Month: April 2026

«Ձեր հիմնադրամի նվիրատուների մի մասի անունները գաղտնի են պահվում, մի մասի անունները հայտնի են։ Երբ այդ հիմնադրամը բացվեց, տեսանք, որ հայտնի անունները, օրինակ՝ Սամվել Ալեքսանյանը, ՍԱՍ-ի Արտակը, այն բոլոր հնչեղ անունները, որ նախկինում կային և ձեր ամուսնու կողմից թիրախավորվում էին, այսօր, այսպես ասած, մուծվում են ձեր հիմնադրամին։ Մարդիկ ասում են, որ առաջ Սաշիկին էին մուծվում, հիմա Աննային են մուծվում, ասում են՝ Նոր Հայաստանի Սաշիկն է դարձել Աննա Հակոբյանը»,- ասուլիսի ժամանակ դիմելով Աննա Հակոբյանին՝ ասաց լրագրողը։ «Ես հասկանում եմ, որ սուր հարց, սուր տպավորություն թողնելը ցանկացած լրագրողի համար ցանկալի բան է։ Ինձ համար դա անարժեք է և այս հարցն ուղղակի հարված է իմ արժանապատվությանը։ Իմ ներկայությամբ այդ հարցը հնչեցնելն ուղղակի ոտնահարում է իմ արժանապատվությունը, ես ինձ զգում եմ նվաստացած և հարկ չեմ համարում պատասխանել այդ հարցին»,-արձագանքեց Հակոբյանը։

Լրագրող Անի Գևորգյանը ֆեյսբուքյան իր էջում գրում է․ «Անթիվ թիկնապահներով շրջող Աննա Հակոբյանը որոշել էր ասուլիս բեմադրել, լրագրողներին դասեր տալ, կնոջ իրավունքներից խոսել: Բայց Փաշինյանի շարասյան զոհ Սոնա Մնացականյանի ու իր չծնված երեխայի մասին հարցը լսելիս՝ դեն նետեց դիմակը:
     Սոնան ու իր չծնված երեխան կյանքի իրավունք չունեի՞ն…
     Ապրես, Զառա Դիլանյան ջան»։