julbaz.mediamonitoring.am

Իրանի Իսլամական Հանրապետության փոխնախագահ Սեյեդ Համիդ Փուրմոհամմադիի գլխավորած պատվիրակության՝ Հայաստան պաշտոնական այցի շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է պատվիրակությանը: Այս մասին տեղեկացնում են ԿԳՄՍՆ-ից։

Ողջունելով հյուրերին` ԿԳՄՍ նախարար Ժաննա Անդրեասյանն ընդգծել է երկու ժողովուրդների միջև պատմական, մշակութային դարավոր կապերի ամրապնդման կարևորությունը և շարունակականության ապահովումը: Նախարարն առանձնակի հիացմունքով հիշատակել է նախորդ տարի Իրանի Պերսեպոլիսի պատմական հուշարձան-համալիրի տարածքում տեղի ունեցած Հայաստանի ազգային ֆիլհարմոնիկ նվագախմբի բացօթյա համերգը՝ որպես բացառիկ մշակութային իրադարձություն՝ շնորհակալություն հայտնելով ջերմ ընդունելության համար:

Սեյեդ Համիդ Փուրմոհամմադին ևս կարևորել է երկու երկրների միջև կրթամշակութային կապերի ամրապնդումը՝ պատմական ժառանգության պահպանումն ու զարգացումը:

Կողմերն առանձնակի կարևորել են երկու ժողովուրդների ժամանակակից արվեստի ճանաչումն ու հանրահռչակումը՝ փոխադարձ միջոցառումների և համատեղ ծրագրերի իրականացման ճանապարհով: Մասնավորապես՝ նախանշվել է Թեհրանի սիմֆոնիկ նվագախմբի սպասվող համերգը Հայաստանում, կարևորվել է օրերս Գևորգ Ասատրյանի թարգմանությամբ լույս ընծայված Ֆիրդուսու «Շահնամե» ստեղծագործության հանրահռչակումը հայ ընթերցողների շրջանում:

Այս համատեքստում ընդգծվել է երկու երկրներում անցկացվող գրքի փառատոներին փոխադարձ մասնակցությունը, ժամանակակից գրականության թարգմանությունները, շնորհանդեսների կազմակերպումը: Արվեստի ոլորտում առանձնակի շեշտադրվել է ֆիլմարտադրությանը և կինոփառատոների անցկացմանն ուղղված ծրագրերի խթանումը՝ արդեն իսկ ունեցած հաջող փորձառության հիման վրա:

Քննարկվել է նաև երիտասարդության ոլորտում համատեղ նախագծերի իրականացման հնարավորությունը` մասնավորապես ընդգծելով երիտասարդական ճամբարների ձևավորման հեռանկարները: Պաշտոնյաները երիտասարդների ներգրավումը դիտարկել են նաև զբոսաշրջության զարգացման տեսանկյունից:

Հանդիպմանն անդրադարձ է եղել նաև Հայաստանի հանրակրթական դպրոցներում պարսկերենի ուսուցման խթանմանը: Այս համատեքստում կարևորվել են պարսկերեն ուսումնական նյութերի մշակումը, ուսուցիչների մասնագիտական վերապատրաստումն ու փորձի փոխանակումը:

Հանդիպմանը քննարկվել են երկուստեք հետաքրքրություն ներկայացնող այլ հարցեր:

ՀՀ ԱԽ քարտուղար Ալեն Սիմոնյանը գրել է.

«Նայում եմ ընդդիմության հանդիպումների կադրերը ու մոտս «դեժավյու» է։ Չե՞ք հասկանում, որ ձեր խնդիրը լուրջ դեմքի արտահայտությամբ 6-ը 7-ի վրա, հետո 3-ը 4-ի վրա նկարվելը չի:

Դուք ասելիք չունեք! Թարսի պես` ցրտերն էլ ընկան. կարող էիք նաև փողոց դուրս գալ, էս քաղաքական մարգինալներով վազվզեիք, «թուրք, դավաճան, հողատու» գոռգռայիք ու 2026 թվականի քաղաքական տարին համարեիք փակված: Ամենայն հարգանքով` ասենք ո՞նց կարելի է նույն սխալները, նույն քայլերը, նույն մարած, օբլիգացիոն մարդկանց հավաքել, հետները նկարվել ու մտածել, որ այ էս անգամ կհաջողես:

Այդ մարդկանց նույնիսկ իրենց տանեցիները չեն ընտրում: Ախր 0-ին գումարած 0, գումարած 0, գումարած 0` հավասար է 0 !»։

Սահմանադրությո՞ւն, թե՞ «Սամոադրություն». օտարի փեշի ճոթից կախվածների ընդվզումը

Նոյեմբերի 9-ին Թուրքիայի Անթալիա քաղաքում մեկնարկել է ՄԱԿ-ի Կլիմայի փոփոխության մասին շրջանակային կոնվենցիայի (COP31) կողմերի 31-րդ համաժողովը: Այն բացվել է գիտնականների կողմից գլոբալ ջերմաստիճանի բարձրացման վերաբերյալ նոր նախազգուշացումների ֆոնին: Կլիմայական գագաթնաժողովն այս տարի անցկացվում է էներգետիկ ճգնաժամերի, միջազգային հակամարտությունների և եղանակային վտանգավոր երևույթների աճի պայմաններում:

Օրակարգում են ջերմոցային գազերի արտանետումների կրճատումը, անցումն ավելի մաքուր էներգետիկայի, կլիմայական ֆինանսավորումը և պետությունների հարմարեցումը գլոբալ տաքացման հետևանքներին։ Բացի այդ, մասնակիցները պետք է որոշեն, թե ինչպես արագացնել Փարիզի կլիմայի համաձայնագրի կատարումը, քանի որ պետությունների գործող պարտավորությունները բավարար չեն գլոբալ տաքացումը սահմանափակելու համար:

Ամենասուր վեճն ավանդաբար վերաբերում է ծախսերի բաշխմանը։ Ավելի աղքատ պետությունները պահանջում են ավելի շատ օգնություն այն տնտեսություններից, որոնք պատասխանատու են պատմական արտանետումների զգալի մասի համար: Պետությունները չեն կարողանում համաձայնության գալ նաև հանածո վառելիքից հրաժարվելու տեմպերի վերաբերյալ: Նույնիսկ այս տարի COP31-ի բացման արարողությունը սկսվեց ուշացումով՝ ֆինանսավորման հարցերը պաշտոնական օրակարգում ներառելու շուրջ վեճի ֆոնին: Ապակայունացում են բերում նաև պատերազմներն ու էներգակիրների գների տատանումները։ Եվ այդ վերջին գործոնի պատճառով է, որ ԱՄՆ-ն կրկին հրաժարվել է մասնակցել կլիմայի պաշտոնական բանակցություններին։

COP-ը 1992 թվականին ընդունված ՄԱԿ-ի միջազգային կոնվենցիայի կողմերի տարեկան հանդիպումն է: Այստեղ կառավարությունները վերանայում են կլիմայական պարտավորությունների իրենց կատարումը և համաձայնության են գալիս նոր քայլերի հարցում:

Այս տարի հանդիպումը հյուրընկալում է Թուրքիան, իսկ բանակցությունները գլխավորում է Ավստրալիան: COP31-ը նախագահում է Թուրքիայի շրջակա միջավայրի նախարար Մուրատ Քուրումը, իսկ բանակցությունները՝ Ավստրալիայի կլիմայի փոփոխության և էներգետիկայի նախարար Քրիս Բոուենը։ Պետությունների և կառավարությունների ղեկավարների գագաթնաժողովը նախատեսված է նոյեմբերի 11-12-ը։