Category: TopNews.am

Մեղրիում և Ագարակում մշակութային ակտիվ անցուդարձ է․ Ագարակի մշակույթի տանը տեղի է ունեցել «Մեղրին՝ 2026 թվականի ԱՊՀ մայրաքաղաք» ծրագրի հանդիսավոր բացումը, որը եզրափակվել է Հայաստանի էստրադային ջազ նվագախմբի գալա համերգով։ Այս մասին հայտնում է ԿԳՄՍՆ-ն։

Միջոցառմանը ներկա են եղել ԿԳՄՍ նախարարի տեղակալ Դանիել Դանիելյանը, Սյունիքի մարզպետի տեղակալ Հայկ Հարությունյանը, Մեղրի համայնքի ղեկավար Խաչատուր Անդրեասյանը, ԱՊՀ Հումանիտար համագործակցության միջպետական հիմնադրամի տնօրեն Անատոլի Իկսանովը, ԱՊՀ երկրների պատվիրակությունների ղեկավարներ, Գործադիր կոմիտեի ներկայացուցիչներ, ջազի սիրահարներ։

Ապրիլի 18-ին՝ ժամը 10:00-ից մինչև ժամը 18:00-ն, կդադարեցվի Երևան քաղաքի Քանաքեռ-Զեյթուն վարչական շրջանի Կ.Ուլնեցու 1-ին փակուղու թիվ 1, 1ա, 1բ, 2, 2ա, 3, 4, 5, 6, 2-րդ փակուղու թիվ 1, 1ա, 2, 3, 4, 5, 6, 3-րդ փակուղու թիվ 1, 2, 2/1, 2/2, 3, 4, 5, 6, 7, Կ.Ուլնեցու 1-ին, 2-րդ փողոցների, Հասրաթյան փողոցի թիվ 5/1, 5/2, Պ.Սևակի փողոցի թիվ 2 հասցեների բազմաբնակարան շենքերի գազասպառողների, հարակից տարբեր նշանակության հանրային կազմակերպությունների գազամատակարարումը։ Այս մասին հայտնում է «Գազպրոմ Արմենիա» ՓԲԸ-ն։

Գազամատակարարումը կդադարեցվի պլանային աշխատանքներ իրականացնելու նպատակով։

Հայաստանի ազգային պատկերասրահում պաշտոնապես բացվել է «Արշիլ Գորկի. Նյու Յորք-Երևան. նոր ձեռքբերում» խորագրով ցուցահանդեսը։ Այս մասին հայտնում է ԿԳՄՍՆ-ն։ 

Կառավարությունը միջազգային աճուրդից ձեռք է բերել աշխարհահռչակ ամերիկահայ նկարչի «Անվերնագիր» (1944 թ.) գրաֆիկական աշխատանքը (թուղթ, մատիտ, 45.4×55.5 սմ), ինչը կարևոր ներդրում է ազգային հավաքածուի համալրման գործում։ Միջոցառմանը ներկա են եղել ՀՀ վարչապետ Նիկոլ Փաշինյանը, ԿԳՄՍ նախարար Ժաննա Անդրեասյանը, Երևանի քաղաքապետ Տիգրան Ավինյանը, Կառավարության անդամներ, նախարարի տեղակալ Ալֆրեդ Քոչարյանը։

Շնորհավորելով Արվեստի  համաշխարհային օրվա առիթով՝ նախարար Ժաննա Անդրեասյանը նշել է, որ օրը նշանակալի է մի քանի առիթներով․ նախորդ տարի այս օրը շուրջ չորս տարի տևած վերանորոգումից հետո վերաբացվել է Ազգային պատկերասրահը, որի նպատակով պետությունը հատկացրել է ավելի քան 800 միլիոն դրամ։

«Այն հնարավորություն տվեց նորովի վերաբացել մշտական ցուցադրությունը և մեր հանրությանը հասանելի դարձնել նաև արվեստի այն գործերը, որոնք մինչ այդ ցուցադրված չէին։ Նախորդ տարի պատկերասրահի վերաբացման օրը, որը Արվեստի միջազգային օրը լինելուց բացի՝ նաև Արշիլ Գորկու ծննդյան օրն է, պատկերասրահը ցուցադրել էր Գորկու փոքրիկ մի գործ, որը 1974 թվականին փոխանցվել էր պատկերասրահին։ Այն խորհրդանշական մի ժեստ էր՝ ուղղված մեր մեծ նկարչի վաստակին։ Շատ ուրախ եմ, որ ուղիղ մեկ տարի անց հնարավորություն ունենք ոչ թե խորհրդանշական ձևով արժևորելու Արշիլ Գորկուն, այլ նրա ծննդյան օրը նշանավորել մի շատ կարևոր գործի՝ պատկերասրահ մուտքով։

