Կալինինգրադի բնակիչը մեկ ամիս ապրել է՝ ատամի փայտիկը ստամոքսում․ գրում է ՏԱՍՍ-ը՝ մարզային առողջապահության նախարարությանը հղումով։
Տղամարդը մեկ ամիս առաջ ուտելիս կուլ է տվել ատամի փայտիկը։ Նա ասել է, որ ուտեստն այնքան համեղ է եղել, որ չի նկատել։
Ատամի փայտիկը, ի վերջո, թափանցել է նրա ստամոքսի պատի մեջ և հանվել է էնդոսկոպի միջոցով։
Երևան-Սևան ճանապարհին ծառը կողաշրջվել էր, ճանապարհը մասնակի փակելՕԳՍ 13, 2026 14:06
Մոսկվան նշել է Հայաստանից մթերքների ներմուծումը վերսկսելու պայմաններըՕԳՍ 13, 2026 14:15
ԱՄՆ-ում իրավապահ մարմինները բացահայտել են օտարերկրացիների համար կեղծ ամուսնությունների կազմակերպման խոշոր սխեմա, որոնց նպատակն էր ստանալ կեցության թույլտվություն, հայտարարել են դաշնային դատախազները։ Գործով Նյու Յորքի շրջանից 11 մարդ է հարցաքննվում, հայտնում է ABC 7-ը:
Քննության վարկածով՝ սխեման գործել է ավելի քան տասը տարի և կարող էր ընդգրկել հարյուրավոր կեղծ ամուսնություններ։ Օտարերկրացիները, հիմնականում Չինաստանի քաղաքացիներ, կազմակերպիչներին վճարում էին տասնյակ հազարավոր դոլարներ ամերիկացիների հետ ամուսնանալու համար, ինչը պետք է օգներ նրանց ստանալ գրին քարտ և հետագայում հավակնել ԱՄՆ քաղաքացիությանը։
Ըստ մեղադրանքի՝ որոշ դեպքերում ծառայությունների արժեքը հասել է մոտ 100 հազար դոլարի։ Ամերիկյան քաղաքացիներին կեղծ ամուսնություններին մասնակցելու համար վճարում էին հազարավոր դոլարներ։
Ինչպես պնդվում է, կազմակերպիչները չեն սահմանափակվել զուգընկերներ գտնելով։ Նրանք կազմակերպում էին հարսանեկան արարողություններ՝ լուսանկարիչներով, հյուրերով և պաշտոնատար անձանց մասնակցությամբ, որպեսզի ստեղծեն իրական ամուսնության տպավորություն։ Որոշ դեպքերում արարողություններն անցկացվել են ռեստորաններում, որտեղ մասնակիցները փոխել են հագուստը՝ կրելով ավանդական չինական հարսանեկան տարազներ։
Միևնույն ժամանակ, ամուսիններին, ենթադրաբար, հանձնարարվել է փաստացի հարաբերություններ չունենալ և ապրել առանձին։ Այն բանից հետո, երբ օտարերկրացի ամուսինը ստացել է գրին քարտ, կազմակերպիչները կարող էին աջակցել ամուսնալուծության ձևակերպմանը։
Նյու Յորքի հարավային շրջանի դատախազությունում կարծում են, որ ավելի քան տասը տարվա ընթացքում ցանցի մասնակիցները կարող էին ստանալ տասնյակ միլիոնավոր դոլարներ։ Գերատեսչությունում այդ գործը անվանել են ԱՄՆ պատմության մեջ կեղծ ամուսնություններին առնչվող խարդախության ամենախոշոր հետաքննություններից մեկը։
Ձերբակալվածներին առաջադրվել են տարբեր մեղադրանքներ՝ կախված սխեմայում նրանց ենթադրյալ դերից։ Նրանք ներկայացել են դատարան Ուայթ Փլեյնսում։ Մեղավոր ճանաչվելու դեպքում նրանց կարող է սպառնալ մինչև 10 տարվա ազատազրկում։
Երևանի Թաթուլ Կրպեյանի անվան զբոսայգում հրդեհ է բռնկվելՕԳՍ 13, 2026 14:21
