Նոյեմբերի 1-ին խուլիգանության դեպք է տեղի ունեցել Արարատի մարզում։ Օպերատիվ տեղեկություններ են ստացվել, որ Երևան-Երասխ ավտոճանապարհի՝ Դիմիտրով գյուղի վարչական տարածքում, «Ադանա» ռեստորանային համալիրի մոտ վիճաբանություն է տեղի ունենում։
Ինչպես հայտնում է ֆոտոլրագրող Գագիկ Շամշյանը, Արարատի մարզային քրեական վարչության և ոստիկանության Արտաշատի բաժնի ծառայողների կողմից ձեռնարկված միջոցառումների արդյունքում պարզվել է, որ նույն օրը՝ ժամը 21։00-ի սահմաններում, «Ադանա» ռեստորանային համալիրի տարածքում մի կողմից՝ Արարատի մարզի բնակիչ 35-ամյա Վիրաբ Ա․-ն, Տավուշի մարզի բնակիչ 34-ամյա Գևորգ Ս․-ն, Արարատի մարզի բնակիչ 40-ամյա Վանիկ Ս․-ն, մյուս կողմից՝ Երևանի բնակիչ 44-ամյա Ցոլակ Ղ․-ն, Տավուշի մարզի բնակիչ 18-ամյա Ռոմա Պ․-ն, Գեղարքունիքի մարզի բնակիչ 18-ամյա Ավետիք Գ․-ն, 24-ամյա Անդրանիկ Գ․-ն, Արարատի մարզի բնակիչ 24-ամյա Հրանտ Ա․-ն, իսկ երրորդ կողմից՝ Արարատի մարզի բնակիչ 36-ամյա Վահան Մ․-ն, կոպիտ կերպով խախտելով հասարակական կարգը, հայհոյանք հնչեցնելու հարցի շուրջ վիճաբանել են միմյանց հետ, որի ընթացքում փոխադարձ հարվածներ են հասցրել միմյանց։
Գ․ Շամշյանի տեղեկություններով՝ վիճաբանության մասնակիցները խուլիգանություն կատարելու անմիջականորեն ծագած հիմնավոր կասկածանքով ձերբակալվել և տեղափոխվել են ոստիկանության Արտաշատի բաժին, ապա կազմված փաստաթղթերի հետ միասին ներկայացվել ՀՀ քննչական կոմիտեի Արարատի մարզային քննչական վարչություն։
Ադրբեջանում դատարանը Məclis.info կայքի ղեկավար Իմրան Ալիևին դատապարտել է 10 տարվա ազատազրկման, իսկ հասարակական ակտիվիստ Էլգիզ Գահրամանին՝ 9 տարվա, հայտնում են ադրբեջանական լրատվամիջոցները։
Դատավճիռը հրապարակվել է այսօր Բաքվի ծանր հանցագործությունների դատարանում։ Գահրամանը կալանավորվել է անմիջապես դատարանի դահլիճում։
Գործով երրորդ մեղադրյալը՝ Թամելլա Մուսաևան, դատապարտվել է 7 տարվա պայմանական ազատազրկման՝ 4 տարի փորձաշրջանով։
Ըստ դատարանի որոշման՝ Ալիևը պատիժը կկրի ընդհանուր ռեժիմի ուղղիչ հիմնարկում, իսկ Գահրամանը՝ խիստ ռեժիմի։
Իմրան Ալիևը կալանավորվել էր անցյալ տարվա ապրիլի 19-ին։ Ավելի ուշ գործով որպես մեղադրյալ ներգրավվել էին նաև Էլգիզ Գահրամանն ու Թամելլա Մուսաևան։ Մինչև դատավճռի հրապարակումը նրանց նկատմամբ որպես խափանման միջոց էր ընտրվել ոստիկանության հսկողությանը հանձնելը։
Մեղադրանքներն առաջադրվել են Ադրբեջանի քրեական օրենսգրքի ութ հոդվածներով։ Դրանք ներառում են խոշոր չափերով և կազմակերպված խմբի կողմից ապօրինի ձեռնարկատիրությունը, հանցավոր ճանապարհով ստացված եկամուտների օրինականացումը, կազմակերպված խմբի կազմում մաքսանենգությունը, հարկերի վճարումից խուսափելը, փաստաթղթերի կեղծումն ու կեղծ փաստաթղթերի օգտագործումը։
Ամերիկյան Նյու-Ջերսի նահանգի Քրենբերի քաղաքի իշխանությունները խարդախության զոհ են դարձել՝ խարդախներին փոխանցելով քսանվեց միլիոն դոլար։ Չորս հազար բնակիչ ունե…
Նոյեմբերի 1-ին խուլիգանության դեպք է տեղի ունեցել Արարատի մարզում։ ՀՀ ներքին գործերի նախարարության ոստիկանության քրեական ոստիկանության գլխավոր վարչության Արարատի մարզային վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Արտաշատի բաժնում օպերատիվ տեղեկություններ են ստացվել, որ Երևան-Երասխ ավտոճանապարհի՝ Դիմիտրով գյուղի վարչական տարածքում, «Ադանա» ռեստորանային համալիրի մոտ վիճաբանություն է տեղի ունենում։
Ինչպես հայտնում է ֆոտոլրագրող Գագիկ Շամշյանը, Արարատի մարզային քրեական վարչության և ոստիկանության Արտաշատի բաժնի ծառայողների կողմից ձեռնարկված միջոցառումների արդյունքում պարզվել է, որ նույն օրը՝ ժամը 21։00-ի սահմաններում, «Ադանա» ռեստորանային համալիրի տարածքում մի կողմից՝ Արարատի մարզի բնակիչ 35-ամյա Վիրաբ Ա․-ն, Տավուշի մարզի բնակիչ 34-ամյա Գևորգ Ս․-ն, Արարատի մարզի բնակիչ 40-ամյա Վանիկ Ս․-ն, մյուս կողմից՝ Երևանի բնակիչ 44-ամյա Ցոլակ Ղ․-ն, Տավուշի մարզի բնակիչ 18-ամյա Ռոմա Պ․-ն, Գեղարքունիքի մարզի բնակիչ 18-ամյա Ավետիք Գ․-ն, 24-ամյա Անդրանիկ Գ․-ն, Արարատի մարզի բնակիչ 24-ամյա Հրանտ Ա․-ն, իսկ երրորդ կողմից՝ Արարատի մարզի բնակիչ 36-ամյա Վահան Մ․-ն, կոպիտ կերպով խախտելով հասարակական կարգը, հայհոյանք հնչեցնելու հարցի շուրջ վիճաբանել են միմյանց հետ, որի ընթացքում փոխադարձ հարվածներ են հասցրել միմյանց։
Գ․ Շամշյանի տեղեկություններով՝ վիճաբանության մասնակիցները խուլիգանություն կատարելու անմիջականորեն ծագած հիմնավոր կասկածանքով ձերբակալվել և տեղափոխվել են ոստիկանության Արտաշատի բաժին, ապա կազմված փաստաթղթերի հետ միասին ներկայացվել ՀՀ քննչական կոմիտեի Արարատի մարզային քննչական վարչություն։
Կրեմլում ավարտվել են Վլադիմիր Պուտինի բանակցությունները ԱՄՆ նախագահ Դոնալդ Թրամփի հատուկ բանագնացներ Սթիվ Ուիթքոֆի և Ջարեդ Քուշների հետ. նրանք հեռացել են Կրեմլից։
Բանակցությունները տևել են շուրջ 2,5 ժամ։ Հանդիպմանը մասնակցել են նաև ՌԴ նախագահի օգնական Յուրի Ուշակովը, Կիևի հետ խորհրդակցություններում ռուսական պատվիրակության ղեկավար Վլադիմիր Մեդինսկին և Ռուսաստանի ուղղակի ներդրումների հիմնադրամի տնօրեն Կիրիլ Դմիտրիևը։
Հանդիպման ընթացքում Ռուսաստանի նախագահն առաջարկել է մարդասիրական առաքելություն կազմակերպել՝ Կոնստանտինովկայից խաղաղ բնակչության տարհանման համար։
«Դոնբասում կա Կոնստանտինովկա կոչվող բնակավայր, որտեղ դեռևս շուրջ 400-500 խաղաղ բնակիչ կա։ Եկեք անենք նույնը, ինչ արեցինք Ալյոշկիում՝ հրավիրենք արտասահմանյան մամուլի ներկայացուցիչների, այդ թվում՝ ամերիկյան»,- ասել է նա։
Նրա խոսքով՝ Ռուսաստանին հինգ օր կպահանջվի քաղաքի մերձակայքում գտնվող տարածքը ականազերծելու համար։ Առաքելության կազմակերպման աշխատանքները նա առաջարկել է հանձնարարել Ռուսաստանի մարդու իրավունքների պաշտպան Յանա Լանտրաատովային և Ուկրաինայի օմբուդսմեն Դմիտրի Լուբինեցին։
Պուտինի խոսքով՝ Ռուսաստանը վերահսկում է Կոնստանտինովկան և պատրաստ է ապահովել մարդասիրական գործողության անվտանգությունը։
«Եթե, ինչպես պնդում են Ուկրաինայի իշխանությունները, իրենք են վերահսկում այդ քաղաքը, թող ապահովեն անվտանգությունը»,- հավելել է նա։
Ռուսաստանի նախագահը դրական է գնահատել Խերսոնի մարզի Ալյոշկի քաղաքում նմանատիպ առաքելության ընթացքում Ուկրաինայի հետ համագործակցության փորձը։ Նա շնորհակալություն է հայտնել ԱՄՆ առաջին տիկին Մելանյա Թրամփին՝ դրա կազմակերպմանն աջակցելու համար։
Մոսկվայից Ուիթքոֆն ու Քուշները կմեկնեն Դուբլին՝ Ուկրաինայի նախագահ Վոլոդիմիր Զելենսկու հետ հանդիպելու։ Վերջինս մասնակցում է հինգշաբթի օրը Իռլանդիայում անցկացվող ԵՄ երկրների առաջնորդների ոչ պաշտոնական գագաթնաժողովին։
Նոյեմբերի 7-ին տեղի ունեցած ողբերգությունից հետո Կրակովում կրկին կրակոցներ են հնչել․ տղամարդը երկու անգամ կրակել է ոստիկանների ուղղությամբ, ինչից հետո նրանք պատասխան կրակ են բացել, հայտնում է RMF24-ը։
Միջադեպի հետևանքով ոչ ոք չի տուժել։
Դեպքը տեղի է ունեցել 13:00-ից հետո՝ Բեժանովսկա և Վելիչկա փողոցների խաչմերուկի շրջանում։ Ոստիկանությունը հաղորդում է ստացել մի տղամարդու մասին, որը, ենթադրաբար, երթևեկում էր ավտոմեքենայով և ձեռքում զենքի նմանվող առարկա էր պահում։
Սակայն ստուգման արդյունքում պարզվել է, որ տղամարդը տեղաշարժվում էր ոտքով։ Ոստիկանների միջամտության ժամանակ նա երկու անգամ կրակել է ոստիկանության աշխատակիցների ուղղությամբ։
Ոստիկանները պատասխան կրակ են բացել՝ արձակելով այսպես կոչված նախազգուշական կրակոցներ։ Դրանից հետո տղամարդը դեն է նետել ձեռքում պահած առարկան։ Ոստիկանները վնասազերծել և ձերբակալել են նրան։
«Պետք է նշել, որ միջամտության հետևանքով ոչ ոք չի տուժել»,- RMF FM-ի հետ զրույցում հայտնել է Կրակովի քաղաքային ոստիկանության վարչության կրտսեր ասպիրանտ Յակուբ Միրոխնան։
Անցյալ շաբաթ՝ նոյեմբերի 7-ին, Լեհաստանի մի քաղաքացի, որը, ենթադրաբար, ծայրահեղ աջ գաղափարախոսության ազդեցության տակ էր, կրակ է բացել Կրակովի կենտրոնական հրապարակում։ Հրաձգության զոհ է դարձել վեց մարդ՝ երկու տղամարդ և չորս կին, ևս 16 մարդ վիրավորվել է, նրանց թվում՝ հինգ օտարերկրացի Ավստրիայից, Գերմանիայից, Պորտուգալիայից, Ռուսաստանից և Մեծ Բրիտանիայից։
