Սորոսի կազմակերպությունը զավթել է իշխանությունը Հունգարիայում. Իլոն Մասկ

Ամերիկացի ձեռնարկատեր և միլիարդատեր Իլոն Մասկը հայտարարել է, որ «Սորոսի կազմակերպությունը» զավթել է իշխանությունն այդ երկրում` մեկնաբանելով հունգարա-ամերիկացի ֆինանսիստ Ջորջ Սորոսի որդու՝ Ալեքսանդր Սորոսի` Հունգարիայի խորհրդարանական ընտրությունների արդյունքների մասին հաղորդումը։

Ավելի վաղ Ալեքսանդր Սորոսը, խոսելով Հունգարիայի խորհրդարանական ընտրությունների մասին, որոնցում ձայների 98.79%-ի հաշվարկից հետո ընդդիմադիր «Տիսա» կուսակցությունը առաջատարն է Հունգարիայում և ստանում է երկրի խորհրդարանի 199 տեղերից 138-ը, հայտարարել է, որ Հունգարիայի ժողովուրդը «վերադարձրել է իրեն իր երկիրը»։

«Սորոսի կազմակերպությունը զավթել է իշխանությունը Հունգարիայում»,- գրել է Մասկը X սոցսանցում։

Ֆոն դեր Լայենը ողջունել է ընդդիմության հաղթանակը Հունգարիայի ընտրություններում

Եվրահանձնաժողովի (ԵՀ) նախագահ Ուրսուլա ֆոն դեր Լայենը ողջունել է հունգարական ընդդիմադիր «Տիսա» կուսակցության հաղթանակը կիրակի օրը՝ ապրիլի 12-ին կայացած խորհրդարանական ընտրություններում։

«Արմենպրես»-ի փոխանցմամբ՝ այս մասին նա գրել է X հարթակում:

«Հունգարիան ընտրել է Եվրոպան։ Եվրոպան միշտ ընտրել է Հունգարիան։ Երկիրը վերականգնում է իր եվրոպական ուղին։ Միությունն ավելի ու ավելի ուժեղ է դառնում»,- նշել է ֆոն դեր Լայենը։

Հունգարիայի վարչապետ Վիկտոր Օրբանը կիրակի երեկոյան ընդունել է պարտությունը խորհրդարանական ընտրություններում և հաղթանակի առթիվ շնորհավորել է ընդդիմադիր «Տիսա» կուսակցության առաջնորդ Պետեր Մագյարին։

Ֆոն դեր Լայենը ողջունել է ընդդիմության հաղթանակը Հունգարիայի ընտրություններում

Եվրահանձնաժողովի (ԵՀ) նախագահ Ուրսուլա ֆոն դեր Լայենը ողջունել է հունգարական ընդդիմադիր «Տիսա» կուսակցության հաղթանակը կիրակի օրը՝ ապրիլի 12-ին կայացած խորհրդարանական ընտրություններում։

«Արմենպրես»-ի փոխանցմամբ՝ այս մասին նա գրել է X հարթակում:

«Հունգարիան ընտրել է Եվրոպան։ Եվրոպան միշտ ընտրել է Հունգարիան։ Երկիրը վերականգնում է իր եվրոպական ուղին։ Միությունն ավելի ու ավելի ուժեղ է դառնում»,- նշել է ֆոն դեր Լայենը։

Հունգարիայի վարչապետ Վիկտոր Օրբանը կիրակի երեկոյան ընդունել է պարտությունը խորհրդարանական ընտրություններում և հաղթանակի առթիվ շնորհավորել է ընդդիմադիր «Տիսա» կուսակցության առաջնորդ Պետեր Մագյարին։

Իտալիայի վարչապետն անընդունելի է անվանել Թրամփի խոսքերը Հռոմի պապի մասին

Իտալիայի վարչապետ Ջորջիա Մելոնին անընդունելի է անվանել ԱՄՆ նախագահ Դոնալդ Թրամփի հայտարարությունները Հռոմի պապ Լևոն XIV-ի մասին։

«Ես անընդունելի եմ համարում նախագահ Թրամփի Հռոմի պապի մասին արված դիտողությունները։ Հռոմի պապը կաթոլիկ եկեղեցու գլուխն է, և նորմալ է ու ճիշտ, որ նա կոչ է անում խաղաղության և դատապարտում է պատերազմի բոլոր ձևերը»,- ասել է Մելոնին։

