Կոչ-հայտարարություն Ապրիլի 11-12-ը Փարիզում կայացավ Սփյուռքի ազգային զորաշարժին նվիրված խորհրդաժողով՝ Հայաստանից, Արցախից եւ Սփյուռքի 26 երկրներից ժամանած ավ…
Կոչ-հայտարարություն. Փարիզում կայացել է Սփյուռքի ազգային զորաշարժին նվիրված խորհրդաժողով
Առ այդ, կարեւորում ենք ՀՀ բոլոր քաղաքացիների, անկախ իրենց գտնվելու վայրից…
Արաղչին մեկնաբանել է ԱՄՆ-ի հետ ձախողված բանակցությունները
Իրանի ԱԳ նախարար Աբբաս Արաղչին արձագանքել է Պակիստանում ԱՄՆ-ի հետ բանակցությունների ձախողմանը և իրանական նավահանգիստներն արգելափակելու ԱՄՆ-ի սպառնալիքին: Ավե…
Ավստրալիայի բանակն առաջին անգամ կին կղեկավարի
Պատմության մեջ առաջին անգամ Ավստրալիայի զինված ուժերը կին կղեկավարի․ գրում է Reuters գործակալությունը։
Գեներալ-լեյտենանտ Սյուզան Քոյլը հուլիսին կդառնա բանակի գլխավոր հրամանատար․ նա կփոխարինի գեներալ-լեյտենանտ Սայմոն Սթյուարտին։
55-ամյա Քոյլի նշանակումը տեղի է ունենում երկրի զինված ուժերում կին սպաների թիվը մեծացնելու ջանքերի շրջանակում։
«Հուլիսից մենք կունենանք Ավստրալիայի բանակի 125-ամյա պատմության մեջ առաջին կին բանակի հրամանատարը», – ասել է վարչապետ Էնթոնի Ալբանեզը։
Այս կիրակի Green Green-ը Հրազդանի կիրճում է
Այս կիրակի Green Green-ը Հրազդանի կիրճում է:
Մայիսի 10, Ժամը 12:00
Հրազդանի կիրճ, Կիևյան կամրջի տակ
Միացե՛ք նման նախաձեռնություններին․ մաքուր և կանաչ Երևանը ձևավոր
Գույքագրել ենք կոյուղատար համակարգի բոլոր խնդրահարույց հատվածները
Երևանի քաղաքապետ Տիգրան Ավինյանն ավագանու նիստում հայտնել է, որ գույքագրել են կոյուղատար համակարգի բոլոր խնդրահարույց հատվածները՝ այն տեղերը, որտեղ հիմնանորոգման կարիք կա, և որտեղ՝ նորը կառուցելու։
«Մոտ 5-6 տարում ամբողջությամբ կլուծենք կոյուղատար համակարգի խնդիրը։ Եթե տեմպը մի փոքր ավելացնենք, միգուցե՝ ավելի շուտ»,- նշել է քաղաքապետը՝ հավելելով, որ ամեն տարի փաստացի իրականացվել են մեծ ծավալի աշխատանքներ։ Նրա խոսքով՝ տեսանելի ապագայում ամբողջ համակարգը փոխարինվելու է. «Գույքագրումն արել ենք և փաստացի 2022-ից ամեն տարի աշխատանք ենք կատարել, որպեսզի խնդիրը լուծենք, և շատ տեղերում իրապես լուծել ենք»,- շեշտել է քաղաքապետը։
Անահիտ Մանասյանն այցելել է «Ագաթ» ՀԿ․ քննարկվել են հաշմանդամություն ունեցող անձանց իրավունքների ապահովման հետ կապված խնդիրները
Մայիսի 6-ին Շիրակի մարզ կատարած աշխատանքային այցի շրջանակում Մարդու իրավունքների պաշտպան Անահիտ Մանասյանն այցելել է «Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպություն, հանդիպել շահառուների և կազմակերպության ներկայացուցիչների հետ։ Այդ մասին հայտնում են ՄԻՊ աշխատակազմից։
Քննարկվել են հաշմանդամություն ունեցող անձանց իրավունքների պաշտպանությանն առնչվող մի շարք հարցեր։ Մասնավորապես, անդրադարձ է կատարվել սոցիալական ներառման ապահովման, կրթության իրավունքի իրացման համատեքստում խելամիտ հարմարեցումների տրամադրման, զբաղվածության հնարավորությունների երաշխավորման կարևորությանը, առողջապահական ծառայությունների, ինչպես նաև համայնքային և հանրային ենթակառուցվածքների մատչելիությանն առնչվող հարցերին։
Մասնակիցները բարձրացրել են ֆիզիկական միջավայրի՝ ներառյալ տրանսպորտի մատչելիության, բժշկական, կրթական, մասնագիտական, սոցիալական ծառայությունների մատչելիության ապահովման, ինչպես նաև զբաղվածության և անկախ ապրելու իրավունքների իրացման հետ կապված խնդիրներ։ Քննարկվել են նաև պետական աջակցության ծրագրերի հասանելիության խնդիրները՝ կապված անժամկետ հաշմանդամություն ունեցող անձանց կողմից ֆունկցիոնալության գնահատում անցնելու պարտադիր պահանջի կիրառման հետ։
Քննարկվել են նաև տեղեկատվական համակարգերում հաշմանդամություն ունեցող անձանց վերաբերյալ տվյալների բացակայության հետ կապված հարցերը և դեպքերը։ Բարձրացվել է բուժաշխատողների շրջանում հաշմանդամություն ունեցող անձանց հետ հաղորդակցության և վարվելակերպի կանոնների վերաբերյալ իրազեկվածության բարձրացման անհրաժեշտության հարցը։
Անահիտ Մանասյանը ներկայացրել է Մարդու իրավունքների պաշտպանի աշխատակազմի կողմից իրականացվող մշտադիտարկման գործիքակազմը՝ ընդգծելով այդ գործընթացներում հաշմանդամություն ունեցող անձանց ակտիվ ներգրավվածության կարևորությունը։ Պաշտպանը նշել է, որ ոլորտը հաստատության առաջնահերթություններից է։ «Հաշմանդամություն ունեցող անձանց իրավունքների արդյունավետ պաշտպանությունը հնարավոր է միայն նրանց անմիջական ներգրավվածության և կարիքների լիարժեք գնահատման պայմաններում։ Մեր առաջնահերթություններից է ապահովել, որպեսզի յուրաքանչյուր մարդ, անկախ իր առանձնահատկություններից, ունենա հավասար հնարավորություններ և արժանապատիվ կյանքի պայմաններ»,- նշել է Անահիտ Մանասյանը։
Պաշտպանը կարևորել է նաև կրթության ոլորտում, մասնավորապես մարդու իրավունքների կրթության համակարգային բարեփոխումների անհրաժեշտությունը, ինչպես նաև մատչելիության ապահովման ուղղությամբ շարունակական և նպատակային պետական քաղաքականության իրականացումը։
«Ագաթ» ՀԿ նախագահ Կարինե Գրիգորյանը շնորհակալություն է հայտնել Պաշտպանին՝ ընդգծելով հաստատության հետ համագործակցության կարևորությունը և գնահատելով անկախ ու ապաքաղաքական մարմնի դերը ոլորտում առկա խնդիրների բարձրաձայնման հարցում։
Մարդու իրավունքների պաշտպանը բարձր է գնահատել կազմակերպության գործունեությունը՝ ընդգծելով վերջինիս կողմից բարձր մասնագիտական և էթիկական չափանիշների պահպանումն ու արդյունավետությունը։ Նա ընդգծել է քաղաքացիական հասարակության կազմակերպությունների առանցքային դերը մարդու իրավունքների պաշտպանության գործում և կարևորել շարունակական համագործակցությունը։
Պաշտպանը վերահաստատել է իր պատրաստակամությունը՝ շարունակելու աշխատել հաշմանդամություն ունեցող անձանց իրավունքների պաշտպանության և խթանման ուղղությամբ՝ համագործակցելով բոլոր շահագրգիռ կողմերի հետ։ Հանդիպման ընթացքում բարձրացված խնդիրներն ամփոփվում են` դրանց լուծումներ գտնելու նպատակով։
Քննարկվել են «ԱԲ գործարանների» կառուցմանն առնչվող հարցեր
ՀՀ բարձր տեխնոլոգիական արդյունաբերության նախարար Մխիթար Հայրապետյանը մայիսի 6-ին հանդիպել է Լատվիայի Հանրապետության արտաքին գործերի նախարար Բայբա Բրաժեի գլխավորած պատվիրակության հետ։ Հանդիպման ընթացքում նախարար Հայրապետյանը ներկայացրել է Հայաստանի բարձր տեխնոլոգիական ոլորտի զարգացման առաջնահերթությունները։ Կողմերը քննարկել են արհեստական բանականության ոլորտում բարձր արտադրողականությամբ հաշվողական ռեսուրսներին հասանելիությանը, ինչպես նաև «ԱԲ գործարանների» կառուցմանն առնչվող հարցեր։
Հանդիպման առանցքային թեմաներից էին Հայաստանում ընդունված «Կիբեռանվտանգության մասին» օրենքը և դրա կիրառման ընթացքը, ինչպես նաև փոխգործակցության հնարավորությունները՝ կարողությունների զարգացման և կրիտիկական ենթակառուցվածքների պաշտպանության ուղղություններով։
Կողմերն անդրադարձել են նաև թվային ենթակառուցվածքների զարգացման ոլորտում փորձի փոխանակմանը, ստարտափ էկոհամակարգի խթանմանը, ռազմարդյունաբերությանը, ինչպես նաև Հայաստան-Եվրոպական միություն համագործակցության շրջանակում համատեղ ծրագրերի իրականացման հնարավորություններին։
Քննարկվել են փոխադարձ այցելությունների կազմակերպման, ինչպես նաև Լատվիայում նախատեսվող ոլորտային միջոցառումներին և մասնագիտական հարթակներին հայկական կողմի մասնակցության հնարավորությունները՝ եվրոպական ընկերությունների ներգրավմամբ համատեղ ծրագրերի զարգացման նպատակով։
Հանդիպման ավարտին կողմերը ընդգծել են փոխշահավետ համագործակցության համար առկա ներուժը և ձեռք բերել պայմանավորվածություններ հետագա քայլերի վերաբերյալ։
Մեծամոր քաղաքի 1-ին թաղամասում 12 ժամ ջուր չի լինի
«Վեոլիա ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ապրիլի 13-ին՝ ժամը 11:00-23:00-ն կդադարեցվի ք.Մեծամոր 1-ին թաղամասի ջրամատակարարումը:
Կանգնած ենք վարորդների կողքին | Top-News.am
Երևանի քաղաքապետ Տիգրան Ավինյանն անդրադարձել է հանրային տրանսպորտում ուղեվարձը չվճարելու պատճառով վարորդների հետ միջադեպերին։
«Ունեցել ենք մի քանի միջադեպ, մեկ կոնկրետ տհաճ միջադեպ, երբ վերածվել է կռվի, հարձակվել են վարորդի վրա։ Երեք անձ ձերբակալվել է, չորրորդն էլ անցնում է այդ գործով։ Ես ուզում եմ վստահ լինել, որ այդ անձինք պատժվելու են խստագույնս։
Եվ իրականում վարորդների նկատմամբ ոտնձգությունը անհատի, անձի նկատմամբ ոտնձգություն չէ, դա ոտնձգություն է քաղաքի նկատմամբ, ամբողջ համակարգի նկատմամբ, և ուզում եմ բոլորն իմանան, առաջին հերթին՝ վարորդները, որ մենք նրանց կողքին կանգնած ենք»։
Նա նշել է, որ ուղեվարձը չվճարելը ամոթալի երևույթ է. «Այս երևույթը պետք է լինի պախարակելի, պետք է լինի ամոթալի և որևէ մեկը չպետք է իրեն թույլ տա՝ տրանսպորտից օգտվելիս չվճարել, քանի որ ինքը բեռ է մեր բոլորի վզին, ձեր վզին՝ սիրելի երևանցիներ, ովքեր պարտաճանաչ վճարում եք։ Իրենք շաբաթական երկու նոր ավտոբուսի չափ չեն վճարում»։
Ըստ քաղաքապետի՝ այս ամենը չպետք է հանդուրժել. «Ի՞նչ իրավունք ունի մարդը, որ տրանսպորտի համար չվճարի ու մի հատ էլ հերոսացնի»։
Նա նաև շեշտել է. «Շաբաթական մոտ 70-80 մլն դրամի չվճարում ունենք։ Սա նշանակում է, որ շաբաթը երկու նոր ավտոբուս կարող էինք գնել այդ չվճարողների հաշվին»։