julbaz.mediamonitoring.am

Ուկրաինայի զինված ուժերի ստորաբաժանումները զատկական հրադադարից ի վեր 258 անգամ գնդակոծել են ՌԴ սահմանային տարածքները և ՌԴ ԶՈւ դիրքերը:

Այս մասին հայտնում է Ռուսաստանի պաշտպանական գերատեսչությունը։

«Ուկրաինայի ԶՈւ ստորաբաժանումները 258 անգամ կրակ են բացել Ռուսաստանի Դաշնության սահմանային տարածքների և մեր զորքերի դիրքերի վրա՝ օգտագործելով համազարկային կրակի ռեակտիվ համակարգեր, հրետանային թնդանոթներ, տանկեր և ականանետներ, 1329 հարված են հասցրել FPV անօդաչու թռչող սարքերով, 375 անգամ արձակել են տարբեր զինամթերք, այդ թվում՝ 67-ը՝ օկտոկոպտերային տիպի, 15-ը՝ ինքնաթիռային տիպի անօդաչու թռչող սարքերով», – ասվում է հաղորդագրության մեջ:

Ըստ ՊՆ-ի՝ այդ խախտումներն արձանագրվել են հրադադարի սկզբից մինչև կիրակի ժամը 08:00-ն:
Նշվում է նաև, որ Ուկրաինայի զինված ուժերը գիշերը երեք անգամ հարձակվել են ՌԴ ԶՈւ դիրքերի վրա։

«Չնայած զատկական հրադադարի ռեժիմի հայտարարությանը՝ Ուկրաինայի զինված ուժերի կազմավորումները գիշերային ժամերին երեք անգամ գրոհել են ռուսական զորքերի դիրքերը Պոկրովսկոյե շրջանից՝ Դնեպրոպետրովսկի մարզի Գայ (երկու անգամ) և Օտրադնոյե բնակավայրերի ուղղությամբ։ Բոլոր հարձակումները հետ են մղվել»,- ասվում է հաղորդագրության մեջ։

Բացի այդ, ուկրաինական զորքերը երկու անօդաչու թռչող սարք են կիրառել Կուրսկի և Բելգորոդի մարզերում, վիրավորվել են խաղաղ բնակիչներ, այդ թվում՝ երեխա:

Դերասանուհի Լիլիթ Սարգսյանի և նրա ամուսնու կյանքում նոր ու կարևորագույն փուլ է սկսվել։ Զույգը ողջունել է իրենց առաջնեկին, ինչի մասին հանրությանը հայտնել է նորաթուխ հայրիկը՝ կիսվելով իր անսահման հպարտությամբ ու սիրով։

Լիլիթի ամուսինը սոցիալական հարթակներում հրապարակել է բարի լուրը՝ նշելով փոքրիկի անունը. զույգն իրենց որդուն անվանակոչել է Ռաֆայել:

Գրառումը կարճ էր, բայց չափազանց հուզիչ. «Ապրես Ռաֆայելիս համար, սիրում եմ»։

Այս լուրն անմիջապես տարածվել է համացանցում։

Դերասանուհու գործընկերներն ու երկրպագուները հարյուրավոր մաղթանքներ են հղել նորածին Ռաֆայելին և նրա ծնողներին՝ մաղթելով խաղաղ ու երջանիկ ապագա։

Oragir News-ը ևս միանում է բոլոր շնորհավորանքներին։ Թող փոքրիկ Ռաֆայելը մեծանա առողջ և անհոգ մանկության մեջ՝ դառնալով իր ծնողների ամենամեծ հպարտությունը։

Հայաստանում մեկնարկել է Leasing Expo 2026-ը, որի հիմնական գործընկերն է լիզինգային
շուկայի բացարձակ առաջատար Ակբա Լիզինգը։

Ցուցահանդեսին Ակբա Լիզինգն իր գործընկերների հետ համագործակցությամբ ներկայացնում է հատուկ առաջարկներ՝ ուղղված տնտեսության տարբեր ոլորտներում գործող բիզնեսների զարգացմանը։

«Ակբա Լիզինգը տարեցտարի ընդլայնում է ներդրումները Հայաստանի տնտեսության իրական
հատվածում՝ արձանագրելով նոր հաջողություններ: Այսօր մեր կնքած պայմանագրերի հանրագումարը շուրջ 140 միլիարդ դրամ է, և մենք կրկին առաջատարն ենք վարկային կազմակերպությունների շրջանում՝ որպես խոշորագույն հարկատու»,- նշել է Ակբա Լիզինգի տնօրենի տեղակալ Սարգիս Սարգսյանը։

«Ակբա Լիզինգն այս տարի ևս Leasing Expo-ի հիմնական գործընկերն է։ Մինչև ապրիլի 12-ը
ներառյալ Ակբա Լիզինգը հատուկ պայմաններ է առաջարկում տնտեսության տարբեր ոլորտներում գործող բիզնեսների համար՝ սկսած գյուղատնտսական տեխնիկայից մինչև արտադրական սարքավորումներ ու էլեկտրամոբիլներ։ Առաջարկներին ծանոթանալու համար սիրով կսպասենք Ակբա Լիզինգի տաղավարում»,- նշել է Ակբա Լիզինգի ներկայացուցիչ Աննա Գրիգորյանը։

Leasing Expo 2026-ը կգործի մինչև ապրիլի 12-ը ներառյալ՝ Մերիդիան էքսպո կենտրոնում։
Ակբա Լիզինգի 100% բաժնետերն Ակբա բանկն է։

Ակբա Լիզինգը վերահսկվում է ՀՀ ԿԲ կողմից։

Մանրամասն՝ տեսանյութում։

Հայ գրոսմայստեր Ռոբերտ Հովհաննիսյանը հարյուր տոկոսանոց արդյունք է ցույց տալիս Լեհաստանում ընթացող շախմատի Եվրոպայի անհատական առաջնությունում:

Այս մասին տեղեկացնում է Հայաստանի շախմատի ֆեդերացիան:

Առաջին չորս տուրերում Հովհաննիսյանը նույնքան հաղթանակ է տարել։ Հայ շախմատիստը Նույնքան միավոր վաստակած իսպանացի Էդուարդո Իտուրիսագայի հետ կիսում է 1-2-րդ տեղերը:

Հայաստանի մյուս ներկայացուցիչը՝ Շանթ Սարգսյանը, վաստակել է 3,5 միավոր և բաժանում է 3-34-րդ տեղերը: Նույնքան միավոր են վաստակել նաև գրոսմայստերներ ՀայկՄարտիրոսյանը և Էմին Օհանյանը:

Եվրոպայի առաջնությունում Հայաստանից հանդես են գալիս 15 շախմատիստներ:

Այսօր՝ ապրիլի 12-ին, Սուրբ Աննա եկեղեցու բակում ակցիա է տեղի ունենում՝ հաջակցություն եկեղեցու բակից կալանավորված 18-ամյա Դավիթ Մինասյանի:

Դավիթի դասընկերները, հարազատներն ու մտերիմները տարբեր գրությամբ պաստառներով իրենց աջակցությունն են հայտնում դպրոցականին:

«Բոլորս Դավիթ Մինասյան ենք», «Ազատություն Դավիթ Մինաասյանին», «Թո՛ւյլ տվեք հանգիստ աղոթել եկեղեցում», «Երբ ոտնահարում ես հավատքը, հարգանք մի ակնկալիր», այս և նմանատիպ գրությամբ պաստառներ են ակցիայի մասնակիցների ձեռքերում:

Բլոգեր և դերասանուհի Էլիզ Մելիքյանը որոշել է թարմացնել իր արտաքինը և ներկայացել է լիովին նոր ու տարբերվող կերպարով։

Մազերի գույնի փոփոխությունը ոչ միայն փոխել է դերասանուհու արտաքինը, այլև երկընտրանքի առջև է կանգնեցրել նրա հազարավոր հետևորդներին։ Էլիզը, լինելով անկեղծ իր լսարանի հետ, չի վարանել հարցնել նրանց կարծիքը։

Նա հրապարակել է լուսանկարների շարք և դիմել հետևորդներին. «1-10 գնահատեք մազերիս գույնը, ինձ շատ ա դուր գալիս, բայց ասում են՝ մեծացնում ա»։

Հրապարակումն անմիջապես ողողվել է մեկնաբանություններով։ Կարծիքները բաժանվել են երկու ճամբարի. ոմանք պնդում են, որ նոր երանգը շատ նրբագեղ ու ազնվական տեսք է հաղորդում նրան, իսկ մյուսները համակարծիք են «մեծացնելու» վարկածի հետ և խորհուրդ են տալիս վերադառնալ նախկին գույնին։

Առնվազն 30 մարդ է զոհվել Հայիթիի հյուսիսում հայտնի տեսարժան վայրի տարածքում տեղի ունեցած հրմշտոցի հետևանքով, հաղորդում է Reuters գործակալությունը՝ վկայակոչելով փրկարարներին:

«Առնվազն 30 մարդ է զոհվել շաբաթ օրը հրմշտոցի հետևանքով Լաֆերիեր միջնաբերդի տարածքում»,- գրում է գործակալությունը:

Ողբերգությունը տեղի է ունեցել ՅՈՒՆԵՍԿՕ-ի համաշխարհային ժառանգության օբյեկտ ճանաչված միջնաբերդի մուտքի մոտ ամենամյա տոնակատարությունների ժամանակ:

Հայիթիի վարչապետ Ալիքս Դիդիե Ֆիս-Էմեն ցավակցություն է հայտնել զոհվածների ընտանիքներին՝ տեղեկացնելով նաև, որ այդ տոնակատարությունների մասնակիցների մեջ շատ երիտասարդներ են եղել:

Տեղի ունեցածի հստակ պատճառը դեռ հայտնի չէ։

ԱՄՆ նախագահ Դոնալդ Թրամփը հոդված է հրապարակել Իրանի դեմ ծովային շրջափակում կիրառելու հնարավորության մասին։

Իսլամաբադում ԱՄՆ-Իրան բանակցությունների անարդյունք ավարտից հետո Դոնալդ Թրամփը հոդված է հրապարակել Truth Social հարթակում՝ ենթադրելով, որ Վաշինգտոնը կարող է ծովային շրջափակում կիրառել, եթե Իրանը չընդունի ԱՄՆ պահանջները։

Just the News-ում հրապարակված «Եթե Իրանը չհանձնվի, նախագահ Թրամփի խաղաքարտը. Ծովային շրջափակում» վերնագրով հոդվածում նշվում է, որ նման քայլը կարող է լուրջ ազդեցություն ունենալ երկրի տնտեսության վրա և մեծացնել ճնշումը այնպիսի երկրների վրա, ինչպիսիք են Չինաստանը և Հնդկաստանը, որոնք կախված են իրանական նավթի արտահանումից։

Հոդվածում նաև նշվում է, որ Դոնալդ Թրամփի նման քայլը կարող է կրկնել նրա անցյալում կիրառած «հաջող շրջափակման ռազմավարությունը»։ Այն ընդգծում է, որ նախորդ ծովային շրջափակումը հանգեցրել է Վենեսուելայի տնտեսության փլուզմանը և գագաթնակետին հասել է Վենեսուելայի առաջնորդ Նիկոլաս Մադուրոյի՝ Միացյալ Նահանգների կողմից գերեվարմամբ 2026 թվականի հունվարին։

Հայաստանի սպորտային և ժամանակակից լայֆսթայլ մշակույթում նշանակալի իրադարձություն է գրանցվել. միջազգային հեղինակություն վայելող PUMA բրենդը հայտարարել է երգչուհի Իվետա Մուկուչյանի հետ պաշտոնական համագործակցության մեկնարկի մասին:

Այսուհետ Իվետան հանդես կգա որպես բրենդի ամբասադոր մեր երկրում՝ մարմնավորելով սպորտի, նորաձևության և անհատական ուժի այն միասնությունը, որը դարեր շարունակ քարոզում է PUMA-ն:

Այս ընտրությունը բոլորովին պատահական չէ, քանի որ երգչուհին իր առանձնահատուկ ոճով, բեմական հզոր էներգետիկայով և համարձակ կերպարով լիովին արտացոլում է բրենդի հիմնարար արժեքները՝ ինքնավստահությունն ու գեղեցկությունը:

Համագործակցությունը նպատակ ունի նոր շունչ հաղորդել քաղաքային մշակույթին և ավելի սերտ կապ ստեղծել ակտիվ ու երիտասարդ լսարանի հետ, ում համար սպորտային հագուստը ոչ միայն հարմարավետություն է, այլև ինքնարտահայտման միջոց:

Առաջիկայում նախատեսվող արշավներն ու ֆոտոշարքերը խոստանում են լինել նորարար և թելադրող: Իվետա Մուկուչյանի ներկայությունը բրենդի շրջանակներում ևս մեկ անգամ ընդգծում է, որ սպորտային ոճը կարող է լինել նրբագեղ և կանացի, իսկ ինքնատիպությունը՝ հաջողության գլխավոր գրավականը:

Համատեղ նախագծերը հանրությանը կներկայացնեն նոր հավաքածուներ, որտեղ միջազգային ստանդարտները համադրվում են Իվետայի արտիստիկ ներկայության հետ՝ ստեղծելով յուրօրինակ և դինամիկ մթնոլորտ հայաստանյան շուկայում:

Կորեայում Զատկի տոնական ներկայացումն ավարտվել է անսպասելի և զվարճալի միջադեպով. Հիսուսի դերը ստանձնած դերասանը, որը պետք է հատուկ ճոպանների օգնությամբ խորհրդանշականորեն համբարձվեր երկինք, տեխնիկական անսարքության պատճառով չի կարողացել կանգ առնել։

Ճոպանների կառավարման համակարգի խափանման հետևանքով դերասանը շարունակել է վեր սլանալ՝ դուրս գալով բեմի սահմաններից և զարմացնելով ներկաներին իր թռիչքով։

Միջադեպն ավարտվել է բարեհաջող, այն դարձել է սոցցանցերի ամենաքննարկվող տեխնիկական ձախողումներից մեկը։