ԵԱՏՄ-ից դուրս գալն առնվազն կարճաժամկետ և միջնաժամկետ կտրվածքներում ծանր տնտեսական հետևանքներ է ունենալու, գրել է ԱԺ «Հայաստան» խմբակցության պատգամավոր Արթուր…
Եզրաս արքեպիսկոպոսը կոչ է արել աղոթել Գարեգին Բ Կաթողիկոսի համար
Արքեպիսկոպոս Եզրաս Ներսիսյանը հայտարարել է, որ Հայաստանի իշխանություններն իրենց գործողություններով զրկել են հավատացյալներին Ամենայն Հայոց Կաթողիկոս Գարեգին Երկրորդի հետ նրա գահակալության 27-րդ տարեդարձի առթիվ կազմակերպված միջոցառման ուրախությունը կիսելու հնարավորությունից։ Այս մասին տեղեկանում ենք Հայ Առաքելական եկեղեցու Ռուսաստանի և Նոր Նախիջևանի հայոց թեմից։
«Այսօր Հայաստանի իշխանությունները, որոնք եկեղեցու նկատմամբ հալածանքների քաղաքականություն են վարում, մեզ զրկել են Ամենայն Հայոց Կաթողիկոս Գարեգին Երկրորդ Վեհափառ Հայրապետի հետ այս օրվա ուրախությունը կիսելու հնարավորությունից։ Նա այսօր պետք է մեզ հետ լիներ, մասնակից դառնար այս հիշարժան, սրբազան և պատմական օրվա ուրախությանը, բոլորիս փոխանցեր Սուրբ Էջմիածնի օրհնությունն ու իր հայրապետական պատգամը»,- ասել է նա։
Եզրաս արքեպիսկոպոսի խոսքով՝ եկեղեցու դեմ հանդես եկող իշխանություններն ապօրինի և անհիմն մեղադրանքներով փորձում են խոչընդոտել Վեհափառ Հայրապետին՝ լքելու Հայաստանի սահմանները և այցելելու աշխարհի տարբեր երկրներում ապրող իր հոգևոր զավակներին։
«Բայց ինչ փորձությունների էլ ենթարկվի Եկեղեցին, ինչ խոչընդոտներ էլ հայտնվեն նրա ճանապարհին, այդ ամենը ժամանակավոր է։ Ժամանակներն ու իշխանավորները փոխվում են, իսկ Եկեղեցին շարունակում է իր զավակներին համախմբել Աստծո խոսքի շուրջ»,- նշել է արքեպիսկոպոսը։
Նա ընդգծել է, որ այս օրը պետք է վերահաստատել հավատարմության ուխտը Հայրենիքին, Սուրբ Եկեղեցուն և նախնիների սրբազան ժառանգությանը՝ միաժամանակ աղոթք բարձրացնելով Գարեգին Երկրորդի համար և մաղթելով նրան ուժ ու աստվածային զորակցություն հայրապետական ծառայության մեջ։
Մեկ օրում Լա Մանշով փոքր նավակներով Մեծ Բրիտանիա է ժամանել ավելի քան 500 միգրանտ
Շաբաթ օրը ավելի քան 350 միգրանտ փոքր նավակներով հատել է Լա Մանշը և հասել Մեծ Բրիտանիա՝ ըստ բրիտանական ներքին գործերի նախարարության վերջին տվյալների։
Գերատեսչության հրապարակած վիճակագրության համաձայն, շաբաթ օրը նեղուցը հինգ նավակով հատել է 363 մարդ։
Մեկ օր առաջ՝ ուրբաթ, ևս 161 մարդ երեք նավակով ժամանել է Մեծ Բրիտանիա։ Դրանով ավարտվել է քառօրյա ժամանակահատվածը, որի ընթացքում նման անցումներ չէին արձանագրվել։
Այսպիսով, 2026 թվականի սկզբից ի վեր փոքր նավակներով Լա Մանշն արդեն հատել է 23 129 մարդ։
Չնայած շարունակվող ժամանումներին՝ այս ցուցանիշը մնում է զգալիորեն ցածր նախորդ տարվա ցուցանիշից. ամբողջ 2025 թվականի ընթացքում այս եղանակով Մեծ Բրիտանիա է ժամանել ավելի քան 41 հազար միգրանտ։
Ներկայիս ցուցանիշը նաև տարվա այս ժամանակահատվածի համար ամենացածրն է 2022 թվականից ի վեր։ Այդ տարվա նոյեմբերի 7-ի դրությամբ Լա Մանշը հատել էր 39 939 մարդ։
Եզրաս արքեպիսկոպոսը կոչ է արել աղոթել Գարեգին Բ-ի համար
Հայ Առաքելական Եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը Հայաստանի իշխանություններին մեղադրել է Ամենայն Հայոց կաթողիկոս Գարեգին Բ-ի՝ երկրից մեկնելուն և արտերկրում հավատացյալների հետ հանդիպելուն խոչընդոտելու փորձերի մեջ։ Այս մասին նա հայտարարել է Գարեգին Բ-ի գահակալության 27-րդ տարեդարձի առթիվ հավատացյալներին ուղղված ուղերձում։
«Այսօր Հայաստանի իշխանությունները, որոնք Եկեղեցու հալածանքի քաղաքականություն են վարում, մեզ զրկել են այս օրվա ուրախությունը Նորին Սրբություն Գարեգին Երկրորդի՝ Ծայրագույն Պատրիարք և Ամենայն Հայոց կաթողիկոսի հետ կիսելու հնարավորությունից»,- ասել է արքեպիսկոպոսը։
Ըստ նրա, կաթողիկոսը պետք է ներկա լիներ հանդիսավոր միջոցառմանը, հավատացյալներին փոխանցեր Մայր Աթոռ Սուրբ Էջմիածնի օրհնությունն ու իր հայրապետական պատգամը։
Սակայն, ինչպես նշել է արքեպիսկոպոսը, իշխանությունները փորձում են խոչընդոտել նրա մեկնումը Հայաստանից։
«Եկեղեցու դեմ հանդես եկող իշխանություններն ապօրինի և անհիմն մեղադրանքների միջոցով փորձում են խոչընդոտել Նորին Սրբության՝ Հայաստանի սահմաններից դուրս գալուն և աշխարհի տարբեր երկրներում ապրող իր հոգևոր զավակներին այցելելուն», — հայտարարել է նա։
Արքեպիսկոպոսն ընդգծել է, որ, չնայած առաջացող դժվարություններին, Հայ Առաքելական Եկեղեցին շարունակելու է համախմբել հավատացյալներին։
«Ինչ փորձություններ էլ բաժին ընկնեն Եկեղեցուն, ինչ խոչընդոտներ էլ առաջանան նրա ճանապարհին, այդ ամենն անցողիկ է։ Ժամանակներն ու իշխանավորները փոխվում են, իսկ Եկեղեցին շարունակում է իր զավակներին համախմբել Աստծո խոսքի շուրջ», — ասել է Ներսիսյանը։
Նա նաև հավատացյալներին կոչ է արել աղոթել Գարեգին Բ-ի համար՝ մաղթելով նրան հոգևոր ամրություն, ուժ և Աստծո օգնությունը հայրապետական ծառայության մեջ։ Ուղերձի ավարտին արքեպիսկոպոսը եկեղեցու հետևորդներին կոչ է արել վերահաստատել իրենց հավատարմությունը Հայրենիքին, Հայ Առաքելական Եեկեղեցուն և նախնիների ժառանգությանը։
ՌԴ դեսպանը Հայաստանին կոչ է արել հստակեցնել ինտեգրացիոն ուղղությունը
Հայաստանում Ռուսաստանի դեսպան Սերգեյ Կոպիրկինը Հայաստանի հանրային ռադիոյին տված հարցազրույցում հայտարարել է, որ Երևանի արտաքին քաղաքական ուղեգծի փոփոխությունը պահանջում է վերանայել հայ-ռուսական հարաբերությունների նկատմամբ մոտեցումները։
Ըստ նրա, հետագա ինտեգրացիոն ուղղության վերաբերյալ Հայաստանի որոշումը կազդի նաև երկու երկրների տնտեսական համագործակցության վրա։
«Մեր հարաբերություններում իսկապես փոխվում է կոորդինատների համակարգը։ Մենք դրան ըմբռնումով ենք մոտենում, բայց, իհարկե, այս ամենը պահանջում է համապատասխան վերլուծություն, քննարկում և տարբեր ոլորտներում մեր հարաբերությունների ամբողջության մեջ շտկումների կատարում»,- ասել է Կոպիրկինը։
Դեսպանը հիշեցրել է, որ Հայաստանը հայտարարել է ազգային անվտանգության ապահովման համակարգի վերանայման մասին, սառեցրել է իր մասնակցությունը ՀԱՊԿ-ին և արտաքին քաղաքական ու արտաքին տնտեսական կապերի դիվերսիֆիկացման ուղեգիծ է որդեգրել։ 2025 թվականին երկիրը նաև օրենք է ընդունել Եվրոպական միությանը միանալու գործընթացի մեկնարկի մասին։
Կոպիրկինը նշել է, որ ռուսաստանյան կողմը բացահայտ հայտարարում է, որ Հայաստանը պետք է հստակեցնի իր ինտեգրացիոն ուղղությունը։
Ալիևի մամլյուքները՝ Հայաստանի անկախության պաշտպանության գործին
ԱԼԻԵՎԻ ՄԱՄԼՅՈւՔՆԵՐԸ` ՀԱՅԱՍՏԱՆԻ ԱՆԿԱԽՈւԹՅԱՆ ՊԱՇՊԱՆՈւԹՅԱՆ ԳՈՐԾԻՆ Արցախը ոչնչացրած, Հայաստանին միայն պարտություններ և աղետներ բերած մամլյուքների այս կլիկը Հայաս…
Թրամփը խիստ անհավանական է համարում Իրանի դեմ ռազմական գործողությունների վերսկսումը
ԱՄՆ նախագահ Դոնալդ Թրամփը քիչ հավանական է համարում Իրանի դեմ ռազմական գործողությունների վերսկսումը, եթե կողմերն առաջընթաց գրանցեն Իրանի միջուկային ծրագրի և Հորմուզի նեղուցի բացման շուրջ բանակցություններում։ Միաժամանակ ամերիկյան զինված ուժերը պատրաստ են նոր հարվածների, իսկ Վաշինգտոնն արդեն որոշել է Իրանի տարածքում հնարավոր թիրախները՝ ներառյալ էլեկտրակայաններն ու կամուրջները։ Այս մասին Թրամփը հայտարարել է CNN-ին տված հեռախոսային հարցազրույցում։
«Պատասխանն այն է, որ խիստ անհավանական է, որ դրա անհրաժեշտությունը կառաջանա։ Սա սնանկ երկիր է։ Հենց նոր տվյալներ են հրապարակվել, դուք տեսել եք՝ այս տարի գնաճը կազմել է 301%։ Խիստ անհավանական է, որ դրա կարիքը կլինի։ Բայց եթե անհրաժեշտ լինի, ես դա կանեմ», — ասել է ԱՄՆ նախագահը՝ 20 րոպեանոց զրույցի ընթացքում հինգ անգամ կրկնելով պատերազմի վերսկսման քիչ հավանական լինելու մասին միտքը։
Թրամփը նշել է, որ իրավիճակի հետագա զարգացումը կախված է նրանից, թե արդյոք Թեհրանը կհամաձայնի «շատ խիստ համաձայնագրի»։ Նա պնդում է, որ ամերիկյան հարվածները լուրջ ռազմական և տնտեսական վնաս են հասցրել Իրանին, իսկ երկրի ֆինանսական վիճակը շարունակում է վատթարանալ։
Միաժամանակ նախագահն ընդգծել է, որ ԱՄՆ-ն պահպանում է ռազմական գործողությունը վերսկսելու հնարավորությունը։ Ըստ նրա, տարածաշրջանում գտնվում են ամերիկյան երեք ավիակիրներ, որոնք լիովին պատրաստ են մարտական գործողությունների։
«Մենք պատրաստ ենք։ Ես այստեղ երեք ավիակիր ունեմ։ Եվս մեկը հենց նոր է ժամանել։ Մենք երեքն ունենք։ Դրանք լիովին մարտական պատրաստության մեջ են», — հայտարարել է Թրամփը։
Իշխանությունները զրկել են մեզ Կաթողիկոսի հետ այս օրվա ուրախությունը կիսելու հնարավորությունից
Արքեպիսկոպոս Եզրաս Ներսիսյանը հայտարարել է, որ Հայաստանի իշխանություններն իրենց գործողություններով զրկել են հավատացյալներին Ամենայն Հայոց Կաթողիկոս Գարեգին Ե…
