Նախընտրական շրջանում տարբեր քաղաքական ուժեր զոռ են տալու երևակայությանը, խոստումների արկղ են բացելու՝ սա կանենք, նա կանենք, սա կհասցնենք, լավ կլինի, բայց երբ մարդ հիմնարկություն մեկին աշխատանքի է ընդունում, հարցնում է՝ իսկ ի՞նչ ես արել, ի՞նչ հաջողություն ես արձանագրել, հասարակ բան՝ մեկին աղջիկ ես տալիս, չես ասում, չէ՞՝ տղա ջան, ի՞նչ ես անելու, ասում ես՝ ի՞նչ ես արել։ Հիմա երկիրն ինչ-որ իշխանության ենք տալիս, որպեսզի կառավարի, բա մի հատ չհարցնե՞նք՝ ով ինչ է արել, ինչ հաջողություն է արձանագրել, որ հիմա մեծ խոստումներ է տալիս․ այսօր «Հայաստան» դաշինքի նախընտրական ծրագրի սոցիալ-տնտեսական բաժինը ներկայացնելիս ասաց դաշինքի ներկայացուցիչ Արթուր Խաչատրյանը։
Նա նախ ներկայացրեց, թե ինչ իրավիճակ է եղել Հայաստանի Հանրապետությունում հեռավոր 1998-ին, երբ ձևավորվեց իրենց իշխանությունը։
«Հիշո՞ւմ եք, հետպատերազմյան տնտեսություն՝ հիմնականում քայքայված, արդյունաբերական ձեռնարկություններ չկային, սեղանիկները կհիշեք, թուրքական էժան շոկոլադ, իրանական վաֆլի, արտադրական ձեռնարկություններ չկային, ներդրողներ չկային․․․Մի քանի տարվա ընթացքում Հայաստանը տնտեսական, արդյունաբերական և ենթակառուցվածքային փոփոխությունների արդյունքում արագորեն սկսեց աճել, այնքան արագ, որ Համաշխարհային բանկը Հայաստանը կոչեց «Կովկասի վագր»»,- ասաց նա։
Պատգամավորը նշեց, որ 2001-2008 թվականներին ՀՀ տնտեսական աճը միջինում 12%-ին մոտ էր, բացվեցին խոշոր արդյունաբերական ձեռնարկություններ, օրինակ՝ «Կանազ»-ը վերագործարկվեց, կառուցվեցին ճանապարհներ, որոնք ռազմավարական նշանակություն ունեին Հայաստանի համար։
«Միայն Մեղրիից կառուցված երկրորդ ճանապարհը՝ Շվանիձորով անցնող։ Հիմա ասում են՝ Մեղրին ուզում էին տալ, բա որ ուզում էին տային, էդ ճանապարհն ինչի՞ կառուցվեց։ Սելիմի լեռնանցքը, և դա բերեց նրան, որ մենք ունեցանք մեծ ներդրումներ, երկրի աճ և երկար արտագաղթից հետո առաջին անգամ դրական միգրացիա»,-ասաց նա։
«Մի անգամ մենք տնտեսությունը հանել ենք ճգնաժամից։ Այսօր էլի տնտեսությունը ճգնաժամի մեջ է։ Ի՞նչ է Հայաստանն արտահանում։ Ո՞րն է Հայաստանի ամենատնտեսական ճյուղը։ Ո՞ւր է մեր արդյունաբերական պոտենցիալը, ո՞ւր է այս իշխանությունների գովերգած բարձրտեխնոլոգիական արդյունաբերությունը, իսկ այն տնտեսական աճը, որ ցույց են տալիս, պարտքի հետևանք է։ Պարտքը կրկնապատկել են այս 8 տարվա ընթացքում, հասցրել են 15 միլիարդի, ինչի՞ վրա է ծախսվել։ Այդ պարտքի բեռը մենք ենք տանում, մեր սերունդները, երեխաները, որոնք նոր են ծնվել, միջինում ամեն մեկիս վրա 5000 դոլարի պարտք կա»,– ասաց Արթուր Խաչատրյանը։
Ըստ նրա՝ արդեն հունիսի 8-ից դաշինքի քաղաքականությունը միտված է լինելու արդյունաբերության վերածննդին, բարձրտեխնոլոգիական տնտեսության ստեղծմանը․ «Մենք ունենալու ենք մրցունակ Հայաստան՝ հիմնված մեր մրցակցային առավելությունների վրա, մեր բնակչության ունակությունների և կարողությունների վրա։ Ստեղծելու ենք «Արտադրված է Հայաստանում» քաղաքականությունը, ամեն բան, որ արտադրվելու է Հայաստանում, պետք է ասոցացվի բարձր որակի և տեխնոլոգիական առաջընթացի հետ։ Արդյունաբերությունը կազմելու է համախառն ներքին արդյունքի 25%-ը, համարյա կրկնապատկվելու է։ Ինչպես դա կարող ենք անել, առաջին հերթին, իհարկե, հարկային արտոնությունների միջոցով, դրանից բացի՝ թիրախային աջակցության ծրագրերով»։
Պետության ուժեղ և թույլ լինելու չափման հիմնական միավորը համարվում է նրա տնտեսության զարգացման մակարդակը, քանի որ այն արտացոլում է երկրի արտադրողականությունը,…
Նախագծի նպատակն է ամրագրել ներդրումային հարաբերությունների արդի պահանջներին համապատասխանեցված, պարզ, թափանցիկ և կանխատեսելի իրավական հիմքեր՝ ապահովելու ներդրողների իրավունքների պաշտպանությունը, ներդրումների ազատությունը և խթանումը, ինչպես տեղական, այնպես էլ օտարերկրյա ներդրողների համար: Այս մասին ասել է ՀՀ էկոնոմիկայի նախարարի տեղակալ Լիլյա Սիրականյանը՝ ԱԺ տնտեսական հարցերի մշտական հանձնաժողովի՝ ապրիլի 8-ի հերթական նիստում առաջին ընթերցմամբ քննարկման ներկայացնելով «Ներդրումների մասին» օրենքի նախագիծը:
Նշվել է, որ նախագծի ընդունմամբ կձևավորվի ներդրումային հստակ և կանխատեսելի իրավական միջավայր, որը Հայաստանին հնարավորություն կտա բարձրացնել իր միջազգային ներդրումային վարկանիշը և մրցունակությունը, ներդրումային գրավչությունը և խթանել կայուն ու ներառական տնտեսական աճը:
Փոխնախարարի տեղեկացմամբ՝ ներկայում գործում է «Օտարերկրյա ներդրումների մասին» օրենքը, որն ընդունվել է 1994 թվականին, սակայն չի ապահովում ներդրումային գործընթացի ժամանակակից պահանջներին համարժեք ամբողջական կարգավորում: Զեկուցողի խոսքով՝ նախագծով սահմանված կարգավորումները տարածվելու են ոչ միայն օտարերկրյա, այլև տեղացի ներդրողների և ներդրումների վրա:
Օրենքը կարգավորելու է Հայաստանի Հանրապետությունում ներդրումների իրավական հիմքերը, ներդրողների և նրանց ներդրումների նկատմամբ կիրառվող ազատությունները, երաշխիքները, ներդրողների իրավունքներն ու այդ իրավունքների պաշտպանության կառուցակարգերը, ներդրողների պարտականությունները, ներդրումային խթանների՝ արտոնությունների, իրավական հիմքերը, տրամադրման սկզբունքներն ու վարչարարությունը: Կարգավորվելու է նաև ներդրումային քաղաքականության ինստիտուցիոնալ շրջանակը:
Հանձնաժողովի նախագահի տեղակալ Բաբկեն Թունյանը տեղեկացրել է, որ օրենքի նախագիծը քննարկվել է երկար ժամանակ, տեղի է ունեցել աշխատանքային քննարկում՝ շահագրգիռ գործարարների մասնակցությամբ:
Նշվել է, որ նախագծի ընդունումից հետո ուժը կորցրած կճանաչվի «Օտարերկրյա ներդրումների մասին» գործող օրենքը:
Նախագիծն արժանացել է հանձնաժողովի հավանությանը: Այն նախատեսվում է ընդգրկել ԱԺ առաջիկա հերթական նիստերի օրակարգի նախագծում:
Բնակարանային գողության վերաբերյալ առաջին հաղորդումը Քրեական ոստիկանության Արմավիրի մարզային վարչությունում ստացվել էր դեռևս անցած տարվա նոյեմբերի 16-ի գիշերը։ Հայտնել էին, որ հարսանիքից վերադարձել են Մրգաշատ գյուղի իրենց տուն և տեսել, որ պատուհանից մուտք գործելու միջոցով գողացել են ոսկեղեն ու 10 հազար դոլլար։ Դեպքի առթիվ նախաձեռնվել էր քրեական վարույթ։ Այս մասին տեղեկացնում են ՆԳՆ ոստիկանությունից:
«Մարտի 22-ի գիշերը բնակարանային գողության վերաբերյալ ևս երկու հաղորդում ստացվեց նույն գյուղի երկու այլ բնակիչներից։ Երկու դեպքում էլ, օգտվելով տանտերերի բացակայելու հանգամանքից, բացել էին եվրոպատուհանը և գողացել մի դեպքում գումար, մյուս դեպքում՝ ոսկեղեն։
Կասկածելիների շրջանակը նեղացավ, և Արմավիրի քրեական ոստիկանների օպերատիվ-հետախուզական միջոցառումները հասան տրամաբանական ավարտի։
Հիշյալ գողությունները կատարելու կասկածանքով ապրիլի 6-ին ձերբակալվեցին ու վարչություն տեղափոխվեցին նույն գյուղի բնակիչ 30-ամյա մի տղամարդ ու նրա համագյուղացի ընկերուհին։
Նրանք ներկայացվեցին նախաքննական մարմին։
30-ամյա տղամարդը տեղափոխվել է ձերբակալվածների պահման վայր։
Ձեռնարկվում են միջոցներ երեք դեպքով գողոնը հայտնաբերելու ուղղությամբ։
Նախաքննությամբ հանգամանքները պարզվում են»,- ասված է հաղորդագրությունում։
Վարելահողերը չեն մշակվում, աչքդ ես դրել Ղազախստանի վրա. Խաչատրյան
ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Հայաստանում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամիին։ Այս մասին տեղեկացնում են ՏԿԵՆ-ից:
Նախարարի տեղակալը ողջունել է հյուրերին՝ կարևորելով համատեղ ծրագրերի իրականացումը ենթակառուցվածքների զարգացման ոլորտում։ Հանդիպման ընթացքում քննարկվել են ենթակառուցվածքների զարգացման ոլորտում իրականացվող ծրագրերը, մասնավորապես անդրադարձ է կատարվել Քաջարան-Ագարակ ճանապարհահատվածի շինարարության ընթացքին։ Քրիստինե Ղալեչյանը ընդգծել է, որ ծրագրում գործադրված ջանքերի և իրանական ընկերության ակտիվ աշխատանքի շնորհիվ հնարավոր կլինի աշխատանքներն ավարտել նախատեսված ժամկետներում՝ 2027 թ․։