Ոստիկանությունը պատասխան կրակ է բացել և ձերբակալել հարձակվողին։ Ավելի ուշ կասկածյալը մահացել է հիվանդանոցում։ Նրա տանը հայտնաբերվել են երեք մարդու՝ նրա ծնողների և քրոջ դիերը։ Երկրում երկօրյա սուգ է հայտարարվել։
Այսօր՝ նոյեմբերի 12-ին, վրաերթ է տեղի ունեցել Կոտայքի մարզում։ Ժամը 15։05-ի սահմաններում Նոր Գեղի բնակավայրի կենտրոնական փողոցում 49-ամյա Լենոր Վ․-ն իր վարած «Shacman» մակնիշի բեռնատարով վրաերթի է ենթարկել հետիոտն, Կոտայքի մարզի բնակիչ 16-ամյա Գ․ Ս․-ին. գրում է Shamshyan.com-ը։
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, ահազանգել է շտապօգնություն և օպերատիվորեն ժամանած շտապօգնության բժիշկների հերթապահ խումբը վրաերթի ենթարկվածին տեղափոխել են «Աբովյան» բժշկական կենտրոն, որտեղից՝ «Ուիգմոր Քլինիք» բժշկական կենտրոն։
Դեպքի փաստով Նաիրիի քննչական բաժնում նախաձեռնվել է քրեական վարույթ։
Ռուսաստանի նախագահ Վլադիմիր Պուտինը հայտարարել է Ուկրաինայի հետ շփումների շրջանակում հումանիտար ոլորտում նոր խոշոր քայլի նախապատրաստման մասին։ Դրա մասին նա հայտնել է ԱՄՆ նախագահի հատուկ բանագնացներ Սթիվ Ուիթքոֆի և Ջարեդ Քուշների հետ հանդիպմանը, գրում է «Коммерсантъ»-ը։
«Գիտեմ, որ առնվազն մեկ ուղղությամբ մենք դրական արդյունք ունենք՝ հումանիտար ուղղությամբ. երկու կողմերում պահվող անձանց փոխանակում, և ահա այս ուղղությամբ ևս մեկ խոշոր քայլ է նախանշվում»,- ասել է Պուտինը, որի խոսքերը մեջբերում է Կրեմլի պաշտոնական կայքը։
Նոյեմբերի 10–11-ին Աբու Դաբիում անցկացված՝ Ռուսաստանի, Ուկրաինայի և ԱՄՆ-ի ներկայացուցիչների եռակողմ բանակցություններում կողմերը պայմանավորվել են ռազմագերիների փոխանակման մասին։
Ուիթքոֆը դրական է գնահատել բանակցությունների արդյունքները։ Ըստ նրա՝ նախապատրաստվող փոխանակումը կլինի երկու երկրների միջև խոշորագույններից մեկը և վկայում է հակամարտության կարգավորման գործում առաջընթացի մասին։
«Ջարեդը և ես դրական ենք գնահատում այս բանակցությունների ընթացքը։ Նման դրական պահերից մեկը գերիների նախապատրաստվող փոխանակումն է։ Սա երկրների միջև իրականացվելիք ամենամեծ փոխանակումներից մեկն է։ Կարծում եմ՝ սա ցուցանիշ է, որ մենք առաջընթաց ենք գրանցում այս հակամարտության կարգավորման գործում»,- հայտարարել է ԱՄՆ հատուկ բանագնացը։
Նախօրեին ռուսական բանակցային պատվիրակության անդամ, ՌԴ զինված ուժերի գլխավոր շտաբի տեղեկատվության վարչության պետի առաջին տեղակալ Ալեքսանդր Զորինը հայտնել է, որ Աբու Դաբիում համաձայնեցված փոխանակումը կարող է տեղի ունենալ առաջիկա երկու-երեք շաբաթվա ընթացքում։
Ռուսաստանի և Ուկրաինայի միջև ռազմագերիների վերջին փոխանակումը տեղի է ունեցել հոկտեմբերի 23-ին։ Այդ ժամանակ յուրաքանչյուր կողմ մյուսին է փոխանցել 270-ական մարդու։