Հայերին աջակցություն հայտնած դեմոկրատ սենատոր Էլ-Սայեդը հայտարարել է Թրամփի հետ հանդիպելու պատրաստակամության մասին
Միչիգանից ԱՄՆ նորընտիր սենատոր, դեմոկրատ Աբդուլ Էլ-Սայեդը հայտարարել է, որ պատրաստ է հանդիպել երկրի նախագահ Դոնալդ Թրամփի հետ՝ քննարկելու նահանգի բնակիչների շահերից բխող համատեղ աշխատանքը՝ չնայած նախընտրական քարոզարշավի ընթացքում հնչած փոխադարձ վիրավորանքներին։
«Ես երբեք չեմ հանդիպել այդ մարդուն։ Նա Միացյալ Նահանգների նախագահն է, իսկ ես՝ Միչիգան նահանգից ԱՄՆ նորընտիր սենատորը։ Ես պատրաստ եմ հանդիպել նրա հետ, ինչպես նաև ցանկացած այլ մարդու, որը կօգնի առաջ մղել այն նպատակները, որոնց համար առաջադրվել եմ՝ քաղաքականությունն ազատել փողի ազդեցությունից, ավելացնել քաղաքացիների եկամուտները և ընդունել համընդհանուր բժշկական ապահովագրության մասին օրենք», — կիրակի օրը ABC հեռուստաընկերության This Week հաղորդման եթերում հայտարարել է Էլ-Սայեդը։
Նրա կարծիքով, եթե Թրամփը լուրջ է տրամադրված, իրենք կարող են համագործակցել այս հարցերը լուծելու համար։
«Բայց եթե նա պատրաստվում է շարունակել խաբել մարդկանց, ապա Սպիտակ տունը ղեկավարելու համար կնշանակի Սթիվեն Միլերի նման մարդկանց։ Իսկ դրանից հետո ինքն է որոշելու, թե որ ուղղությամբ շարժվի», — հավելել է սենատորը։
Միջանկյալ ընտրություններին ընդառաջ Թրամփը բազմիցս քննադատել է Էլ-Սայեդին՝ անդրադառնալով նաև նրա մուսուլմանական դավանանքին։ Ի պատասխան՝ անցած շաբաթ ընտրություններում տարած հաղթանակից հետո դեմոկրատը ԱՄՆ նախագահին անվանել է «անլուրջ հիմար», իսկ փոխնախագահ Ջեյ Դի Վենսին՝ «վախկոտ»։
Միաժամանակ Էլ-Սայեդը հստակեցրել է, որ Թրամփի հետ հանդիպում կազմակերպելու կոնկրետ ծրագրեր առայժմ չկան։
Խոսելով Սենատում դեմոկրատական փոքրամասնության առաջնորդ Չաք Շումերի հետ հարաբերությունների մասին՝ նորընտիր սենատորը նշել է, որ իրենց հաջողվել է ընդհանուր լեզու գտնել և համագործակցել՝ ընտրություններում իր հաղթանակն ապահովելու համար։ Սակայն նա չի բացառել, որ հաջորդ տարի Սենատի ղեկավարի պաշտոնում կաջակցի մեկ այլ թեկնածուի։
«Ինձ համար հարցն այն է, թե ով է ցանկանում դառնալ այն առաջնորդը, որը կապահովի ընտրություններում մեր ստացած մանդատի իրագործումը։ Ես ուզում եմ տեսնել, թե էլ ովքեր են հավակնելու այդ պաշտոնին», — ասել է Էլ-Սայեդը։
Նա նաև հիշատակել է սենատոր Քրիս Վան Հոլենին՝ հայտարարելով, որ վաղուց մեծ հետաքրքրությամբ է վերաբերվում նրա թեկնածությանը, թեև, ըատ Էլ-Սայեդի, Վան Հոլենը կարող է այլ քաղաքական նպատակներ ունենալ։
Ո՞ր բանջարեղենն է համարվում առողջ սննդակարգի «արքան»
Դդմիկը կրում է դիետիկ սննդի «արքայի» տիտղոսը, քանի որ այն սննդակարգում ներառված հիմնական բանջարեղենն է, որը պայքարում է ավելորդ քաշի դեմ։ Այս մասին «Ռիա Նովո…