Կալիֆոռնիայի ափերի մոտ ուղղաթիռ է կործանվել

ԱՄՆ Կալիֆոռնիա նահանգի Սանտա Կատալինա կղզու մոտակայքում բժշկական ավիացիայի ուղղաթիռ է կործանվել, ինչի հետևանքով չորս մարդ է հոսպիտալացվել: Հոկտեմբերի 1-ին այս մասին հայտնել…

Երևանում կանցկացվի աղոթքի երկրորդ նախաճաշը․ ովքեր են ժամանելու․ «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ հոկտեմբերի 2-3-ը Երևանում կանցկացվի Հայաստանի Հանրապետության երկրորդ աղոթքի նախաճաշը (Republic of Armenia Prayer Breakfast, RAPB)։ Միջոցառումը կազմակերպիչները ներկայացնում են որպես հավատքի, հանրային կյանքի, միջազգային համագործակցության և տարածաշրջանային հարցերի շուրջ երկխոսության հարթակ։

Երկօրյա հավաքին, ըստ կազմակերպիչների հրապարակած տեղեկատվության, մասնակցելու են Հայաստանից և ևս 32 երկրներից պետական կառավարման, դիվանագիտական, բիզնեսի, քաղաքացիական հասարակության, լրատվամիջոցների և կրոնական համայնքների ներկայացուցիչներ։ Կազմակերպիչների տվյալներով՝ միջոցառմանը նախատեսվում է շուրջ 300 անձի մասնակցություն։

Միջոցառման պաշտոնական ծրագրի համաձայն՝ հիմնական աղոթքի նախաճաշի հետ մեկտեղ նախատեսվում են փորձագիտական քննարկումներ, թեմատիկ ֆորումներ և հանդիպումներ։ Ծրագրում ներառված է նաև ՀՀ վարչապետի կողմից հյուրընկալվող պաշտոնական ընթրիք, ինչպես նաև այցելություն Սուրբ Էջմիածին և հանդիպում Հայ Առաքելական եկեղեցու ղեկավարության հետ։

Ովքե՞ր են ժամանելու Հայաստան

Աղոթքի նախաճաշի կազմակերպիչների հրապարակած ցանկում ընդգրկված են Հայաստանի վարչապետ Նիկոլ Փաշինյանը և նախագահ Վահագն Խաչատուրյանը։ Կազմակերպիչների փոխանցմամբ՝ Փաշինյանը հանդես կգա հիմնական ելույթով, որին կհաջորդեն քաղաքական և կրոնական առաջնորդների մասնակցությամբ քննարկումներ, անդրադարձեր և աղոթք։

Միջազգային բանախոսների թվում է ԱՄՆ Սպիտակ տան Հավատի գրասենյակի ավագ խորհրդական և տնօրենի պաշտոնը զբաղեցնող Պաուլա Ուայթը։ Սպիտակ տան պաշտոնական տեղեկատվության համաձայն՝ Ուայթը 2025 թվականից զբաղեցնում է Հավատի գրասենյակի ավագ խորհրդականի պաշտոնը։

Միջոցառմանը նախատեսվում է նաև ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով օգնական քարտուղար և միջազգային կրոնական ազատության հարցերով հատուկ դեսպան Ռայլի Բարնսի մասնակցությունը։ Նրա անունը կազմակերպիչները ներառել են հիմնական բանախոսների շարքում։

Մասնակիցների թվում է նաև ԱՄՆ Միջազգային կրոնական ազատության հանձնաժողովի՝ USCIRF-ի նախագահ Ասիֆ Մահմուդը։ USCIRF-ի պաշտոնական հաղորդագրության համաձայն՝ Մահմուդը 2026-2027 թվականների համար ընտրվել է հանձնաժողովի նախագահ, իսկ Սեսե Հեյլը՝ փոխնախագահ։

