Month: April 2026

Օբամաների ընտանիքը չի համագործակցելու Netflix-ի հետ


Ոճ և դեմքեր


ԱՄՆ նախկին նախագահ Բարաք Օբաման հայտարարել է, որ իր և Միշել Օբամայի արտադրական ընկերությունը՝ Higher Ground Productions-ը, ավարտում է համագործակցությունը Netflix-ի հետ և անցնում է անկախ գործունեության։

Հայտարարությունը հնչել է Ֆիլադելֆիայում անցկացված միջոցառման ժամանակ՝ նվիրված ԱՄՆ-ի 250-ամյակին։ Օբաման նշել է, որ ութ տարվա համագործակցությունից հետո ընկերությունը աշխատելու է տարբեր կինոստուդիաների հետ՝ այլևս չսահմանափակվելով մեկ հարթակով։ Նա հիշեցրել է, որ Netflix-ի հետ պայմանագիրը կնքվել էր 2018-ին, իսկ 2024-ին այն երկարաձգվել էր first-look ձևաչափով։

Այս ընթացքում Higher Ground Productions-ը թողարկել է «Rustin», «American Symphony», «Crip Camp», «American Factory» ֆիլմերը, ինչպես նաև «Bodkin» և «Leave the World Behind» նախագծերը։ Վերջին շրջանում ընկերությունը սկսել է համագործակցել նաև այլ հարթակների հետ, այդ թվում՝ HBO-ի։



«Եթե Հայաստանը նպատակ ունի զարգացնել ԱԲ-ն, անհրաժեշտ է նախապես ապահովել կայուն գեներացիոն հզորություններ»․ Վահե Դավթյան

«Եթե Հայաստանը նպատակ ունի զարգացնել ԱԲ-ն, անհրաժեշտ է նախապես ապահովել կայուն գեներացիոն հզորություններ»․ Վահե Դավթյան

Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Հայաստանում ԱԲ զարգացման էներգետիկ ռիսկերը․
     Հայաստանում արհեստական բանականության (ԱԲ) գործարանի կառուցման նախագիծն առաջին հայացքից տեխնոլոգիական առաջընթացին և տարածաշրջանային մրցունակության ամրապնդմանն ուղղված քայլ է։ Սակայն նման նախաձեռնությունները պետք է դիտարկել ոչ միայն թվային տնտեսության զարգացման տրամաբանության մեջ, այլև՝ էներգետիկ համակարգի կառուցվածքային սահմանափակումների համատեքստում։
     Վրաստանի փորձը ցույց է տալիս այդ խնդրի էությունը։ Կարճ ժամանակում տվյալային և մայնինգային ենթակառուցվածքները դարձել են զգալի սպառող՝ հասնելով ընդհանուր պահանջարկի 5%-ին։ Արդյունքում փոխվել է պահանջարկի կառուցվածքը․ առաջացել է կենտրոնացված, կայուն և բարձր բեռնվածություն ստեղծող սեգմենտ։
     Դա, իր հերթին, բերել է համակարգային պակասորդի: 2026 թ. սկզբին Վրաստանում սպառումը գերազանցել է 2,7 մլրդ կՎտ⋅ժ-ը, մինչդեռ արտադրությունը կազմել է ընդամենը 1,9 մլրդ կՎտ⋅ժ։ Պակասորդը լրացվում է ներմուծման միջոցով։ Հետևանքը՝ էլեկտրաէներգիայի գնի կախվածություն արտաքին շուկաներից և սակագների աճ (ս.թ. ապրիլի 1-ից դրանք աճել են 21-33%-ով)։ Միևնույն ժամանակ, տվյալային կենտրոնները, լինելով բարձր վճարունակություն ունեցող սպառողներ, դուրս են մղում այլ սպառողներին՝ վերաձևելով էներգիայի ներքին բաշխման տրամաբանությունը:
     Հայաստանի պարագայում այս ռիսկերը բազմապատկվում են։ Էներգետիկ համակարգը արդեն իսկ ունի կառուցվածքային սահմանափակումներ՝ կախվածություն ներմուծվող էներգակիրներից, հիդրոռեսուրսների սեզոնայնություն, գործող ատոմակայանի սահմանափակ ժամկետային ռեսուրս։
     Վրաստանի փորձը ցույց է տալիս, որ տեխնոլոգիական զարգացման անվան տակ ձևավորվող էներգատար սեկտորները կարող են վերափոխել ամբողջ էներգետիկ բալանսը։ Ու դա այն դեպքում երբ Վրաստանում չեն գործում տվյալային կենտրոններ, որոնք իրենց հզորություններով մոտ են այն նախագծին, որն իրականացվում է Հայաստանում: Ըստ NVIDIA ընկերության փոխնախագահ Ռև Լեբարեդեանի՝ տարեվերջին, երբ գործարկվեն 50 հազար գրաֆիկական պրոցեսոր՝ GPU-ները, Հայաստանը դրանց քանակով աշխարհի առաջատար հնգյակում կհայտնվի՝ շրջանցելով Եվրոպայի խոշոր պետություններին: Հաջորդ փուլում նախատեսվում է Հայաստանում կենտրոնացնել ևս 60 հազար GPU ու դրանց ընդհանուր քանակը հասցնել 110 հազարի:
     Հետևաբար, Հայաստանի համար առանցքային հարցը ոչ թե ինքնին տվյալային կենտրոնի կառուցումն է, այլ այն, թե ինչ էներգետիկ հիմքի վրա է այն գործելու։
     Եզրակացությունը պարզ է:
     Եթե Հայաստանը նպատակ ունի զարգացնել ԱԲ-ն և ձևավորել նման մասշտաբի թվային ենթակառուցվածքներ, ապա անհրաժեշտ է նախապես ապահովել կայուն գեներացիոն հզորություններ։ Արևային գեներացիան դա ապրիորի ի վիճակի չէ ապահովել: Այս տրամաբանության մեջ նոր, ավանդական հզորությունների ատոմային էներգաբլոկի կառուցումը վերածվում է համակարգային անհրաժեշտության՝ ինչպես էներգետիկ անվտանգության, այնպես էլ տեխնոլոգիական զարգացման տեսանկյունից»։

«Ռակետա» ժամացույցների գործարանը` շքեղ ժամացույցների արտադրող


Բիզնես


Բրիտանացի Դեյվիդ Հենդերսոն-Սթյուարտը Ռուսաստանում վերականգնել է խորհրդային ժամանակների «Ռակետա» ժամացույցների գործարանը և այն վերածել շքեղ ժամացույցների արտադրողի։ Գործարան այցելելիս նա տեսել է, որ մնացած քիչ ժամագործները աշխատում են հին սարքավորումներով և դժվար պայմաններում։ Չնայած ժամացույցներից մեծ բան չէր հասկանում, խորհրդային դիզայնի հանդեպ հետաքրքրությունը նրան ստիպել է ներդրում անել գործարանում, որը նախկինում ուներ շուրջ 7000 աշխատող և արտադրում էր ժամացույցներ թե՛ տիեզերագնացների, թե՛ զանգվածային շուկայի համար։

2010 թվականին նա գործընկերոջ հետ ստանձնել է գործարանի կառավարումը և Ռուսաստանում մշտական բնակություն հաստատել՝ ունենալով նաև երեք երեխա, որոնք Ռուսաստանի քաղաքացի են։ Նրա ղեկավարությամբ «Ռակետան» սկսել է արտադրել բարձրակարգ ժամացույցներ՝ շեշտադրելով «Made in Russia» գաղափարը։ Արևմտյան պատժամիջոցները 2022 թվականից հետո դժվարացրել են շքեղ ապրանքների ներմուծումը Ռուսաստան, ինչի արդյունքում աճել է տեղական արտադրանքի պահանջարկը, իսկ ընկերությունը շարունակել է վաճառքը նաև Եվրոպայում և Մերձավոր Արևելքում։

2022 թվականին «Ռակետան» լրացուցիչ ուշադրություն ստացավ, երբ Ռուսաստանի նախագահ Վլադիմիր Պուտինը հրապարակային հայտնվեց գործարանի արտադրած ժամացույցով, ինչը որոշ դիտորդներ մեկնաբանեցին որպես աջակցություն տեղական արտադրությանը։ Այդ մոդելի նմանակները հետագայում մեծ պահանջարկ ունեցան։ 2025 թվականին ընկերությունը գրանցել է մոտ 1.43 միլիոն դոլար շահույթ՝ ավելի քան 15 տոկոս աճ նախորդ տարվա համեմատ։



500 դրամ մետաղադրամները շարունակում են մնալ շրջանառության մեջ․ ԿԲ

ԵՐԵՎԱՆ, 21 ապրիլի․/ԱՌԿԱ/․ 500 դրամ մետաղադրամները շարունակում են մնալ շրջանառության մեջ, շրջանառությունից դուրս եկած 2-րդ սերնդի մի շարք թղթադրամների վերաբերյալ որոշումը չի տարածվում 500 դրամ անվանական արժեքով մետաղադրամի վրա, հայտնում են Կենտրոնական բանկից։

«ՀՀ բոլոր մետաղադրամները, այդ թվում՝ 500 դրամ մետաղադրամը, շարունակում են մնալ շրջանառության մեջ և պահպանել իրենց՝ որպես օրինական վճարամիջոցի կարգավիճակը։ Քաղաքացիները կարող են ազատորեն օգտագործել դրանք առօրյա վճարումների համար՝ առանց որևէ սահմանափակման», – նշված է տարածած հաղորդագրության մեջ։

Նշենք, որ Կենտրոնական բանկի  2025 թվականի ապրիլի 28-ի որոշման համաձայն՝ շրջանառությունից են եկել հետևյալ 2-րդ սերնդի թղթադրամները.

– 500 դրամ (1999 թ., Ալեքսանդր Թամանյան)

– 1000 դրամ (1999, 2001, 2011, 2015 թթ., Եղիշե Չարենց)

– 5000 դրամ (1999, 2003, 2009, 2012 թթ., Հովհաննես Թումանյան)

– 10․000 դրամ (2003, 2006, 2008, 2012 թթ., Ավետիք Իսահակյան)

– 20․000 դրամ (1999, 2007, 2009, 2012 թթ., Մարտիրոս Սարյան)

Քաղաքացիները կարող են իրենց մոտ առկա «հին» թողարկման թղթադրամներն  անվճար, անժամկետ և առանց սահմանափակումների փոխանակել ՀՀ տարածքում գործող առևտրային բանկերում և Կենտրոնական բանկում։

Հարավային Կովկասում որեւէ պետության հետ ռազմավարական գործընկերության մասին խոսելը խնդրահարույց է


«Հրապարակի» զրուցակիցն ուկրաինացի քաղաքագետ Եվգենի Մագդան է։ – Ուկրաինայի նախագահը հայտնել է Մերձավոր Արևելքի մի շարք երկրների հետ երկարաժամկետ պաշտպանական պ…

«Իրանը բազմիցս խախտել է հրադադարը»․ Թրամփ

«Իրանը բազմիցս խախտել է հրադադարը»․ Թրամփ

ԱՄՆ նախագահ Դոնալդ Թրամփը հրապարակավ մեղադրել է Իրանին ԱՄՆ-ի հետ հրադադարի ռեժիմը բազմիցս խախտելու մեջ։ Նա այդ մասին գրել է Truth Social սոցիալական ցանցում։ Իր խոսքերը հաստատող որևէ փաստ ԱՄՆ առաջնորդը չի ներկայացրել:

Իրանը ևս ավելի վաղ մեղադրել էր ԱՄՆ-ին հրադադարի ռեժիմը խախտելու մեջ: Իրանի ԱԳ նախարար Աբբաս Արաղչին նախօրեին նշել էր, որ ԱՄՆ-ի կողմից հրադադարի ռեժիմի խախտումները և սադրիչ գործողությունները, այդ թվում՝ սպառնալիքներն ու իրանական առևտրային նավերի վրա հարձակումները, լուրջ խոչընդոտ են հանդիսանում դիվանագիտական ​​գործընթացի շարունակման համար:

Իսկ ԱՄՆ իշխանություններն, իրենց հերթին, ավելի վաղ Իրանի կողմից Հորմուզի նեղուցի փակումը, ինչպես նաև նեղուցով անցնող մի քանի նավերի վրա կրակելը որակել էին որպես պայմանավորվածությունների խախտում։

«Իրանը բազմիցս խախտել է հրադադարը»․ Թրամփ

«Իրանը բազմիցս խախտել է հրադադարը»․ Թրամփ

ԱՄՆ նախագահ Դոնալդ Թրամփը հրապարակավ մեղադրել է Իրանին ԱՄՆ-ի հետ հրադադարի ռեժիմը բազմիցս խախտելու մեջ։ Նա այդ մասին գրել է Truth Social սոցիալական ցանցում։ Իր խոսքերը հաստատող որևէ փաստ ԱՄՆ առաջնորդը չի ներկայացրել:

Իրանը ևս ավելի վաղ մեղադրել էր ԱՄՆ-ին հրադադարի ռեժիմը խախտելու մեջ: Իրանի ԱԳ նախարար Աբբաս Արաղչին նախօրեին նշել էր, որ ԱՄՆ-ի կողմից հրադադարի ռեժիմի խախտումները և սադրիչ գործողությունները, այդ թվում՝ սպառնալիքներն ու իրանական առևտրային նավերի վրա հարձակումները, լուրջ խոչընդոտ են հանդիսանում դիվանագիտական ​​գործընթացի շարունակման համար:

Իսկ ԱՄՆ իշխանություններն, իրենց հերթին, ավելի վաղ Իրանի կողմից Հորմուզի նեղուցի փակումը, ինչպես նաև նեղուցով անցնող մի քանի նավերի վրա կրակելը որակել էին որպես պայմանավորվածությունների խախտում։

Ադրբեջանի գործողությունները տեղավորվում են ցեղասպանության իրագործման կամ դրա նախապատրաստման տրամաբանության մեջ․ փորձագետ

Փորձագետն ընդգծել է, որ հայերի նկատմամբ թշնամանքի բացակայության մասին Ադրբեջանի պնդումները լոկ դատարկախոսություն են և չեն համապատասխանում իրականությանը․․․

Ադրբեջանի գործողությունները տեղավորվում են ցեղասպանության իրագործման կամ դրա նախապատրաստման տրամաբանության մեջ․ փորձագետ

Փորձագետն ընդգծել է, որ հայերի նկատմամբ թշնամանքի բացակայության մասին Ադրբեջանի պնդումները լոկ դատարկախոսություն են և չեն համապատասխանում իրականությանը․․․