատինական Ամերիկայի երկրների քաղաքացիներ են», — նշել է նա։

Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։

Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։

Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։

Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։

Յալթայում հայտարարվել է անանձնակազմ նավակների վտանգ։ Այդ մասին հայտնել է Ռուսաստանի ԱԻՆ-ը։

Մոտակայքում գտնվող քաղաքացիներին կոչ են արել հեռանալ ափից և պահպանել հանգստություն, հաղորդել է «ՌԻԱ Նովոստին»։ 

Ինչպես հաղորդել է «Крымский ветер» թելեգրամ-ալիքը, գրոհի է ենթարկվել Յալթայի նավահանգիստը։

Օգոստոսի 3-ին կայացած Դիլիջան համայնքի ավագանու արտահերթ նիստում ընդունվել է որոշում՝ Դիլիջան համայնքի տարածքում գործող բոլոր ուսումնական հաստատություններ հաճախող աշակերտների և ուսանողների ներհամայնքային ուղևորափոխադրումների վճարների համար կիրառել զրոյական դրույքաչափ։ Այդ մասին NEWS.am–ին հայտնում են Դիլիջանի համայնքապետարանից:

Որոշումն ընդունվել է ավագանու 12 կողմ ձայնով և ուժի մեջ կմտնի 2026 թվականի սեպտեմբերի 1-ից։

Այսպիսով, նոր ուսումնական տարվանից Դիլիջան համայնքի քաղաքային և գյուղական բնակավայրերից ուսումնական հաստատություններ հաճախող աշակերտներն ու ուսանողները կկարողանան օգտվել ներհամայնքային տրանսպորտից անվճար՝ անկախ բնակության վայրից։

Որոշման նպատակն է աջակցել համայնքի երեխաներին և երիտասարդներին՝ ապահովելով նրանց համար ավելի հասանելի և մատչելի տեղաշարժ, ինչպես նաև նպաստել կրթական գործընթացի արդյունավետ կազմակերպմանը։

ՀՀ քննչական կոմիտեի նախագահ Արթուր Պողոսյանի հրամանով իրականացվել են կառուցվածքային փոփոխություններ՝ ուղղված ծանրաբեռնվածության օպտիմալացմանը, աշխատանքային ռեսուրսների ճիշտ բաշխմանը և քննչական գործընթացների արտադրողականության էական բարձրացմանը: Այս մասին տեղեկացնում են ՔԿ-ից:

Մասնավորապես՝ Քննչական կոմիտեի կազմում ձևավորվել է երկրորդ կայազորային քննչական բաժինը, իսկ միջազգային հարցումների ապահովման բաժինը վերակազմավորվել է միջազգային համագործակցության վարչության:

Այսպիսով, երկրորդ կայազորային քննչական բաժնի ստեղծումը պայմանավորված է Քննչական կոմիտեի կազմում գոյություն ունեցող կայազորային քննչական ստորաբաժանումների աշխատանքային ծանրաբեռնվածությամբ, ինչպես նաև զինվորական հանցագործությունների վերաբերյալ քրեական վարույթների՝ ողջամիտ ժամկետում և պատշաճ քննության անհրաժեշտությամբ: 

Երկրորդ կայազորային քննչական բաժինը տեղակայվելու է Արարատի մարզի Վեդի քաղաքում:

Անդրադառնալով միջազգային համագործակցության վարչության վերակազմավորման անհրաժեշտությանը՝ հարկ է նշել, որ անդրազգային հանցագործությունների աճով պայմանավորված՝ վերջին շրջանում ավելացել էր միջազգային իրավական օգնության հարցումների և գործընկեր պետությունների հետ համատեղ աշխատանքի ծավալը, ինչի հետևանքով նախկին բաժնի հաստիքային և կառուցվածքային սահմանափակումները հանգեցնում էին գերծանրաբեռնվածության: 

Արդյունքում՝ վարչության վերակազմավորմամբ հնարավորություն է ընձեռվում հստակորեն տարանջատելու գործառույթները, ապահովելու միջազգային հարցումների մշակման առավել բարձր արտադրողականություն և օպերատիվություն: Փոփոխությունն ուղղված է արտերկրի գործընկերների և միջազգային կառույցների հետ փոխգործակցության ընդլայնմանն ու ինստիտուցիոնալ կարողությունների հզորացմանը:

ԱՄՆ նախագահ Դոնալդ Թրամփի վարչակազմը վիզաներ տրամադրելիս նախատեսում է ստուգել լրագրողների սոցիալական ցանցերի օգտահաշիվները։ Ինչպես հայտնել է The Daily Signal պորտալը՝ հղում կատարելով կառավարության ներքին փաստաթղթերին, վիզայի դիմորդների որոշ կատեգորիաներ, այդ թվում՝ օտարերկրյա լրագրողները, պետք է իրենց Instagram, Facebook և X պրոֆիլները դարձնեն բոլորին հասանելի, այսինքն՝ «մասնավոր» հաշիվները փոխեն «բաց» հաշիվների։

Այս ծրագրերի պաշտոնական հաստատում առայժմ չկա։ Սակայն Սպիտակ տան մամուլի քարտուղար Քերոլայն Լևիթը X-ում տեղադրել է The Daily Signal-ի հաղորդագրությունը, թեև՝ առանց ուղիղ հաստատման։ ԱՄՆ պետդեպարտամենտը նույնպես առայժմ մանրամասներ չի բացահայտել։

Հարցմանն ի պատասխան՝ նրա ներկայացուցիչը հայտնել է. «Խոսքն այն մասին է, որ դիմորդները ԱՄՆ օրենսդրության համաձայն ապացուցեն վիզա ստանալու իրենց իրավունքը, և որ ապահովվի, որ ոչ մի անձ վտանգ չներկայացնի Միացյալ Նահանգների անվտանգության համար»։

Արդեն այսօր ԱՄՆ վիզաների որոշ կատեգորիաների դիմորդները, օրինակ՝ ուսանողական վիզաների համար, պարտավոր են բացահայտել իրենց առցանց օգտահաշիվները։ Այսպիսով, այժմ այս պրակտիկան կարող է տարածվել նաև այլ կատեգորիաների վրա, փոխանցել է Bild-ը։

Անցյալ ամիս Թրամփի վարչակազմը նաև հայտնել էր, որ կսահմանափակի օտարերկրյա լրագրողների և ուսանողների գտնվելու տևողությունը։ Ուսանողական վիզաները կտրվեն առավելագույնը չորս տարի ժամկետով, իսկ օտարերկրյա լրագրողների համար վիզաները՝ առավելագույնը 240 օրով (երկարաձգման դիմում ներկայացնելու հնարավորությամբ)։

Զբոսաշրջիկների համար նույնպես շուտով կարող են ավելի խիստ կանոններ սահմանվել։ Ըստ ԱՄՆ կառավարության ծրագրերի, որոնց մասին հայտնի էր դարձել այս տարվա սկզբին, նրանց ևս կարող են պարտավորեցնել բացահայտել սոցիալական ցանցերից օգտվելու վերաբերյալ տեղեկությունները։

Հոգևորականին ավազանի անունով դիմելը պարզապես անքաղաքավարություն չէ, այլ փաստարկների ու արժանապատվության իսպառ բացակայության պայմաններում գործի դրվող գռեհկություն է։ Այս մասին Facebook–ի իր էջում գրել է Մայր Աթոռի տեղեկատվական համակարգի տնօրեն Տեր Եսայի Արթենյանը։

Նա, մասնավորապես, նշել է. «Հայ Առաքելական Սուրբ Եկեղեցու կանոնի և հազարամյա ավանդության համաձայն՝ ձեռնադրության և օծման Սուրբ Խորհրդով հոգևորականը հրաժարվում է աշխարհիկ կյանքից ու իր ավազանի անունից՝ վերածնվելով որպես Քրիստոսի և Սուրբ Եկեղեցու սպասավոր։ Տրված նոր անունը նոր հոգևոր ինքնության, Աստծուն անմնացորդ նվիրումի և հոգևոր սպասավորության կնիքն է։

Այս դատապարտելի երևույթը`

Արհամարհանք է Սուրբ Խորհրդի հանդեպ։ Հոգևորականին միտումնավոր իր ավազանի անունով կոչելը կամ հանրային խոսքում այդպես հիշատակելը բացահայտ անհարգալից վերաբերմունք է ոչ միայն հոգևոր սպասավորի, այլև Եկեղեցու Սուրբ Խորհրդի, հոգևոր կոչման և հավատացյալ ժողովրդի նկատմամբ։

Բարոյական անկման վկայություն է։ Նման պահվածքը խոսում է ոչ թե հոգևորականի, այլ այդ արտահայտությունը թույլ տվողի մտահոգիչ բարոյական կերպարի և տարրական բարեկրթության բացակայության մասին։

Հանրային խոսքի պատասխանատվության բացակայություն է։ Անկախ ամեն ինչից՝ հանրային խոսքը սկսվում է տարրական բարեկրթությունից ու անձի հոգևոր կոչումը հարգելուց։

Եկեղեցու սպասավորին թիրախավորելն ու էժանագին պիտակավորումները խոսում են ոչ թե «համարձակության», այլ մարդու բարոյական սնանկության մասին։ Հարգանքը հոգևոր արժեքների հանդեպ մեր հասարակության հայելին է. մի՛ կոտրեք այդ հայելին՝ սեփական անգրագիտությունն ու չարությունը քողարկելու համար»։

Նշենք, որ այսօր՝ օգոստոսի 7–ին, ԱԺ–ում ՔՊ–ական պատգամավորները Ամենայն Հայոց կաթողիկոսի մասին խոսելիս օգտագործեցին ավազանի անունը, որին ընդդիմադիր պատգամավորներն արձագանքեցին ի նշան բողոքի սեղաններին հարվածելով։