Ստամբուլում Իսրայելի հյուպատոսության շենքի մոտ զինված հարձակում է տեղի ունեցել, որի հետևանքով երեք մարդ զոհվել է, երկու ոստիկան՝ վիրավորվել։ Այս մասին…
Ստամբուլում Իսրայելի հյուպատոսության մոտ տեղի ունեցած կրակոցների հետևանքով երեք մարդ է զոհվել
Իրանի պատերազմը և էներգամատակարարման խափանումներն արագացնում են Հարավային Կովկասում համագործակցությունները․ Euronews
Երբ խոսքը վերաբերում է Ասիայի և Եվրոպայի մայրցամաքները կապող օղակին, Ադրբեջանն ու Վրաստանը կարևոր դեր են խաղում էներգիայի տարանցման գործում: Երկու երկրների ղեկավարներն ուրվագծել են, թե ինչպես են համատեղ աշխատելու «Միջին միջանցք»-ն ընդլայնելու համար. գրում է Euronews-ը՝ անդրադառնալով Իլհամ Ալիևի՝ Վրաստան այցին։
Քանի որ Իրանի պատերազմը և աշխարհաքաղաքական լարվածությունը շարունակվում է, Հարավային Կովկասի տարածաշրջանի դերն առաջնային պլան է մղվել:
«Հարավային Կովկասի երկրների միջև համագործակցությունը նոր հորիզոններ է բացում ամբողջ տարածաշրջանի համար», – նշել է Վրաստանի վարչապետ Իրաքլի Կոբախիձեն Ալիևի հետ հանդիպումից հետո:
Նա նաև նշել է, որ գլոբալ աշխարհաքաղաքական տեղաշարժերն է՛լ ավելի են բարձրացրել «Միջին միջանցք»-ի կարևորությունը: Դրա նշանակությունը մեծանում է՝ հիմնականում Հորմուզի նեղուցի հետ կապված իրավիճակի պատճառով։ Այն ներկայում մասամբ փակվել է Թեհրանի կողմից՝ Իրանի հետ շարունակվող պատերազմի պատճառով, որը հանգեցրել է համաշխարհային էներգամատակարարման խափանումների:
Հորմուզի նեղուցից կախվածությունը նվազեցնելու համար քննարկվում է այլընտրանքային ուղի՝ Կասպից ծովը: Այն բազմամոդալ լոգիստիկ ցանց է, որը Չինաստանը կապում է Եվրոպայի հետ՝ Կենտրոնական Ասիայի և Հարավային Կովկասի միջոցով։ Այն անցնում է Ադրբեջանի և Վրաստանի միջով՝ շրջանցելով Ռուսաստանը, այդպիսով՝ նվազեցնելով կախվածությունը ռուսական տարանցումից և կրճատելով տեղափոխման ժամանակը։
Այս զարգացումները նաև վերաձևավորում են իրավիճակն ամբողջ տարածաշրջանում։
Վրաստանը թույլ է տալիս իր տարածքն օգտագործել Ադրբեջանի և Հայաստանի միջև առևտրի համար, ինչը նրա դերն ավելի տեսանելի է դարձնում այս հարևան երկրների միջև խաղաղության գործընթացին նպաստելու գործում։
Ադրբեջանական նավթն ու գազը համաշխարհային շուկաներ են արտահանվում Վրաստանի միջոցով, իսկ Կասպից ծովի արևելյան ափերից նավթային պաշարները ևս տեղափոխվում են երկու երկրների միջոցով։
Խաղաղ ակցիա տեղի կունենա՝ ի պաշտպանություն և հաջակցություն 18-ամյա դպրոցական Դավիթ Մինասյանի
«Իմոնք» բարեգործական հիմնադրամի հայտարարությունը.
«Մենք՝ մի խումբ ՀՀ քաղաքացիներս, չպատկանելով որևէ կուսակցության կամ քաղաքական շարժման, նախաձեռնում ենք խաղաղ ակցիա՝ ի պաշտպանություն և հաջակցություն 18-ամյա դպրոցական Դավիթ Մինասյանի։
Ապրիլի 9-ին՝ ժամը 12:00-ին, հրավիրում ենք բոլոր սրտացավ մարդկանց ՀՀ գլխավոր դատախազության շենքի դիմաց՝ միասին բարձրաձայնելու մեր արդարացի պահանջն ու խնդրանքը։
Դավիթ Մինասյանն ընդամենը 18 տարեկան դպրոցական է։ Նա ունի առողջական մի շարք խնդիրներ, որոնք համատեղելի չեն կալանքի հետ։ Դավիթը զրկված է կրթություն ստանալու իրավունքից։ Ի դեպ, դպրոցում նա աչքի է ընկնում փայլուն առաջադիմությամբ։
Այս ակցիան խաղաղ է և բացառապես քաղաքացիական։ Սա պայքար է արդարության համար։ Սա պայքար է երիտասարդի կյանքի ու ապագայի համար։
Յուրաքանչյուրիդ ներկայությունն ու մասնակցությունը չափազանց կարևոր է։ Միայն միասին կարող ենք ցույց տալ, որ մենք չենք լռելու և չենք հանդուրժելու անարդարությունը»։
Իրանի միջուկային օբյեկտներին հարվածները կհանգեցնեն անդառնալի հետևանքների․ Իրավանի
Իրանի միջուկային օբյեկտներին հարվածները կհանգեցնեն անդառնալի հետևանքների․ Իրավանի
Ուկրաինական անօդաչու թռչող սարքերը կործանում են Ռուսաստանի նավթային շահույթը․ Financial Times
Ռուսաստանի երկու հիմնական բալթյան նավթային նավահանգիստների՝ Պրիմորսկի և Ուստ-Լուգայի վրա ուկրաինական անօդաչու թռչող սարքերի հարձակումները լուրջ հարված են հասցնում Կրեմլի՝ նավթի ռեկորդային գներից (Brent-ի գինը մեկ բարելի համար գերազանցում է 100 դոլարը) շահույթ ստանալու կարողությանը, հաղորդում է Financial Times-ը։
Միայն մարտի վերջին շաբաթվա ընթացքում ռուս արտահանողները կրել են մոտ 970 միլիոն դոլարի վնաս։
Միայն Պրիմորսկում հրդեհների մեջ այրվել է 200 միլիոն դոլարի նավթ։ Ուստ-Լուգայից նավթի արտահանումը, որը կազմում է համաշխարհային շուկայի 8%-ը, կտրուկ նվազել է 70%-ով, նշում է հրատարակությունը։
Այս կապակցությամբ Reuters-ը գնահատում է, որ Ռուսաստանի նավթի արտահանման հզորությունների 40%-ը կաթվածահար է եղել։ Գործակալության տվյալներով՝ ուկրաինական հարձակումների և ռուսական տանկերների կալանավորման հետևանքով օրական 2 միլիոն բարելի արտահանումը ժամանակավորապես անհնար է։
Ռուսաստանի ժամանակակից պատմության մեջ նավթի մատակարարման ամենալուրջ խափանումը տեղի է ունեցել, երբ նավթի գները գերազանցել են 100 դոլարը մեկ բարելի համար՝ Իրանի դեմ ԱՄՆ-ի և Իսրայելի պատերազմի պատճառով, հաղորդում է Reuters-ը՝ հղում անելով շուկայի տվյալներին։
Զեկույցում նշվում է, որ 2026 թվականի մարտին Բալթիկ ծովի արտահանման նավահանգիստների (Պրիմորսկ և Ուստ-Լուգա) վրա ուկրաինական անօդաչու թռչող սարքերի հարձակումներից հետո նավթի առաքումները ընդհատվել են։
Սև ծովի ռուսական արտահանման նավահանգստում Նովոռոսիյսկում առաքումները նույնպես նախատեսված մակարդակից ցածր են։
Դրուժբա նավթատարի վնասը, որի տարանցումը դադարեցվել էր հունվարին՝ Ուկրաինայի վրա Ռուսաստանի հարվածների հետևանքով պատճառված վնասից հետո, նույնպես ազդեցություն է ունենում։
Նավթի առևտրականները Reuters-ին հայտնել են, որ եվրոպական երկրների կողմից ռուսական տանկերների աճող կալանավորումը նույնպես խափանել է Մուրմանսկից 300,000 բարել նավթի մատակարարումը։
Գործակալության գնահատականների համաձայն՝ Ռուսաստանը անխափան մատակարարում է միայն Չինաստան (օրական մոտ 1.9 միլիոն բարել) և Բելառուս (300 հազար բարել), ինչպես նաև նավթ է առաքում Սախալին-1 և Սախալին-2 նախագծերից (250 հազար բարել)։
Վազգեն Սաղաթելյանի խափանման միջոցը փոխվեց
Վազգեն Սաղաթելյանի խափանման միջոցը փոխվեց
ՇՄ նախարարը և Նիդերլանդների դեսպանը անդրադարձել են COP17-ի կազմակերպչական և օրակարգային հարցերին
ՇՄ նախարար Համբարձում Մաթևոսյանը ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան տիկին Մարիկե Մոնրոյ-Վինթերին։ Այդ մասին նախարարը հայտնել է Ֆեյսբուքի իր էջում:
«Հանդիպման ընթացքում անդրադարձել ենք ՄԱԿ «Կենսաբազմազանության մասին» կոնվենցիայի Կողմերի 17-րդ համաժողովի (COP17) կազմակերպչական և օրակարգային հարցերին։ Ընդգծել եմ, որ Հայաստանը լուրջ և հետևողական վերաբերմունք է ցուցաբերում կենսաբազմազանության պահպանության օրակարգի նկատմամբ՝ այն դիտարկելով որպես պետական քաղաքականության առաջնահերթ ուղղություններից մեկը։
Տիկին դեսպանը բարձր է գնահատել մեր կողմից վերջերս իրականացված կարևոր օրենսդրական նախաձեռնությունները՝ մասնավորապես պոլիէթիլենային պարկերի և տոպրակների, ինչպես նաև պլաստիկից կամ փրփրապլաստից պատրաստված մեկանգամյա օգտագործման սպասքի վաճառքն ու շրջանառությունն արգելող նախագծի ընդունումը, Նագոյայի արձանագրության վավերացումը և «Խոշոր կատվազգիների հարցերով միջազգային դաշինքի վերաբերյալ» շրջանակային համաձայնագրի վավերացումը։
Քննարկել ենք նաև թափոնների կառավարման ոլորտում իրականացվող բարեփոխումները։ Ներկայացրել եմ Արտադրողի ընդլայնված պատասխանատվության համակարգի ներդրման ընթացքը՝ ընդգծելով այդ գործընթացում նիդերլանդական առաջավոր փորձի ուսումնասիրման և կիրառման կարևորությունը։
Անդրադարձել ենք նաև ջրային ռեսուրսների կառավարման, շրջակա միջավայրի պահպանության և երկկողմ համագործակցության զարգացման մի շարք այլ ուղղությունների։
Վերահաստատել ենք երկկողմ պատրաստակամությունը՝ շարունակելու ակտիվ և արդյունավետ համագործակցությունը բնապահպանության ոլորտում»,- նշված է գրառման մեջ։
Երևանը միացավ «Երկրի ժամը» նախաձեռնությանը՝ վերահաստատելով իր պատրաստակամությունը՝ դառնալու COP17-ի գլոբալ բնապահպանական օրակարգի ակտիվ մասնակից և ձևավորող
2026թ․ մարտի 28-ին` ժամը 20:30-21:30-ը, մեկ ժամով մարվեց Երևանի Հանրապետության հրապարակի լուսավորությունը։ Մայրաքաղաք Երևանը միացավ «Երկրի ժամը» նախաձեռնությանը, որն աշխարհում իրականացվում է 20-րդ անգամ։ Այդ օրը աշխարհի հազարավոր քաղաքներ, համայնքներ և միլիոնավոր մարդիկ իրենց աջակցությունն են հայտնում Երկիր մոլորակին՝ մեկ ժամով անջատելով լույսերը կամ կատարելով շրջակա միջավայրի համար որևէ օգտակար քայլ։
Նախաձեռնության հեղինակը Բնության համաշխարհային հիմնադրամի (WWF) hայաստանյան մասնաճյուղն էր, որը Candlenight Concerts-ի հետ համագործակցությամբ և Երևանի քաղաքապետարանի աջակցությամբ Հանրապետության հրապարակում կազմակերպել էր բացօթյա երաժշտական միջոցառում։ Միջոցառման նպատակն էր բարձրացնել իրազեկվածությունը բնապահպանական խնդիրների, կայուն կենսակերպի և բնությունը պահպանելու ընդհանուր պատասխանատվության վերաբերյալ։
Բնության համաշխարհային հիմնադրամի (WWF) hայաստանյան մասնաճյուղի տնօրեն Լևոնն Աղասյանն իր ողջույնի խոսքում նշեց․ «Այսօր մենք հավաքվել ենք ոչ միայն նշելու «Երկրի ժամը», այլ վերահաստատելու մեր պատասխանատվությունը մեր ընդհանուր տան՝ Երկիր մոլորակի հանդեպ։ Այս պահին աշխարհը միավորվում է մեկ գաղափարի շուրջ` դառնալով մեկ ամբողջություն` անկախ սահմաններից, մշակույթներից և տարբերություններից։
«Երկրի ժամը» նախագիծը մեկնարկել է 2006թ․, առաջին անգամ լույսեր մարելու սիմվոլիկայով միջոցառումն իրականացվել է 2007թ․ Ավստրալիայի Սիդնեյ քաղաքում։ Բնության համաշխարհային հիմնադրամի հայաստանյան մասնաճյուղը ակտիվ մասնակցում է նախաձեռնությանը 2008թ․-ից։ Նախաձեռնության հիմնական ուղերձն այն է, որ մենք պետք է ոչ միայն մեկ օր կամ մեկ ժամ հիշենք մեր մոլորակի մասին, այլ ամեն օր ապրենք այդ գիտակցությամբ։ Մեր առօրյա վարքագիծը, ապրելակերպն ու ընտրությունները ձևավորում են այն աշխարհը, որտեղ մենք ապրում ենք։
Ուզում եմ հորդորել բոլորին լինել ավելի գիտակից, ընտրել առողջ և էկո ապրելակերպ։ Յուրաքանչյուր փոքր քայլ՝ էներգիայի խնայողություն, բնության հանդեպ հոգատար վերաբերմունք, իրականում մեծ ներդրում է մեր մոլորակի ապագայի համար։
Հայաստանի համար այս միջոցառումն ունի առանձնահատուկ նշանակություն։ Մենք մի երկիր ենք, որտեղ կենսաբազմազանությունը ոչ միայն բնական հարստություն է, այլ նաև մեր ինքնության կարևոր մաս։ Եվ հենց այդ պատճառով մենք պետք է պահպանենք և փոխանցենք այն ապագա սերունդներին։
Այս տարի կարևոր է մեր համախմբվածությունը, քանի որ Երևանը պատրաստվում է հյուրընկալել COP17-ը` Միավորված ազգերի կազմակերպության Կենսաբանական բազմազանության մասին կոնվենցիայի կողմերի 17-րդ համաժողովը։ Սա բացառիկ հնարավորություն է մեր երկրի համար՝ դառնալու գլոբալ բնապահպանական օրակարգի ակտիվ մասնակից և ձևավորող»։
Երևանի քաղաքապետարանի բնապահպանության վարչության պետի ժ/պ Սիրարփի Հայկազյանն ասաց․ «Այսօր Երևանի քաղաքապետարանը միացել է Բնության համաշխարհային հիմնադրամին։ Հիմնական գաղափարը մեր բոլորիս ընդհանուր տան՝ երկրի մասին ևս մեկ անգամ մեր հոգատարությունը արտահայտելն է։ Լույսերի մարման այս արարողությունը խորհրդանշական է։ Եվ այս փոքրիկ քայլը միտված է ավելի մեծ ընդարձակ օրակարգի ձևավորմանը, որը վերաբերում է պատասխանատու վերաբերմունքին և գիտակցված ընտրությանը՝ յուրաքանչյուրիս կողմից ցանկացած խնայողաբար քայլ, որը մենք կկիրառենք, ցանկացած բարի գործ, որը մենք կանենք, կարծում եմ, որ արտացոլվում է բնության պահպանության բուն էության մեջ։ Թող սա դառնա ոչ միայն մեկժամյա գործողություն, այլ՝ շարունակական պարտավորություն կառուցելու ավելի կանաչ և ավելի դիմակայուն համայնքներ»։
Ողջույնի խոսքերին հաջորդեցին Candlenight Concerts-ի երաժշտական կատարումները։
Լուսանկարները՝ Բնության համաշխարհային հիմնադրամի (WWF) hայաստանյան մասնաճյուղի
Մարտ 30, 2026 at 17:12
«Արժանապատիվ ապրելու կամքն այսպես է լինում»․ Հրանտ Մելիք-Շահնազարյան (տեսանյութ) | ՄԱՄՈՒԼ.ամ
Գազ չի լինի մի շարք հասցեներում
Նոր կառուցված գազասպառման համակարգերը գործող ցանցին ներմիացման աշխատանքներ իրականացնելու նպատակով՝ ապրիլի 9-ին ժամը 10:00-ից մինչև ժամը 14:00-ն, կդադարեցվի Լ…