Մերցը Պուտինին կոչ է արել համաձայնել Եվրոպայի մասնակցությամբ Ուկրաինայի հարցով բանակցություններին

Գերմանիայի կանցլեր Ֆրիդրիխ Մերցը Ռուսաստանի նախագահ Վլադիմիր Պուտինին կոչ է արել համաձայնել եվրոպական երկրների մասնակցությամբ Ուկրաինայում հակամարտության կարգավորման շուրջ բանակցություններին, հաղորդում է dpa-ն։

«Ես ակնկալում եմ, որ Ռուսաստանի կառավարությունն ու նախագահը վերջապես կհամաձայնեն համատեղ բանակցություններ անցկացնել»,- հայտարարել է Մերցը լրագրողներին հինգշաբթի՝ Դուբլինում եվրոպական առաջնորդների գագաթնաժողովին ժամանելիս։

Երեքշաբթի և չորեքշաբթի Ուկրաինան ու Ռուսաստանը ԱՄՆ-ի միջնորդությամբ վերսկսել են պատերազմի ավարտի շուրջ ուղիղ բանակցությունները։ Հանդիպումները տեղի են ունեցել Աբու Դաբիում՝ վերջին մի քանի ամսվա ընթացքում առաջին անգամ։

ԱՄՆ-ի հատուկ բանագնացներ Սթիվ Ուիթքոֆն ու Ջարեդ Քուշները հինգշաբթի Մոսկվայում հանդիպել են Պուտինի հետ՝ նրան համոզելու համաձայնել ապագա խաղաղ բանակցություններին եվրոպական երկրների մասնակցությանը։

Ռուսաստանի և Ուկրաինայի հետ բանակցություններում Եվրամիությունը ներկայացնողի հարցի շուրջ վերսկսված քննարկումների հետնապատկերին Մերցը որպես եվրոպական հիմնական մասնակիցներ նշել է Գերմանիան, Ֆրանսիան և Մեծ Բրիտանիան։

Այդ երեք երկրները, որոնք հայտնի են որպես E3 ձևաչափ, մինչ այժմ համակարգել են Եվրոպայի հիմնական դիվանագիտական ջանքերը։ Որոշ դեպքերում նրանց միացել են Լեհաստանի կամ Իտալիայի ներկայացուցիչները։

«Ես բացարձակապես որևէ խնդիր չեմ տեսնում ներկայիս ձևաչափը պահպանելու հարցում»,- ասել է կանցլերը։

«Գլխավորն այն է, որ Ռուսաստանը նստի բանակցությունների սեղանի շուրջ և պատրաստ լինի երկխոսության։ Մնացած ամեն ինչ այդ ժամանակ իր տեղը կընկնի»,- հավելել է Մերցը։

Վալոդյա Գրիգորյանի սպանության համար մեղադրվողը սկանդալային հայտարարություններ է արել

Փարաքարի համայնքապետ Վալոդյա Գրիգորյանի սպանության համար մեղադրվող Գևորգ Հարությունյանն այսօր դատարանի դահլիճում հայտարարել է, թե իրեն սպառնացել են, ստիպել են խոստովանել, թե ինքն է սպանել Վալոդյա Գրիգորյանին։

Նա պնդել է, որ սպանության հետ կապ չունի։ Գևորգ Հարությունյանի խոսքով՝ Էջմիածնի ոստիկանությունում հարցաքննության ժամանակ ներկա են եղել բարձրաստիճան ոստիկաններ։  

«Ոստիկանության շենքում Վարդան Վարդանյանը, չեմ հիշում՝ այդ ժամանակ ինչ պաշտոն ուներ, եթե չեմ սխալվում՝ փոխոստիկանապետն էր, բոլորին ասաց՝ դուրս գան սենյակից: Մոտեցավ, ասաց՝ «արի նստենք, խոսենք, ասա, թե ինչ կապ ունես այս ամենի հետ», ես էլ ասացի, որ կապ չունեմ, ի՞նչ պետք է ասեմ: Ասաց՝ «եթե ուզում ես, որ ընտանիքդ ապահով լինի, պիտի ասես, որ այս ամեն ինչը դու ես արել»»,- նշել է Գևորգ Հարությունյանը։

Նրա խոսքով՝ ծանր վիճակում է հայտնվել, չէր ուզում վտանգել ընտանիքին, և իր վրա է վերցրել Վալոդյա Գրիգորյանին սպանելու մեղադրանքը։

Նիստից հետո «Ապրելու երկիր» կուսակցության համահիմնադիր Մանե Թանդիլյանը, անդրադառնալով մեղադրյալի սկանդալային հայտարարություններին, ասել է, թե տպավորություն է, թե լավ պարապած ելույթ էր ունենում սպանության համար մեղադրվողը։

«Նրան պատրաստել էին, թե տարաբնույթ հարցերին ինչպես պիտի պատասխանի, և ուղղորդված սցենարով, ըստ որի՝ ինքը պիտի խուսափի պատժից։ Նա այսօր փաստացի ցուցմունք տվեց ոստիկանական համակարգում աշխատող երկու բարձրաստիճան անձանց վերաբերյալ՝ Վարդան Վարդանյանի և Արամ Հովհաննիսյանի։ Այդ երկու անձինք ազատվել են աշխատանքից, հետո վերականգնվել, տարբեր պաշտոններ են զբաղեցրել։ Փաստ է, որ այսօր Գևորգ Հարությունյանը մեղադրեց Վարդան Վարդանյանին ապացույցները կեղծելու, իրեն ահաբեկելու, վախեցնելու համար»,- նշել է Մանե Թանդիլյանը։

Վալոդյա Գրիգորյանի համակուսակիցը ենթադրում է, որ մեղադրյալին ուղղորդել են իր վրա վերցնել մեղքը, ինչը ևս հանցագործություն է։ Բայց այդպիսով մեղադրվողը խոչընդոտել է իրական հանցագործին գտնելու գործընթացին։

Հիշեցնենք՝ 2025-ի սեպտեմբերի 23-ին տան բակում սպանվել է Փարաքարի համայնքապետ Վալոդյա Գրիգորյանը։

Անի Աբաղյան

Բրյուսելում ստորագրվել են ԵՄ «Քասթըմս» և «Ֆիսկալիս» ծրագրերին Հայաստանի մասնակցության համաձայնագրեր

Հայաստանի Հանրապետության և Եվրոպական միության միջև Բրյուսելում ստորագրվել են համաձայնագրեր ՀՀ պետական եկամուտների կոմիտեի նախագահ Էդուարդ Հակոբյանի և Եվրոպական միության հանձնակատար Վոպկե Հուկստրայի կողմից՝ ԵՄ «Քասթըմս» և «Ֆիսկալիս» ծրագրերին Հայաստանի Հանրապետության մասնակցության վերաբերյալ։

Համաձայնագրերի ստորագրումը Հայաստանի Հանրապետության և Եվրոպական միության միջև մաքսային և հարկային ոլորտներում համագործակցության խորացմանն ուղղված կարևոր քայլ է, որը կնպաստի ՀՀ մաքսային և հարկային վարչարարության արդիականացմանը, ինստիտուցիոնալ և մասնագիտական կարողությունների զարգացմանը, ինչպես նաև ԵՄ անդամ պետությունների հետ փորձի և լավագույն գործելակերպի փոխանակմանը։

Ստորագրման արարողության ընթացքում ՊԵԿ նախագահ Էդուարդ Հակոբյանը, կարևորելով համաձայնագրերի նշանակությունը, նշել է, որ դրանց ստորագրումը Համապարփակ և ընդլայնված գործընկերության համաձայնագրով նախատեսված համագործակցության գործնական արդյունքն է և այս տարի կայացած Հայաստան–ԵՄ գագաթնաժողովի պայմանավորվածությունների տրամաբանական շարունակությունը։

«Մեր նպատակը հստակ է՝ ունենալ ժամանակակից, թափանցիկ և հաշվետու եկամուտների վարչարարություն, որը հիմնված է օրենքի գերակայության և լավ կառավարման սկզբունքների վրա և արդյունավետորեն ծառայում է մեր քաղաքացիներին ու տնտեսվարողներին»,– ընդգծել է ՊԵԿ նախագահը։

Ակնկալվում է, որ «Քասթըմս» և «Ֆիսկալիս» ծրագրերին Հայաստանի մասնակցությունը կնպաստի մաքսային և հարկային վարչարարության ընթացակարգերի արդյունավետության, թափանցիկության և կանխատեսելիության բարձրացմանը, գործարար միջավայրի բարելավմանը, ինչպես նաև միջազգային համագործակցության ընդլայնմանը։

ՊԵԿ նախագահը շնորհակալություն է հայտնել Եվրոպական հանձնաժողովին, Հարկման և մաքսային միության գլխավոր տնօրինությանը (DG TAXUD), ինչպես նաև Բրյուսելում և Երևանում գործընկերներին՝ համաձայնագրերի ստորագրման գործընթացում ներդրած ջանքերի համար՝ ընդգծելով, որ հայկական կողմը պատրաստ է անմիջապես սկսել նախատեսված աշխատանքները։

Կողմերը ձեռք են բերել պայմանավորվածություն պատասխանատու անձանց նշանակելու մասին, որոնք հանձն են առնելու համաձայնագրերի կենսագործումը։

Հրաձգություն Բրյուսելում․ կան տուժածներ


Հրաձգություն է տեղի ունեցել Բելգիայի մայրաքաղաք Բրյուսելում։ Տուժել է երկու մարդ։ Այս մասին հայտնում են տեղի ԶԼՄ-ները։ Ոստիկանությունն ու արագ արձագանքման ծա…

Փաշինյանն ու Էստոնիայի վարչապետը քննարկել են Հայաստան-ԵՄ հարաբերությունների խորացումը

Դուբլինում ընթացող Եվրոպական քաղաքական համայնքի 9-րդ գագաթնաժողովի շրջանակում հանդիպել են Հայաստանի վարչապետ Նիկոլ Փաշինյանն ու Էստոնիայի վարչապետ Քրիստեն Միխալը։ Այս մասին հայտնում…

«Երբ պետության պատասխանատու անձը հեգնական պատասխաններ է տալիս, արդյունքը լինում է այսպիսին»․ Մարինե Ֆարմանյան

«Երբ պետության պատասխանատու անձը հեգնական պատասխաններ է տալիս, արդյունքը լինում է այսպիսին»․ Մարինե Ֆարմանյան

Փաստաբան Մարինե Ֆարմանյանի ֆեյսբուքյան գրառումը․ «Շատ ցավալի բան է եղել:
     ՀՀ արդարադատության նախարար Սրբուհի Գալյանը լքել է (կամ ընդմիջել է) մամուլի ասուլիսը՝ հուզվելով, որ երկրում ամեն օր արձանագրվող մահերի ֆոնին, օգտատերերը գրում են. «Տարոսը քո երեխային»…
     Նախ՝ ցանկացած երեխայի նման բան գրողներին հազար ամոթ. եթե նույնիսկ սերիական մարդասպանի երեխա է, նման բան չի կարելի ասել:
     Բոլոր երեխաներն անմեղ էակներ են և հոգատարության արժանի:
     Բայց այս համամարդկային ճշմարտությունը չի նսեմացնում որդեկորույս մայրերի և ապօրինի մահերի համար ցավ ապրող մարդկանց պահանջը:
     Ուստի, երբ պետության պատասխանատու անձը, նման հարցերին, զուտ քաղաքական նպատակներով, հեգնական պատասխաններ է տալիս ու երբեմն իր քաղաքական ղեկավարի վատ բառամթերքից անհաջող ծաղկաքաղ է անում, արդյունքը լինում է այսպիսին:
     Հեգնանքն ու սպառնալիքը ատելության դեմքն ունեն հասարակության մեջ:
     Աստված երկու ձեռքով պահի Գալյանի երեխային, բայց մեծանուն Հովհաննես Թումանյանը ամենօրյա անմեղ զոհերի հարազատների հարցը ձևակերպել է դեռևս 1917 թվականին:
     Երազումըս մի մաքի
     Մոտըս եկավ հարցմունքի.
     ― Աստված պահի քո որդին,
     Ո՞նց էր համը իմ ձագի…»։

Պուտինը սկսել է հանդիպումը Ուիթքոֆի և Քուշների հետ

Պուտինը սկսել է հանդիպումը Ուիթքոֆի և Քուշների հետ, հաղորդում է ՏԱՍՍ գործակալությունը։

ՌԴ նախագահը խնդրել է երախտագիտություն փոխանցել Թրամփին՝ Ռուսաստանի և Ուկրաինայի միջև շփումների կազմակերպման համար։

Տնտեսագետը՝ անհուսալի վարկերի ճգնաժամի հաղթահարման մասին


Տնտեսագետ Հրայր Կամենդատյանը ֆեյսբուքյան իր էջում գրել է․ «Անհուսալի վարկերի ճգնաժամի հաղթահարման միջազգային փորձը ցույց է տալիս, որ տույժ-տուգանքների ներում…

Պաշտոնյաների աշխատավարձերի բարձրացման նախագծի քննարկումը 2 ամսով հետաձգվեց

Հայաստանի նախագահի, վարչապետի և մի շարք այլ բարձրաստիճան պաշտոնյաների աշխատավարձերը հունվարի 1-ից բարձրացնելու վերաբերյալ նախագծի քննարկումն Ազգային ժողովի պետական-իրավական հարցերի մշտական հանձնաժողովում չի կայացել։

Նախագծի հիմնական զեկուցողը՝ փոխվարչապետ Տիգրան Խաչատրյանը, չի ներկայացել հանձնաժողովի նիստին։

Հանձնաժողովի նախագահ Արուսյակ Ջուլհակյանը փոխվարչապետի բացակայության պատճառների մասին մանրամասներ չի հայտնել՝ նշելով, որ նախագծի քննարկման պատրաստ լինելու դեպքում այդ մասին լրացուցիչ կտեղեկացվեն հանրությունն ու հանձնաժողովի անդամները։

Հիշեցնենք, որ կառավարության շրջանառության մեջ դրած նախագծով նախատեսվում է բարձրացնել նախագահի, վարչապետի, փոխվարչապետերի, Ազգային ժողովի պատգամավորների, դատարանների նախագահների, գլխավոր դատախազի և այլ բարձրաստիճան պաշտոնյաների աշխատավարձերը։ Որոշ պաշտոնների դեպքում նախատեսվող բարձրացումը կարող է հասնել գրեթե կրկնակի չափի։

«Երբ պետությունն անձին կալանավորում կամ տանում է բանակ, նրա կյանքի թիվ մեկ պատասխանատուն ինքն է»․ Արգիշտի Կիվիրյան

«Երբ պետությունն անձին կալանավորում կամ տանում է բանակ, նրա կյանքի թիվ մեկ պատասխանատուն ինքն է»․ Արգիշտի Կիվիրյան

Վերլուծաբան Արգիշտի Կիվիրյանը ֆեյսբուքյան էջում գրել է․ «Եկեք շատ կարճ մի բան բացատրեմ էլի։ Ցանկացած ոք կարող է և ինֆարկտից մահանալ, և ինսուլտից, կամ էլ ինքնասպանություն գործել։ Բայց երբ պետությունը անձին կալանավորում է, կամ էլ ասենք տանում ա բանակ, դրանից հետո ինքն ա մարդու կյանքի թիվ մեկ պատասխանատուն։ Եթե բանտում կամ բանակում անձի հետ մի բան ա պատահում, ողջ պատասխանատվությունը ընկնում է պետության ու այդ պետության իշխանությունների համապատասխան ներկայացուցիչների վրա։ Ու այդ պարագայում երբ հայտարարվում է թե բա դրսում էլ են մարդիկ մահանում կամ ինքնասպանություն գործում, այդ մարդիկ բացահայտում են իրենք կատարյալ սնանկ գիտելիքները, թե ինչ ա ինքնին պետությունը…»։