Հռոմի Կոլիզեումի շրջակայքում առաջիկա չորս ամիսների համար ուժեղացվել են անվտանգության միջոցները, հայտնում է dpa-ն։
Իշխանությունները հույս ունեն այս կերպ նվազեցնել հանցավորության մակարդակը և բարձրացնել իտալական մայրաքաղաքի գլխավոր տեսարժան վայրերից մեկը այցելող զբոսաշրջիկների անվտանգությունը։
Ամֆիթատրոնի և նրա կողքին գտնվող Հռոմեական ֆորումի շրջակայքը հայտարարվել է ուժեղացված վերահսկողության գոտի։ Ռեժիմը կգործի մինչև դեկտեմբերի 24-ը, հայտնել են տեղական իշխանությունները։
Նոր միջոցառումների շրջանակում Կոլիզեումի շրջանում ավելացվել է ոստիկանության ներկայությունը և ուժեղացվել է պարեկությունը, ինչպես նաև իրականացվում են լրացուցիչ ստուգումներ։ Դրա պատճառ են դարձել գրպանահատությունների, կողոպուտների, խարդախության և թմրանյութերի առևտրի մասին հաղորդումները։
Զբոսաշրջիկները հաճախ հայտնում են դրամապանակների և բջջային հեռախոսների գողության մասին։ Հուլիսի սկզբին իրավիճակը սրվել էր այն միջադեպից հետո, երբ մի քանի տասնյակ երիտասարդներ հրավառություն էին կազմակերպել և բախվել ոստիկանության հետ։
Կոլիզեումը կառուցվել է մեր թվարկության I դարում՝ Ֆլավիանոսների դինաստիայի կայսրերի օրոք։ Հին ժամանակներում այստեղ անցկացվում էին զանգվածային ներկայացումներ, այդ թվում՝ գլադիատորական մարտեր և կենդանիների որս։ Այսօր ամֆիթատրոնը համարվում է Հռոմի ամենաշատ այցելվող տեսարժան վայրերից մեկը։
Անվտանգության ուժեղացված միջոցներ արդեն գործում են քաղաքի կենտրոնի այլ շրջաններում, մասնավորապես Տերմինի երկաթուղային կայարանի մոտ և Էսկվիլինո շրջանում։
Թուրքիայի Մուղլա նահանգի Ֆեթհիյե քաղաքի զբոսաշրջային գոտու մոտակայքում անտառային հրդեհ է բռնկվել։ Ուժեղ քամու պատճառով կրակը արագ տարածվել է ամբողջ տարածքում…
Հայաստանում Hisense-ի էքսկլուզիվ ներկայացուցիչ VLV Centre-ը Երևանում բացեց Hisense Store-ը՝ բրենդի միջազգային ստանդարտներին համապատասխան նոր մասնագիտացված խանութ-սրահը։
Hisense Store-ը գտնվում է Երևան, Գարեգին Նժդեհի փողոց 21 հասցեում։
Բացման արարողությանը մասնակցելու նպատակով Հայաստան էին ժամանել նաև Hisense-ի միջազգային կենտրոնական թիմի և բրենդի ներկայացուցիչները, ինչը ևս ընդգծում է Հայաստանի շուկայի կարևորությունը բրենդի տարածաշրջանային զարգացման համատեքստում։
Ի՞նչ է ներկայացված նոր Hisense Store-ում
Նոր խանութը պարզապես Hisense տեխնիկայի ցուցասրահ չէ։ Գաղափարն այն է, որ այցելուն մեկ վայրում կարողանա տեսնել բրենդի հիմնական տեսականին, համեմատել տարբեր մոդելներ և հասկանալ, թե տվյալ տեխնիկան ինչպես կարող է տեղավորվել իր տանը կամ խոհանոցում։
Այսինքն՝ այստեղ կարելի է ծանոթանալ գրեթե ամբողջ Hisense կենցաղային տեխնիկայի տեսականուն՝ հեռուստացույցից և սառնարանից մինչև օդորակիչ ու խոհանոցային տեխնիկա։
Խանութի ձևավորումն էլ կառուցված է հենց այս գաղափարի շուրջ։ Տեխնիկան պարզապես կողք կողքի դրված չէ․ տարբեր գոտիները թույլ են տալիս ավելի հեշտ պատկերացնել, թե ինչպես կարող է այն համադրվել իրական ինտերիերում։
Այն Հայաստանում ներկայացված ամենամեծ չափի հեռուստացույցն է և արդեն միայն իր չափերով ուշադրություն է գրավում։
Սակայն այստեղ հետաքրքիր է ոչ միայն էկրանի անկյունագիծը։
RGB MiniLED-ը Hisense-ի մեծ էկրանների տեխնոլոգիական կարևոր ուղղություններից է։ Բրենդը վերջին տարիներին հատկապես ակտիվ է 100 դյույմ և ավելի մեծ հեռուստացույցների սեգմենտում։
Omdia-ի տվյալներով՝ Hisense-ը 2023 թվականից մինչև 2026 թվականի առաջին եռամսյակը աշխարհում №1 դիրքն է զբաղեցնում 100 դյույմ և ավելի մեծ չափի հեռուստացույցների սեգմենտում։
Այս առումով 116 դյույմանոց RGB MiniLED-ի ներկայացումը Հայաստանում պարզապես հետաքրքիր ցուցանմուշ չէ։ Այն ցույց է տալիս, որ բրենդը հայկական շուկա է բերում նաև իր առաջատար տեխնոլոգիական լուծումները։
Hisense-ը Հայաստանում արդեն միայն կենցաղային տեխնիկա չէ
Hisense-ի ներկայությունը Հայաստանում աստիճանաբար դուրս է գալիս սովորական կենցաղային տեխնիկայի շրջանակներից։
Այս համակարգերը նախատեսված են այնպիսի նախագծերի համար, ինչպիսիք են բիզնես կենտրոնները, հյուրանոցները, բնակելի համալիրները, առևտրային կենտրոնները, գրասենյակային շենքերն ու այլ խոշոր օբյեկտները։
Այստեղ արդեն Hisense-ը ներկայանում է ոչ միայն որպես հեռուստացույց կամ սառնարան արտադրող բրենդ, այլ որպես ամբողջական տեխնոլոգիական լուծումներ առաջարկող ընկերություն։
Ո՞րն է Hisense-ը և ինչո՞ւ է բրենդը հայտնի ամբողջ աշխարհում
Hisense-ը հիմնադրվել է 1969 թվականին և այսօր համարվում է սպառողական էլեկտրոնիկայի ու կենցաղային տեխնիկայի միջազգային խոշոր բրենդներից մեկը։
Բրենդի արտադրանքը ներկայացված է աշխարհի ավելի քան 160 երկրներում և տարածաշրջաններում։
Hisense-ի հիմնական ուղղությունների թվում են հեռուստացույցները, սառնարանները, լվացքի մեքենաները, խոհանոցային տեխնիկան, օդորակիչները և պրոֆեսիոնալ կլիմայական համակարգերը։
Վերջին տարիներին ընկերությունը մեծ ուշադրություն է դարձնում նաև MiniLED և RGB MiniLED հեռուստացույցներին, մեծ էկրաններին, Smart TV տեխնոլոգիաներին, խելացի կենցաղային տեխնիկային և էներգաարդյունավետ կլիմայական լուծումներին։
Hisense-ը և FIFA World Cup 2026™
Hisense անունը շատերին ծանոթ է նաև ֆուտբոլից։
Բրենդը FIFA World Cup 2026™-ի պաշտոնական հովանավորն է։
Սա Hisense-ի համար արդեն երրորդ FIFA World Cup™-ն է․ ընկերությունը համագործակցել է նաև 2018 և 2022 թվականների աշխարհի առաջնությունների հետ։
2026 թվականին համագործակցությունն ավելի լայն է։ Hisense-ը հանդես է գալիս նաև որպես Official VAR Review TV Provider, և բրենդի էկրանները ներգրավված են VAR համակարգում խաղային դրվագների դիտարկման գործընթացում։
Մինչ այդ Hisense-ը եղել է նաև FIFA Club World Cup 2025™-ի պաշտոնական գործընկեր, ինչպես նաև երկար տարիներ համագործակցել է UEFA-ի խոշոր մրցաշարերի հետ։
Այս համագործակցությունները բրենդի համար պարզապես գովազդ չեն։ Ֆուտբոլը դարձել է Hisense-ի միջազգային ճանաչելիության ռազմավարության կարևոր մաս։
