Դատախազի որոշմամբ՝ Գագիկ Խաչատրյանի նկատմամբ հարուցվել է նոր հանրային քրեական հետապնդում

Դատախազի՝ 2026 թվականի օգոստոսի 29-ի որոշմամբ՝ ՀՀ կառավարությանն առընթեր պետական եկամուտների կոմիտեի նախկին նախագահ, ֆինանսների նախկին նախարար Գ.Խ.-ի նկատմամբ, Քննչական կոմիտեում քննվող քրեական վարույթի շրջանակում, 2026 թվականի հունիսի 7-ին հարուցված հանրային քրեական հետապնդումը փոփոխվել և լրացվել է, ինչպես նաև նրա նկատմամբ հարուցվել է նոր հանրային քրեական հետապնդում․ հայտնում են Գլխավոր դատախազությունից։

1. «Պրոգրես Արմենիա» ՍՊ և «Լոկալ Դիվելոփերզ» ՍՊ ընկերությունների տնօրեն Ս.Մ.-ից առանձնապես խոշոր չափերով կաշառք ստացում և դրա դիմաց գույքի ձեռքբերում,

2. «Դիլիջան» ուսումնական կենտրոնի շինարարական աշխատանքների շրջանակում՝ ի թիվս այլնի, 174 միլիոն 581 հազար դրամի վատնում,

3. Բրյուսովի անվան համալսարանին պատկանող՝ 208 միլիոն 908 հազար դրամ արժեքով գույքի ապօրինի օտարման սխեմա,

4. Առանձնապես խոշոր չափերով փողերի լվացում՝ 151 միլիոն 126 հազար դրամի հանցավոր ծագումը քողարկելու եղանակով:

2026 թվականի օգոստոսի 24-ին ստացվել են ՊԵԿ նախկին նախագահ, ֆինանսների նախկին նախարար Գ.Խ.-ի վերաբերյալ 2025 թվականի հունիսի 19-ին և 2026 թվականի հունիսի 22-ին նշանակված դատաբժշկական հանձնաժողովային փորձաքննությունների արդյունքները:

Դատաբժշկական հանձնաժողովային փորձաքննությունների արդյունքներով արձանագրվել է, որ Գ.Խ.-ն կարիք չի ունեցել վիրահատական միջամտության, դրա անհրաժեշտությունը ներկա պահին կարող է դիտարկվել Գ.Խ.-ի ՄՌՏ հետազոտության ենթարկվելուց հետո (Գ.Խ.-ն հրաժարվել է ՄՌՏ հետազոտությունից): Համապատասխան ցուցման առկայության դեպքում, վիրահատությունը հնարավոր է կատարել Հայաստանի Հանրապետության բժշկական հիմնարկությունների մասնագիտացված բաժանմունքներում: Ընդ որում՝ վիրահատության կատարման համար ներկայում ՀՀ-ում առկա են հնարավոր գործիքակազմերը, տեխնիկական միջոցները և մասնագետները՝ ովքեր կարող են կատարել և կատարում են այդպիսի վիրահատական միջամտություններ:

Հանձնաժողովային փորձաքննության եզրակացությամբ արձանագրվել է նաև, որ Գ.Խ.-ն չունի այնպիսի առողջական խնդիրներ, որոնք կարող են խոչընդոտ հանդիսանալ նրա կողմից քրեական վարույթով որևէ վարութային գործողության մասնակցելու համար։

Քրեական վարույթներից բացի, Հակակոռուպցիոն դատարանում քննվող՝ ապօրինի ծագում ունեցող գույքի բռնագանձման հայցերի շրջանակում ՀՀ ֆինանսների նախկին նախարար Գ.Խ.-ից և նրան փոխկապակցված անձանցից, այդ թվում՝ որդիներից, պահանջվում է բռնագանձել.

  •  193 անշարժ գույք, որն ի թիվս այլնի ներառում է 46 բնակարան Կենտրոն վարչական շրջանում, 89 անշարժ գույք Կոտայքի մարզում,
  •  29 իրավաբանական անձում մասնակցություն, որոնց թվում են «ՄԵԳԱՍՊՈՐՏ» ՍՊԸ-ն, «ՄԵԳԱ ՖՈՒԴ» ՍՊԸ-ն,
  •   14 շարժական գույք,
  •   շուրջ 1 միլիարդ 451 միլիոն ԱՄՆ դոլարի չափով ձեռքբերված պարտատոմսեր,
  •   շուրջ 147 հազար ԱՄՆ դոլար ավանդ,
  •   շուրջ 23 միլիոն 81 հազար ԱՄՆ դոլարի, 409 միլիոն 806 հազար ՀՀ դրամի և 9750 եվրոյի չափով փոխառության պահանջի իրավունք,
  •   շուրջ 17 միլիարդ 761,5 միլիոն դրամ:

30 տարի անց մեղավոր են ճանաչել Թուփաքի սպանության գործով


Լաս Վեգասի դատարանի ատենակալների պալատը 63-ամյա Դուեյն Դեյվիսին, ով քրեական շրջանակներում հայտնի է որպես Քիֆ Դի, մեղավոր է ճանաչել աշխարհահռչակ ռեփեր Թուփաք…

Իրանի ԿԲ ղեկավարը հերքել է երկրում տնտեսական կոլապսի մասին հայտարարությունները

Իրանի Կենտրոնական բանկի ղեկավար Աբդոլնասեր Հեմաթին հայտնել է, որ երկրի տնտեսությունը փլուզման եզրին չէ, Թեհրանն ունի բավարար արտարժութային միջոցներ և պահուստներ։ Այս մասին Հեմաթին հայտնել է իսլամական բանքինգի 36-րդ համաժողովում։

«Ես վճռականորեն հայտարարում եմ, որ այն պնդումը, թե Իրանը մտել է տնտեսական կոլապսի փուլ, չի համապատասխանում իրականությանը», – ասել է նա։

Հեմաթիի խոսքով՝ երկիր օտարերկրյա արժույթի ներհոսքն ու պահուստների կուտակումը շարունակվում են։ Նա նշել է, որ Իրանն ունի ինչպես ներքին պահուստներ, այնպես էլ լրացուցիչ ռեսուրսներ, որոնց մանրամասները չեն կարող հրապարակվել։

Հեմաթին նաև հայտնել է, որ Կենտրոնական բանկը պատրաստ է մինչև 2 մլրդ դոլար ուղղել արտարժույթի շուկա՝ իրավիճակը կայունացնելու համար։ Նրա խոսքով՝ վերջին տատանումները մեծ մասամբ պայմանավորված են եղել հոգեբանական գործոններով, քանթե հիմնարար տնտեսական ցուցանիշներով։

Անդրադառնալով գնաճին՝ Հեմաթին հայտնել է, որ Իրանը չի մտել հիպերգնաճի փուլ, նման սցենարի հավանականությունը մնում է ցածր։ Նա նշել է, որ Կենտրոնական բանկը դրամավարկային և կանխարգելիչ միջոցներ է ձեռնարկում՝ գնաճային ճնշումը զսպելու համար։

Հեմաթիի տվյալներով՝ տարվա սկզբից մինչև սեպտեմբերի 6-ը բանկային վարկավորման ծավալը կազմել է 4 050 տրլն ռիալ (4,05 մլրդ դոլար), ինչը 69 տոկոսով ավելի է նախորդ տարվա նույն ժամանակահատվածի ցուցանիշից։

 

Իրավապահները հայտնաբերել են մոտ 10 կգ մարիխուանայի նմանվող զանգված․ երեք անձ ձերբակալվել է

Օգոստոսի 31-ին Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողներն իրացրել են մաքսանենգ ճանապարհով ներկրված թմրանյութ ձեռք բերելու, պահելու և իրացնելու վերաբերյալ ստացված օպերատիվ տեղեկությունը։ Այս մասին NEWS.am–ին հայտնում են ՆԳՆ Ոստիկանությունից:

Համագործակցելով մայրաքաղաքի պարեկների հետ՝ քրեական ոստիկանները Երևանի Ռուբինյանց փողոցում ձերբակալել են երեք երիտասարդի և մեքենայով հանդերձ տեղափոխել Համայնքային ոստիկանության Քանաքեռ-Զեյթունի բաժին։

«Չանգան» մակնիշի մեքենան տեղափոխվել է պահպանվող հատուկ տարածք և կնիքվել։

Նախաձեռնված քրեական վարույթի շրջանակում կատարված խուզարկությամբ մեքենայում հայտնաբերվել է մոտ 10 կիլոգրամ մարիխուանայի նմանվող զանգված։ Նախաքննությունը շարունակվում է։

Հարցն այլ է՝ որքանո՞վ բացասական են լինելու հանդիպման հետևանքները


Իրականում Բիշքեկում Փաշինյանի և Պուտինի հանդիպումը բոլոր շանսերն ունի դառնալու շրջադարձային պահ Հայաստանի և Ռուսաստանի հարաբերություններում։ Երբ ասում եմ «շր…

ԱԳՆ-ն հրաժարվում է պատասխանել գերիներին վերաբերվող հարցերին․ «Ազատություն»

Արտգործնախարարությունը հրաժարվում է ասել՝ արդյոք դիմե՞լ է Բաքվին՝ Ադրբեջանում պահվող հայ գերիներին 3-րդ երկրի կողմից այցելության նպատակով․ գրում է «Ազատություն»-ը։

Արտաքին քաղաքական գերատեսչությունն անցած ամսվա վերջին տեղեկացրել էր, թե Հայաստանը դիմել է չեզոք երկրի՝ հյուպատոսական այց կազմակերպելու և Բաքվում գտնվող հայ գերիներին տեսակցելու խնդրանքով: Միաժամանակ ԱԳՆ ընդգծել էր, թե այցի կազմակերպման համար անհրաժեշտ է Բաքվի համաձայնությունը։

«Ազատություն»-ը հարցում էր ուղարկել նախարարությանը՝ խնդրելով պատասխանել՝ արդյոք Հայաստանն արդեն պաշտոնապես դիմե՞լ է Ադրբեջանին, 3-րդ երկրի կողմից հայ գերիների տեսակցելու հարցով: Եթե այո, ի՞նչ պատասխան են ստացել Բաքվից: ԱԳՆ-ին նաև հարցրել էինք՝ ո՞ր երկիրն է համաձայնել Ադրբեջանում տեսակցել շուրջ 20 հայ գերիներին:

Արտաքին քաղաքական գերատեսչությունն «Ազատության» որևէ հարցին չի պատասխանել:

«Բաքվում պահվող հայ գերիների խնդիրների հասցեագրման ուղղությամբ աշխատանքները շարունակական են: Հաշվի առնելով հարցի զգայունությունը ԱԳ նախարարությունը նպատակահարմար չի համարում տարվող աշխատանքների վերաբերյալ հավելյալ տեղեկատվության հանրայնացումը», – հայտնել են ԱԳՆ-ից:

Հայ գերիների շահերի պաշտպան Սիրանուշ Սահակյանը «Ազատությանն» ասել էր, որ Ադրբեջանում պահվող 20 հայ գերիներին այցելությունն այս պահին հույժ կարևոր է՝ հաշվի առնելով, որ անցած տարվանից նրանք հայտնվել են կատարյալ մեկուսացման մեջ:

Որոշ ռազմագերիներ իրենց ընտանիքների հետ միայն 40 օրը մեկ հեռախոսով շփվելու հնարավորություն ունեն, ինչն է՛լ ավելի ծանր վիճակում է դնում ընտանիքներին:

Մանրամասն՝ սկզբնաղբյուր կայքում։

Նոր մանրամասներ` Գագիկ Խաչատրյանի գործից


Դատախազի՝ 2026 թվականի օգոստոսի 29-ի որոշմամբ՝ ՀՀ կառավարությանն առընթեր պետական եկամուտների կոմիտեի նախկին նախագահ, ֆինանսների նախկին նախարար Գագիկ Խաչատրյա…