Նավթը միջազգային բորսաներում գրանցել է գնային անկում։ Համաձայն բորսայական սակարկությունների տվյալների, Brent տեսակի նավթի սեպտեմբերյան ֆյուչերսների մեկ բարելը էժանացել է 25 տոկոսով եւ կազմել 88,76 դոլար։ WTI տեսակի նավթի օգոստոսյան մատակարարումների ֆյուչերսների մեկ բարելն էլ էժանացել է 0,42 տոկոսով եւ կազմել 82,92 դոլար։
Ռուսաստան ներմուծվող հայկական գյուղատնտեսական արտադրանքի անվտանգության ապահովումը և պարտադիր պահանջների կատարումը կարևորագույն նշանակություն ունեն ռուսական շուկա մատակարարումների վերսկսման համար․ գրում է «Ինտերֆաքս»-ը՝ Ռուսաստանի գյուղատնտեսության նախարարությանը հղումով։
«Գյուղատնտեսական արտադրանքի անվտանգության ապահովումը, այդ թվում՝ հայ արտադրողների կողմից տեղական հումքի օգտագործումը, թունաքիմիկատների վերահսկողությունը, մատակարարումների հետագծելիությունը և այլ պարտադիր պահանջներ, ներկայում սահմանափակումների ենթակա ապրանքների ներմուծման վերսկսման հիմնական նախապայմանն է», – հայտարարել է ՌԴ գյուղատնտեսության նախարարությունը՝ Ալմաթիում ԵԱՏՄ գյուղատնտեսական քաղաքականության խորհրդի 7-րդ նիստի ընթացքում ՌԴ գյուղատնտեսության նախարար Օքսանա Լուտի և ՀՀ էկոնոմիկայի նախարար Գևորգ Պապոյանի հանդիպումից հետո։
ժողովու’րդ, քաշելու են, երաշխիք է պետք, զգուշացնում ենք, որ հետո չասեք՝ նավը, «T 90»-ը չի գալիս
Իրանի հատուկ ծառայությունները հայտարարել են երկրի հարավ-արևելքում՝ Սիստան և Բելուջիստան նահանգում, թաքֆիրական ահաբեկչական խմբավորման երկու բջիջների վնասազերծման մասին, փոխանցում է Mehr-ը։
Իրանի հետախուզության նախարարության տվյալներով՝ չորս մարդ ձերբակալվել է, ևս երկուսը սպանվել են բախումների ընթացքում։
Գերատեսչությունից հայտնել են, որ բջիջները բացահայտվել են Իրանի տարածք ներթափանցելուց հետո։ Գործողությունն իրականացվել է Խաշ քաղաքում՝ Իսլամական հեղափոխության պահապանների կորպուսի ցամաքային ուժերի և ոստիկանության հետ համատեղ։
Իրանական կողմի վարկածով՝ խմբավորումների անդամները ծրագրել էին ապակայունացնել իրավիճակը նահանգում և հարձակվել տարածաշրջանի հարավում գտնվող տնտեսական ենթակառուցվածքների օբյեկտների վրա։ Ուժայինները հայտարարել են, որ կարողացել են կասեցնել բջիջների գործունեությունը մինչև որևէ հարձակման սկիզբը։
Հետախուզության նախարարությունում պնդում են, որ ձերբակալվածներից երկուսը պատրաստված զինյալներ էին և Իրանի տարածք էին ուղարկվել խմբավորումների կողմից, որոնք գերատեսչությունը կապել է ԱՄՆ-ի և Իսրայելի հետախուզական ծառայությունների հետ։ Այս պնդումների անկախ հաստատում չի ներկայացվում։
Բացի այդ, Զահեդանում իրանական հատուկ ծառայությունները հայտնել են չորս անդամից բաղկացած կազմակերպված խմբավորման վնասազերծման մասին, որին մեղադրել են բռնի հանցագործություններ կատարելու և հասարակական կարգը խախտելու մեջ։
Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։