Այս գործը պատկերասրահին հանձնելու հնարավորությունը ստեղծվել է պետության կողմից թանգարանների համալրման ծրագրի շրջանակում։ Մշակույթի զարգացման հիմնադրամի կողմից տարբեր միջազգային աճուրդների դիտանցումներով պարզ է դարձել, որ Sotheby’s  հեղինակավոր աճուրդում վաճառվում է Արշիլ Գորկու գործերից մեկը։ Պետության միջամտության և քաղաքականության արդյունքում ավելի քան 30 միլիոն դրամ տրամադրելով՝ այսօր հնարավորություն ունենք վայելելելու Արշիլ Գորկու արժեքավոր գործերից մեկը։ Այն նաև մեր հանրությանը հնարավորություն կտա՝ նորովի ծանոթանալու թերևս ամենամեծ արժեքն ու անունը թողած հայազգի նկարիչներից մեկի հետ»,- նշել է նախարարը։

Ժաննա Անդրեասյանի խոսքով՝ պետությունը նախորդ տարի ավելի քան 330 միլիոն դրամ է հատկացրել տարբեր թանգարանների համար մշակութային արժեքների ձեռքբերման համար։ Նախարարը վստահություն է հայտնել, որ այս տարին էլ կամփոփվի Հայաստան նոր մշակութային արժեքներ վերադարձնելով, որոնք տեղ կգտնեն հայաստանյան թանգարաններում՝ հանրությանը վերադարձնելով մեր մշակութային ժառանգությանն ու արժեքներին հաղորդակցվելու հնարավորությունը։

Հայաստանի ծանրամարտի հավաքականի անդամները վերջին մարզումներն են անցկացնում Վրաստանի Բաթումի քաղաքում ապրիլի 19-26-ը կայանալիք Եվրոպայի առաջնությանն ընդառաջ։ ԿԳՄՍ նախարարի տեղակալ Հասմիկ Ավագյանն այսօր այցելել է հավաքականի մարզիկներին, հետևել նրանց մարզումներին, զրուցել թիմի անդամների և մարզիչների հետ՝ հաջողություն մաղթելով կարևոր ստուգատեսում: Հասմիկ Ավագյանը վստահություն է հայտնել՝ հավաքականի անդամները լավագույնս հանդես կգան, կպայքարեն մինչև վերջ և պատվով կներկայացնեն Հայաստանը՝ շարունակելով հայկական ծանրամարտի հաղթական ավանդույթները։

Կանանց հավաքականում ընդգրկվել են Տանզելա Գրիգորյանը, Իզաբելլա Յայլյանը (երկուսն էլ՝ 53 կգ), Ալեքսանդրա Գրիգորյանը (58 կգ), Աննա Ամրոյանը, Ալինա Սուքիասյանը (երկուսն էլ՝ 77 կգ), Էմմա Պողոսյանը, Լիանա Գյուրջյանը (երկուսն էլ՝ 86 կգ) և Տաթև Հակոբյանը (+86 կգ):

Կանանց հավաքականի գլխավոր մարզիչն է Արտաշես Ներսիսյանը, երկրորդ մարզիչը՝ Տարոն Թովմասյանը։

Տղամարդկանց հավաքականում ընդգրկված են Գառնիկ Չոլաքյանը (60 կգ), Գոռ Սահակյանը (71 կգ), Մարտին Պողոսյանը (79 կգ), Ռաֆիկ Հարությունյանը (88 կգ), Արա Աղանյանը (94 կգ), Սիմոն Մարտիրոսյանը, Գարիկ Կարապետյանը (երկուսն էլ՝ 110 կգ) և Վարազդատ Լալայանը (+110 կգ)։

Տղամարդկանց հավաքականի գլխավոր մարզիչն է Հակոբ Փիլոսյանը, երկրորդ մարզիչը՝ Դավիթ Մուրադյանը։

Հատկանշական է՝ տղամարդկանց թիմի անդամ, աշխարհի և Եվրոպայի չեմպիոն, Օլիմպիական խաղերի արծաթե մեդալակիր Վարազդատ Լալայանը և կանանց ընտրանու անդամ, Եվրոպայի չեմպիոն Ալեքսանդրա Գրիգորյանն առաջադրվել են Ծանրամարտի եվրոպական ֆեդերացիայի 2025 թվականի լավագույն մարզիկների անվանակարգերում:

«Բարսելոնայի» նախագահ Ժոան Լապորտան իր դժգոհությունն է հայտնել Մադրիդի «Ատլետիկոյի» դեմ Չեմպիոնների լիգայի խաղարկության քառորդ եզրափակիչի հանդիպումներում մրցավարական անձնակազմի կայացրած որոշումների վերաբերյալ՝ նշելով այն չորս դրվագները, որոնք, նրա կարծիքով, կանխորոշեցին դիմակայության ելքը։

«Առաջին խաղում մեր օգտին ակնհայտ 11 մետրանոց չնշանակվեց, և մենք կարմիր քարտ ստացանք, թեև իրականում Պաու Կուբարսիի նկատմամբ կանոնների խախտման համար հենց մրցակիցը պետք է հեռացվեր դաշտից։ Իսկ երեկ երեկոյան Էրիկ Գարսիային ցույց տրված կարմիր քարտը պարզապես սխալ էր. Կունդեն հետևում էր և պատրաստ էր խլել գնդակը, ուստի Գարսիան վերջին հույսի խաղացողը չէր: Բացի այդ, Ֆերան Տորեսի երկրորդ գոլը չեղարկելու որոշումն անարդարացի էր, իսկ Դանի Օլմոյի նկատմամբ խախտումը պետք է պատժվեր 11 մետրանոցով», – Լապորտայի խոսքերն է մեջբերում Ֆաբրիցիո Ռոմանոն։

