Month: April 2026

Փաստաբան Րաֆֆի Ասլանյանի ֆեյսբուքյան գրառումը.

Երևանի քաղաքապետը քիչ առաջ ենթականերից ձևականորեն հետաքրքրվում է, թե ո՞նց անեն, որ անձրևներից հետո Երևանի փողոցները ջրի տակ չհայտնվեն, ի՞նչ է կատարվում Գյուրջյան փողոցում, թեև շատ լավ գիտի պատճառները։

Երևանում անձրևի հետևանքով հեղեղումները Avinyan&Co կոռուպցիոն խմբակի գործունեության հերթական արդյունքն են, քանի որ հեղեղատարների անանցանելիությանը մեծապես նպաստում են Երևանի շինհրապարակներում ապօրինի տեղադրված՝ շրջապատի կյանքի և առողջության համար վտանգ ներկայացնող բետոնհանգույցների թունավոր, քիմիական հետևանքները, որոնք հեռացվում են այդ հեղեղատարներով։

Արդեն տևական ժամանակ խոսում եմ այդ բետոնհանգույցների մասին, ինչպիսիք չկան աշխարհի ոչ մի այլ քաղաքում։

Դրանց ապօրինի լինելն ու վտանգավորությունը հաստատել են նաև քաղաքաշինության կոմիտեն, տեսչական մարմինը, սակայն Երևանի քաղաքապետարանը, կառուցապատողներից ունեցած շահադիտական կախվածության արդյունքում, բավարարվում է ձևական ու անհետևանք վարչական վարույթներ հարուցելով, իսկ ապօրինի բետոնհանգույցները մնում են տեղերում։

Oragir.News-ի ուշադրության կենտրոնում է հայտնվել ՀՀ ՊՆ հերթական փաստաթուղթը, ըստ որի` Սուրեն Պապիկյանի գլխավորած գերատեսչությունը ձեռք է բերել սպիտակեղեն։

Փաստաթղթից պարզ է դառնում, որ ՊՆ-ն սպիտակեղենը համարում է պետական գաղտնիք, այն դեպքում, երբ մոլորակի մնացած բոլոր պետությունների լրջագույն զինատեսակները հանրայնացված են։

Գուցե սա յուրօրինակ հարգանքի տո՞ւրք է ԱԺ պատգամավոր Վահագն Ալեքսանյանին` այն իմաստով, որ նրա համար սպիտակեղենը ցավոտ հոգեբանական թեմա է, քանի որ ինչպես ինքն է հայտարարել, իր զինվորական ծառայությունն առանց տրուսիկի է անցել։

Ամեն դեպքում պետք է հիշել, որ նախկինների ժամանակ փորձ էր արվում թաքուն պահել միայն «կեղտոտ սպիտակեղենը»։

Այսօր Երևանի քաղաքապետարանի գործակարգավարական խորհրդակցության ժամանակ Տիգրան Ավինյանը շնորհակալություն հայտնեց վարորդներին իրենց զսպվածության համար՝ չնայած իրականացվող սադրանքներին:

«Ուզում եմ իմ հիացմունքը հայտնել վարորդների զսպվածությամբ: Որքան էլ տարբեր անձինք փորձեն հունից հանել վարորդներին, նրանք մնում են անվրդով։ Ուզում եմ շնորհակալություն հայտնել նրանց՝ առանց այն էլ ծանր աշխատանքը հաշվի առնելով՝ կարևոր վերահսկողական ֆունկցիան իրականացնելու համար։ Ունեցել ենք մի քանի միջադեպ, մեկ կոնկրետ տհաճ միջադեպ, երբ վերածվել է կռվի, հարձակվել են վարորդի վրա։ Երեք անձ ձերբակալվել է, չորրորդն էլ անցնում է այդ գործով։ Իրականում վարորդների նկատմամբ ոտնձգությունը քաղաքի նկատմամբ է, ամբողջ համակարգի նկատմամբ»,- ասաց քաղաքապետը։

Նա նշեց, որ վճարումների ապահովմանը հետևելը վարորդների պարտականությունների մեջ է մտնում՝ ամրագրված պայմանագրով:

Ըստ Ավինյանի՝ Երևանում հանրային տրանսպորտից օգտվողների վալիդացիայի քանակն ավելացել է 15-30%՝ համեմատած նախորդ շաբաթվա օրերի հետ. «Սա նշանակում է՝ գործընթացը, որով անցնում ենք, կարևոր է ու անհրաժեշտ»։

Ավինյանը շեշտեց, որ շատերը չեն վճարում՝ պատճառաբանելով, թե ավտոբուսներում տեղ չկա:

«Շաբաթական 70-80 միլիոնի չվճարում ունենք, այդ գումարով երկու նոր ավտոբուս կգնենք, չվճարող, անպարտաճանաչ քաղաքացին բեռ է մեր բոլորի վզին»,- նշեց Ավինյանը:

Նա հորդորեց շարունակել աջակցել վարորդներին, որոնք հրաժարվում են վարել մեքենան՝ տեսնելով, որ քաղաքացիները հրաժարվում են վճարելուց:

Այսօր Երևանի քաղաքապետարանի գործակարգավարական խորհրդակցության ժամանակ Տիգրան Ավինյանը շնորհակալություն հայտնեց վարորդներին իրենց զսպվածության համար՝ չնայած իրականացվող սադրանքներին:

«Ուզում եմ իմ հիացմունքը հայտնել վարորդների զսպվածությամբ: Որքան էլ տարբեր անձինք փորձեն հունից հանել վարորդներին, նրանք մնում են անվրդով։ Ուզում եմ շնորհակալություն հայտնել նրանց՝ առանց այն էլ ծանր աշխատանքը հաշվի առնելով՝ կարևոր վերահսկողական ֆունկցիան իրականացնելու համար։ Ունեցել ենք մի քանի միջադեպ, մեկ կոնկրետ տհաճ միջադեպ, երբ վերածվել է կռվի, հարձակվել են վարորդի վրա։ Երեք անձ ձերբակալվել է, չորրորդն էլ անցնում է այդ գործով։ Իրականում վարորդների նկատմամբ ոտնձգությունը քաղաքի նկատմամբ է, ամբողջ համակարգի նկատմամբ»,- ասաց քաղաքապետը։

Նա նշեց, որ վճարումների ապահովմանը հետևելը վարորդների պարտականությունների մեջ է մտնում՝ ամրագրված պայմանագրով:

Ըստ Ավինյանի՝ Երևանում հանրային տրանսպորտից օգտվողների վալիդացիայի քանակն ավելացել է 15-30%՝ համեմատած նախորդ շաբաթվա օրերի հետ. «Սա նշանակում է՝ գործընթացը, որով անցնում ենք, կարևոր է ու անհրաժեշտ»։

Ավինյանը շեշտեց, որ շատերը չեն վճարում՝ պատճառաբանելով, թե ավտոբուսներում տեղ չկա:

«Շաբաթական 70-80 միլիոնի չվճարում ունենք, այդ գումարով երկու նոր ավտոբուս կգնենք, չվճարող, անպարտաճանաչ քաղաքացին բեռ է մեր բոլորի վզին»,- նշեց Ավինյանը:

Նա հորդորեց շարունակել աջակցել վարորդներին, որոնք հրաժարվում են վարել մեքենան՝ տեսնելով, որ քաղաքացիները հրաժարվում են վճարելուց: