julbaz.mediamonitoring.am

Ավարտվեց COP17 համաժողովը, որին մասնակցեց Հայէկոնոմբանկը՝ ներկայացնելով կայուն զարգացմանը միտված բանկային լուծումներ՝ փորձագիտական համայնքի և գործարարների ակտիվ ներգրավմամբ:

Կանաչ գոտում գտնվող Հայէկոնոմբանկի տաղավարում համաժողովի այցելուները ծանոթացան բնապահպանական ֆինանսավորման գործիքներին, որոնք հնարավորություն են տալիս ապագային ուղղված գաղափարները վերածել իրական քայլերի:

«Դիտարկելով բնապահպանական խնդիրները որպես իրական տնտեսական գործոն՝ Հայէկոնոմբանկը որոշում կայացրեց ակտիվ մասնակցություն ունենալ COP17 համաժողովին։ Մեր առանցքային նպատակն է համախմբել ոլորտի բոլոր շահագրգիռ կողմերի ջանքերը՝ կանաչ ֆինանսները տնտեսվարողների ավելի հասանելի դարձնելու համար: Հայէկոնոմբանկը մեծ ներդրում ունի ինչպես միջազգային ֆոնդերի աջակցությամբ, այնպես էլ սեփական ռեսուրսներով կանաչ տնտեսության խթանման հարցում, և նման մասշտաբային միջոցառումները կարևոր են կանաչ ֆինանսների հանրահռչակման համատեքստում», – իր խոսքում նշեց Հայէկոնոմբանկի Շրջակա միջավայրի և սոցիալական ռիսկերի կառավարման բաժնի պետ Աննա Եղոյանը:

Կայուն զարգացում․ գաղափարից մինչև չափելի ազդեցություն

Հայէկոնոմբանկը շարունակում է ֆինանսավորել կլիմայի փոփոխության մեղմմանն ուղղված նախաձեռնությունները՝ վերականգնվող էներգիայի արտադրությունից մինչև էներգաարդյունավետության բարձրացում և ռեսուրսների արդյունավետ օգտագործում։

Բանկի գործող կանաչ պորտֆելի վերականգնվող էներգիայի ուղղությունը ներառում է շուրջ 121,000 կՎտ հզորությամբ տեղադրված արևային էներգիայի կայաններ, որոնք ունեն տարեկան մոտ 194 գիգավատ-ժամ մաքուր էլեկտրաէներգիա արտադրելու ներուժ։

Այս նախաձեռնությունները նպաստում են էներգասպառման և CO₂ արտանետումների նվազեցմանը՝ ամրապնդելով Հայաստանի էներգետիկ անվտանգությունն ու խթանելով կայուն տնտեսական զարգացումը։ Դրանք արտացոլում են Հայէկոնոմբանկի հանձնառությունը՝ ֆինանսական ռեսուրսները վերածելու չափելի բնապահպանական արդյունքների։

Կանաչ ֆինանսներ՝ հանուն բնության. հանձնառությունից դեպի գործողություն

Համաժողովին մասնակցության շրջանակում Բանկը նախաձեռնեց պանելային քննարկում՝ «Կանաչ ֆինանսներ՝ հանուն բնության. հանձնառությունից դեպի գործողություն» խորագրով, որի ընթացքում պետության, բիզնեսի, միջազգային կառույցների և փորձագիտական համայնքի դիտանկյուններից քննարկվեց այն կարևոր դերակատարումը, որ ֆինանսական համակարգն ունի գաղափարները շոշափելի ու կայուն ազդեցության վերածելու գործում:

Վերջին 15 տարիների ընթացքում գիտնականները Սև և Ազովի ծովերի ջրատարածքում հայտնաբերել են ավելի քան 25 տեսակի կենդանի օրգանիզմ։ Այս մասին «ՌԻԱ Նովոստի»-ին հայտնել է Կուբանի պետական համալսարանի ջրային կենսառեսուրսների և ակվակուլտուրայի ամբիոնի վարիչ Ալեքսեյ Աբրամչուկը։

«Այս 15 տարվա կտրվածքով կարելի է ասել, որ գործընկեր գիտնականներն Ազով-սևծովյան ավազանի համար արձանագրել են ավելի քան 25 նոր տեսակների ի հայտ գալը, որոնք նախկինում այստեղ չեն հանդիպել կամ գրանցվել են միայն առանձին ջրատարածքներում», — նշել է Աբրամչուկը։

Նա պարզաբանել է, որ նոր տեսակները կարելի է բաժանել երկու խմբի՝ մարդու կողմից ներմուծված և Համաշխարհային օվկիանոսից Ազով-սևծովյան ավազան պատահաբար ներթափանցած։ Այն տեսակների շարքում, որոնցով մարդիկ արհեստականորեն բնակեցրել են ծովերը, կենսաբանն առանձնացրել է պելենգասին՝ կեֆալազգիների ընտանիքին պատկանող ձկնատեսակին։

«Ազով-սևծովյան ավազանի պայմանները պելենգասի համար ավելի նպաստավոր են, քան նրա պատմական հայրենիքում։ Փաստացիորեն, Հեռավոր Արևելքում պելենգասի բնիկ պոպուլյացիան առանձնյակների կենսաբանական բնութագրերով զիջում է Ազով-սևծովյան ավազանի ներկայացուցիչներին», — հավելել է գործակալության զրուցակիցը։

Ինքնուրույն Սև ծով են ներթափանցել ու հաստատվել, օրինակ, Ատլանտյան և Խաղաղ օվկիանոսներում տարածված կլոր սարդինելաները, ինչպես նաև Միջերկրական ծովում բնակվող դորադոն։ Ազով-սևծովյան ավազանում նկատվել են նաև ոսկեգույն սպար, փոքրագլուխ կպչան ձուկ, ցլիկաձկան մի քանի տեսակ (այդ թվում՝ ոսկեգլուխ, Շտայնիցի և կարմրաբերան), քրոմոգոբիուսներ (քառաշերտ և զեբրային), կանաչ ծովաշնիկ և սովորական ասեղ-ձուկ։