Երևանի քաղաքապետ Տիգրան Ավինյանը տեսանյութ է հրապարակել ֆեյսբուքյան իր էջում և տեղեկացրել, որ առաջին անգամ հիմնանորոգվում է 1963 թվականին կառուցված
Քաղաքապետը նաև ընդգծել է, որ 2019-2025 թվականների ընթացքում Երևանում հիմնանորոգվել և վերակառուցվել է 45 մանկապարտեզ, որտեղ հաճախում է շուրջ 11․000 երեխա։ Առաջիկայում հիմնանորոգվող մանկապարտեզների ցանկին կավելանան ևս 32-ը։
Դոնալդ Թրամփը ՄԱԿ-ի Գլխավոր ասամբլեայի ամբիոնից հայտարարել է, որ իր պաշտոնավարման ընթացքում լուծել է բազմաթիվ խնդիրներ։
«Մինչ ուրիշները խոսում էին խաղաղության մասին, ես հաստատեցի այն։ Մինչ ուրիշներն անտեսում էին սպառնալիքները, ես դիմակայում էի դրանց»,- ընդգծել է ԱՄՆ նախագահը։
Նա հիշեցրել է 8 հակամարտությունների կարգավորման մասին, այդ թվում՝ Հայաստանի և Ադրբեջանի միջև։
«Հայաստանի վարչապետն ասաց, որ այս բեկումը պարզապես հնարավոր չէր լինի առանց նախագահ Թրամփի անձնական ներգրավվածության և խաղաղությանը նրա վճռական հանձնառության։ Ադրբեջանի նախագահն էլ նշեց, որ ես վեց ամսում հրաշք գործեցի»,- շեշտել է Սպիտակ տան ղեկավարը։
Անդրադառնալով ռուս-ուկրաինական պատերազմին՝ Թրամփը վստահություն է հայտնել, որ հակամարտությունը կկարգավորվի ավելի շուտ, քան շատերն են ակնկալում։
«Վաշինգտոնն աշխատում է Ռուսաստանի և Ուկրաինայի ղեկավարության հետ՝ պատերազմին վերջ դնելու նպատակով»,- շեշտել է ԱՄՆ նախագահը։
Խոսելով Իրանի մասին՝ Թրամփը հայտարարել է, որ Թեհրանը բազմիցս մերժել է գործարքի վերաբերյալ ԱՄՆ առաջարկները։ Նա ընդգծել է, որ Իսլամական Հանրապետությունը երբեք միջուկային զենք չի ունենա, իսկ ԱՄՆ-ի և Իրանի միջև համաձայնագիրը կարող է կնքվել նոյեմբերին նախատեսված Կոնգրեսի միջանկյալ ընտրություններից հետո։ Սպիտակ տան ղեկավարը նաև խոստացել է, որ նավթի գները շուտով կկարգավորվեն։
Դոնալդ Թրամփը հավելել է, որ ԱՄՆ-ն ավելի հզոր է, քան երբևէ․ երկրի զինված ուժերն աշխարհում ամենաուժեղն են և կարող են գործի դրվել, եթե Միացյալ Նահանգներին վտանգ սպառնա։
Խոսելով Գրենլանդիայի անվտանգության ապահովման շուրջ Դանիայի հետ ձեռք բերված համաձայնության մասին՝ Թրամփը հայտարարել է, որ ԱՄՆ-ը Պիտուֆիկից բացի ևս երկու ռազմաբազա կկառուցի կղզում և թույլ չի տա հակառակորդներին այնտեղ ներդրումներ կատարել կամ ցուցաբերել այլ տեսակի ներկայություն։
Սպիտակ տան ղեկավարն անդրադարձել է նաև Կուբային՝ այն որակելով «ձախողված պետություն», ինչից հետո Կուբայի ներկայացուցիչները լքել են Գլխավոր ասամբլեայի դահլիճը։
Սեպտեմբերի 20-ին ավտովթար է տեղի ունեցել Շիրակի մարզում։ Ժամը 15։00-ի սահմաններում Արթիկ-Անուշավան ավտոճանապարհին «BMW» մակնիշի ավտոմեքենան դուրս է եկել ճանապարհի երթևեկելի գոտուց և կողաշրջված հայտնվել ձորակում։
Ինչպես հայտնում է shamshyan.com-ը՝ վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են «Արթիկ» բժշկական կենտրոն։
Հանրապետության նախագահ Վահագն Խաչատուրյանն ընդունել է ՄԱԿ-ի Զբոսաշրջության համաշխարհային կազմակերպության (ԶՀԿ) գլխավոր քարտուղար Շեյխա Նասեր Ալ Նուեյսիին։
Նախագահը շնորհակալություն է հայտնել Հայաստան այցելելու և Հայաստանի նկատմամբ ցուցաբերվող շարունակական ուշադրության համար։
ԶՀԿ գլխավոր քարտուղարը շնորհակալություն է հայտնել ընդունելության համար՝ նշելով, որ սիրով է այցելում Հայաստան և առանձնահատուկ վերաբերմունք ունի մեր երկրի նկատմամբ։
Հանդիպման ընթացքում քննարկվել են Հայաստանում զբոսաշրջության տարբեր ուղղությունների զարգացման հնարավորությունները։ Առանձնահատուկ կարևորվել է բժշկական և առողջապահական զբոսաշրջության զարգացումը՝ հաշվի առնելով Հայաստանի առկա ներուժը։
Կողմերը նշել են, որ տարածաշրջանում խաղաղության և կայունության ամրապնդումը կարևոր նախապայման է զբոսաշրջության հետագա զարգացման և զբոսաշրջային հոսքերի աճի համար։
Փոխվարչապետ Մհեր Գրիգորյանն ընդունել է ՄԱԿ-ի զբոսաշրջության համաշխարհային կազմակերպության գլխավոր քարտուղար Շեյխա Նասեր Ալ Նուեյսին:
Հանդիպման ընթացքում քննարկվել են զբոսաշրջության ոլորտում Հայաստանի մեծ ներուժը և դրա իրացման հնարավորությունները:
Անդրադարձ է կատարվել զբոսաշրջության ոլորտի կարգավորումներին և թվային լուծումներին ու Հայաստանում այս ուղղությամբ լավագույն փորձի տեղայնացման հեռանկարին: Զրուցակիցները մտքեր են փոխանակել նաև ՄԱԿ-ի զբոսաշրջության համաշխարհային կազմակերպության հետ Հայաստանի համագործակցության հնարավոր ուղղությունների շուրջ: Այս համատեքստում փոխվարչապետը կարևորել է կազմակերպության կուտակած փորձն ու գիտելիքները։
22.09.2026
Քաղաքականություն
Հավաքվել էին գումարի շուրջ, հեղաշրջում անելու, հիմա էլ փողի ռազբորկաներ են անում
Սեպտեմբերի 19-ին Երևանում հերթական ոտնձգությունն է տեղի ունեցել Երևանի քաղաքապետարանի հաշվեկշռում հաշվառված «Ավտոբուս» ՓԲԸ-ի վարորդի նկատմամբ։
Այդ օրը՝ ժամը 20:40-ի սահմաններում, ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժնում օպերատիվ տեղեկություններ են ստացվել, որ Միկոյան փողոցում ծեծի է ենթարվկել Երևանի քաղաքապետարանի հաշվեկշռում հաշվառված թիվ 23 երթուղին սպասարկող ավտոբուսի վարորդը։
shamshyan.com-ի փոխանցմամբ՝ համայնքային ոստիկանները պարզել են , որ ժամը 20:30-ի սահմաններում Երևանի բնակիչ 63-ամյա Ռուբեն Մ.-ն 23 համարի ավտոբուսը ցանկացել է կայանել տրանսպորտի համար նախատեսված կանգառում, որի հետևանքով վիճաբանություն է սկսվել մեկ այլ ավտոմեքենայի վարորդի հետ, վերջինն էլ մի քանի անգամ հարվածներ է հասցրել ավտոբուսի վարորդին՝ կոտրելով քիթը։
Վարորդը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն։
Դեպքի փաստով ոստիկանության Նոր Նորքի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին, որտեղ դեպքի փաստով «խուլիգանություն և ծեծ» հատկանիշներով նախաձեռնվել է քրեական վարույթ։
shamshyan.com-ի տեղեկություններով՝ Նոր Նորքի համայնքային ոստիկանները պարզել են ավտոբուսի վարորդին ծեծի ենթարկած քաղաքացու ինքնությունը, ով Երևանի բնակիչ է և ձեռնարկում են անհրաժեշտ միջոցառումներ՝ նրան հայտնաբերելու ուղղությամբ
Հայաստանն ամերիկյան Արհեստական բանականության ենթակառուցվածքների ոլորտում առաջատար կենտրոններից մեկը դառնալու ճանապարհին է։Այս մասին գրում է Bloomberg-ը:
Firebird ստարտափը օգոստոսին սկսեց Հայաստանում տվյալների մշակման կենտրոն կառուցումը, որի հզորությունը հաջորդ տարվա վերջին կհասնի 300 մեգավատի և հագեցած կլինի ավելի քան 70 000 գերժամանակակից չիպերով:
Երևան քաղաքի առաջին ատյանի ընդհանուր իրավասության քրեական դատարանը «Մայր Հայաստան» կուսակցության վարչության անդամ, նախկին պատգամավոր Արեգնազ Մանուկյանի նկատմամբ կիրառված կալանքը փոխարինել է տնային կալանքով՝ այլ անձանց հետ շփման արգելքով։ Այս մասին հայտնել է Մանուկյանի պաշտպան Տաթևիկ Սողոյանը։
Արեգնազ Մանուկյանը ձերբակալվել էր հուլիսի 9-ին, ապա կալանավորվել երկու ամսով։ Սեպտեմբերի 8-ին նրա կալանքի ժամկետը երկարացվել էր ևս մեկ ամսով։
Մանուկյանի նկատմամբ հանրային քրեական հետապնդում է հարուցվել Քրեական օրենսգրքի 427-րդ հոդվածի 1-ին մասով՝ պետական գաղտնիք պարունակող տեղեկություններ հրապարակելու մեղադրանքով։ Մանուկյանը մեղադրանքը չի ընդունում։
Զինվորական կենտրոնական դատախազության պետական շահերի պաշտպանության բաժնի կողմից ուսումնասիրվել է Վաղարշապատ համայնքի Կոմիտասի հրապարակում գտնվող կինոթատրոնի շենքի և դրան կից հողամասի օտարման գործընթացի իրավաչափությունը: Այս մասին տեղեկացնում են ՀՀ գլխավոր դատախազությունից:
Ուսումնասիրության արդյունքում պարզվել է, որ ՀՀ պաշտպանության նախարարի զեկուցմամբ, առանց սահմանված կարգով իրականացված գույքի գնահատման արդյունքի՝ Կառավարության 2004 թվականի մարտի 11-ի թիվ 282-Ա որոշմամբ թույլատրվել է պետական սեփականություն հանդիսացող կինոթատրոնի շենքն ուղղակի վաճառքով օտարել ֆիզիկական անձին՝ վաճառքի գինը սահմանելով 55 հազար ԱՄՆ դոլարին համարժեք դրամ, այն դեպքում, երբ օտարումից շուրջ երեք ամիս անց, առանց փաստացի վիճակի փոփոխության, վերոնշյալ գույքի կադաստրային արժեքը կազմել է 218 միլիոն 215 հազար դրամ։
Ուսումնասիրությամբ պարզվել է նաև, որ առուվաճառքի պայմանագրով հողամասի վարձակալության իրավունքի փոխանցում նախատեսված չլինելու պայմաններում՝ պետական սեփականություն հանդիսացող 0,266 հա մակերեսով հողամասի նկատմամբ գրանցվել է ֆիզիկական անձի վարձակալության իրավունքը, որը հետագայում հիմք է հանդիսացել նրա կողմից 18 միլիոն 513 հազար դրամ կադաստրային արժեքով հողամասի նկատմամբ անհատույց սեփականության իրավունք ձեռք բերելու համար։
Պարզվել է նաև, որ 0,266 հա մակերեսով հողամասից 1253 քմ մակերեսով հատվածը՝ մայթերն ու անցումները, գտնվել են Հողային օրենսգրքի 60-րդ հոդվածով սահմանված սահմանափակումների տիրույթում և ենթակա չեն եղել օտարման։
Դատախազը, պետական շահերի պաշտպանության լիազորություններն իրականացնելու շրջանակում հայտնաբերելով առերևույթ հանցանքի հատկանիշներ, հանցանքի մասին հաղորդում է ներկայացրել Հակակոռուպցիոն կոմիտե, նախաձեռնվել է քրեական վարույթ։
Դատախազության կողմից պետական շահերի պաշտպանության հայց է ներկայացվել դատարան, որն ընդունվել է վարույթ։