Month: April 2026

«Հաշվի առնելով, որ վերջին շրջանում ձեզ հետ հնարավոր չէ հարցազրույցներ իրականացնել, խուսափում եք լրագրողների հարցադրումներից, մեկ-մեկ էլ արհամարհական եք արձագանքում, դրա համար հարցեր կան կուտակված, ուստի խնդրում եմ ձեզ անդրադառնալ մի շարք հարցերի, որոնք հուզում են քաղաքացիներին։ Նախօրեին լրացել է Սոնա Մնացականյանի ողբերգական ավտովթարի տարելիցը․․․»,- Աննա Հակոբյանը չթողեց լրագրողին ձևակերպել հարցը՝ ընդհատելով նրան․ «Բայց ես խնդրեցի և խնդրեցի հարգել իմ խնդրանքը»։ Լրագրողի դիտարկմանը՝ չեք ուզո՞ւմ այլ հարցերի անդրադառնալ, Հակոբյանը նշեց․ «Եթե ուզեի՝ նախապես այդ հայտարարությունը չէի անի և ձեզ չէի խնդրի։ Ես այլ հարցերի չեմ պատասխանում։ Եթե ձեզ չի հետաքրքրում այն, ինչի մասին հիմա ես ասում եմ, ազատ եք, ընտրությունը ձերն է»։

««Իմ քայլը» հիմնադրամը նախկինում ասոցացվում էր «Իմ քայլը» դաշինքի հետ, դուք այդ դաշինքով եք եկել իշխանության։ Դուք այսօր ասոցացվում եք ՔՊ-ի հետ և Նիկոլ Փաշինյանի կինն եք հանդիսանում. հիմա որ մարդիկ ձեզնից բարեգործություն ստանան, ի՞նչ են մտածելու, որ սա, օրինակ, «Ուժեղ Հայաստան»-ի համար է արվո՞ւմ, թե՞ ում համար, Քոչարյանի՞, կամ չգիտեմ»,- ասուլիսի ժամանակ լրագրողը հարց ուղղեց «Իմ քայլը» հիմնադրամի ղեկավար Աննա Հակոբյանին։ «Այս հարցով խախտվում է իմ սահմանադրական իրավունքը՝ ազատ ընտրության և ազատ կամարտահայտության։ Չի կարելի դիմացի մարդու քաղաքական կողմնորոշումը, ընտրության ձևը, ընտրության իրավունքը հանրային քննարկման առարկա դարձնել՝ անկախ նրանից՝ ով է այդ մարդը։ Սահմանադրությամբ պաշտպանված է յուրաքանչյուր անձի՝ այդ թվում կանանց, այս կամ այն պաշտոնյայի կնոջ գաղտնի, ազատ կամարտահայտման իրավունքը և դա քննարկման առարկա չէ, և ցանկացած հարց դրա վերաբերյալ Սահմանադրության, էլ չեմ ասում էթիկայի, էլ չեմ ասում տակտի խախտում է»,- ի պատասխան նշեց Աննա Հակոբյանը և շարունակեց․ «Կին լինելուց բացի, հանրային դեմք լինելուց բացի, պաշտոնյայի կին լինելուց բացի և դրանցից բոլորից առաջ ես ՀՀ քաղաքացի եմ, ով ունի ազատ կամարտահայտման իրավունք։ Ես ունեմ իմ իրավունքը և դուք հիմա խախտում եք իմ իրավունքը»։

«Առողջություն և իրավունք» ՀԿ համահիմնադիր Ծաղիկ Վարդանյանի ֆեյսբուքյան գրառումը. «Իրավապահները բերման են ենթարկել գնդապետ, լեգենդար հետախույզ Արթուր Ավանեսյանին` Կանդազին:
     Փաշինյանը իրականացրեց «կիրթ» ընկերոջ՝ Ալիևի վաղեմի երազանքը:
     Փոփոխություն լինելու է»: