Մայիսի 21-ին Լուվրում տեղի կունենա Հայաստանի պատմության թանգարանին նվիրված կոնֆերանս, հայտնում են Ֆրանսիայում ՀՀ դեսպանությունից։
Միջոցառման շրջանակներում կներկայացվի թանգարանի պատմությունը, ինչպես նաև Հայաստանում հնագիտության զարգացումը և մշակութային ժառանգության պահպանման հարցում առկա մարտահրավերները։
Մանրամասները՝ այստեղ
Մայիսի 26-ին Ավետիք Իսահակյանի տուն-թանգարանում տեղի կունենա Ավետիք Իսահակյանի բանաստեղծությունների հիման վրա գրված «Երկիր Հայրական» վոկալ-էպիկական պոեմի առաջնախաղը, որի երաժշտության հեղինակն է ռուս կոմպոզիտոր Գեորգի Սվիրիդովը։ Թարգմանությունը Ալեքսանդր Բլոկինն է։ Նախագծի ռեժիսորը ԵՊԿ պրոֆեսոր, ռեժիսոր՝ Արսեն Ղազարյանն է։
Վոկալ պոեմը բաղկացած է Իսահակյանի՝ տարբեր տարիների գրված 11 բանաստեղծություններից, որոնք առաջին հայացքից լինելով իրարից տարբեր, օրգանապես կապված են միմյանց հետ։
Պոեմը գրված է տղամարդկային ձայների՝ բասի և տենորի համար (դաշնամուրի ուղեկցությամբ), որոնք կկատարեն Ալ. Սպենդիարյանի անվան օպերայի և բալետի ազգային ակադեմիական թատրոնի առաջատար մենակատարներ Հայկ Տիգրանյանը (բաս) և Հովհաննես Անդրեասյանը (տենոր)։ Դաշնակահար՝ Լյուսիա Շահնազարյան։
Ավ. Իսահակյանի բանաստեղծությունները հնչում են պոեմի բեմադրիչ՝ Արսեն Ղազարյանի կատարմամբ:
«Երկիր Հայրական» ստեղծագործության առանցքում Հայրենիքի գաղափարն է, որը ֆիզիկական տարածք չէ, այլ հոգևոր տարածություն։
«Երկիր Հայրականը» Սվիրիդովի վոկալ պոեմների շարքում առաջնեկն էր (1950թ.), որին հաջորդում են Բլոկի, Մայակովսկու, Եսենինի և այլոց խոսքերով գրված պոեմները։
«Երկիր Հայրական» վոկալ պոեմի կատարումն առաջին անգամ է Հայաստանում հնչելու ամբողջական տեսքով՝ ներկայանալով որպես վոկալ-բեմականացված և ռեժիսորական ծավալուն աշխատանք պահանջող ինքնատիպ ստեղծագործական կտավ։ Այս նախաձեռնությունը կհամալրի թանգարանի մշտական ծրագրերի շարքը, իսկ ամառային ամիսներին «Երկիր Հայրականը» կտեղափոխվի թանգարանի բացօթյա հարթակ՝ շարունակելով ներկայացումները բաց երկնքի տակ։
Նախագիծն իրականություն է դարձել Ավետիք Իսահակյանի տուն-թանգարանի և «Ասք» կրթամշակութային կենտրոնի հետ համագործակցությամբ։
ՀՀ ֆինանսների նախարար Վահե Հովհաննիսյանը և նախարարի տեղակալ Արման Պողոսյանը հանդիպում են ունեցել Հայաստանում Ամերիկայի առևտրի պալատի ներկայացուցիչների հետ։ Այդ մասին NEWS.am-ին հայտնում են ֆինանսների նախարարությունից:
Հանդիպման ընթացքում քննարկվել են հարկային նոր հայեցակարգին, գործարար միջավայրի բարելավմանը, հարկային քաղաքականության կանխատեսելիությանը, ինչպես նաև տնտեսվարողների համար առավել նպաստավոր պայմանների ձևավորմանն առնչվող մի շարք կարևոր հարցեր։
Կողմերը կարևորել են պետական և մասնավոր հատվածների միջև շարունակական երկխոսությունն ու համագործակցությունը՝ ընդգծելով, որ նման քննարկումները նպաստում են ավելի արդյունավետ լուծումների մշակմանը։
Գրել ենք, որ այսօր Ֆրանսիայի նախագահ Էմանուել Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ:
Մակրոնը X սոցցանցի իր էջում մանրամասներ է ներկայացրել հեռախոսազրույցից․
«Զրուցեցի Իլհամ Ալիևի հետ։ Վերահաստատեցի Ֆրանսիայի աջակցությունը Հայաստանի և Ադրբեջանի միջև խաղաղության դինամիկային և կարևորեցի դրա շարունակականությունը։ Անդրադարձանք նաև տարածաշրջանային խնդիրներին և մեր երկկողմ հարաբերությունների զարգացման ներուժին», – նշել է Ֆրանսիայի նախագահը:
Գրել ենք, որ այսօր Ֆրանսիայի նախագահ Էմանուել Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ:
Մակրոնը X սոցցանցի իր էջում մանրամասներ է ներկայացրել հեռախոսազրույցից․
«Զրուցեցի Իլհամ Ալիևի հետ։ Վերահաստատեցի Ֆրանսիայի աջակցությունը Հայաստանի և Ադրբեջանի միջև խաղաղության դինամիկային և կարևորեցի դրա շարունակականությունը։ Անդրադարձանք նաև տարածաշրջանային խնդիրներին և մեր երկկողմ հարաբերությունների զարգացման ներուժին», – նշել է Ֆրանսիայի նախագահը:
