Month: April 2026

ՆԳ նախարար Արփինե Սարգսյանը ապրիլի 15-ին Ոստիկանության գվարդիայի վարչական համալիրում ընդունել է Եվրոպայի խորհրդի Ծրագրերի համակարգման տնօրեն Կլաուս Նոյկիրխի գլխավորած պատվիրակությանը։

Նախարար Սարգսյանը շարունակական աջակցության համար շնորհակալություն է հայտնել Եվրոպայի խորհրդի գործընկերներին՝ ընդգծելով, որ բազմաշերտ համագործակցությունը ՆԳ նախարարության ամբողջ մանդատի շրջանակում է։

Արփինե Սարգսյանը կարևորել է, որ միջազգային գործընկերները, այդ թվում՝ Եվրոպայի խորհուրդը, կիսում են Հայաստանի կառավարության բարեփոխումների օրակարգը՝ ջանքերը կենտրոնացնելով ռազմավարական թիրախային ուղղությունների վրա։ Նրա խոսքով՝ միջազգային գործընկերների նման մոտեցումը և համատեղ իրականացվող նախաձեռնությունները վկայում են համագործակցության նոր մակարդակի մասին և խթանում հավակնոտ ծրագրերի մշակմանը։

Նախարար Սարգսյանը նշել է, որ նախկինում խոցելի համարվող ուղղություններով, այդ թվում՝ ՄԻԵԴ վճիռների կատարման մասով կա դրական առաջընթաց։

ՆԳ նախարարը կարևորել է օպերատիվ-հետախուզական գործունեության ոլորտի վերափոխման համատեղ հանձնառությունը՝ ընդգծելով այն մարդու իրավունքների պաշտպանության ժամանակակից ստանդարտներին համապատասխանեցնելու անհրաժեշտությունը։

Անդրադառնալով Միգրացիայի և քաղաքացիության ծառայության ոլորտում Զանգերի կենտրոնի ներդրմանը՝ նախարար Սարգսյանը նշել է, որ այն քաղաքացիակենտրոն ծառայությունների մատուցման համատեքստում կարևոր նշաձող է։

Եվրոպայի խորհրդի Ծրագրերի համակարգման տնօրեն Կլաուս Նոյկիրխն իր հերթին բարձր է գնահատել ՆԳ նախարարության հետ արդյունավետ գործընկերությունը և նշել , որ համագործակցության օրակարգը շարունակում է ընդլայնվել՝ ընդգրկելով թիրախային նոր ուղղություններ։

Կարևորվել է Ոստիկանության գվարդիայի ծառայողների կողմից ուժի կիրառման նոր ստանդարտի գործադրման ուղղությամբ վերապատրաստումների շարունակականությունը։

Պատվիրակության անդամները ՆԳ նախարարի տեղակալ Արմեն Մկրտչյանի ուղեկցությամբ շրջել են Ոստիկանության գվարդիայի վարչական համալիրում, ծանոթացել ստորաբաժանումների աշխատանքին։

Մոնիթորինգի վարչության ծառայողները ներկայացրել են սոցիալական հարթակներում զանգվածային միջոցառումների վերաբերյալ հրապարակումների մշտադիտարկման ուղղությամբ աշխատանքի առանձնահատկությունները։

Ներկայացվել է խաղարկային իրավիճակ, որի ընթացքում Գվարդիայի ծառայողները ցուցադրել են հավաքների ժամանակ ծառայության կազմակերպման գործընթացն ու կարգախմբերի աշխատանքի առանձնահատկությունները։

Կարևորվել է զանգվածային միջոցառումների ժամանակ հնարավոր իրավախախտումների կանխարգելման ուղղությամբ Բանակցային ոստիկանության դերը։

Պատվիրակության անդամները ծանոթացել են նաև հասարակական կարգի պահպանության ստորաբաժանման անձնակազմի պատրաստվածությանն ու համալրվածությանը։

Ներկայացվել է Ոստիկանության գվարդիայում կանանց ներգրավվածության, ծառայողների մասնագիտական գիտելիքների և կարողությունների զարգացման ուղղությամբ մանրամասներ։

ՆԳ նախարար Արփինե Սարգսյանը ապրիլի 15-ին Ոստիկանության գվարդիայի վարչական համալիրում ընդունել է Եվրոպայի խորհրդի Ծրագրերի համակարգման տնօրեն Կլաուս Նոյկիրխի գլխավորած պատվիրակությանը։

Նախարար Սարգսյանը շարունակական աջակցության համար շնորհակալություն է հայտնել Եվրոպայի խորհրդի գործընկերներին՝ ընդգծելով, որ բազմաշերտ համագործակցությունը ՆԳ նախարարության ամբողջ մանդատի շրջանակում է։

Արփինե Սարգսյանը կարևորել է, որ միջազգային գործընկերները, այդ թվում՝ Եվրոպայի խորհուրդը, կիսում են Հայաստանի կառավարության բարեփոխումների օրակարգը՝ ջանքերը կենտրոնացնելով ռազմավարական թիրախային ուղղությունների վրա։ Նրա խոսքով՝ միջազգային գործընկերների նման մոտեցումը և համատեղ իրականացվող նախաձեռնությունները վկայում են համագործակցության նոր մակարդակի մասին և խթանում հավակնոտ ծրագրերի մշակմանը։

Նախարար Սարգսյանը նշել է, որ նախկինում խոցելի համարվող ուղղություններով, այդ թվում՝ ՄԻԵԴ վճիռների կատարման մասով կա դրական առաջընթաց։

ՆԳ նախարարը կարևորել է օպերատիվ-հետախուզական գործունեության ոլորտի վերափոխման համատեղ հանձնառությունը՝ ընդգծելով այն մարդու իրավունքների պաշտպանության ժամանակակից ստանդարտներին համապատասխանեցնելու անհրաժեշտությունը։

Անդրադառնալով Միգրացիայի և քաղաքացիության ծառայության ոլորտում Զանգերի կենտրոնի ներդրմանը՝ նախարար Սարգսյանը նշել է, որ այն քաղաքացիակենտրոն ծառայությունների մատուցման համատեքստում կարևոր նշաձող է։

Եվրոպայի խորհրդի Ծրագրերի համակարգման տնօրեն Կլաուս Նոյկիրխն իր հերթին բարձր է գնահատել ՆԳ նախարարության հետ արդյունավետ գործընկերությունը և նշել , որ համագործակցության օրակարգը շարունակում է ընդլայնվել՝ ընդգրկելով թիրախային նոր ուղղություններ։

Կարևորվել է Ոստիկանության գվարդիայի ծառայողների կողմից ուժի կիրառման նոր ստանդարտի գործադրման ուղղությամբ վերապատրաստումների շարունակականությունը։

Պատվիրակության անդամները ՆԳ նախարարի տեղակալ Արմեն Մկրտչյանի ուղեկցությամբ շրջել են Ոստիկանության գվարդիայի վարչական համալիրում, ծանոթացել ստորաբաժանումների աշխատանքին։

Մոնիթորինգի վարչության ծառայողները ներկայացրել են սոցիալական հարթակներում զանգվածային միջոցառումների վերաբերյալ հրապարակումների մշտադիտարկման ուղղությամբ աշխատանքի առանձնահատկությունները։

Ներկայացվել է խաղարկային իրավիճակ, որի ընթացքում Գվարդիայի ծառայողները ցուցադրել են հավաքների ժամանակ ծառայության կազմակերպման գործընթացն ու կարգախմբերի աշխատանքի առանձնահատկությունները։

Կարևորվել է զանգվածային միջոցառումների ժամանակ հնարավոր իրավախախտումների կանխարգելման ուղղությամբ Բանակցային ոստիկանության դերը։

Պատվիրակության անդամները ծանոթացել են նաև հասարակական կարգի պահպանության ստորաբաժանման անձնակազմի պատրաստվածությանն ու համալրվածությանը։

Ներկայացվել է Ոստիկանության գվարդիայում կանանց ներգրավվածության, ծառայողների մասնագիտական գիտելիքների և կարողությունների զարգացման ուղղությամբ մանրամասներ։

ՌԴ արտաքին գործերի նախարար Սերգեյ Լավրովը և նրա սաուդցի գործընկեր Ֆեյսալ բեն Ֆարհան Ալ Սաուդը կարծում են, որ ԱՄՆ-ն և Իրանը պետք է շարունակեն խաղաղ բանակցությունները՝ Պակիստանի միջնորդությամբ։

Դիվանագետները հեռախոսազրույցի ընթացքում հանդես են եկել բոլոր շահագրգիռ կողմերի մասնակցությամբ երկխոսության օգտին։ Լավրովի և Ալ Սաուդի խոսքով՝ Ռուսաստանն ու Սաուդյան Արաբիան պատրաստ են ներդրում ունենալ նման երկխոսության կազմակերպման մեջ՝ Մերձավոր Արևելքում կայունություն և անվտանգություն ապահովելու նպատակով։

Նաև արտաքին գործերի նախարարները հանդես են եկել անհապաղ ցանկացած թշնամական գործողությունների դադարեցման օգտին, որոնցից տուժում են Պարսից ծոցի ափամերձ երկրները, հատկապես քաղաքացիական ենթակառուցվածքների մասով։

Թուրքիայի արտգործնախարար Հաքան Ֆիդանի՝ Արևելյան Միջերկրականում համագործակցությունների վերաբերյալ հայտարարություններին արձագանքել են Հունաստանն ու Կիպրոսի Հանրապետությունը։

Կիպրոսի Հանրապետության ԱԳՆ-ն հայտարարել է, որ չի ընդունում Ֆիդանի գնահատականները՝ դրանք որակելով «իրականությունը խեղաթյուրող»։ Միաժամանակ նշվել է, որ Կիպրոսը, որպես ԵՄ անդամ պետություն, գործում է միջազգային իրավունքի շրջանակում և չի հետապնդում տարածաշրջանային գերակայության նպատակներ։

Պաշտոնական հայտարարությունում նաև կրկնվել է Կիպրոսի դիրքորոշումը, ըստ որի՝ Թուրքիան շարունակում է «օկուպացնել ԵՄ տարածք»։

Նմանատիպ արձագանք է հնչել նաև Հունաստանից, որտեղ ընդգծվել է, որ իրականության խեղաթյուրումը չի կարող նպաստել տարածաշրջանային խնդիրների լուծմանը։

Հիշեցնենք, որ Ֆիդանը քննադատել էր Հունաստանի և Կիպրոսի համագործակցությունը Իսրայելի հետ՝ նշելով, որ այն կարող է ավելացնել լարվածությունն ու անվստահությունը տարածաշրջանում։

Ermenihaber

Բելառուսի նախագահ Ալեքսանդր Լուկաշենկոն ստորագրել է օրենք, որը, ի թիվս այլ բաների, տուգանքներ է սահմանում ոչ ավանդական հարաբերությունների, պեդոֆիլիայի, սեռի փոփոխության և անզավակության քարոզչության համար, հայտնում է պետության ղեկավարի մամուլի ծառայությունը։

«Բելառուսի նախագահ Ալեքսանդր Լուկաշենկոն ստորագրել է «Վարչական պատասխանատվության մասին օրենսգրքերում փոփոխություններ կատարելու մասին» օրենքը։ Սա այդ օրենսգրքերի առաջին խոշոր փոփոխությունն է 2021 թվականին դրանց ընդունումից ի վեր»,- ասվում է հայտարարության մեջ։

Առանձին բլոկ է նվիրված ավանդական արժեքների պաշտպանությանը։

«Կներդրվեն պատիժներ համասեռամոլ հարաբերությունների քարոզման, սեռի փոփոխության, պեդոֆիլիայի և անզավակության համար՝ մինչև 900 բելառուսական ռուբլի տուգանքով (մոտավորապես 24,000 ռուսական ռուբլի), իսկ եթե կատարվել է անչափահասի նկատմամբ՝ մինչև 1,350 ռուբլի (մոտավորապես 36,000 ռուսական ռուբլի) կամ վարչական կալանքով»,- հայտնել են մամուլի ծառայությունից։

ԱՄՆ-Իրան բանակցության երկրորդ փուլը կարող է տեղի ունենալ հաջորդ շաբաթվա ավարտին՝ կրկին Իսլամաբադում․ հաղորդում է Geo ՀԸ-ն՝ հղում անելով սեփական աղբյուրներին։

Ըստ աղբյուրի՝ ԱՄՆ բանակցային խումբը կգլխավորի ԱՄՆ փոխնախագահ Ջեյ Դի Վենսը։ Կազմում կլինեն նաև ԱՄՆ նախագահի հատուկ բանագնաց Սթիվ Ուիթքոֆը և գործարար Ջարեդ Քուշները։

Իրանական կողմը կներկայացնեն Իսլամական Հանրապետության խորհրդարանի խոսնակ Մուհամմադ Բաղեր Ղալիբաֆը և Իրանի ԱԳ նախարար Աբբաս Արաղչին։

Երեկ՝ ապրիլի 14-ին, ՀՀ քննչական կոմիտեի Արմավիրի մարզային քննչական վարչության պետ Սևակ Խաչատրյանի որոշմամբ ստեղծված քննչական խմբի ղեկավար՝ Վաղարշապատի քննչական բաժնի հատկապես կարևոր գործերով ավագ քննիչ Սարո Վարդանյանը միջնորդություն է ներկայացրել Արմավիրի մարզի ընդհանուր իրավասության Էջմիածնի դատարան, որպեսզի դատարանը որպես խափանման միջոց երկամսյա կալանքի որոշումներ կայացնի ապրիլի 11-ին Էջմիածին քաղաքի՝ ժողովրդին հայտնի Կոմիտասի անվան հրապարակում տեղի ունեցած հրազենի գործադրմամբ միջադեպի 3 մասնակիցների նկատմամբ։

Ինչպես հայտնում է ֆոտոլրագրող Գագիկ Շամշյանը, դատարանը դռնփակ դատական նիստերն անցկացնելուց հետո բավարարել է քննիչի միջնորդությունը և նշված անձինք կալանավորվել ու դատարանից տեղափոխվել են ՀՀ Արդարադատության նախարարության քրեակատարողական ծառայության «Արմավիր» քրեակատարողական հիմնարկ։

Ֆոտոլրագրողը հայտնում է, որ ՀՀ ՆԳՆ ոստիկանության քրեական ոստիկանության գլխավոր վարչության Արմավիրի մարզային քրեական վարչության ծառայողները՝ վարչության պետ Երվանդ Նիկոյանի, վարչության պետի տեղակալ Հովհաննես Արիստակեսյանի և ՀՀ ՆԳՆ ոստիկանության համայնքային ոստիկանության գլխավոր վարչության Վաղարշապատի բաժնի ծառայողները՝ բաժնի պետ Փայլակ Շմավոնյանի գլխավորությամբ, համագործակցելով ՀՀ քննչական կոմիտեի Արմավիրի մարզային քննչական վարչության վարչության պետ Ս․ Խաչատրյանի և Վաղարշապատի քննչական բաժնի քննիչների հետ՝ բաժնի պետ Արամ Ղուկասյանի և հատկապես կարևոր գործերով ավագ քննիչ Սարո Վարդանյանի, ինչպես նաև ՀՀ քննչական կոմիտեի փորձաքրեագետի գլխավորությամբ, իրականացնելով հսկայածավալ օպերատիվ-հետախուզական և քննչական համատեղ գործողություններ, տաք հետքերով հայտնաբերել են դեպքի վայրից փախուստի դիմած 2 կասկածյալներին, իսկ առաջինին վտանգելով իրենց կյանքը վնասազերծել էին Վաղարշապատի համայնքային ոստիկանները։

Ֆոտոլրագրողի տեղեկություններով՝ այդ օրը Վաղարշապատի համայնքային ոստիկանները Էջմիածին քաղաքի Կոմիտասի անվան հրապարակում օպերատիվ տեղեկություն են ստանում, որ վիճաբանություն է տեղի ունենում, որի ժամանակ հնչել են կրակոցներ։

Շատ արագ համայնքային ոստիկանները հասնում են դեպքի վայր, որտեղ նկատում են, որ մի անձնավորություն ինքնաձիգից կրակոցներ է արձակում «20 MG 001» համարանիշի ավտոմեքենայի ուղղությամբ։ Համայնքային ոստիկանը վտանգելով իր կյանքը վազում է այդ անձի ուղղությամբ և կարողանում է կրակոցներ արձակողին վնասազերծել։ Իսկ մինչ համայնքային ոստիկանը կհասներ կրակոցներ արձակողին, Էջմիածին քաղաքի բնակիչ 47-ամյա Կարեն Վարդանյանը նրա ձեռքից վերցնում է ինքնաձիգը, ապա իր կողմից վարվող մեկ այլ ավտոմեքենայով դիմում է փախուստի։

Համայնքային ոստիկանին հաջողվում է կրակոցներ արձակած անձին վնասազերծել, ինչից հետո ՀՀ ՆԳՆ ոստիկանության գվարդիայի Վաղարշապատի պահպանության բաժնի աշխատակիցների հետ նրան ձերբակալում և տեղափոխում են ոստիկանության Վաղարշապատի բաժին։

Գ․ Շամշյանի տեղեկություններով՝ նա Արմավիրի մարզի գյուղերից մեկի բնակիչ 45-ամյա Յուրա Գալստյանն է՝ Կ․ Վարդանյանի մտերիմ ընկերը, իսկ 2 հոգին դիմում են փախուստի։

Քրեական և համայնքային ոստիկաններն ու քննիչները ձեռնարկված օպերատիվ-հետախուզական միջոցառումների շնորհիվ պարզել են, որ մեքենան, որի ուղղությամբ կրակոցներ են արձակել, վարել է Էջմիածին քաղաքի բնակիչ 25-ամյա Ալլեն Կիրակոսյանը, իսկ նրա ավտոմեքենայում եղել է Էջմիածին քաղաքի բնակիչ 34-ամյա Մխիթար Գազազյանը և վիճաբանություն է տեղի ունեցել նրանց և ևս 3 հոգու միջև։

