ԱՄՆ նախագահ Դոնալդ Թրամփը հրաժարվում է քնել, հայտարարել է ԱՄՆ ֆինանսների նախարարության ղեկավար Սքոթ Բեսենթը։
«Մենք փոխել ենք մի նախագահի, որը չէր կարող արթուն մնալ (Ջո Բայդեն), մի նախագահի հետ, որը հրաժարվում է քնել», – ասել է Բեսենթը Հանրապետականների համագումարի ընթացքում։
Ավելի վաղ փոխնախագահ Ջեյ Դի Վենսը հայտարարել էր, որ Թրամփը կարող է 20 ժամ չքնել։
Հին Խնձորեսկի XVII դարի Անապատ եկեղեցու տարածքում իրականացվող պեղումների ընթացքում արձանագրվել է հերթական բացահայտումը։
Եկեղեցու խորանի առջև բացվել է տապանաքար, որի վրա գրված է. «Այս է տապան Աստվածաբան Խաչատուր վարդապետի| ՌՃՀԸ(1729թ․)»:
Անապատ եկեղեցին միջնադարում եղել է գրչության և հոգևոր մշակույթի կարևոր կենտրոն։ Ճարտարապետական կառուցվածքով այն ուղղանկյուն հատակագծով թաղածածկ սրահ է՝ կիսաշրջանաձև խորանով, որի երկու կողմերում կան զույգ ավանդատներ։ Եկեղեցու թաղակապ ծածկն ամբողջությամբ փլուզվել է, սակայն պահպանվել են արևելյան պատի մի հատվածը և հյուսիսային մուտքը՝ կամարակապ բարավորով։
Պեղումներն իրականացնում է «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը, արշավախմբի ղեկավարն է հնագետ Արտավազդ Զաքյանը։ Պեղումները կշարունակվեն մինչև սեպտեմբերի 14-ը։
«Հրապարակի» զրուցակիցը տնտեսագետ Սուրեն Պարսյանն է։ – Հայաստանն առեւտրային կապեր է զարգացնում Ադրբեջանի հետ: ՔՊ-ականներն ասում են, որ Ռուսաստանի ստեղծած «տնտ…
Առաջարկվում է Լոռու մարզում Վանաձոր և Փամբակ համայնքների միավորմամբ ձևավորել նոր՝ Վանաձոր խոշորացված համայնք՝ 22 բնակավայրով, իսկ Արարատի մարզի Արարատ և Վեդի համայնքների միավորման արդյունքում նոր՝ Արարատ խոշորացված համայնք՝ 32 բնակավայրով։
Նման կարգավորում է առաջարկել ՀՀ Կառավարությունը՝ փոփոխություններ առաջարկելով «ՀՀ վարչատարածքային բաժանման մասին» և «Տեղական ինքնակառավարման մասին» օրենքներում։ Օրենսդրական առաջարկը Տարածքային կառավարման և շրջակա միջավայրի պահպանության հարցերի մշտական հանձնաժողովում քննարկման է ներկայացրել ՀՀ տարածքային կառավարման և ենթակառուցվածքների նախարարի տեղակալ Առնակ Ավետիսյանը։
Նշվել է, որ միավորման ծրագրի վերաբերյալ համայնքների ներկայացուցիչների մասնակցությամբ անցկացվել են հանրային լսումներ։
2016 թվականից սկսած՝ համայնքների միավորման շրջանակում երկու մոդել է կիրառվել՝ փնջային և շրջանային։ Առնակ Ավետիսյանի խոսքով տեղական և միջազգային ուսումնասիրությունները ցույց են տվել, որ շրջանային մոդելով իրականացվող համայնքների միավորումներն առավել արդյունավետ են և առավելապես ծառայում են համայնքների կողմից քաղաքացիներին մատուցվող ծառայությունների որակի բարձրացմանը, համայնքի կարողությունների առավել ամրապնդմանը, համայնքային և ՏԻՄ ոլորտի բարեփոխումների առավել արդյունավետ իրականացմանը։
Օրենսդրական փաթեթի ընդունման արդյունքում կունենանք 62 համայնք՝ համապատասխանաբար 55 բազմաբնակավայր համայնքներով։
«Ուժեղ Հայաստան» ընդդիմադիր խմբակցության պատգամավորները մտահոգություն են հայտնել համայնքների միավորման գործընթացի առնչությամբ, նշել, որ քննարկումները համայնքներում բավարար չեն եղել։ Տեսակետ է հնչել, որ քաղաքական նպատակահարմարությամբ է պայմանավորված այս առաջարկը, ոչ թե համայնքի շահով։ Այդ առնչությամբ իշխող «Քաղաքացիական պայմանագիր» խմբակցության պատգամավորները հակափաստարկներ են ներկայացրել։ Խմբակցության անդամների գնահատմամբ բոլոր համայնքների քաղաքացիների համար պետք է ապահովվեն հավասար պայմաններ, ինչին էլ միտված է համայնքների միավորման գործընթացը։
Հարցուպատասխանի և ելույթների շրջանակում անդրադարձ է եղել համայնքների ֆինանսավորման, քաղաքացիներին մատուցվող ծառայությունների, ենթակառուցվածքների բարելավման հնարավորություններին։ Բարձրացվել է համայնքների միավորումը տեղական հանրաքվեի ճանապարհով անցկացնելու նպատակահարմարության հարցը։ Նշվել է, որ խոշորացումը համայնքների զարգացման ամենաարդյունավետ քայլերից է։
Փոխնախարարը պարզաբանումներ է ներկայացրել վերոնշյալ բոլոր խնդիրների առնչությամբ և մանրամասնել համայնքային քաղաքականության արդյունավետ իրականացման հնարավորությունները։
Քվեարկության արդյունքում օրենսդրական փաթեթն արժանացել է հանձնաժողովի դրական եզրակացությանը։
Ուկրաինայի նախագահ Վոլոդիմիր Զելենսկու՝ Քիշնեւից Օսլո մեկնումը հետաձգվել է Մոլդովայի օդային տարածք ռուսական անօդաչու թռչող սարքերի ներթափանցման պատճառով, հատնել են Մոլդովայի եւ Նորվեգիայի իշխանությունները։
Չորեքշաբթի Զելենսկին մասնակցել է 89 տարեկանում մահացած Նորվեգիայի թագավոր Հարալդ V-ի հուղարկավորությանը։ Արարողությունից կարճ ժամանակ անց նա մեկնել է Կանադա։
Նորվեգիայի վարչապետ Յոնաս Գար Ստյորեն ազգային հանրային հեռարձակող NRK-ին ասել է․ «Նրա ինքնաթիռին քիչ էր մնում անօդաչու թռչող սարք հարվածեր, երբ նա թռչում էր Մոլդովայից։ Սա այն իրականությունն է, որի հետ նա ստիպված է առնչվել»։
ԱՄՆ-ի Նևադա նահանգում անցկացվող Burning Man փառատոնում մի քանի օրվա ընթացքում մահացել է երեք մասնակից։ Այդ մասին սեպտեմբերի 8-ին հայտնել է Daily Mail-ը՝ հղում անելով Փերշինգ շրջանի շերիֆ Ջերի Ալենին։
«Երրորդ մարդը մահացել է Նևադա նահանգի Ռինո քաղաքի հիվանդանոց տեղափոխելու ընթացքում։ Նրա ինքնությունը առայժմ չի հրապարակվում», — ասվում է հրապարակման մեջ։
Ավելի վաղ փառատոնի տարածքում հայտնաբերել էին 55-ամյա Սեմփսոն Չոմբեին։ Տղամարդուն գտել էին ճամբարի փողոցներից մեկում, ինչից հետո նա մահացել էր ժամանակավոր բժշկական կետում։ Ալենի խոսքով՝ նախնական տվյալներով բռնի մահվան նշաններ չեն հայտնաբերվել։
Երկու օր անց, ինչպես պնդում է պարբերականը, իր թրեյլերում մահացած են գտել 60-ամյա Քրեյգ Մանին։ Իշխանությունները նույնպես բռնության նշաններ չեն հայտնաբերել։
Նշվում է, որ բոլոր երեք մահերի պատճառները դեռևս չեն հաստատվել, իսկ դեպքերը միմյանց հետ կապի նշաններ չունեն։
Burning Man փառատոնը Նևադայի անապատում անցկացվել է օգոստոսի 30-ից և ավարտվել է Բլեք Ռոք Սիթիի տաճարի ավանդական այրմամբ։ Շերիֆի խոսքով՝ ամեն տարի միջոցառման ընթացքում սովորաբար արձանագրվում է առնվազն մեկ մահվան դեպք, սակայն այս տարի մահացածների թիվը միջին ցուցանիշից բարձր է եղել։
Գերմանիայի Բունդեսթագում բյուջեի նախագծի քննարկումը վերածվել է կանցլեր Ֆրիդրիխ Մերցի և «Այլընտրանք Գերմանիայի համար» (AfD) կուսակցության համանախագահ Ալիս Վայդելի քաղաքական բախման։ Սա նրանց առաջին ուղիղ բանավեճն էր Սաքսոնիա-Անհալթում կայացած ընտրություններից հետո, որտեղ AfD-ն ռեկորդային՝ 43,8 տոկոս արդյունք է գրանցել։
Վայդելը հայտարարել է, որ պահպանողականների և սոցիալ-դեմոկրատների կառավարող կոալիցիան «անցյալում է»։ Նա քննադատել է կառավարության ծախսերը, պետական պարտքի աճը, աշխատատեղերի կրճատումը և ներգաղթի քաղաքականությունը։
Մերցը, իր հերթին, հիշեցրել է, որ Սաքսոնիա-Անհալթի ընտրողների 56 տոկոսը չի աջակցել AfD-ին և ընդգծել, որ կառավարությունը չի հրաժարվի նախատեսված բարեփոխումներից։ Բանավեճի ընթացքում իշխող կուսակցությունների ներկայացուցիչները AfD-ին մեղադրել է Մոսկվայի շահերը պաշտպանելու մեջ։
Հիմնական տարաձայնության պատճառը Ռուսաստանի պատերազմին և Ուկրաինային տրամադրվող օգնությանն է։ Մերցը հայտարարել է, որ Գերմանիան կշարունակի աջակցել Ուկրաինային, քանի որ այն «պաշտպանում է նաև գերմանացիների ազատությունը»։ Գերմանիայի կանցլերը Վայդելին մեղադրել է ագրեսորի և զոհի դերերը փոխելու փորձի մեջ։
Վայդելը կրկին դեմ է արտահայտվել Ուկրաինային ռազմական օգնություն տրամադրելուն՝ կոչ անելով բանակցություններ սկսել Ռուսաստանի հետ և վերականգնել ռուսական գազի մատակարարումները «Հյուսիսային հոսք» գազատարներով։
Նա նաև նախազգուշացրել է, որ գազի պահեստարանների ցածր լցվածության պայմաններում ցուրտ ձմեռը կարող է ջեռուցման խնդիրներ առաջացնել։ Մերցը պատասխանել է, որ կառավարությունը տեղյակ է իրավիճակից և աշխատում է դրա կարգավորման ուղղությամբ։
Բանավեճի ֆոնին «Կանաչները» կրկին առաջարկել են քննարկել AfD-ն արգելելու հնարավորությունը։ CDU/CSU դաշինքում, սակայն, այդ հարցի վերաբերյալ միասնական դիրքորոշում դեռևս չկա։
Ինքնիշխանը հենց այսպես է լինում