ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում Սամվել Կարապետյանին մեղադրել է վախկոտության մեջ, նշել, որ վերջինս համարձակություն չի գտնում իր դեմքով վարչապետին պատասխանելու, եղբոր որդու միջոցով է խոսում՝ վերջինիս թիկունքում թաքնվելով ու նրան սարքելով քավության նոխազ. «Թե բա՝ ուժեղ առաջնորդ եմ, խոսքիս տերն եմ, սեղանի տակից դուրս չեմ գա»:
ARCA համակարգից տեղեկացնում են, որ այսօր՝ 05:03–06:30 ժամանակահատվածում, իրականացվել են համակարգի պլանային թարմացման աշխատանքներ՝ անվտանգության մակարդակի բարձրացման և համակարգի արդյունավետ աշխատանքի ապահովման նպատակով։
Արդյունքում՝ ժամը 07:30–09:15 ընկած ժամանակահատվածում քարտերի հավաստագրման համակարգում դիտարկվել են որոշակի խափանումներ, ինչի հետևանքով առանձին գործարքներ կարող էին չհավաստագրվել։
«Այս պահին համակարգի աշխատանքը լիովին վերականգնված է։
Շնորհակալ ենք Ձեր համբերատարության համար և ներողություն ենք հայցում հնարավոր պատճառված անհարմարությունների համար»,- ասված է ընկերության տարածած հաղորդագրությունում։
ՀՀԿ-ն ամփոփում է նախկին նախագահ Սերժ Սարգսյանի հաշվետու զեկույցը կուսակցության 18-րդ համագումարում․
«Top-10՝ Սերժ Սարգսյանի ուղերձից.
1.Պատկերացնու՞մ եք՝ պատերազմ բերածները պատերազմ բերողներ են փնտրում։ Արցախ հանձնածները Արցախ հանձնողներ են փնտրում։ Չնայած ինչո՞ւ եմ զարմանում, մինչև հիմա էլ նիկոլ բերածները նիկոլ բերողներ են փնտրում։
2.Մենք չպետք է վարանենք և պարտավոր ենք խոսել մեր սխալների ու ձախողումներ մասին։ Եվ սա առաջին նման դեպքը չէ։ Մեր կուսակցության օրինակով կարող ենք ասել, որ սխալների վերլուծությունը ոչ թե թուլացնում է, այլ զորացնում։
3.Մենք, ընդդիմադիրներս, մնացինք մասնատված, կասկածամիտ միմյանց հանդեպ՝ կրելով հին հակասությունների բեռը, մինչդեռ նավը շարունակվում է խորտակվել։
4.Ազգային ուժերս, այս տարիների ընթացքում հայրենավաճառ գործող կառավարիչների դեմ կանգնած առանձին հատվածներ էինք, բայց ամբողջական այլընտրանք չդարձանք։
5.Կապիտուլյանտը ժամանակին մեղադրում էր, թե գործող Սահմանադրությունը «Սերժ Սարգսյանի հագով կարված կոստյում է», իսկ հիմա արի ու տես՝ պատրաստվում է մեր Սահմանադրությունից «Ալիևի հագով կոստյում կարել»։
6.Պետք է նաև ինքներս մեզ հարցնենք՝ ինչո՞ւ է միջազգային հանրությունն այդպես վարվում։ Պատասխանը դաժան է․ որովհետև Հայաստանը կորցրել է իր արժանապատվությունը։
7.Ես թույլ եմ տվել սխալներ, ինչպես այս երկրի վրա ցանկացած մարդ, և ընդունել եմ որոշումներ, որոնցով իրական արդյունք եմ ապահովել իմ երկրի ու ժողովրդի համար:
8.Այո, մենք՝ հանրապետականներս, կատարյալ չենք, բայց ազնիվ ենք: Ազնիվ ենք մեր անցյալի, մեր ներկայի և առջևում սպասվող մարտահրավերների հանդեպ։ Ազնիվ ենք ինքներս մեր և մեր ժողովրդի հանդեպ։
9.2026 թվականի Հանրապետական կուսակցությունը 2016 թվականի Հանրապետական կուսակցությունը չէ։ Մենք ավելի փորձառու ենք, ավելի իմաստուն, ավելի բյուրեղացած ու թրծված և ավելի իրատես:
10.Մենք մենք ենք՝ մեր անցյալով ու ներկայով, մեր դավանած արժեքներով ու հավատքով: Մենք աստվածասեր ենք, իսկ ինչասե՞ր եք դուք: Մենք մեր ժողովրդինն ենք, իսկ ո՞ւմն եք դուք: Մենք հայ ենք, իսկ ո՞վ եք դուք»:
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 8-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`
Երևանի Կենտրոն վարչական շրջան՝
11:00-17:00 Պարոնյան փողոց 40՝ «Շտապ օգնություն», Բուզանդի փողոց 1 շենք, Ֆիրդուսի փողոց 52-80 առանձնատներ, Չայկովսկու փողոց 15, 30, 34 առանձնատներ, Խանջյան փողոց 7, 7ա շենքեր, Հարկային տեսչության շենք միակողմանի, Ամիրյան փողոց 18, 13/1 շենքեր, Սարյան փողոց 27, 29, 31, 33, 35 շենքեր, Մայիսյան փողոց 22, 26, 33ա շենքեր,
Երևանի Արաբկիր վարչական շրջան՝
11:00-17:00 Հյուսիսային ճառագայթ 1-17 առանձնատներ, Արաբկիր 39 փողոց 25-30; 47 փողոց 4/1; 49 փողոց 2-22/5 շենքեր, Ն. Տիգրանյան փողոց 9, 27/4 շենքեր, Գրիբոյեդովի փողոց 48, 52 շենք, Կոմիտասի պողոտա 51-51/18 շենքեր, Կոմիտասի շուկա, Շահսուվարյան փողոց 7 շենք, Պռոշյան փողոց 1 նրբանցք 2-62/3 առանձնատներ, Դեմիրճյան փողոց 1/2-10, 12-60 առանձնատներ, Պռոշյան փողոց 1 նրբանցք 27-74 առանձնատներ, Այգեկցու փողոց 6-34 առանձնատներ, Բաղրամյան պողոտա 1-20 շենքեր, Բաղրամյան պողոտա 1 փակուղի 1-7, 5-14 առանձնատներ, Սարյան փողոց 4 շենք, Մոսկովյան փողոց 36-40 շենքեր, Սևաստոպոլյան փողոց 8-26 շենքեր, Սևաստոպոլյան նրբանցք 40-51 առանձնատներ,
Երևանի Քանաքեռ-Զեյթուն վարչական շրջան՝
11:00-17:00 Սարկավագի փողոց 106/1-151/2, 126-128/2, 131/1-131/2, 145-147/1, 147-151, 151-151/4 շենքեր և 79-98, 84/2-106/11 առաձնատներ, Սարկավագի 3 փողոց և 2 փողոց 3-40 առանձնատներ, Սարկավագի փողոց 4 նրբանցք և 5 նրբանցք 3-126 առանձնատներ, Սարկավագի փողոց 6 նրբանցք 1-21 առանձնատներ, Թբիլիսյան խճուղի 33-37 շենքեր, Աճառյան փողոց 43/21-43/35 առանձնատներ, Մելիքյան փողոց 5-9 շենքեր, Մելիքյան փողոց 13-32 առանձնատներ, թիվ 161 և 182 մանկապարտեզներ, Պարույր Սևակի փողոց 9-11/1 շենքեր, Մելիքյան փողոց 13-17 շենքեր, Թբիլիսյան խճուղի 14/8-22/150 առանձնատներ, Ռուբինյանց փողոց 5/14 շենք, Գերցենի փողոց 25 առանձնատուն, Ռուբինյանց փողոց 27/15 առանձնատուն,
Երևանի Նոր Նորք վարչական շրջան՝