Որտե՞ղ է գտնվում Hisense Store-ը Երևանում
Նոր Hisense Store-ը գտնվում է Երևանում՝ Գարեգին Նժդեհի 21 հասցեում։
Այստեղ այցելուները կարող են մեկ վայրում ծանոթանալ Hisense-ի հեռուստացույցներին, սառնարաններին, լվացքի մեքենաներին, օդորակիչներին, խոհանոցային տեխնիկային և բրենդի մյուս ապրանքային ուղղություններին։
Նոր խանութի բացմամբ Hisense-ի ներկայությունը Հայաստանում ստանում է նաև առանձին ֆիզիկական տարածք, որտեղ կարելի է ոչ միայն ընտրել տեխնիկա, այլև ավելի մոտիկից ծանոթանալ բրենդի նոր տեխնոլոգիաներին։
Օգոստոսի 28-ի երեկոյան Կիևի մարզի Միլա գյուղում գտնվող պահեստների վրա ռուսաստանյան հարվածի հետևանքով զոհվել է 37 մարդ։ Այդ մասին հայտնել է Կիևի մարզային ռազմական վարչակազմի ղեկավար Տիմուր Տկաչենկոն, տեղեկացնում է РБК-Украина-ն։
Ըստ Տկաչենկոյի, տեղում որոնողա-փրկարարական աշխատանքները շարունակվում են։ Փրկարարներն ու մյուս արտակարգ ծառայությունները շարունակում են ապամոնտաժել փլատակները և վերացնել հարձակման հետևանքները։
Օգոստոսի 28-ի երեկոյան ռուսաստանյան անօդաչու թռչող սարքերը հարվածել են Բուչայի շրջանում գտնվող պահեստներին։ Հարձակումից հետո ձեռնարկության տարածքում հրդեհներ են սկսվել, որոնք ուղեկցվել են պայթյուններով և դետոնացիայով։
Զոհվածների թվում է Դմիտրիևսկի համայնքի ղեկավար Տարաս Դիդիչը։ Հարվածի հետևանքով վնասվել են նաև բնակելի տներ և պանսիոնատ, իրականացվում է բնակիչների տարհանում։
Խոշոր հրդեհի պատճառով տրանսպորտի երթևեկությունը ժամանակավորապես դադարեցվել էր Մ-06 «Կիև — Չոպ» մայրուղու 15-րդից 32-րդ կիլոմետր հատվածում։
Դատախազությունը սկսել է տեղի ունեցածի հանգամանքների քննությունը։ Մասնավորապես, իրավապահները մտադիր են ստուգել ձեռնարկության տարածքում պայթյունավտանգ նյութերի տեղակայման օրինականությունը։
Կախվածության և հոգեկան առողջության խնդիրներով զբաղվող նիդեռլանդական Trimbos Institute-ը «կարմիր տագնապ» է հայտարարել ԱՄՆ նախագահ Դոնալդ Թրամփի գլխի տեսքով պոտենցիալ մահացու վտանգավոր էքստազի հաբերի խմբաքանակի պատճառով, հայտնում է BBC News-ը։
Օգոստոսին մի քանի նման հաբեր հանձնվել են թմրանյութերի թեստավորման կենտրոններ։ Վերլուծությունը ցույց է տվել, որ դրանք պարունակում են PMMA-ի (պարա-մեթօքսիմեթամֆետամին) շատ բարձր խտություն՝ մի նյութ, որը նման է MDMA-ին՝ էքստազիի ակտիվ բաղադրիչին։
«Ոչ մի դեպքում մի օգտագործեք այս հաբը», — նախազգուշացրել են ինստիտուտում։ Մասնագետների տվյալներով, PMMA-ն սկսում է ազդել ավելի ուշ, քան MDMA-ն, և միևնույն ժամանակ արտահայտված խթանող ազդեցությունը կարող է բացակայել։ Սա մեծացնում է գերդոզավորման վտանգը, քանի որ մարդը կարող է ընդունել հավելյալ դոզա՝ չսպասելով ակնկալվող ազդեցությանը։
Վտանգավոր հաբերը պատրաստված են Թրամփի գլխի տեսքով։ Մի կողմում պատկերված է ամերիկյան նախագահը, մյուս կողմում փակցված են «Trump» և «NL» գրությունները։
Մասնագետները նախազգուշացնում են, որ PMMA-ի օգտագործումից հետո կարող են առաջանալ սրտխառնոց, սրտխփոց և ցնցումներ։ Ծանր դեպքերում նյութը կարող է առաջացնել օրգանիզմի գերտաքացում, ինչը կարող է հանգեցնել մահվան։ Ախտանիշները կարող են ի հայտ գալ ընդունումից մի քանի ժամ անց։
Trimbos Institute-ի ներկայացուցիչ Անիկ Գրոթհեյսը Associated Press-ին հայտնել է, որ այս պահին ինստիտուտին հայտնի չեն մահվան կամ ծանր հիվանդությունների դեպքեր, որոնք կապված են այս հաբերի հետ։
Նիդեռլանդներում էքստազիի արտադրությունը, վաճառքն ու օգտագործումն օրենքով արգելված են։ Միևնույն ժամանակ, երկրի կառավարության 2024 թվականի զեկույցի համաձայն, թմրանյութը շարունակում է բավականին տարածված մնալ երեկույթների այցելուների շրջանում։ 2022 թվականին այն առնվազն մեկ անգամ օգտագործել է շուրջ 550 հազար մարդ։
Սա առաջին դեպքը չէ, երբ Թրամփի կերպարը դառնում է էքստազի հաբերի դիզայնի հիմք։ 2017 թվականին գերմանական ոստիկանությունը առգրավել էր ԱՄՆ նախագահի գլխի տեսքով շուրջ 5 հազար նարնջագույն հաբ։ Այն ժամանակ իրավապահները ենթադրել էին, որ դրանք ինտերնետում վաճառվել են «Թրամփը կրկին մեծ է դարձնում երեկույթները» կարգախոսի ներքո։
Բռնապետության գնացող Փաշինյանը պետք է գիտակցի՝ առաջին հերթին ինքն է վտանգում իր իշխանության ապագան։ Պատմությունը բազմաթիվ օրինակներ գիտի, երբ բռնապետերը սեփա…
Վրաստանում Դաուր Բուավայի մահվան հետաքննության շրջանակում օտարերկրացի մի կնոջ են ձերբակալել՝ մարդուն վտանգավոր վիճակում թողնելու մեղադրանքով, հայտնել են երկրի ՆԳՆ-ից։
Գերատեսչության տվյալներով, ձերբակալվածը և Դաուր Բուավան ընկերներ են եղել։ Նրանք միասին գտնվել են Բուավայի՝ Թբիլիսիի Դիդի-Դիգոմի թաղամասում գտնվող ժամանակավոր բնակարանում, որտեղ թմրանյութ են օգտագործել։ Դրանից հետո երկուսի ինքնազգացողությունն էլ վատացել է։
Ինչպես պարզել է քննությունը, Բուավան գտնվել է կյանքի համար վտանգավոր և ծայրահեղ ծանր վիճակում, սակայն ձերբակալվածը նրան մենակ է թողել։ Հեռանալուց առաջ նա դրսից երկրորդ բանալիով կողպել է բնակարանը, ապա լքել դեպքի վայրը։ Ընդ որում, կինը տեղի ունեցածի մասին չի հայտնել այլ մարդկանց և օգնություն չի խնդրել Բուավայի համար։
Հետաքննությունն իրականացվում է Վրաստանի քրեական օրենսգրքի 115-րդ և 128-րդ հոդվածներով՝ ինքնասպանության հասցնել և վտանգավոր վիճակում թողնել։ Գործով քննչական գործողությունները շարունակվում են։
31-ամյա Դաուր Բուավան հայտնի էր դարձել TikTok-ում իր տեսանյութերի շնորհիվ։ Աբխազիայից հեռանալուց հետո նա ստացել էր Վրաստանի քաղաքացիություն և հրապարակայնորեն քննադատում էր աբխազական իշխանություններին, այդ թվում՝ հանդես էր գալիս հանրապետության և Ռուսաստանի կապերի դեմ։ 2022 թվականին Աբխազիայում նրա դեմ պետական դավաճանության հոդվածով քրեական գործ էր հարուցվել։ Սոցիալական արդարության կենտրոնի տնօրեն Թամթա Միքելաձեի վկայությամբ, իր դիրքորոշման պատճառով Բուավան բազմիցս սպառնալիքներ էր ստացել։
