Category: TopNews.am

Խորհրդարանը քննարկում է ԱԺ մշտական հանձնաժողովների նախագահների ընտրության հարցը:

«Ազգային ժողովի կանոնակարգ» սահմանադրական օրենքի 138-րդ հոդվածի համաձայն՝ մշտական հանձնաժողովների նախագահների և նրանց տեղակալների պաշտոններում թեկնածուների առաջադրման իրավունք ունեն խմբակցությունները: 

Մշտական հանձնաժողովների նախագահների և նրանց տեղակալների պաշտոններում պատգամավորների կազմից թեկնածուների առաջադրման իրավունքը խմբակցությունների միջև բաշխվում է ըստ յուրաքանչյուր պաշտոնի համար ստացված գործակցի, որը հաշվարկվում է Դոնթի բանաձևով: 

ԱԺ նախագահ Ռուբեն Ռուբինյանը տեղեկացրեց՝ ըստ Դոնթի բանաձևի՝ այդ համամասնությունը հետևյալն է՝ 8 հանձնաժողովի նախագահներ կառաջադրի «Քաղաքացիական պայմանագիր» խմբակցությունը, 3-ը՝ «Ուժեղ Հայաստանը» և 1-ը՝ «Հայաստան» խմբակցությունը:

«Բանաձևի համաձայն՝ 7 հանձնաժողովների նախագահների տեղակալներ կառաջադրի ՔՊ խմբակցությունը, 4-ը՝ «Ուժեղ Հայաստանը» և 1-ը՝ «Հայաստան» խմբակցությունը: Բանաձևի համաձայն՝ առաջին և երկրորդ պաշտոնների առաջադրման իրավունքը պատկանում է ՔՊ խմբակցությանը»,- հայտնեց ԱԺ նախագահը:

Ազգային ժողովն ընդունեց պատգամավորական էթիկային առնչվող հարցերով ԱԺ ժամանակավոր հանձնաժողով ստեղծելու մասին նախագիծը, որն առաջարկել էր «Քաղաքացիական պայմանագիր» խմբակցությունը:

ԱԺ «Հայաստան» խմբակցության քարտուղար Արթուր Խաչատրյանը վարման կարգով խոսք խնդրեց և հայտարարեց, որ խմբակցությունը կողմ է քվեարկելու որոշմանը, քանի որ 8-րդ գումարման խորհրդարանում «Հայաստան» խմբակցության պատգամավոր Արծվիկ Մինասյանն «անուրանալի» նեդրում է ունեցել այս նախագծի ստեղծման, արծարծման և ընդունման հարցում, ապա հույս հայտնեց, որ պատգամավորական էթիկայի կանոնները կպահվեն թե՛ ձևով, թե՛ բովանդակությամբ:

Վարման կարգով խոսք խնդրեց նաև «Ուժեղ Հայաստան» խմբակցության քարտուղար Տիգրան Աբրահամյանը՝ հայտարարելով, որ կողմ են քվեարկելու նախագծին, ապա 20 րոպե ընդմիջում խնդրեց:

Քվեարկության արդյունքների համաձայն՝ 92 կողմ, 0 դեմ և 0 ձեռնպահ ձայներով Ազգային ժողովն ընդունեց պատգամավորական էթիկային առնչվող հարցերով ԱԺ ժամանակավոր հանձնաժողով ստեղծելու մասին նախագիծը:

ՀՀ Ազգային ժողովը միաձայն՝ 92 կողմ ձայնով ընդունել է պատգամավորական էթիկային առնչվող հարցերով ԱԺ հանձնաժողով ստեղծելու մասին որոշման նախագիծը։

Հանձնաժողովը կազմված կլինի 10 անդամից։ «Քաղաքացիական պայմանագիր» խմբակցությունը կունենա 5 անդամ

Առաջին հանձնաժողովի նախագահի նշանակման իրավունքը վերապահված է «Քաղաքացիական պայմանագիր» խմբակցությանը։  ԱԺ կանոնակարգ օրենքով ԱԺ էթիկայի ժամանակավոր հանձնաժողովը կարող է պատգամավորների նկատմամբ կիրառել կարգապահական պատժամիջոցներ։

Օգոստոսի 11-ին Գյումրիում կնշվի Երիտասարդության միջազգային օրը։  Միջոցառումների շարքն իրականացվում է «Երիտասարդական նախաձեռնությունների կենտրոն»-ի նախաձեռնությամբ՝ Գյումրիի քաղաքապետարանի, ՍԱԼՏՈ Արևելյան Եվրոպա և Կովկաս ռեսուրսային կենտրոնի, ՄԱԿ-ի Բնակչության հիմնադրամի, ինչպես նաև Հայաստանում Erasmus+ Երիտասարդություն և Եվրոպական Համերաշխության Կորպուս ծրագրերի տեղեկատվական կենտրոնի հետ համատեղ։

«Երիտասարդական նախաձեռնությունների կենտրոն» ՀԿ-ի հանրային կապերի պատասխանատու Արուսյակ Գյունաշյանն «Արմենպրես»-ի թղթակցի հետ զրույցում նշեց, որ այս տարի ևս կազմակերպվում է հագեցած ու բազմաբովանդակ տոնական ծրագիր՝ նպատակ ունենալով առավել տեսանելի և լսելի դարձնել երիտասարդների ձայնը։

Տոնական օրվա միջոցառումների շարքը կբացվի ժամը 16:00-ին՝ «Erasmus+ Երիտասարդություն և Եվրոպական համերաշխության կորպուս» ծրագրերի հանրային տեղեկատվական արշավով։ Այդ օրերին Գյումրիում հյուրընկալված Եվրոպական համերաշխության կորպուս ծրագրի շուրջ 25 շրջանավարտ կամավորներ քաղաքի տարբեր հատվածներում անցկացվող արշավի միջոցով երիտասարդներին մանրամասն տեղեկություններ կտրամադրեն եվրոպական երիտասարդական հնարավորությունների և կամավորական նախաձեռնությունների մասին:

Արշավին կհաջորդի օրվա առանցքային իրադարձություններից մեկը՝ ժամը 17:00-ին Աբովյան ճեմափողոցում մեկնարկելիք «Ձգտումների խճանկար» մասնակցային նախաձեռնությունը։ Տեղադրվելու է մեծածավալ խորհրդանշական խճանկար, որի առանձին հատվածներում երիտասարդները ներկայացնելու են իրենց ձգտումները, նպատակները, երազանքներն ու ապագայի վերաբերյալ սեփական տեսլականը։ Նախաձեռնության նպատակն է ստեղծել բաց հարթակ ինքնարտահայտման, փոխադարձ ճանաչման ու մասնակցային երկխոսության համար։

Երիտասարդության միջազգային օրվան նվիրված միջոցառումները կեզրափակվեն երեկոյան՝ ժամը 19:30-ից մինչև 22:00-ն Աբովյան ճեմափողոցում տեղի ունենալիք մեծ բացօթյա համերգով։ Գյումրեցիները և քաղաքի հյուրերը հնարավորություն կունենան վայելելու սիրված երգիչ Էրիկ Կարապետյանի և ինքնատիպ «DJ Sianna»-ի կատարումները։

Ամերիկացի ֆինանսիստ Ջեֆրի Էփշտեյնը ֆրանսիական հայտնի Սեն Տրոպե հանգստավայրն օգտագործել է որպես սեռական շահագործման նպատակով աղջիկների հավաքագրման հիմնական վայրերից մեկը։ Այս մասին հայտնում է Le Monde պարբերականը՝ հղում անելով դատական փաստաթղթերին ու վկաների ցուցմունքներին։

​Ըստ գործի նյութերի՝ այս հարցում Էփշտեյնին ակտիվորեն աջակցել է մոդելային գործակալ Ժան-Լյուկ Բրյունելը։ Վերջինս, օգտագործելով իր մասնագիտական դիրքն ու կապերը, ֆինանսիստի համար անարգել հասանելիություն է ապահովել երիտասարդ աղջիկների նկատմամբ։

Լա Լիգայի նախագահ Խավիեր Տեբասը կարծում է, որ ժամանակն է, որ Ջանի Ինֆանտինոն հրաժարական տա ՖԻՖԱ-ի նախագահի պաշտոնից։

Ֆուտբոլը չի ​​սահմանափակվում էլիտայով։ Ինձ համար Ինֆանտինոյի դարաշրջանն ավարտվել է։

Մնում է տեսնել, թե երբ դա ուժի մեջ կմտնի և ինչպես կընթանա ղեկավարության փոփոխությունը։ Հուսով եմ, որ դա չի լինի որոշ մարդկանց պարզապես փոխարինում, այլ իրական վերակառուցում», — ասել է Տեբասը Le Monde-ին տված հարցազրույցում։

ՀՀ-ում ԱՄՆ դեսպանությունից հայտնում են, որ Firebird ընկերության ԱԲ գործարանի բացումը նշանավորում է արհեստական բանականության զարգացման նոր ու նշանակալի փուլի սկիզբ Հայաստանում։

ԱՄՆ գործերի ժամանակավոր հավատարմատար Դեյվիդ Ալենը վարչապետ Փաշինյանի և Firebird ընկերության ղեկավարության հետ միասին Հրազդանում ներկա գտնվեց Հայաստանի առաջատար հիպերմասշտաբային ԱԲ կենտրոնի բացմանը։

4 միլիարդ ԱՄՆ դոլարի այս ներդրումը նշանակում է առաջադեմ ամերիկյան տեխնոլոգիաների ու ԱԲ ենթակառուցվածքների մուտք Հայաստան, որը թույլ կտա երկրին դիրքավորվել որպես տվյալների կենտրոնների, ամպային հաշվարկների և ԱԲ նորարարության տարածաշրջանային կենտրոն։

ԱԲ կենտրոնի բացումը հայ-ամերիկյան աճող գործընկերության ակնառու օրինակ է և գործնական քայլ ի շարունակումն օգոստոսի 8-ի Վաշինգտոնի Խաղաղության գագաթնաժողովի պայմանավորվածությունների և այնտեղ ստորագրված ԱՄՆ-Հայաստան երեք կարևորագույն փոխըմբռնման հուշագրերի, որոնցից մեկը վերաբերում էր ԱԲ-ի և կիսահաղորդիչների ոլորտում նորարարական գործընկերությանը։

Ինչպես նկատեց հավատարմատար Ալենը, երբ մեկտեղվում են ամերիկյան և հայկական տաղանդն ու նորարարությունը, բացվում են տնտեսական աճի, տեխնոլոգիական փոխակերպումների ու առավել մեծ բարեկեցության նոր հեռանկարներ։

Իսրայելի վարչապետ Բենիամին Նեթանյահուն հայտարարել է, որ Իսրայելը մերժում է ԱՄՆ նախագահ Դոնալդ Թրամփի՝ Գազայի վերաբերյալ 15 կետանոց ծրագիրը՝ ընդգծելով, որ իսրայելական ուժերի դուրսբերում չի լինի, քանի դեռ ՀԱՄԱՍ-ը լիովին չի զինաթափվել։

«Իսրայելը մերժում է 15 կետանոց փաստաթուղթը»,- կիրակի կառավարության նիստում հայտարարել է Նեթանյահուն։

Թրամփի Խաղաղության խորհուրդն անցյալ ամիս հայտարարել էր, որ համաձայնություն է ձեռք բերվել ՀԱՄԱՍ-ի և Գազայում գործող մյուս զինված խմբավորումների լիակատար զինաթափման վերաբերյալ։

ՀԱՄԱՍ-ը հայտարարել է, որ իր ծանր զենքի հանձնումը կախված է Իսրայելի կողմից «ագրեսիայի բոլոր ձևերի» դադարեցումից և Գազայից իսրայելական ուժերի դուրսբերումից։

Իսրայելը շարունակում է հարվածներ հասցնել Գազայի հատվածում՝ չնայած անցյալ տարվա հոկտեմբերին ձեռք բերված նախնական հրադադարի պայմանավորվածությանը։