Վերջին երկու տարում իմ հիմնական նպատակը մեր գերիների հարցն է եղել, դա մեր պատվի հարցն է․ Արաբկիրում քարոզարշավ-երթի ժամանակ ասաց «Բարգավաճ Հայաստան» կուսակցության առաջնորդ Գագիկ Ծառուկայնը։
Խոսելով Հայաստան-Ռուսաստան հարաբերություններից՝ նա նշեց, որ պաշտոնական Մոսկվայի՝ Երևանի, մասնավորապես՝ հայ արտադրողների նկատմամբ, կիրառած պատժամիջոցները սպասելի էին, քանի որ Հայաստանում հակառուսական միջոցառումներ են տեղի ունենում, հայտարարություններ հնչում։
«Ռուսաստանը մեր դաշնակից երկիրն է, որ Հայաստանի համար արել ու անելու է է հնարավորը։ Բայց եթե Ռուսաստանի հետ հակամարտող երկրի՝ Ուկրաինայի նախագահին հրավիրում են այստեղ, նա էլ վիրավորում է Ռուսաստանին։ Այսքանից հետո Ռուսաստանն ասում է՝ հայ ժողովրդի հետ հարց չունեմ, բայց եթե ՀՀ ղեկավարությունը հարցեր ունի, ապա թող գան, նստենք, քննարկենք։ Ասում են՝ եթե այլ գործընկերներ ունեք, որևէ հարց չկա, բայց մենք էլ քայլեր ենք ձեռնարկելու»,- ավելացրեց ԲՀԿ առաջնորդը։