11:00-17:00 Նոր Նորք 3-րդ զանգված՝ 19, 19ա, 21, 22, 23, 34, 26, 27, 28, 29շենքեր, «Բարի Սվիթ», «Գլաձոր», «Մամիկոն», «Գեա», «Էդուարդ-91», «Լիլիթ-97», «Նաղաշ» «ՍՊԸ»-ներ և հարակից ոչ բնակիչ բաժանորդներ, «Էկո Սիֆուդ» «ՍՊԸ», հարակից ոչ բնակիչ բաժանորդներ, Բաղյան փողոց 7, 3/3 շենքեր, Բաղյան 2-րդ նրբանցք 1 շենք, թիվ 143 դպրոց, թիվ 1 մարզադպրոց և հարակից ոչ բնակիչ-բաժանորդներ,
Երևանի Աջափնյակ վարչական շրջան՝
10:00-16:00 Հասրաթյան փողոց 9, 11, 15/1, 15/2, 15/3 շենքեր և հարակից ոչ բնակիչ-բաժանորդներ, Սպորտի փողոց մասնակի, Մազմանյան փողոց 1/1, 5 շենքեր, «ՀայԷկոնոմԲանկ» ԲԲԸ, Նորաշեն թաղամաս 37 շենք և հարակից ոչ բնակիչ-բաժանորդներ և Մուշ թաղամաս մասնակի, Շինարարների փողոց 10, 12, 14, 16, 18 շենքեր և հարակից ոչ բնակիչ-բաժանորդներ,
Երևանի Մալաթիա-Սեբաստիա վարչական շրջան՝
10:00-16:00 ՀԱ Բ-4 թաղամաս 1, 2, 3, 4, 5, 6, 11, 20 շենքեր և հարակից ոչ բնակիչ-բաժանորդներ,
Երևանի Էրեբունի վարչական շրջան՝
11:00-17:00 Նոր Արեշ 48, 50 փողոցների առանձնատներ և հարակից ոչ բնակիչ-բաժանորդներ,
Երևանի Շենգավիթ վարչական շրջան՝
10:00-16:00 Նորագավիթ 2, 3 փողոցների առանձնատներ և հարակից ոչ բնակիչ-բաժանորդներ,
Արմավիրի մարզ՝
11:00-17:00 Մուսալեռ գյուղ մասնակի,
Արագածոտնի մարզ՝
10:30-16:30 Աշտարակ քաղաք՝ Նարեկ թաղամաս և Արա 1 թաղամաս,
11:00-15:00 Պարտիզակ, Ներքին Սասնաշեն և Վերին Սասնաշեն գյուղեր,
11:00-17:00 Արագածոտն, Նոր Ամանոս, Նոր Եդեսիա և Կոշ գյուղեր,
Արարատի մարզ՝
11:00-12:30 Այգեզարդ գյուղ մասնակի,
11:00-13:00 Վեդի քաղաք՝ Կասյան, Արարատյան, Սարիբեկ Վարդանյան, Սարոյան, Գայի, Թումանյան, Նելսոն Ստեփանյան փողոցներ՝ մասնակի, Գետազատ, Աբովյան, Վարդաշեն, Արևշատ, Լանջազատ, Դեղձուտ, Մրգանուշ գյուղեր մասնակի, Դարակերտ գյուղ մասնակի,
11:00-14:00 Վեդի քաղաք՝ Կամոյի, Արարատյան, Խանջյան, Մարատ Խաչատրյան, Ներսիկ Մկրտչյան, Իսահակյան, Արամ Խաչատրյան փողոցներ մասնակի, Արմաշ և Երասխ գյուղեր մասնակի,
11:00-15:30 Մրգավան գյուղ մասնակի,
11:00-16:00 Լանջազատ գյուղ մասնակի,
14:00-16:00 Վեդի քաղաք՝ Արարատյան, Սարիբեկ Վարդանյան, Խանջյան, Ներսիկ Մկրտչյան փողոցներ մասնակի, Արարատ գյուղ մասնակի
Վայոց Ձորի մարզ՝
11:00-13:30 Ագարակաձոր գյուղ մասնակի,
11:00-14:00 Վայք քաղաք՝ Ջերմուկի խճուղի մասնակի և հարակից առանձնատներ,
Կոտայքի մարզ՝
11:00-16:00 Ձորաղբյուր գյուղ մասնակի, Ձորաղբյուրի գյուղի հարակից ոչ բնակիչ-բաժանորդներ,
11։00-17։00 Առինջ գյուղ մասնակի,
13:00-15:00 Աղվերան համանք մասնակի, «Վիվա Արմենիա» և «Յուքոմ» ընկերությունների բջջային օպերատորի կայաններ և հարակից ոչ բնակիչ-բաժանորդներ,
Գեղարքունիքի մարզ՝
11:00-13:00 Մեծ Մասրիկ գյուղ՝ 8 փողոց 3, 8 նրբանցնքեր մասնակի,
14:00-16:50 Մեծ Մասրիկ գյուղ՝ 1 փողոց 6, 8 մասնակի,
10:00-12:00 Ակունք գյուղ՝ 13 փողոց 3, 6 նրբանցնքեր մասնակի,
12:20-14:20 Ակունք գյուղ՝ 1 փողոց 1, 2, 3 նրբանցքներ մասնակի,
