Ապրիլի 25-ին Արամ Խաչատրյանի անվան մեծ դահլիճում տեղի ունեցավ լեգենդար ջազմեն Գարի Քյոսայանի հոբելյանական համերգը՝ «60 տարի բեմում» խորագրով։ Երաժշտական երեկ…
Քաղաքացու օրվան նվիրված Այգեզարդ գյուղի Արարատ Ղարիբյանի անվան միջնակարգ դպրոցում տեղի էր ունեցել միջոցառում, որի ժամանակ հնչել էր ՔՊ-ի նախընտրական քարոզարշա…
«Մանչեսթեր Սիթիի» վինգեր Ջեք Գրիլիշը, որը ներկայումս վարձավճարով հանդես է գալիս «Էվերթոնում», հերթական անգամ հայտնվել է սկանդալային միջադեպի կենտրոնում: Ըստ բրիտանական The Sun պարբերականի՝ ֆուտբոլիստը ընկերների հետ հանգստանալիս քնել է Մանչեսթերի բարերից մեկի տանիքին։
Ականատեսի խոսքով՝ ընկերները փորձել են արթնացնել նրան, իսկ նման վիճակի պատճառը, ենթադրաբար, եղել է ալկոհոլի չարաշահումը։ Աղբյուրի համաձայն՝ վիրահատությունից ապաքինվող Գրիլիշն, ամենայն հավանականությամբ, բաց կթողնի մրցաշրջանի մնացած հատվածը և չի դիտարկվում որպես Անգլիայի ազգային հավաքականի թեկնածու՝ առաջիկա Աշխարհի առաջնության համար։
Ավելի վաղ՝ մարտին, ֆուտբոլիստը սոցցանցերի իր էջերում հրապարակումներ էր արել ապաքինման գործընթացի վերաբերյալ՝ նշելով, որ «քրտնաջան աշխատում է՝ էլ ավելի ուժեղ վերադառնալու համար»։ Այն ժամանակ նա աստիճանաբար գիպսից անցնում էր պաշտպանիչ կոշիկի և ոտքի ծանրաբեռնվածությունը թեթևացնելու համար հատուկ սկուտեր էր օգտագործում։
Սակայն, չնայած վերականգնողական պրոցեսին, ավելի ուշ նրան կրկին նկատել են տարբեր միջոցառումների և խնջույքների ժամանակ։ Մասնավորապես, նա «Էվերթոնի» դարպասապահ Ջորդան Փիքֆորդի հետ մեկնել էր Հռոմ՝ նշելու վերջինիս կնոջ ծննդյան տարեդարձը։
Գրիլիշը վաղուց հայտնի է որպես խնջույքների և աղմկոտ հավաքույթների սիրահար. նախկինում ևս նա աչքի է ընկել թանկարժեք երեկույթների կազմակերպմամբ և խաղադաշտից դուրս իր ապրելակերպի պատճառով հաճախ դարձել տաբլոիդների գլխավոր հերոսը։
Գերմանիայի կանցլեր Ֆրիդրիխ Մերցը ենթադրել է, որ Ուկրաինան, հնարավոր է, ստիպված լինի հաշտվել այն մտքի հետ, որ Ռուսաստանի հետ ապագա խաղաղության համաձայնագրի շրջանակներում իր տարածքների մի մասը կարող է մնալ Կիևի վերահսկողությունից դուրս։
Ինչպես հայտնում է Reuters գործակալությունը, նա նման զիջումները կապել է Եվրամիությանը երկրի անդամակցության հեռանկարների հետ։
«Ինչ-որ պահի Ուկրաինան կստորագրի հրադադարի համաձայնագիրը, իսկ ավելի ուշ, հուսով եմ, նաև խաղաղության պայմանագիրը։ Այդ ժամանակ կարող է այնպես լինել, որ Ուկրաինայի տարածքի մի մասը դադարի լինել ուկրաինական»,- երկուշաբթի օրը Մարսբերգի Կառլոս Մեծի անվան գիմնազիայի աշակերտների հետ հանդիպման ժամանակ ասել է Մերցը։
«Եթե նախագահ Զելենսկին ցանկանում է սա հասցնել իր ժողովրդին, ստանալ մեծամասնության աջակցությունը և այդ հարցով հանրաքվե անցկացնել, ապա նա պետք է միաժամանակ ասի մարդկանց. «Ես ձեր առջև բացել եմ դեպի Եվրոպա տանող ճանապարհը»»,- հավելել է Մերցը։
Ուկրաինան ներկայումս ունի ԵՄ անդամակցության թեկնածուի կարգավիճակ։
Գերմանիայի կանցլեր Մերցը հորդորել է զերծ մնալ արագ անդամակցության վերաբերյալ չափազանց մեծ լավատեսությունից՝ հայտարարելով, որ Ուկրաինան չի կարող միանալ միությանը, քանի դեռ պատերազմի մեջ է Ռուսաստանի հետ։ Նա ընդգծել է, որ Կիևը նախ պետք է կատարի ԵՄ անդամ երկրներին ներկայացվող որոշակի պայմաններն ու պահանջները, որոնք վերաբերում են նաև իրավունքի գերակայությանը և կոռուպցիայի դեմ պայքարին։
«Զելենսկին ցանկանում էր ԵՄ-ին միանալ 2027 թվականի հունվարի 1-ին։ Դա չի ստացվի։ Նույնիսկ 2028 թվականի հունվարի 1-ն դա անիրատեսական է»,- Reuters-ը մեջբերում է Մերցի խոսքերը։
Գործակալությունը հիշեցնում է, որ Ուկրաինայի՝ ԵՄ անդամակցության գործընթացը արգելակվում էր նաև Հունգարիայի անհամաձայնության պատճառով, սակայն այն կարող է արագանալ հիմա, երբ Վիկտոր Օրբանի իշխող կուսակցությունը պարտություն է կրել խորհրդարանական ընտրություններում:
