julbaz.mediamonitoring.am

Լրատվամիջոցները, ըստ էության, ժողովրդավարության հիմնասյուներից են. Սոնա Ղազարյան

 Գերմանիայից Հայաստան են օդային ճանապարհով ներմուծվել հոլշտեյն ցեղատեսակի տոհմային երինջներ։ Սա Հայաստան տոհմային խոշոր եղջերավոր կենդանիների օդային ճանապարհով ներմուծման առաջին դեպքն է։

Ներմուծումն իրականացվել է Երեմյան ընկերությունների խմբի կողմից։

 Տոհմային բարձրարժեք կենդանիների ներմուծումը ՀՀ էկոնոմիկայի նախարարության կողմից իրականացվող տավարաբուծության զարգացման ծրագրի կարևոր ուղղություններից է։ Նախարարության կողմից իրականացվող ծրագրերի շրջանակում Հայաստան արդեն ներկրվել է 2,785 գլուխ տոհմային խոշոր եղջերավոր կենդանի։

ՀՀ կրթության, գիտության, մշակույթի և սպորտի նախարար Ժաննա Անդրեասյանի նախագահությամբ այսօր կայացել է 2027 թվականի Համահայկական ամառային իններորդ խաղերի կազմակերպման և անցկացման միջգերատեսչական հանձնաժողովի առաջին նիստը։

Ողջունելով նիստի մասնակիցներին՝ Ժաննա Անդրեասյանն ընդգծել է, որ Համահայկական խաղերի կազմակերպումը մեծածավալ աշխատանք է և պահանջում է ներգրավված բոլոր գերատեսչությունների համակարգված ու հետևողական համագործակցություն։ Նա մասնավորապես կարևորել է Համահայկական խաղերի համաշխարհային կոմիտեի հետ ամենօրյա սերտ աշխատանքը՝ նշելով, որ խաղերը դարձել է մասշտաբային իրադարձություն։

«Պետք է մեծ ջանք գործադրենք, որպեսզի պատշաճ պատրաստվենք, և ամեն ինչ անցկացվի բարձր մակարդակով ու որակով։ 2023 թվականի խաղերին մասնակցել է 7161 մարդ, իսկ առաջիկա խաղերի դեպքում, հաշվի առնելով նաև մարզաձևերի ցանկն ընդլայնելու և առավել բազմազան ծրագիր ունենալու վերաբերյալ քննարկումները, մասնակիցների թիվը կարող է ավելի մեծ լինել»,- ընդգծել է ԿԳՄՍ նախարարը։

Հոկտեմբերի 1-ին՝ ժամը 10:00-11:00-ն ընկած ժամանակահատվածում, ՀՀ ԶՈՒ ավիացիոն ստորաբաժանումներն իրականացնելու են ուսումնամարզական թռիչքներ, որոնց ժամանակ գերազանցվելու է ձայնի արագությունը, ինչի հետևանքով Գյումրիում, Թալինում և Արթիկում կարող են լսվել պայթյունանման ձայներ։ Այս մասին տեղեկացնում են ՀՀ ՊՆ-ից:

Վերոնշյալ բնակավայրերի և դրանց հարակից հատվածների բնակչությանը խնդրում ենք ընդունել ի գիտություն։

Քրեական ոստիկանության Սյունիրքի մարզային վարչության ծառայողները ստացել էին օպերատիվ տեղեկություն, որ մաքսանենգ ճանապարհով Հայաստան է ներկրվելու առանձնապես խոշոր չափերի թմրամիջոց։ Այս մասին տեղեկացնում են ՆԳՆ ոստիկանությունից:

 
Նախաձեռնվեց քրեական վարույթ, իսկ հետագա միջոցառումներին իրենց գործուն ներդրումն ունեցան նաև Քրեական ոստիկանության թմրամիջոցների ապօրինի շրջանառության դեմ պայքարի վարչության, Քննչական կոմիտեի տնտեսական հանցագործությունների և մաքսանենգությունների քննության գլխավոր և Սյունիքի մարզային վարչությունների ծառայողները։

 
Լայնածավալ օպերատիվ-հետախուզական միջոցառումներից ու քննչական գործողություններից հետո, համագործակցելով նաև մայրաքաղաքի պարեկների հետ, սեպտեմբերի 29-ին՝ ժամը 15․15-ին, թմրամիջոց ձեռք բերելու պահին Արարատյան փողոցում իրավապահները ձերբակալեցին Երևանի 39 և 41 տարեկան երկու բնակչի։ Նրանք տեղափոխվեցին Համայնքային ոստիկանության Էրեբունու բաժին, իսկ նրանց վարած մեքենան՝ պահպանվող հատուկ տարածք։

 
Ձերբակալման վայրում հայտնաբերվել է վեց կիլոգրամ մարիխուանայով լցված պոլիէթիլենային փաթեթ։

 
Երկուսն էլ տեղափոխվել են ձերբակալվածների պահման վայր։
Նախաքննությունը շարունակվում է։