julbaz.mediamonitoring.am

CNN-ը հայտնում է, որ ուրբաթ օրը ցուլը սպանել է թոշակառու մատադորին, որը կենդանիներին ցլամարտի էր պատրաստում Իսպանիայի հարավում գտնվող Մալագա քաղաքի ցլամարտի ասպարեզում:

Ռիկարդո Օրտիսը ցլերին վարժեցնում էր Մալագայի պատմական ցլամարտի ասպարեզ Լա Մալագետայի վանդակներում, երբ կենդանիներից մեկը նրան պոզահարել է, հայտնում է միջոցառումը կազմակերպող ցլամարտի Lances de Futuro ընկերությունը։

«Մենք ցանկանում ենք մեր խորին ցավակցությունը հայտնել մահացածի ընտանիքին, ընկերներին և գործընկերներին, ով ցլամարտի աշխարհում շատ սիրված և հարգված անձնավորություն էր», – ասվում է ընկերության հայտարարության մեջ։

Հասարակական գործիչ Կարեն Հեքիմյանի ֆեյսբուքյան գրառումը․ «Տարածքային կառավարման և ենթակառուցվածքների նախարար Խուդաթյան Դավիթն ասել է, որ ««Գելափին» հիասթափություն է սպասվում ընտրություններից հետո»:
     Այսինքն, ըստ Խուդաթյան Դավթի, Gallup International Аassociation-ի տեղեկատվությունն արժանահավատ չէ: Այդ դեպքում, ի՞նչ է խանգարում Խուդաթյան Դավիթ & Co-ին զրկել այդ կազմակերպությանը սոցիոլոգիական հարցումներ իրականացնելու իրավունքից կամ վերջինիս «դուրս շպրտել» Հայաստանից:
     Ի՞նչ է նշանակում «հիասթափություն է սպասվում»: Այդօրինակ «հիասթափություններ» մենք օրական տասնյակ անգամ ենք ունենում տարաբնույթ խուդաթյանդավիթների և փաշինյաննիկոլների գործունեությունից: Եվ, ի՞նչ: Հիասթափվենք Հայրենիքի՞ց: Գնա՞նք: Իսկ ավելի լավ չէ՞, որ խուդաթյանդավիթները գնան: Օրինակ` լսեն գելափների տեղեկատվությունն ու գնան: Գելափների հետ միասին:
     Հավատացեք` այս պետությունը կկայանա այն ժամանակ, երբ գելափներն ու խուդաթյանդավիթներն այստեղ այլևս խոսելու բան չունենան»: