«Էս ի՞նչ շարժ ա, ընդդիմությունը սենց գալիս-գնում է, գալիս գնում է»,- այսօր ԱԺ-ում ասաց վարչապետ Նիկոլ Փաշինյանը՝ նկատի ունենալով դահլիճում ընդդիմության բացակայությունը։ «Գրանցվում են՝ որպեսզի աշխատավարձ ստանան, բայց գնում են, որպեսզի չմասնակցեն նիստին, մենք 5 տարի է այդ շարժն ենք տեսնում»,- արձագանքելով վարչապետին՝ ասաց ԱԺ փոխնախագահ Ռուբեն Ռուբինյանը՝ ավելացնելով, որ եթե պատգամավորները չեն գրանցվում՝ այդ նիստի համար աշխատավարձից զրկվում են, ուստի ընդդիմադիրները գրանցվում են, որ չզրկվեն աշխատավարձից։ «Ոնց որ «Պտտվիր, կյանքի կառուսել» երգը լինի՝ ստեղից մտնում են, դուրս են գալիս, մտնում են՝ դուրս են գալիս։ Դե ճիշտ են անում, ժողովուրդ ջան, եկեք գրանցվեք, ընդդիմության մյուս ներկայացուցիչներին կոչ եմ անում գալ-գրանցվել, եկեք գրանցվեք՝ գնացեք։ Վարկ բան կունենաք փակելու, չգիտեմ, կարող ա բենզինը թանկացած լինի, էլ չեմ ասում գնաճի մասին եք խոսում, վերջին 2 ամիսն ա մնացել։ Ուղղակի ոքեշնչված եմ ընդդիմությունից»,- հեգնեց վարչապետը։