Երկուշաբթի օրը Թրամփը քննադատել էր Հռոմի պապին՝ հայտարարելով, որ իրեն պետք չէ պապ, որը դեմ է իր քաղաքականությանը:

Թրամփի խոսքով՝ «Լեոն Վատիկանում չէր լինի», եթե Սպիտակ տանը չլիներ:

Արարատ Միրզոյանն աշխատանքային այցով կմեկնի Բրյուսել

Ապրիլի 14-ին ՀՀ ԱԳ նախարար Արարատ Միրզոյանն աշխատանքային այցով կգտնվի Բրյուսելում։

Այս մասին հայտնում են ՀՀ ԱԳՆ-ից:

Ծրագրված են հանդիպումներ ԵՄ գործընկերների, այդ թվում՝ ԱԳԱՔ բարձր ներկայացուցիչ Կայա Կալասի հետ։

Թուրքիայի արտգործնախարարը խոսել է հայ-ադրբեջանական գործընթացից

Թուրքիայի արտգործնախարար Հաքան Ֆիդանը հյուրընկալվել է պետական «Anadolu» լրատվական գործակալության «Խմբագրի սեղան» հաղորդմանը, որի ընթացքում անդրադարձել է Հարավային Կովկասին և հայ-ադրբեջանական գործընթացին։

«Մեր հարավային սահմանները դարպաս են դեպի Մերձավոր Արևելք և Մերձավոր Արևելքի ցանկացած անապահով վիճակ եթե հասնի մեզ, ապա պիտի փնտրենք Մերձավոր Արևելքի անվտանգության հարցում կայուն կարգավորում, այնպես չէ՞։ Մենք էլ հենց այդ գործընթացի մեջ ենք»,- նշել է նա։

Անդրադառնալով Հարավային Կովկասին՝ Ֆիդանը նշել է, որ Թուրքիան սահման ունի նաև Կովկասի հետ ու ընդգծել. «Կովկասի պատերազմներն ու անկանոնությունը գալիս մեզ է հասնում։ Այդ պատճառով մենք այնտեղ շատ լուրջ ջանքեր ենք գործադրում կարգուկանոնի և անվտանգության ապահովման, ինչպես նաև անվտանգության համակարգի հարցերում։ Ադրբեջանի ու Հայաստանի միջև խաղաղության հասնելու գործում մենք հսկայական ջանքեր են գործադրել, սկսած ուժի չափավոր կիրառումից մինչև հմուտ դիվանագիտություն, որպեսզի այդ թեժ բախումը չազդի Թուրքիայի վրա։ Մենք հաշվի ենք առնում նաև տարածաշրջանային երկրներին, համաշխարհային տերություններին և բազում այլ գործոններ»։

Ֆիդանը նաև հավելել է, որ Թուրքիան անվտանգության առումով շատ մեծ ռազմավարական գոտի ունի ինչպես Մերձավոր Արևելքում, Կովկասում, Սև ծովում և Միջերկրական ծովում, այնպես էլ՝ Եվրոպայում։

Ermenihaber

Ավտովթար՝ Երևան-Գյումրի ավտոճանապարհին. կա 5 վիրավոր

Այսօր՝ ապրիլի 13-ին, ավտովթար է տեղի ունեցել Արագածոտնի մարզում։ Ժամը 13։30-ի սահմաններում Երևան-Գյումրի ավտոճանապարհի 52 կմ հատվածում բախվել են Շիրակի մարզի բնակիչներ 35-ամյա Բարսեղ Գ․-ի վարած «Toyota Camry» մակնիշի, 58-ամյա Գագիկ Բ․-ի վարած «Volkswagen» մակնիշի և 43-ամյա Էդուարդ Գ․-ի վարած «Mercedes Vito» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 5 հոգի տեղափոխվել են «Թալին» բժշկական կենտրոն։

Վթարի մասին ՊԾ Արագածոտնի մարզի գումարտակից տեղեկությունը փոխանցել են ՀՀ Քննչական կոմիտեի Արագածոտնի մարզային քննչական վարչության Թալինի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։

