Category: Oragir.news

«Ժողովուրդ» օրաթերթը գրում է.

««Ժողովուրդ» օրաթերթի աղբյուրները փոխանցում են, որ ՀՀ բարձր տեխնոլոգիաների նախարար Մխիթար Հայրապետյանին իշխանությունները դիտարկում են Հայաստանի ֆուտբոլի ֆեդերացիայի նախագահի պաշտոնում «գործուղելու» տարբերակով։

Ըստ նույն աղբյուրների՝ իշխանությունները փորձում են ֆեդերացիա ուղարկել մի անձի, ով կկարողանա փրկել խորացող ճգնաժամային իրավիճակը հայկական ֆուտբոլում։

Այս ֆոնին առավել արդիական է դառնում հարցը՝ ո՞վ է այսօր ղեկավարում ՀՖՖ-ն, և ինչու է նրա շուրջ դժգոհությունը չի մարում։

Այս պահին Հայաստանի ֆուտբոլի ֆեդերացիան ղեկավարում է Արմեն Մելիքբեկյանը, ով այդ պաշտոնում է 2019 թվականից։

Նա վերընտրվել է նաև 2023 թվականին՝ չնայած աճող քննադատություններին, ինչը ավելի է խորացրել անվստահության մթնոլորտը ֆուտբոլային շրջանակներում։

Հայաստանի ազգային հավաքականի խաղը շարունակում է հիասթափեցնել երկրպագուներին։ Տարիների ընթացքում շոշափելի առաջընթաց չի արձանագրվել, իսկ պարտությունները դարձել են սովորական երևույթ։

Հայաստանի առաջատար ակումբներից «Փյունիկ»-ը բացահայտ հակասության մեջ է ՀՖՖ ղեկավարության հետ։ Ակումբը բազմիցս մեղադրել է ֆեդերացիային՝
• ոչ արդյունավետ կառավարման
• ընտրովի մոտեցումների
• մրցակցային հավասար պայմանների խախտման մեջ
Այս հակասությունները հասել են նույնիսկ իրավական հարթակ։
Հայկական ֆուտբոլի ակտիվ երկրպագուները՝ մասնավորապես ֆան շարժումները, պահանջում են ՀՖՖ նախագահի հրաժարականը։ Նրանց գնահատմամբ՝ խոստացված բարեփոխումները չեն իրականացվել, իսկ համակարգը մնացել է նույնը։

Ֆուտբոլային համակարգում առկա խնդիրները ստիպում են իշխանություններին մտածել փոփոխությունների մասին։
Այս համատեքստում Մխիթար Հայրապետյանի անունը շրջանառվում է որպես հնարավոր «ճգնաժամային մենեջերի», ով կարող է փորձել վերականգնել համակարգը։

Հայաստանի ֆուտբոլի ֆեդերացիան այսօր կանգնած է լուրջ մարտահրավերների առաջ։
Արմեն Մելիքբեկյանի ղեկավարության տարիներին կուտակված խնդիրները դեռևս լուծում չեն ստացել, իսկ դժգոհությունը միայն աճում է։

Մենք Հայրապետյանի ՀՖՖ նախագահի պաշտոնում նշանակելու հետ կապված հարց ուղղեցինք նախարարի մամուլի քարտուղարին, ով կարճ արձագանքեց. «Նախարարը այդ պաշտոնում հավակնություն չունի»»։

Մանրամասները՝ «Ժողովուրդ» օրաթերթի այսօրվա համարում:

Ուրբաթ՝ ապրիլի 10-ին Երևանում սպասվում է անձրևային եղանակ։ Առավոտյան ժամերին կդիտվեն կարճատև անձրևներ, օդի ջերմաստիճանը կլինի +7…+11 աստիճան։

Կեսօրին անձրևները կշարունակվեն, ջերմաստիճանը կհասնի +12…+14 աստիճանի։

Երեկոյան ժամերին սպասվում է անձրև, օդի ջերմաստիճանը կլինի +10…+14 աստիճան։

Քամին կլինի թույլից թարմ՝ հարավային և հարավ-արևելյան ուղղության՝ 1-9 մ/վ արագությամբ, առանձին ժամերին հնարավոր է ուժգնացում մինչև 15 մ/վ։

Մթնոլորտային ճնշումը կկազմի 671-673 մմ սնդիկի սյուն, օդի հարաբերական խոնավությունը՝ 56-85%։

Արևածագը՝ 06:32, մայրամուտը՝ 19:36։ Լուսնի փուլը՝ վերջին եռամսյակ։

Ուրբաթ՝ ապրիլի 10-ին Երևանում սպասվում է անձրևային եղանակ։ Առավոտյան ժամերին կդիտվեն կարճատև անձրևներ, օդի ջերմաստիճանը կլինի +7…+11 աստիճան։

Կեսօրին անձրևները կշարունակվեն, ջերմաստիճանը կհասնի +12…+14 աստիճանի։

Երեկոյան ժամերին սպասվում է անձրև, օդի ջերմաստիճանը կլինի +10…+14 աստիճան։

Քամին կլինի թույլից թարմ՝ հարավային և հարավ-արևելյան ուղղության՝ 1-9 մ/վ արագությամբ, առանձին ժամերին հնարավոր է ուժգնացում մինչև 15 մ/վ։

Մթնոլորտային ճնշումը կկազմի 671-673 մմ սնդիկի սյուն, օդի հարաբերական խոնավությունը՝ 56-85%։

Արևածագը՝ 06:32, մայրամուտը՝ 19:36։ Լուսնի փուլը՝ վերջին եռամսյակ։

ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է․

«Իշխանության գլխավոր ասելիքն ու անելիքն այս ընտրական փուլում ինքնարդարացումն ու հակառակորդների վարկաբեկումն է։

Ի՞նչ խոստում կարող է տալ մի իշխանություն, որի ութ տարվա գործունեության հիմքում սուտն ու կեղծիքն են, պատերազմներն ու պարտությունները, զոհերն ու ավերածությունները:

Դրա համար էլ ողջ ջանքերը ուղղված են ընդդիմադիր ուժերին ու գործիչներին լկտիության, վիրավորանքի և զրպարտության միջոցով հարձակումների ենթարկելուն»։

ԱՄՆ-ում ՀՀ դեսպանությունն իրազեկում է, որ հյուպատոսական հարցերով ընդունելությունն իրականացվում է միայն նախապես ամրագրված այցերի հիման վրա։

Ընդունելության ժամերը՝ երկուշաբթիից հինգշաբթի՝ 09:30-13:00։

«Այց ամրագրելու համար անհրաժեշտ է մուտք գործել դեսպանության պաշտոնական կայքէջ՝ https://usa.mfa.am/hy/ և հիմնական մենյուից սեղմել՝ «Ամրագրել ժամադրություն»։

Բացվող պատուհանում ընտրել Ձեզ անհրաժեշտ ծառայությունը, այդ թվում՝

Անձնագրի տրամադրում / փոխանակում
Մուտքի արտոնագրի տրամադրում
Վերադարձի վկայականի տրամադրում
Նոտարական ծառայություններ
Տեղեկանքների տրամադրում
Ընտրելով համապատասխան ծառայությունը՝ կարող եք ամրագրել ազատ ժամ և լրացնել անհրաժեշտ տվյալները (անուն, ազգանուն, ծննդյան ամսաթիվ, էլ. հասցե, հեռախոսահամար)։

Հարկ է նկատի ունենալ, որ հյուպատոսական ծառայությունների և կատարվող գործողությունների համար գանձվող պետական տուրքը կարող եք վճարել բացառապես օնլայն` E-Payments համակարգի միջոցով՝ https://www.mfa.am/hy/fees/

Հյուպատոսական հարցերով կարող եք ստանալ խորհրդատվություն նաև զանգի կամ էլեկտրոնային փոստին հաղորդագրություն գրելու միջոցով՝

հեռախոսազանգն աշխատանքային օրերին՝ ժամը 14:30–16:30
հեռ.` +1 (202) 319-1976 (0 կամ 1)

էլեկտրոնային փոստ՝

[email protected] (անհրաժեշտ է նշել հարցը, անունը, ազգանունը և հեռախոսահամարը)»,- ասվում է հաղորդագրության մեջ։

Հայաստանը Հարավային Կովկասում Ղազախստանի համար քաղաքական և առևտրատնտեսական հուսալի գործընկեր է։

Այդ մասին այսօր ՀՀ ԱԳ նախարար Արարատ Միրզոյանի հետ ընդլայնված կազմով՝ երկու երկրների պատվիրակությունների մասնակցությամբ հանդիմանն ասել է Ղազախստանի ԱԳ նախարար Երմեկ Կոշերբաևը:

Տեղեկությունը հայտնում է ՀՀ արտաքին գործերի նախարարության մամուլի ծառայությունը։

ՀՀ ԱԳ նախարար Միրզոյանն իր հերթին նշել է, որ տրանսպորտային և լոգիստիկ ենթակառուցվածքների հետագա զարգացման ուղղությամբ համատեղ ջանքերը, այդ թվում՝ ՀՀ կառավարության «Խաղաղության խաչմերուկ» նախաձեռնության տրամաբանությամբ, կնպաստեն տարածաշրջանի տնտեսական ներուժի լավագույնս իրացմանը և միջտարածաշրջանային համագործակցության ամրապնդմանը։

«Հայաստանը մեծ կարևորություն է տալիս Կենտրոնական Ասիայի և հատկապես Ղազախստանի հետ փոխգործակցության հետևողական զարգացմանը փոխադարձ հետաքրքրություն ներկայացնող բոլոր ուղղություններով, այդ թվում՝ առևտրատնտեսական և ներդրումային ոլորտներում։ Այս համատեքստում կարևորում ենք առկա մեխանիզմների արդյունավետ կիրառումը, այդ թվում՝ տնտեսական համագործակցության միջկառավարական հանձնաժողովի և այլ համատեղ ձևաչափերի շրջանակներում»,– ասել է Միրզոյանը։

Նա նաև ընդգծել է, որ Հայաստանը հավատարիմ է Հարավային Կովկասում խաղաղության օրակարգին, արժևորում է այս ուղղությամբ գործադրվող ջանքերին աջակցելու Ղազախստանի պատրաստակամությունը։

ԱԳ նախարարը վերահաստատել է Հայաստանի պատրաստակամությունը՝ շարունակելու Ղազախստանի հետ հաստատված փոխշահավետ համագործակցությունը, որը համապատասխանում է երկու ժողովուրդների և պետությունների շահերին։

ՀՀ ԱԳՆ մամուլի ծառայությունից տեղեկացնում են, որ հանդիպմանը քննարկվել են նաև Հայաստանի և Ղազախստանի միջև ռազմավարական գործընկերության զարգացմանն ուղղված նախաձեռնությունները, այդ թվում՝ միտված երկու երկրների միջև առևտրատնտեսական հարաբերությունների ու գործարար կապերի խթանմանը:

Հայաստանը Հարավային Կովկասում Ղազախստանի համար քաղաքական և առևտրատնտեսական հուսալի գործընկեր է։

Այդ մասին այսօր ՀՀ ԱԳ նախարար Արարատ Միրզոյանի հետ ընդլայնված կազմով՝ երկու երկրների պատվիրակությունների մասնակցությամբ հանդիմանն ասել է Ղազախստանի ԱԳ նախարար Երմեկ Կոշերբաևը:

Տեղեկությունը հայտնում է ՀՀ արտաքին գործերի նախարարության մամուլի ծառայությունը։

ՀՀ ԱԳ նախարար Միրզոյանն իր հերթին նշել է, որ տրանսպորտային և լոգիստիկ ենթակառուցվածքների հետագա զարգացման ուղղությամբ համատեղ ջանքերը, այդ թվում՝ ՀՀ կառավարության «Խաղաղության խաչմերուկ» նախաձեռնության տրամաբանությամբ, կնպաստեն տարածաշրջանի տնտեսական ներուժի լավագույնս իրացմանը և միջտարածաշրջանային համագործակցության ամրապնդմանը։

«Հայաստանը մեծ կարևորություն է տալիս Կենտրոնական Ասիայի և հատկապես Ղազախստանի հետ փոխգործակցության հետևողական զարգացմանը փոխադարձ հետաքրքրություն ներկայացնող բոլոր ուղղություններով, այդ թվում՝ առևտրատնտեսական և ներդրումային ոլորտներում։ Այս համատեքստում կարևորում ենք առկա մեխանիզմների արդյունավետ կիրառումը, այդ թվում՝ տնտեսական համագործակցության միջկառավարական հանձնաժողովի և այլ համատեղ ձևաչափերի շրջանակներում»,– ասել է Միրզոյանը։

Նա նաև ընդգծել է, որ Հայաստանը հավատարիմ է Հարավային Կովկասում խաղաղության օրակարգին, արժևորում է այս ուղղությամբ գործադրվող ջանքերին աջակցելու Ղազախստանի պատրաստակամությունը։

ԱԳ նախարարը վերահաստատել է Հայաստանի պատրաստակամությունը՝ շարունակելու Ղազախստանի հետ հաստատված փոխշահավետ համագործակցությունը, որը համապատասխանում է երկու ժողովուրդների և պետությունների շահերին։

ՀՀ ԱԳՆ մամուլի ծառայությունից տեղեկացնում են, որ հանդիպմանը քննարկվել են նաև Հայաստանի և Ղազախստանի միջև ռազմավարական գործընկերության զարգացմանն ուղղված նախաձեռնությունները, այդ թվում՝ միտված երկու երկրների միջև առևտրատնտեսական հարաբերությունների ու գործարար կապերի խթանմանը:

ISNA լրատվական գործակալությունը հաղորդել է, որ Իրանի պատվիրակությունը Միացյալ Նահանգների հետ բանակցություններում կգլխավորի խորհրդարանի խոսնակ Մոհամմադ Բաղեր Ղալիբաֆը։

Գործակալության տվյալներով՝ ամերիկյան պատվիրակությունը կգլխավորի ԱՄՆ փոխնախագահ Ջ.Դ. Վենսը։ Այս մասին նախկինում հաղորդել էր CNN-ը։ Հեռուստաալիքի տվյալներով՝ ամերիկյան կողմից բանակցություններին կմասնակցեն նաև նախագահ Թրամփի հատուկ բանագնաց Սթիվ Ուիթքոֆը և գործարար Ջարեդ Քուշները։ Իրանի Ազգային անվտանգության գերագույն խորհուրդը հայտարարել է, որ հանդիպումը տեղի կունենա ապրիլի 10-ին Պակիստանի Իսլամաբադ քաղաքում։

Դոնալդ Թրամփը հաստատել է, որ ամերիկյան կողմը պատրաստ է երկու շաբաթով դադարեցնել Իրանի դեմ հարվածները։ Նա հայտարարել է, որ Թեհրանն ու Վաշինգտոնը առաջընթաց են գրանցել խաղաղ կարգավորման ուղղությամբ, և համաձայնագիրը կավարտվի այդ երկու շաբաթվա ընթացքում։

ISNA լրատվական գործակալությունը հաղորդել է, որ Իրանի պատվիրակությունը Միացյալ Նահանգների հետ բանակցություններում կգլխավորի խորհրդարանի խոսնակ Մոհամմադ Բաղեր Ղալիբաֆը։

Գործակալության տվյալներով՝ ամերիկյան պատվիրակությունը կգլխավորի ԱՄՆ փոխնախագահ Ջ.Դ. Վենսը։ Այս մասին նախկինում հաղորդել էր CNN-ը։ Հեռուստաալիքի տվյալներով՝ ամերիկյան կողմից բանակցություններին կմասնակցեն նաև նախագահ Թրամփի հատուկ բանագնաց Սթիվ Ուիթքոֆը և գործարար Ջարեդ Քուշները։ Իրանի Ազգային անվտանգության գերագույն խորհուրդը հայտարարել է, որ հանդիպումը տեղի կունենա ապրիլի 10-ին Պակիստանի Իսլամաբադ քաղաքում։

Դոնալդ Թրամփը հաստատել է, որ ամերիկյան կողմը պատրաստ է երկու շաբաթով դադարեցնել Իրանի դեմ հարվածները։ Նա հայտարարել է, որ Թեհրանն ու Վաշինգտոնը առաջընթաց են գրանցել խաղաղ կարգավորման ուղղությամբ, և համաձայնագիրը կավարտվի այդ երկու շաբաթվա ընթացքում։

«Փաստ» օրաթերթը գրում է. Տավուշի մարզի սահմանամերձ համայնքներում իրականացված գյուղական բնակարանաշինության ծրագիրը, որի նպատակն էր խթանել բնակեցումը և աջակցել տեղական բնակչությանը, ըստ գյուղացիների, փաստացի չի ծառայել իր հիմնական նպատակին։ Տեղացիները ահազանգում են, որ պետական սուբսիդիաները չեն հասել հենց այն ընտանիքներին, որոնց համար նախատեսված էին, իսկ բազմաթիվ կառուցված տներ այսօր դատարկ են մնում։ Գյուղերի բնակիչները «Փաստին» հայտնել են գյուղական բնակարանաշինության ծրագրի ձախողման մասին։

Հունիսի 7-ի խորհրդարանական ընտրություններին ընդառաջ հանրային դաշտում առավել հաճախ են բարձրաձայնվում սոցիալական և տնտեսական ծրագրերի արդյունավետության հետ կապված խնդիրները։ Այս համատեքստում Տավուշից հնչող ահազանգերը նոր լույս են սփռում պետական ծրագրերի իրական ազդեցության վրա՝ հատկապես սահմանամերձ բնակավայրերում, որտեղ բնակչության պահպանումը կենսական նշանակություն ունի։ Տեղացիների փոխանցմամբ, սուբսիդավորման ծրագրի իրականացումն ուղեկցվել է անհասկանալի և ոչ թափանցիկ մեխանիզմներով։ Նրանց խոսքով, աջակցությունը բաշխվել է ընտրողական սկզբունքներով՝ հաճախ շրջանցելով առաջնային շահառուներին։ Արդյունքում՝ այն ընտանիքները, որոնք իրականում ունեն բնակարանային խնդիր և ապրում են սահմանամերձ գյուղերում, չեն ստացել անհրաժեշտ աջակցությունը։

Ստեղծված իրավիճակը հանգեցրել է պարադոքսի. պետական միջոցներով կառուցված կամ ձեռք բերված բազմաթիվ տներ այսօր մնում են դատարկ։ Այն տարածքներում, որտեղ յուրաքանչյուր բնակիչ ունի ռազմավարական նշանակություն, ծրագիրը ոչ միայն չի նպաստել բնակեցման աճին, այլև փաստացի չի լուծել իր առջև դրված խնդիրները։

Տեղացիների գնահատմամբ, այս դեպքը հերթական անգամ ցույց է տալիս պետական համակարգի գործելաոճը, երբ նույնիսկ զարգացմանն ուղղված ծրագրերը զերծ չեն մնում շահերի բախումից և հաճախ ծառայեցնում են նեղ խմբային նպատակների։ Նրանց համոզմամբ, նման մոտեցումը ոչ միայն չի նպաստում գյուղերի զարգացմանը, այլև խորացնում է առկա խնդիրները՝ ավելացնելով անվստահությունը պետական ծրագրերի նկատմամբ։ Այս պատմությունը ևս մեկ անգամ առաջ է բերում կարևոր հարցադրում. որքանո՞վ են պետական ծրագրերը իրականում ծառայում հանրային շահին, և որքանո՞վ են դրանք վերահսկվում արդյունավետ ու արդար բաշխման տեսանկյունից։ Տավուշում դատարկ մնացած տները, ըստ էության, դարձել են այդ հարցի ամենախոսուն պատասխաններից մեկը։