Կատարից սեղմված գազի մատակարարման դադարեցման հետեւանքները զգացվելու են եվրոպական գազային շուկայում՝ առնվազն մինչեւ 26-27 թթ․ սեզոնի վերջը, նույնիսկ եթե հոկտե…
Այսօր՝ օգոստոսի 29-ին, Հայաստանի Հանրապետությունում մեկնարկել է 2026-2027 թվականների սիրողական որսաշրջանը․ հայտնում է Էկոպարեկային ծառայությունը:
«Շրջակա միջավայրի նախարարի հրամանով սահմանվել են 2026-2027 թվականների որսի կենդանիների ցանկը, դրանց օգտագործման թույլատրելի չափաքանակներն ու որսի ժամկետները։
Էկոպարեկային ծառայությունն իրականացնում է անտառների և բնության հատուկ պահպանվող տարածքների պահպանությունն ու հսկողությունը։ Որսաշրջանի ընթացքում ծառայությունն առանձնահատուկ խստությամբ հսկելու է որսի օրինականությունն ու սահմանված կարգի պահպանումը։
«Էկոպարեկային ծառայությունը խստորեն հորդորում է որսորդներին պահպանել որսի սահմանված բոլոր կանոններն ու պահանջները։ Պատասխանատվությունից չեն խուսափելու նաև այն անձինք, ովքեր ունեն որսի թույլտվություն, սակայն խախտում են սահմանված կարգը, ժամկետները, վայրերը կամ որսի այլ պահանջներ։ Որսի թույլտվությունը չի ազատում որսորդին օրենքով սահմանված կանոնները պահպանելու և դրանց խախտման դեպքում պատասխանատվության ենթարկվելու պարտականությունից։
Ապօրինի կամ սահմանված կանոնների խախտմամբ իրականացված որսի յուրաքանչյուր դեպք կարձանագրվի, իսկ իրավախախտները կենթարկվեն օրենքով սահմանված պատասխանատվության։
Որսի կանոնների պահպանումը ոչ միայն օրենսդրական պահանջ է, այլև վայրի կենդանիների, կենսաբազմազանության և բնական էկոհամակարգերի պահպանության կարևոր նախապայման։
Էկոպարեկային ծառայությունը ողջունում է բոլոր իրավագիտակից և պատասխանատու որսորդների պատրաստակամությունը՝ հետևելու սահմանված կանոններին, պահպանելու որսի կարգն ու ժամկետները և իրենց պատասխանատու վարքագծով նպաստելու բնության պահպանությանն ու էկոհամակարգերի հավասարակշռության ապահովմանը»,- ասված է հաղորդագրության մեջ։
Նեպալի զբոսաշրջության վարչությունը հայտնել է, որ ավերիչ հանկարծակի հեղեղումներից հետո աղետի գոտիներից արդեն հաջողվել է տարհանել 184 օտարերկրյա քաղաքացու, հաղորդում է BBC News-ը։
Իշխանությունները նաև կապ են պահպանում Բելգիայի մեկ քաղաքացու և Իսպանիայի երկու քաղաքացիների հետ։
Տեղական ժամանակով ժամը 13:30-ի դրությամբ հրապարակված վերջին տվյալների համաձայն, ևս 420 օտարերկրյա զբոսաշրջիկների գտնվելու վայրը մնում է անհայտ։
Ամենաշատ փրկվածները Հնդկաստանի քաղաքացիներն են՝ նրանց թիվը 114 է։ Տարհանվածների թվում են նաև հետևյալ երկրների քաղաքացիները․
• Չինաստան — 27;
• Հարավային Կորեա — 20;
• Գերմանիա — 4;
• Մալթա — 4;
• Իտալիա — 3;
• ԱՄՆ — 3;
• Շվեյցարիա — 2;
• Ռուսաստան — 2;
• Թուրքիա — 2;
• Բուլղարիա — 1;
• Օման — 1;
• Պորտուգալիա — 1։
Իշխանությունները հայտնել են, որ շարունակում են կապ պահպանել Բելգիայի և Իսպանիայի քաղաքացիների հետ, սակայն նրանց կարգավիճակը փրկվածների թվում առայժմ չի հստակեցվում։