Վթարի փաստով Թալինի քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի և վիրավորների ինքնությունը։

Մանրամասները՝ սկզբնաղբյուրում:

Իրանն ինքնիշխանության հարցում գործարքի չի գնա․ քաղաքագետ

Քաղաքական վերլուծաբան Ստեփան Դանիելյանի գնահատմամբ՝ Իրանը չի գնա այնպիսի զիջումների, որոնք կվտանգեն իր ինքնիշխանությունը, իսկ Վաշինգտոնի առաջ քաշվող պահանջների զգալի մասը Թեհրանի համար ընդունելի չէ։

Oragir.News-ի հետ զրույցում Դանիելյանը, անդրադառնալով Իրանի նախագահի հայտարարությանը, թե Թեհրանը պատրաստ է «հավասարակշռված և արդար գործարքի» ԱՄՆ-ի հետ, ընդգծեց, որ խոսքը, ըստ էության, չի կարող վերաբերել ինքնիշխանության զիջմանը։

«Ի՞նչ է նշանակում զիջել․ որևէ երկիր չի կարող համաձայնել իր ինքնիշխանության սահմանափակմանը։ Իրանը ունի իր խաղաղ միջուկային ծրագիրը զարգացնելու իրավունք, և այն դիտարկում է որպես սուվերեն իրավունք»,– նշեց նա։

Դանիելյանի խոսքով՝ այն պահանջները, որոնք պարբերաբար առաջադրվում են Իրանի նկատմամբ՝ կապված միջուկային ծրագրի կամ ռազմական կարողությունների սահմանափակման հետ, դժվար է դիտարկել որպես փոխշահավետ գործարքի հիմք։

«Այս պահին խոսքը ոչ թե զիջումների մասին է, այլ այն մասին, թե ինչ չափով են կողմերը պատրաստ միմյանց պահանջները հաշվի առնել։ Բայց եթե պահանջները դրվում են որպես պարտադրանք, ապա դա արդեն բանակցություն չէ», – ընդգծեց վերլուծաբանը։

Նրա գնահատմամբ՝ Իրանում քաղաքական համակարգը նույնպես սահմանափակումներ ունի ընտրական գործընթացների նկատմամբ. նախագահի թեկնածուների մասնակցությունը, ըստ էության, հաստատվում է Սահմանադրական խորհրդի կողմից։ Իսկ երկրի իրական ուժային և անվտանգային առանցքում առանցքային դեր ունի Իսլամական հեղափոխության պահապանների կորպուսը, որը մեծ ազդեցություն ունի թե՛ ներքաղաքական, թե՛ տարածաշրջանային քաղաքականության վրա.

«Իրանի քաղաքական համակարգը փակ կառուցվածք ունի, և այնտեղ ընտրական գործընթացները ամբողջությամբ բաց դաշտում չեն ընթանում․ այդ մեխանիզմները կանխորոշում են նաև քաղաքական դաշտի սահմանները», – ասաց նա։

Միաժամանակ նա նշեց, որ նախկին շահի որդու՝ Ռեզա Փահլավիի վերադարձի կամ քաղաքական գործընթացներում ներգրավման վերաբերյալ քննարկումները ավելի շատ տեսական բնույթ ունեն, քանի որ գործող համակարգը նման զարգացումների համար գործնական հարթակ չի ապահովում։

Դանիելյանի խոսքով՝ ներկայիս փուլում կողմերի միջև իրական հավասարակշռված համաձայնության հասնելը բարդ է, քանի որ կողմերից յուրաքանչյուրն առաջ է մղում իր ռազմավարական պահանջները։

«Եթե Իրանի վրա նորից ճնշումներ կամ ռազմական գործողություններ լինեն, դժվար է պատկերացնել, որ իշխանությունը կհրաժարվի իր ներկայիս դիրքերից», – ընդգծեց նա։

Նշենք, որ ԱՄՆ նախագահի հրամանագրի համաձայն, ԱՄՆ Կենտրոնական հրամանատարության ուժերը ապրիլի 13-ին, արևելյան ժամանակով ժամը 10:00-ից սկսել են արգելափակել իրանական նավահանգիստներ մտնող և այնտեղից դուրս եկող բոլոր նավերը:

Մերի Հակոբյան