Այս թիմերի միջև կայացած առաջին հանդիպումը, որն կայացել էր Բարսելոնայում, ավարտվել էր մադրիդյան ակումբի հաղթանակով՝ 2-0 հաշվով։ Պատասխան խաղում կատալոնական ակումբը հյուրընկալվելիս առավելության հասավ 2-1 հաշվով, սակայն երկու հանդիպումների ընդհանուր արդյունքով Չեմպիոնների լիգայի կիսաեզրափակիչի ուղեգիր նվաճեց «Ատլետիկոն»։

armsport.am

Չեմպիոնների լիգայի 2025/26 թթ. խաղարկության քառորդ եզրափակիչի պատասխան խաղում Մյունխենի «Բավարիան» սեփական հարկի տակ գերլարված խաղում կամային հաղթանակ տարավ Մադրիդի «Ռեալի» նկատմամբ (4-3):

Այսպիսով, դիմակայության երկու խաղերի արդյունքում մյունխենյան գրանդը ընդհանուր 6-4 հաշվով առավելության հասավ մադրիդցիների նկատմամբ և նվաճեց մրցաշարի կիսաեզրափակիչի ուղեգիր։

Կիսաեզրափակիչում «Բավարիան» ուժերը կչափի գործող գավաթակիր ՊՍԺ-ի հետ։ Թիմերի միջև առաջին խաղը կկայանա ապրիլի 28-ին, իսկ պատասխան հանդիպումը՝ մայիսի 6-ին։

Չեմպիոնների լիգայի 2025/26 թթ. խաղարկության քառորդ եզրափակիչի պատասխան խաղում Մյունխենի «Բավարիան» սեփական հարկի տակ գերլարված խաղում կամային հաղթանակ տարավ Մադրիդի «Ռեալի» նկատմամբ (4-3):

Այսպիսով, դիմակայության երկու խաղերի արդյունքում մյունխենյան գրանդը ընդհանուր 6-4 հաշվով առավելության հասավ մադրիդցիների նկատմամբ և նվաճեց մրցաշարի կիսաեզրափակիչի ուղեգիր։

Կիսաեզրափակիչում «Բավարիան» ուժերը կչափի գործող գավաթակիր ՊՍԺ-ի հետ։ Թիմերի միջև առաջին խաղը կկայանա ապրիլի 28-ին, իսկ պատասխան հանդիպումը՝ մայիսի 6-ին։

Չեմպիոնների լիգայի 2025/26 թթ. խաղարկության քառորդ եզրափակիչի պատասխան խաղում Մյունխենի «Բավարիան» սեփական հարկի տակ գերլարված խաղում կամային հաղթանակ տարավ Մադրիդի «Ռեալի» նկատմամբ (4-3):

Այսպիսով, դիմակայության երկու խաղերի արդյունքում մյունխենյան գրանդը ընդհանուր 6-4 հաշվով առավելության հասավ մադրիդցիների նկատմամբ և նվաճեց մրցաշարի կիսաեզրափակիչի ուղեգիր։

Կիսաեզրափակիչում «Բավարիան» ուժերը կչափի գործող գավաթակիր ՊՍԺ-ի հետ։ Թիմերի միջև առաջին խաղը կկայանա ապրիլի 28-ին, իսկ պատասխան հանդիպումը՝ մայիսի 6-ին։

Ինժեներ Արի Հոդարան բարեգործական վիճակախաղում շահել է Պաբլո Պիկասոյի՝ ավելի քան 1 միլիոն եվրո արժողությամբ բնօրինակ կտավ։ Նա հաղթանակի մասին իմացել է, երբ Christie’s աճուրդի տունը Փարիզ-ից տեսազանգ է կատարել։

Սկզբում տղամարդը չի հավատացել և հարցրել է՝ արդյոք դա կատակ չէ։ Վիճակախաղի շրջանակում վաճառվել է ավելի քան 120,000 տոմս՝ յուրաքանչյուրը 100 եվրոյով, ինչի արդյունքում հավաքվել է շուրջ 11 մլն եվրո՝ Ալցհայմերի հիվանդությունի հետազոտության համար։

Հաղթող նկարը «Tête de Femme» («Կնոջ գլուխ») աշխատանքն է, որտեղ պատկերված է նկարչի մուսան՝ Դորա Մաարը։ Հոդարան նշել է, որ տոմսը գնել է պատահաբար և չէր սպասում հաղթել, սակայն շատ ուրախ է արդյունքից։ Վիճակախաղը կազմակերպվել է Պիկասոյի ընտանիքի աջակցությամբ, և հավաքված գումարի մի մասը փոխանցվելու է Opera Gallery-ին, իսկ մնացածը՝ Ալցհայմերի հետազոտական հիմնադրամին։