Կազմակերպիչների հրապարակած ցանկում ընդգրկված են նաև Գևորգյան հոգևոր ճեմարանի հետբուհական ուսումնասիրությունների ղեկավար եպիսկոպոս Դանիել Ֆինդիկյանը, ԱՄՆ-ի և Կատարի թեմի առաջնորդ արքեպիսկոպոս Մեսրոպ Սարգսյանը, Նիգերիայի Մակուրդիի թեմի եպիսկոպոս Ուիլֆրեդ Չիկպա Անագբեն, Չեխիայի՝ կրոնական ազատության և միջկրոնական երկխոսության հարցերով հատուկ բանագնաց Ռոբերտ Ռժեհակը, ՀՀ դեսպան ԱՄՆ-ում Նարեկ Մկրտչյանը և Հայաստանում ԱՄՆ դեսպանատան գործերի ժամանակավոր հավատարմատար Դեյվիդ Ալենը։

Լրացուցիչ մասնակիցների ցանկում են նաև Էջմիածնի քաղաքապետ Արգիշտի Մեխակյանը։ Այսպիսով, կազմակերպիչների հրապարակած ցանկից երևում է, որ միջոցառմանը նախատեսվում է ոչ միայն Հայաստանի և ԱՄՆ-ի, այլև Եվրոպայի, Մերձավոր Արևելքի, Աֆրիկայի, Հարավային Ամերիկայի և Ասիայի ներկայացուցիչների մասնակցություն։

«Ժողովուրդ» օրաթերթը տեղեկացավ, որ աղոթքի նախաճաշին մասնակցելու են նաև Հայ Առաքելական Եկեղեցու ներկայացուցիչներ։

«Ժողովուրդ» օրաթերթը Մայր Աթոռ Սուրբ Էջմիածնից հետաքրքրվել էր, թե արդյոք Եկեղեցու ներկայացուցիչները մասնակցելու են միջոցառմանը, ինչպես նաև՝ ովքեր են լինելու մասնակիցները։

Մայր Աթոռ Սուրբ Էջմիածնի տեղեկատվական համակարգի պատասխանատու Տեր Եսայի ավագ քահանա Արթենյանը մեզ փոխանցեց, որ աղոթքի նախաճաշին Մայր Աթոռը մասնակցության հրավեր ստացել է, և միջոցառմանը կմասնակցեն Հայոց Եկեղեցու ներկայացուցիչներ։

Մնացած հարցերի վերաբերյալ, ըստ Մայր Աթոռի, պաշտոնական հրապարակում կլինի։

Ի՞նչ է քննարկվելու

Աղոթքի նախաճաշ 2026-ի օրակարգը դեռ ամբողջությամբ վերջնականացված չէ։ Կազմակերպիչները մի շարք թեմաներ ներկայացնում են որպես քննարկման նախնական ուղղություններ։

Առաջին թեման կրոնի կամ դավանանքի ազատությունն է՝ Freedom of Religion or Belief (FoRB)։ Կազմակերպիչները նշում են, որ նախատեսվում է քննարկել Հայաստանի փորձը, տարածաշրջանային դիրքը և կրոնական ազատության վերաբերյալ միջազգային գործընթացները։ Քննարկումներին կարող են մասնակցել քաղաքականություն մշակողներ, հետազոտողներ, իրավապաշտպաններ և ոլորտի այլ ներկայացուցիչներ։

Մյուս ուղղությունը քրիստոնեական ֆինանսներն ու էթիկական տնտեսագիտությունն է։ Օրակարգում նախատեսվում է անդրադառնալ քրիստոնեական արժեքների վրա հիմնված ներդրումներին, հավատքով պայմանավորված բանկային և կապիտալի ձևավորման մոտեցումներին, ինչպես նաև բիզնեսի պատասխանատու կառավարմանը։

Առանձին թեմա է Մերձավոր Արևելքի հավատքի համայնքների կայունությունը։ Քննարկվելու են ճնշման պայմաններում կրոնական համայնքների պահպանման, ժողովրդագրական և հասարակական դիմադրողականության, հոգևոր ու մշակութային ժառանգության պահպանման և արևելյան քրիստոնեական ավանդույթների միջև համագործակցության հարցերը։

Օրակարգում է նաև Երուսաղեմի հայկական թաղամասը և ընդհանուր քրիստոնեական ժառանգությունը։ Կազմակերպիչների ներկայացմամբ՝ նախատեսվում է անդրադառնալ Երուսաղեմի Հայոց պատրիարքության պատմական դերակատարությանը և առկա խնդիրներին, Սուրբ Երկրում քրիստոնեական ժառանգության ու սրբավայրերի պահպանությանը, ինչպես նաև Իսրայելի հետ հարաբերությունների թեմային։

Մեկ այլ ուղղություն Հայաստանի՝ քրիստոնեական զբոսաշրջության և ուխտագնացության ուղղությամբ հնարավորությունների քննարկումն է։ Խոսքը, մասնավորապես, ուխտագնացության երթուղիների զարգացման, տարածաշրջանային զբոսաշրջային համագործակցության և Հայաստանի միջազգային ներկայացվածության մասին է։

Վերջին թեմաներից մեկը արհեստական բանականության դարաշրջանում հավատն ու հոգևորությունն է։ Կազմակերպիչները նախատեսում են քննարկել արհեստական բանականության ազդեցությունը կրոնի վրա, հավատքի և բարոյական ավանդույթների դերը տեխնոլոգիական զարգացման գործընթացում և արագ զարգացող տեխնոլոգիաների պայմաններում հոգևոր պատրաստվածության հարցերը։

Որտեղից է ծագում աղոթքի նախաճաշի ձևաչափը

Աղոթքի նախաճաշի ձևաչափը նոր երևույթ չէ։ Դրա ամենահայտնի օրինակը ԱՄՆ-ում անցկացվող Ազգային աղոթքի նախաճաշն է։

ԱՄՆ Կոնգրեսի արխիվային նյութերի համաձայն՝ Ներկայացուցիչների պալատի և Սենատի անդամների աղոթքի խմբերը ձևավորվել էին դեռևս Երկրորդ համաշխարհային պատերազմի տարիներին, իսկ 1953 թվականին նախագահ Դուայթ Էյզենհաուերը մասնակցել է առաջին համատեղ Ազգային աղոթքի նախաճաշին։ ԱՄՆ նախագահների մասնակցությունը այդ միջոցառմանը հետագայում դարձել է երկարամյա ավանդույթ։

ԱՄՆ-ի փորձից բացի, աղոթքի նախաճաշի ձևաչափով միջոցառումներ անցկացվում են նաև այլ կառույցներում ու երկրներում։ Օրինակ՝ ԱՄՆ բանակի տարբեր ստորաբաժանումներ ևս կազմակերպում են նման միջոցառումներ, որոնք ներառում են նախաճաշ, աղոթք, ելույթներ և տարբեր կրոնական համայնքների ներկայացուցիչների մասնակցություն։

Այս ձևաչափի առանցքային առանձնահատկությունը քաղաքական, հասարակական և կրոնական տարբեր շրջանակների ներկայացուցիչներին մեկ վայրում հավաքելն ու հավատքի, արժեքների, հանրային ծառայության և հասարակական խնդիրների շուրջ քննարկումներ կազմակերպելն է։ Միաժամանակ տարբեր երկրների և կազմակերպությունների աղոթքի նախաճաշերի բովանդակությունն ու մասնակցության շրջանակը կարող են էապես տարբերվել միմյանցից։

Այսպիսով, հոկտեմբերի 2-3-ին Երևանում նախատեսվող հավաքը լինելու է Հայաստանում աղոթքի երկրորդ նախաճաշը, իսկ դրա օրակարգը, ըստ կազմակերպիչների, ներառելու է ոչ միայն կրոնական թեմաներ, այլև միջազգային կրոնական ազատությունը, Մերձավոր Արևելքի համայնքների ապագան, Երուսաղեմի հայկական ժառանգությունը, քրիստոնեական զբոսաշրջությունը, էթիկական տնտեսագիտությունը և արհեստական բանականության զարգացման հետ կապված բարոյական ու հոգևոր հարցերը»։

Մանրամասները՝ թերթի այսօրվա համարում։

ԱՆԻՖ-ի գործով դիմել են Սինգապուր և ԱՄՆ․ Դավիթ Փափազյանը չի հայտնաբերվել․ «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթի տեղեկությունների համաձայն՝ իրավապահները ԱՆԻՖ-ի քրեական վարույթի շրջանակներում իրավաբանական օգնության համար դիմում են ներկայացրել Սինգապուր և ԱՄՆ։

Եվ ահա լրացել է 1 տարին, ու մինչ օրս չի հայտնաբերվել հետախուզման մեջ գտնվող ԱՆԻՖ-ի նախկին տնօրեն Դավիթ Փափազյանը։

Ինչպես հայտնի է, 2025 թվականի սեպտեմբերի 5-ին հրապարակվեց, որ հայաստանցի իրավապահները միջազգային հետախուզում են հայտարարել ԱՆԻՖ-ի նախկին տնօրենի նկատմամբ։ Դավիթ Փափազյանին հայտնաբերելու դեպքում կկալանավորեն։

2025 թվականին Քննչականը մեղադրանք առաջադրեց Հայաստանից հեռացած Փափազյանին, պետական հիմնադրամի դուստր ընկերության նախկին տնօրենին, նաև՝ 1.5 միլիարդ դրամ ներդրում ստացած «Սի Էֆ Դաբլյու» ընկերության տնօրենին, որի մասով գործը անջատվել ու քննվում է Հակակոռուպցիոն դատարանում։

Փափազյանը մեղադրվում է միանգամից երեք՝ փողերի լվացման, ծառայողական լիազորությունները չարաշահելու և փաստաթղթեր կեղծելու հոդվածներով։

Այս քրեական վարույթի շրջանակներում Հայաստանի պետական հետաքրքրությունների ֆոնդի տնօրենների խորհուրդը 2.5 տարի գլխավորած Երևանի քաղաքապետը՝ Տիգրան Ավինյանը, հարցաքննվել է։ Այս հիմնադրամը ստեղծվեց 2019-ին, լուծարվեց հինգ տարի անց՝ ձախողելով մի շարք խոշոր ներդրումային ծրագրեր։

Իրավապահներն այս գործը քննում են արդեն երկու տարի, կասկածներ ունեն, որ պետական բյուջեից հատկացված միլիարդները իրենց նպատակին չեն ծառայել։ Մինչ իրավապահները գաղտնապահ են, այս տարիների ընթացքում հետաքննող լրագրողները պարզեցին, որ ԱՆԻՖ-ի հիմնադրումից 8 օր անց 1.5 միլիարդ դրամ էր փոխանցվել Ավինյանի կնոջ ընկերուհու ընկերությանը, հենց այդ ընկերուհին է այժմ մեղադրյալներից մեկը, հիմնադրամը նաև 960 միլիոն դրամ հատկացրել էր Ավինյանի դասարանցու ընկերությանը»։

Մանրամասները՝ թերթի այսօրվա համարում։

Հայաստանը գազամատակարարման հարցում տարբեր սցենարներ է դիտարկում․ Փաշինյան

Հայաստանի վարչապետ Նիկոլ Փաշինյանը հայտարարել է, որ երկրի կառավարությունը գազամատակարարման հարցում տարբեր սցենարներ է դիտարկում: Հոկտեմբերի 1-ի ճեպազրույցի…

Հայաստանում ներդրվելու է գետերի հուների կառավարման և հեղեղումների կանխարգելման որոշումների կայացման համակարգ

Շրջակա միջավայրի նախարարի տեղակալ Արա Մկրտչյանն ընդունել է «ԵՄ-ն՝ հանուն կանաչ վերականգնման» ծրագրի պատվիրակությանը՝ քննարկելու Հայաստանում գետերի հուների կառավարման…

Վճռաբեկ բողոք է ներկայացվել Ադրբեջանի գերագույն դատարան․ Դավիթ Բաբայան

Բաքվի բանտում ապօրինաբար պահվող Արցախի նախկին արտգործնախարար Դավիթ Բաբայանի և ևս երկու պահվող անձի պաշտպանները վճռաբեկ բողոք են ներկայացրել Ադրբեջանի գերագույն դատարան։ Այս…

191.1 մլրդ դրամ` պետական իշխանության մարմինների պահպանման համար. բյուջե 2027

ՀՀ 2027 թվականի պետական բյուջեի նախագծով պետական իշխանության մարմինների՝ բացառությամբ ուժային կառույցների, պահպանման ծախսերի ընդհանուր գումարը նախատեսվում է 191.1 մլրդ դրամի չափով։ Այս մասին BanksNews.am-ը տեղեկանում է բյուջեի նախագծից, որն այսօր ընդունվել է կառավարության նիստի ժամանակ:

Բյուջետային ուղերձում նշվում է, որ այս ծախսերը ներառում են ոչ միայն աշխատավարձերը, այլև աշխատակազմի վերապատրաստումը, վարչական շենքերի և շինությունների ձեռքբերումը, կառուցումն ու կապիտալ վերանորոգումը, տրանսպորտային միջոցների ձեռքբերումը, ինչպես նաև պետական մարմինների տեխնիկական հագեցվածությանն ուղղվող ծախսերը։

Միաժամանակ 2027 թվականի պետական բյուջեի մասին օրենքի նախագծով սահմանվում է, որ յուրաքանչյուր մարմնի պետական ծառայողների տարեկան պարգևատրման ֆոնդի միասնական տոկոսային դրույքաչափը կազմելու է տվյալ մարմնի համար 2026 թվականի պետական բյուջեով նախատեսված պետական ծառայողների հիմնական աշխատավարձի տարեկան ֆոնդի 10%-ը։

Այսպիսով, հաջորդ տարվա բյուջեով պետական ապարատի պահպանման համար նախատեսվող ծախսերը շարունակում են ներառել ինչպես ընթացիկ վարչական ծախսերը, այնպես էլ շենքերի, տրանսպորտի և տեխնիկական ապահովման համար անհրաժեշտ հատկացումները, իսկ պետական ծառայողների պարգևատրման ֆոնդը նախատեսվում է հաշվարկել նախորդ տարվա հիմնական աշխատավարձի ֆոնդի 10%-ի չափով։

Նախագծով 2027 թվականի պետական բյուջեի եկամուտները նախատեսվում են 3 տրլն 603,8 մլրդ դրամ, ծախսերը՝ 4 տրլն 72 մլրդ դրամ, իսկ պակասուրդը՝ 468,2 մլրդ դրամ։

Եկամուտներից շուրջ 3 տրլն 462,7 մլրդ դրամը նախատեսվում է ստանալ հարկային եկամուտներից և պետական տուրքերից։ Պաշտոնական դրամաշնորհները կկազմեն շուրջ 14,2 մլրդ դրամ, այլ եկամուտները՝ 126,9 մլրդ դրամ։

Նախագծի համաձայն՝ բյուջեի պակասուրդը նախատեսվում է ֆինանսավորել ներքին աղբյուրներից՝ շուրջ 187,5 մլրդ դրամի, և արտաքին աղբյուրներից՝ շուրջ 280,7 մլրդ դրամի չափով։

Հատուկ կառույցը կմշակի պատերազմ վարելու ռազմավարություն

Միացյալ Նահանգներում ստեղծում են հատուկ կառույց Պենտագոնի կազմում, որը մշակելու է ապագայի պատերազմները վարելու ռազմավարություն՝ հաշվի առնելով Արհեստական բանականությունն ու տեգխնոլոգիական ներկայիս հնարավորությունները։ Հայտնի է նաեւ, որ այդ կառույցի անդամ է դառնալու նաեւ միլիարդատեր եւ գործարար Իլոն Մասկը։ Կառույցը մշակելու եւ ուսումնասիրելու է այն բոլոր մեթոդները, որոնցով ապագայում կվարվեն պատերազմները։ Կառույցի անդամ են նաեւ՝ Պենտագոնի գլխավոր ինժեներ Էմիլ Մայքլը, Փալմեր Լաքին, ով հանդիսանում է Anduril Industries ռազմա-արդյունաբերական ընկերության հիմնադիրը եւ Նյութ Գինգրիչը, ով ղեկավարել է Կոնգրեսի Ներկայացուցիչների պալատը։