14:20-16:10 Ակունք գյուղ՝ 4 փողոց 1 փակուղի մասնակի և 1 փողոց 5 փողոց մասնակի,
11:00-12:30 Կարմիր գյուղ՝ թիվ 1 և թիվ 2 դպրոցներ, «հորթերի դոշ» կոչվող տարածք, «գորգ-արտել» կոչվող տարածք, ոռոգման պոմպակայան, «Յուքոմ» ընկերության բջջային կայան, եկեղեցու և բաղնիքի հարակից տարածքների առանձնատներ,
11:00-14:00 Ճամբարակ քաղաք մասնակի, Մարտունի գյուղ մասնակի,
13:00-15:00 Մադինա և Լեռնակերտ գյուղերն ամբողջությամբ, Նոր Գետաշեն գյուղ մասնակի և հարակից ոչ բնակիչ-բաժանորդներ, Աղվերան համայնք մասնակի, «Վիվա Արմենիա», «Յուքոմ» ընկերությունների բջջային օպերատորի կայաններ և հարակից ոչ բնակիչ- բաժանորդներ,
14:30-17:30 Կարմիր գյուղ՝ Բուժամբուլատորիա, հացի գործարան, «Ուսուցչի տուն» կոչվող տարածք, Սերգո Ավետիսյան և Զոհրաբ Շհոյան փողոցների առանձնատներ,
Տավուշի մարզ՝
10:00-12:00 Իջևան քաղաք՝ Մայիսի 28, Աղայան, Ս․ Օհանյան և Տերյան փողոցներ մասնակի,
12:30-14:30 Իջևան քաղաք՝ Ասլանյան, Իջևանյան, Բլբուլյան և Մայիսյի 28 փողոցներ մասնակի,
13:00-15:00 Բերդ քաղաք՝ մասնակի, «ԱԿԲԱ բանկ» ընկերություն, Ոստիկանություն, զինմաս և հարակից ոչ բնակիչ-բաժանորդներ,
15:00-17:00 Բերդ քաղաք մասնակի և հարակից ոչ բնակիչ-բաժանորդներ, Վերին Կարմիր Աղբյուր գյուղ մասնակի, Մովսես և Նորաշեն գյուղեր,
11:00-13:00 Նավուր, Իծաքար, Չինչին գյուղեր և հարակից ոչ բնակիչ-բաժանորդներ,
Լոռու մարզ՝
11:00-15:00 Ալավերդի քաղաք՝ Սարահարթ թաղամասն ամբողջությամբ, Էնգելս, Թբիլիսյան, Թումանյան, Փիրուզյան փողոցներ մասնակի, Սանահին, Ակներ, Հաղպատ, Ծաղկաշատ գյուղեր և Սանահին կայարան,
12:00-14:00 Ստեփանավան քաղաք՝ Բաղրամյան, Կամոյի, Երիտասարդական, Տերյան և Րաֆֆու փողոցներ մասնակի,
Շիրակի մարզ՝
11։00-14։30 Աշոցքի տարածաշրջան, Փոքր Սարիար գյուղ 1-ին և 2-րդ փողոցներ մասնակի,
11։00-1600 Ախուրյանի տարածաշրջան՝ Կամո, Ջաջուռ, Ջաջուռավան, Սարիար, Կրաշեն և Լեռնուտ գյուղեր,
Սյունիքի մարզ՝
10:30-12:00 Սիսիան քաղաք՝ Գ. Լուսավորիչ մասնակի, Նիկողայոս Ադոնցի նրբանցք մասնակի, Տ. Ղազարյան փողոց, Նիկողայոս Ադոնցի փողոց 3, 6 շենքեր, Սիսական փողոց 19 շենք,
12:15-14:30 Սիսիան քաղաք՝ Նիկողայոս Ադոնցի և Շահումյան փողոցներ մասնակի, Ա. Մանուկյան, Լալայան, Արցախի և Աբովյան փողոցներ,
14:15-16:00 Սիսիան քաղաք՝ Իշխան Գավիթի փողոց, Սիսական 39, 41, 43, 45, 46, 47, 49 շենքեր, Ադամյան փողոց 11 շենք Ա. Մանուկյան փողոց,
10:00-12:00 Առաջաձոր և Ձորաստան գյուղեր,
11:00-16:00 Գետաթաղ գյուղ:
«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:
Քրքում պարունակող հավելումները՝ պիպերինի համադրությամբ, կարող են նվազեցնել օրգանիզմում բորբոքային պրոցեսները եւ օգնել սրտի աշխատանքին։ Այս մասին հայտարարել ե…
