julbaz.mediamonitoring.am

Մայր Աթոռը քննադատում է քրեակատարողական հիմնարկներ Հայ Առաքելական եկեղեցու ներկայացուցիչների մուտքի արգելքը: Էջմիածինը հայտարարել է, որ Քրեակատարողական ծառայության պետ Ծովինար Թադևոսյանի նման որոշումն ապօրինի է։

Ըստ Մայր Աթոռի՝ ՔԿՀ պետը նման կերպ շրջանցել է ոչ միայն Էջմիածնին, այլև անտեսել իրավական կարգավորումները և անհատ եկեղեցականների հետ կնքել աշխատանքային պայմանագրեր:

«Այս քայլը իշխանությունների հերթական թիրախավորված ու հակաեկեղեցական արշավն է՝ սահմանափակելու օրենսդրությամբ երաշխավորված Հայոց եկեղեցու հոգեխնամ առաքելությունը հանրային կյանքում, ինչը դրսևորվել է նաև ՀՀ Զինված ուժերում և կրթական ոլորտում», – ասված է Մայր Աթոռի հայտարարության մեջ:

Նուբարաշենում 16 տարի հոգևոր ծառայություն իրականացնող Գրիգոր քահանան ավելի վաղ պատմել էր, որ իրեն արգելում են բանտ մտնել, զրուցել իր հավատացյալների հետ: Բանտերում հոգևոր ծառայության պատասխանատու Իսահակ վարդապետն էլ ասել էր, որ Վանաձորի բանտում էլ խնդիր կա, խոսել էր, որ տասնամյակների համերաշխ աշխատանքից հետո այժմ Քրեակատարողական ծառայությունը խնդիրներ է ստեղծում հոգևորականների համար:

Oragir.News-ը շրջել է մայրաքաղաքի փողոցներում և հարցրել քաղաքացիներին. «Նորմա՞լ եք համարում, որ իշխանությունն արգելել է հոգևորականների մուտքը կալանավայրեր»։

Քաղաքացիների մեծ մասը դա նորմալ չի համարել։

Մի տղամարդ ասաց․ «Էս իշխանությունից ուրիշ բան սպասել չի լինի, նրանք իրենց տան նկատմամբ էլ են անտարբեր, զզվելի»,- ապա հավելեց. «Թող Աստված կանչենք, որ չվերարտադրվեն, թե չէ վա՜յ մեր ազգին»։

Մեկ այլ տղամարդ կտրուկ արձագանքեց․ «Էշություն ա»։

Մի կին նշեց․ «Հոգևորականները պիղծ են»։

Մեկ այլ կին էլ հստակ դիրքորոշում ուներ. «Կալանավորներին հոգևոր աջակցություն պետք է»։

Փիլիսոփայական մոտեցում ունեցող մի տղամարդ ընդգծեց․ «Ճիշտ խոսքն ունի խորություն, դիպուկ ա և իրականությանը ուղղված։ Դառը ճշմարտությունը լավ է, քան քաղցր սուտը»։

Մանրամասները՝ տեսանյութում․