Պարզվել է, որ դեպքի վայրից փախուստի դիմած անձնավորությունը Կ․ Վարդանյանի որդին է՝ Արագածոտնի մարզի բնակիչ 21-ամյա Գոռ Վարդանյանը։

Արմավիրի քրեական ոստիկանները, Վաղարշապատի համայնքային ոստիկանները օպերատիվ տեղեկություններով պարզում են, որ Գ․ Վարդանյանը գտնվում է Լոռու մարզում և ժամեր անց Լոռու մարզի Լեջան գյուղում հայտնաբերում են նրան և տեղափոխում ոստիկանության Վաղարշապատի բաժին։

Ֆոտոլրագրողի տեղեկություններով՝ քննիչն այնուհետև դիմում է դատարան, որպեսզի քրեական վարույթի շրջանակում խուզարկություն կատարվի Կ․ Վարդանյանի տանը, որտեղ խուզարկությամբ հայտնաբերվում է է 1 հատ օդաճնշիչ ատրճանակ, 3 հատ 7.62 մմ տ/չ և 1 հատ 5.45 մմ տ/չ ինքնաձիգի կրակված պարկուճներ:

Իսկ Վաղարշապատի համայնքային ոստիկանները ժամեր անց օպերատիվ տեղեկություններ են ստանում, որ հնարավոր է հանցագործության գործիք հանդիսացող ինքնաձիգը կասկածյալներից մեկը թաքցրել է Էջմիածին քաղաքի դպրոցներից մեկի տարածքում։

Ոստիկանները մի քանի ժամ Էջմիածին քաղաքի դպրոցների տարածքւոմ փնտրողական աշխատանքների արդյունքում թիվ 9 հիմնական դպրոցի հետնամասում գտնվող կիսաքանդ շինությունում հայտնաբերում են ինքնաձիգը՝ 1 փամփշտատուփով, որի մեջ առկա են եղել թվով 36 հատ չկրակված փամփուշտներ։

Մանրամասները՝ սկզբնաղբյուր կայքում

Երեկ՝ ապրիլի 14-ին, ՀՀ քննչական կոմիտեի Արմավիրի մարզային քննչական վարչության պետ Սևակ Խաչատրյանի որոշմամբ ստեղծված քննչական խմբի ղեկավար՝ Վաղարշապատի քննչական բաժնի հատկապես կարևոր գործերով ավագ քննիչ Սարո Վարդանյանը միջնորդություն է ներկայացրել Արմավիրի մարզի ընդհանուր իրավասության Էջմիածնի դատարան, որպեսզի դատարանը որպես խափանման միջոց երկամսյա կալանքի որոշումներ կայացնի ապրիլի 11-ին Էջմիածին քաղաքի՝ ժողովրդին հայտնի Կոմիտասի անվան հրապարակում տեղի ունեցած հրազենի գործադրմամբ միջադեպի 3 մասնակիցների նկատմամբ։

Ինչպես հայտնում է ֆոտոլրագրող Գագիկ Շամշյանը, դատարանը դռնփակ դատական նիստերն անցկացնելուց հետո բավարարել է քննիչի միջնորդությունը և նշված անձինք կալանավորվել ու դատարանից տեղափոխվել են ՀՀ Արդարադատության նախարարության քրեակատարողական ծառայության «Արմավիր» քրեակատարողական հիմնարկ։

Ֆոտոլրագրողը հայտնում է, որ ՀՀ ՆԳՆ ոստիկանության քրեական ոստիկանության գլխավոր վարչության Արմավիրի մարզային քրեական վարչության ծառայողները՝ վարչության պետ Երվանդ Նիկոյանի, վարչության պետի տեղակալ Հովհաննես Արիստակեսյանի և ՀՀ ՆԳՆ ոստիկանության համայնքային ոստիկանության գլխավոր վարչության Վաղարշապատի բաժնի ծառայողները՝ բաժնի պետ Փայլակ Շմավոնյանի գլխավորությամբ, համագործակցելով ՀՀ քննչական կոմիտեի Արմավիրի մարզային քննչական վարչության վարչության պետ Ս․ Խաչատրյանի և Վաղարշապատի քննչական բաժնի քննիչների հետ՝ բաժնի պետ Արամ Ղուկասյանի և հատկապես կարևոր գործերով ավագ քննիչ Սարո Վարդանյանի, ինչպես նաև ՀՀ քննչական կոմիտեի փորձաքրեագետի գլխավորությամբ, իրականացնելով հսկայածավալ օպերատիվ-հետախուզական և քննչական համատեղ գործողություններ, տաք հետքերով հայտնաբերել են դեպքի վայրից փախուստի դիմած 2 կասկածյալներին, իսկ առաջինին վտանգելով իրենց կյանքը վնասազերծել էին Վաղարշապատի համայնքային ոստիկանները։

Ֆոտոլրագրողի տեղեկություններով՝ այդ օրը Վաղարշապատի համայնքային ոստիկանները Էջմիածին քաղաքի Կոմիտասի անվան հրապարակում օպերատիվ տեղեկություն են ստանում, որ վիճաբանություն է տեղի ունենում, որի ժամանակ հնչել են կրակոցներ։

Շատ արագ համայնքային ոստիկանները հասնում են դեպքի վայր, որտեղ նկատում են, որ մի անձնավորություն ինքնաձիգից կրակոցներ է արձակում «20 MG 001» համարանիշի ավտոմեքենայի ուղղությամբ։ Համայնքային ոստիկանը վտանգելով իր կյանքը վազում է այդ անձի ուղղությամբ և կարողանում է կրակոցներ արձակողին վնասազերծել։ Իսկ մինչ համայնքային ոստիկանը կհասներ կրակոցներ արձակողին, Էջմիածին քաղաքի բնակիչ 47-ամյա Կարեն Վարդանյանը նրա ձեռքից վերցնում է ինքնաձիգը, ապա իր կողմից վարվող մեկ այլ ավտոմեքենայով դիմում է փախուստի։

Համայնքային ոստիկանին հաջողվում է կրակոցներ արձակած անձին վնասազերծել, ինչից հետո ՀՀ ՆԳՆ ոստիկանության գվարդիայի Վաղարշապատի պահպանության բաժնի աշխատակիցների հետ նրան ձերբակալում և տեղափոխում են ոստիկանության Վաղարշապատի բաժին։

Գ․ Շամշյանի տեղեկություններով՝ նա Արմավիրի մարզի գյուղերից մեկի բնակիչ 45-ամյա Յուրա Գալստյանն է՝ Կ․ Վարդանյանի մտերիմ ընկերը, իսկ 2 հոգին դիմում են փախուստի։

Քրեական և համայնքային ոստիկաններն ու քննիչները ձեռնարկված օպերատիվ-հետախուզական միջոցառումների շնորհիվ պարզել են, որ մեքենան, որի ուղղությամբ կրակոցներ են արձակել, վարել է Էջմիածին քաղաքի բնակիչ 25-ամյա Ալլեն Կիրակոսյանը, իսկ նրա ավտոմեքենայում եղել է Էջմիածին քաղաքի բնակիչ 34-ամյա Մխիթար Գազազյանը և վիճաբանություն է տեղի ունեցել նրանց և ևս 3 հոգու միջև։

Պարզվել է, որ դեպքի վայրից փախուստի դիմած անձնավորությունը Կ․ Վարդանյանի որդին է՝ Արագածոտնի մարզի բնակիչ 21-ամյա Գոռ Վարդանյանը։

Արմավիրի քրեական ոստիկանները, Վաղարշապատի համայնքային ոստիկանները օպերատիվ տեղեկություններով պարզում են, որ Գ․ Վարդանյանը գտնվում է Լոռու մարզում և ժամեր անց Լոռու մարզի Լեջան գյուղում հայտնաբերում են նրան և տեղափոխում ոստիկանության Վաղարշապատի բաժին։

Ֆոտոլրագրողի տեղեկություններով՝ քննիչն այնուհետև դիմում է դատարան, որպեսզի քրեական վարույթի շրջանակում խուզարկություն կատարվի Կ․ Վարդանյանի տանը, որտեղ խուզարկությամբ հայտնաբերվում է է 1 հատ օդաճնշիչ ատրճանակ, 3 հատ 7.62 մմ տ/չ և 1 հատ 5.45 մմ տ/չ ինքնաձիգի կրակված պարկուճներ:

Իսկ Վաղարշապատի համայնքային ոստիկանները ժամեր անց օպերատիվ տեղեկություններ են ստանում, որ հնարավոր է հանցագործության գործիք հանդիսացող ինքնաձիգը կասկածյալներից մեկը թաքցրել է Էջմիածին քաղաքի դպրոցներից մեկի տարածքում։

Ոստիկանները մի քանի ժամ Էջմիածին քաղաքի դպրոցների տարածքւոմ փնտրողական աշխատանքների արդյունքում թիվ 9 հիմնական դպրոցի հետնամասում գտնվող կիսաքանդ շինությունում հայտնաբերում են ինքնաձիգը՝ 1 փամփշտատուփով, որի մեջ առկա են եղել թվով 36 հատ չկրակված փամփուշտներ։

Մանրամասները՝ սկզբնաղբյուր կայքում

ԿԸՀ-ից հայտնում են, որ այսօր՝ ապրիլի 15-ին, ԿԸՀ առաջադրման փաստաթղթեր է ներկայացրել «Քաղաքացիական պայմանագիր» կուսակցությունը:

Այս պահին այլ ուժերից առաջադրման փաստաթղթեր չեն ստացվել:

Սյունիքի նախկին մարզպետ, ԱԺ նախկին պատգամավոր Վահե Հակոբյանը հրապարակային դաշտում ներկայանում է որպես հալածվող ընդդիմադիր, սակայն փաստերը, կարծես, այլ բան են ասում։

Ըստ հետաքննական տարբեր հրապարակումների, Վահե Հակոբյանը ձևականորեն հեռացել է «Մաքուր երկաթի գործարան»-ից, սակայն իրականում շարունակում է վերահսկել այն՝ իր վստահելի անձանց միջոցով։

Դրա վառ ապացույցներից մեկը 2025 թվականի սեպտեմբերի 24-ին կայացած «Մաքուր երկաթի գործարանի» բաժնետերերի արտահերթ ժողովի որոշումն է, ըստ որի՝ դադարեցվել է տնօրենների խորհրդի անդամ Տիգրան Մամիկոնյանի լիազորությունը, իսկ խորհրդի կազմում ընտրվել է Միլենա Գասպարյանը։

Միլենա Գասպարյանը նախկինում Վահե Հակոբյանի խորհրդականն է եղել, ընդգրկվել «Վերածնվող Հայաստան» կուսակցության քաղաքական թիմում։ Սա լուրջ հիմքեր է տալիս ենթադրելու, որ Հակոբյանը շարունակում է ազդեցություն ունենալ գործարանի կառավարման վրա։

Հակոբյանի ընտանիքի ներգրավվածությունը գործարանում նոր չէ։ Նրա եղբայրը՝ Կարեն Հակոբյանը, երկար ժամանակ զբաղեցրել է գործարանի գլխավոր տնօրենի պաշտոնը։

2024 թվականի սեպտեմբերին Կարեն Հակոբյանը ձերբակալվել է տնտեսական հանցագործությունների և մաքսանենգության գործի շրջանակում։ Նրան վերագրվում են նաև առանձնապես խոշոր չափերով փողերի լվացման մեղադրանքներ։ Չնայած գործի աղմկահարույց լինելուն՝ այն շարունակում է մնալ փակ և հանրային վերահսկողությունից դուրս։

«Մաքուր երկաթի գործարանը» սերտորեն կապված է գերմանական «Քրոնիմետ» հոլդինգի հետ, որը տարիներ շարունակ հանդիսացել է ընկերության հիմնական գործընկերներից և բաժնետերերից մեկը։ Տարբեր ժամանակահատվածներում նրա մասնաբաժինը նշվել է 51%-ից մինչև 60%։ 2024-2025թթ. հաշվետվությունների համաձայն՝ «Քրոնիմետը» շարունակում է մնալ ռազմավարական գործընկեր և խոշոր բաժնետեր։

Հիշենք, որ 2020-2021-ին Վահե Հակոբյանը անխնա քննադատում էր ՔՊ-ական իշխանություններին և հատկապես Նիկոլ Փաշինյանին։ Սակայն ավելի ուշ նրա ղեկավարած «Վերածնվող Հայաստան» կուսակցությունը դուրս եկավ «Հայաստան» խմբակցությունից, ակտիվ քաղաքական գործընթացներից՝ լռելով և փաստացի դադարեցնելով գործունեությունը։

Փաշինյանն ընդդիմադիր եղած ժամանակ իր ելույթներում հաճախ էր ակնարկում, որ Սյունիքի հանքերի շահագործումից ստացված եկամուտները թալանվել են և կուտակվել մի քանի անձանց, այդ թվում՝ Վահե Հակոբյանի և նրա հետ կապված գործարարների ձեռքում: Նա անդրադարձել է նաև գերմանական «Քրոնիմետ» ընկերությանը, որի ղեկավարներից է Յուրգեն Պիլարսկին։ Այս առումով էլ Փաշինյանն ակնարկել է, թե նախկին իշխանությունների օրոք ստեղծվել են կոռուպցիոն սխեմաներ, որոնք թույլ են տվել արտահանել հումքն առանց պատշաճ հարկման:

2021 թվականին Նիկոլ Փաշինյանի՝ Սյունիք կատարած այցի ժամանակ տեղի ունեցած միջադեպերից հետո Փաշինյանը Վահե Հակոբյանին և նրա թիմակիցներին անվանել է «խուլիգաններ» և խոստացել «վնասազերծել» բոլոր նրանց, ովքեր խոչընդոտում են պետության զարգացմանը:

2022-ին էլ՝ ԱԺ հարցուպատասխանի ժամանակ Փաշինյանն ակնարկելով Հակոբյանին, ասել էր.

«Հերիք է գաք այստեղ, կոկորդիլոսի արցունքներ թափեք…կամ Սյունիքի մասին խոսողները։ Հենա՝ գլուխները կախ ընդունեցին իրենց մեղքը, ներում խնդրեցին, 15 միլիարդ էլ վճարեցին պետական բյուջե։ Էդ դո՞ւք եք խոսում Սյունիքի մասին, այ թալանչիներ»։

Դրանից հետո Վահե Հակոբյանը կոշտ գնահատականներ է հնչեցրել վարչապետ Նիկոլ Փաշինյանի հասցեին՝ նրան բնութագրելով որպես «անկայուն հոգեվիճակ ունեցող անձ»։

Թեմայի վերաբերյալ հաղորդագրություն, էր տարածել նաև ՊԵԿ-ը, նշելով, որ «Զանգեզուրի պղնձամոլիբդենային կոմբինատ»-ի նախկին ղեկավարներից մեկին առնչվող ՊԵԿ քննչական վարչությունում քննվող քրեական գործի շրջանակում պետական բյուջե է վերականգնվել աննախադեպ՝ շուրջ 15մլրդ ՀՀ դրամ գումար։

2025 թվականի նոյեմբերին Վահե Հակոբյանի նկատմամբ հայտարարվել է հետախուզում՝ ծառայողական լիազորությունների չարաշահման, և փողերի լվացման հոդվածներով։

Միաժամանակ, Հակակոռուպցիոն դատարանը վարույթ է ընդունել Գլխավոր դատախազության հայցը՝ ապօրինի ծագում ունեցող գույքի բռնագանձման վերաբերյալ։ Պահանջվել է բռնագանձել՝ 9 անշարժ գույք, 3 տրանսպորտային միջոց, հարյուրավոր միլիոն դրամների և միլիոնավոր դոլարների ակտիվներ, ինչպես նաև միլիարդավոր դրամների ծագմամբ չհիմնավորված միջոցներ։

Նշենք, որ Oragir.News-ը պաշտոնական հարցում էր ուղարկել «Մաքուր երկաթի գործարան»-ի հիմնական բաժնետերերից մեկին՝ Գյունտեր Պիլարսկուն՝ խնդրելով պարզաբանել՝ արդյոք Միլենա Գասպարյանի նշանակումը չի վկայո՞ւմ, որ Վահե Հակոբյանը շարունակում է մնալ իրական շահառու, և ընկերության աշխատակիցները կարո՞ղ են ազդեցություն ունենալ առաջիկա ընտրությունների ընթացքի վրա։ Մինչ օրս այս հարցերին պատասխան չի տրվել։

Oragir.News-ը փորձեց պարզել՝ ինչն է պատճառը, որ կազմակերպությունը չի պատասխանում լրատվամիջոցի գրավոր հարցմանը։

«Ում որ ուղղել եք Ձեր հարցումը՝ փոխանցվել է նրանց»,- պատասխանեց «Մաքուր երկաթի»-ի աշխատակիցը։

Oragir.News-ի հարցին՝ այժմ ումի՞ց պետք է սպասել պատասխան, մեր զրուցակիցը նշեց, որ տեղյակ չէ՝ հավելելով, որ եթե հարցի վերաբերյալ որևէ տեղեկություն ունենան, կկապվեն։

Այսպիսով՝ ենթադրելի է, որ Վահե Հակոբյանը՝ պահպանելով ընդդիմադիր գործչի իմիջը, կարող է շարունակել վերահսկել ռազմավարական նշանակություն ունեցող արդյունաբերական ակտիվ՝ մնալով ստվերում։ Իսկ իրավապահ համակարգի պասիվությունն այս ֆոնին միայն ավելի է խորացնում կասկածները։

Հասմիկ Մովսիսյան