ԱՄՆ-ի և Իրանի միջև հրադադարի մասին համաձայնագիրը հետքայլ է անդունդի եզրից՝ շաբաթներ տևած լարվածության սրումից հետո:
Այս մասին X-ի էջում գրել է Եվրոպական դիվանագիտության ղեկավար Կայա Կալլասը։
Ըստ նրա՝ երկշաբաթյա զինադադարը թույլ է տալիս դադարեցնել հրթիռային հարվածները, վերսկսել նավագնացությունը Հորմուզի նեղուցում և պայմաններ ստեղծել երկարաժամկետ դիվանագիտական կարգավորման համար:
«Զինադադարը ստեղծում է խիստ անհրաժեշտ հնարավորություն՝ մեղմելու սպառնալիքները, դադարեցնելու հրթիռակոծությունները, վերսկսելու նավագնացությունը և տարածություն ստեղծելու դիվանագիտության համար՝ ուղղված տևական համաձայնագրի ձեռքբերմանը:
Հորմուզի նեղուցը պետք է կրկին բաց լինի անցման համար»,- նշել է Կայա Կալլասը։
Կալլասը շնորհակալություն է հայտնել պակիստանյան կողմին գործարքին աջակցելու համար և նշել, որ Եվրոպական միությունը պատրաստ է ակտիվորեն սատարել խաղաղ գործընթացին:
«Ես զրուցել եմ Պակիստանի արտաքին գործերի նախարար Իսհաք Դարի հետ և շնորհակալություն հայտնել նրան՝ այս նախնական գործարքի ապահովման համար:
Միջնորդության դուռը պետք է բաց մնա, քանի որ պատերազմի հիմնական պատճառները դեռևս մնում են չլուծված։ ԵՄ-ն պատրաստ է սատարել այդ ջանքերին և կապի մեջ է տարածաշրջանի գործընկերների հետ: Ես այս հարցը կքննարկեմ այսօր Սաուդյան Արաբիայում»,- գրել է Կալլասը։
Իրանը երկու շաբաթով բացում է Հորմուզի նեղուցը նավերի անցման համար. անցումը հնարավոր կլինի իրանական զինված ուժերի հետ համակարգման միջոցով և հաշվի առնելով տեխնիկական սահմանափակումները, հայտարարել է Իրանի արտաքին գործերի նախարար Աբբաս Արաղչին:
«Երկշաբաթյա ժամկետով անվտանգ անցումը Հորմուզի նեղուցով հնարավոր կլինի իրանական զինված ուժերի հետ համակարգման միջոցով և հաշվի առնելով տեխնիկական սահմանափակումները»,- ասված է հայտարարության մեջ, որը նախարարը հրապարակել է X սոցիալական հարթակի իր պաշտոնական էջում:
Հիշեցնենք, որ ավելի վաղ ԱՄՆ նախագահ Դոնալդ Թրամփը հայտարարել էր Իրանին հասցվող հարվածները երկու շաբաթով դադարեցնելու համաձայնության մասին և հավաստիացրել, որ հրադադարը կլինի երկկողմանի: Այնուհետև Իրանի Ազգային անվտանգության գերագույն խորհուրդը հայտարարեց, որ Թեհրանը ԱՄՆ-ի հետ բանակցությունները կսկսի ուրբաթ օրը՝ ապրիլի 10-ին, Պակիստանի մայրաքաղաք Իսլամաբադում:
Իրանի Անվտանգության խորհրդի պնդմամբ՝ այն առաջարկների թվում, որոնց համաձայնել է ԱՄՆ-ն, ներառված են դրույթներ՝ Հորմուզի նեղուցի նկատմամբ Իրանի վերահսկողության պահպանման, Թեհրանի նկատմամբ բոլոր պատժամիջոցների չեղարկման, Իրանի կողմից ուրանի հարստացման շարունակման, ինչպես նաև Մերձավոր Արևելքից ԱՄՆ բոլոր զորքերի դուրսբերման վերաբերյալ: