Մայիսի 7-ն Ալեքսանդր Սպենդիարյանի հիշատակի օրն է


Մշակույթ


Մայիսի 7-ը հայ դասական երաժշտության մեծ գործիչ Ալեքսանդր Սպենդիարյանի հիշատակի օրն է: Կոմպոզիտորի աճյունն ամփոփված է Ա. Սպենդիարյանի անվան օպերայի և բալետի ազգային ակադեմիական թատրոնի հարակից պուրակում:

Կոմպոզիտորի հիշատակի օրը նրա շիրիմի մոտ տեղի է ունեցել խնկարկման և ծաղկեդրման արարողություն: Միջոցառմանը ներկա են եղել անվանի մշակութային գործիչներ, արվեստագետներ, երաժշտաոլորտի ներկայացուցիչներ, անվանի կոմպոզիտորի արվեստի երկրպագուներ:

Հայտնի կոմպոզիտորի հիշատակին նվիրված միջոցառումն այս տարի ևս կազմակերպել են Ալեքսանդր Սպենդիարյանի տուն-թանգարանը և Ալեքսանդր Սպենդիարյանի անվան օպերայի և բալետի ազգային ակադեմիական թատրոնը։ Թանգարանի տնօրեն Մարինե Օթարյանի նշմամբ՝ այս տարի Ալեքսանդր Սպենդիարյանի հիշատակի օրն առանձնացել է բացառիկ երաժշտական իրադարձությամբ․ «98 տարի անց կրկին հնչել է կոմպոզիտոր Լևոն Խոջա-Էյնաթյանի «Թաղման երգը»։ Ստեղծագործությունը գրվել է 1928 թվականին՝ նվիրված անմոռանալի ուսուցիչ Ա. Սպենդիարյանի պայծառ հիշատակին»։ Ստեղծագործությունը կատարել է «Վասիլի Կանդինսկի» քառյակը:




«Փաշինյանի ընտրվելուց հետո զգալու ենք սովետական բռնաճնշումների հոտը»․ Նարեկ Կարապետյան (տեսանյութ)

«Փաշինյանի ընտրվելուց հետո զգալու ենք սովետական բռնաճնշումների հոտը»․ Նարեկ Կարապետյան

«Նիկոլ Փաշինյանը սկսում է վերածվել դիկտատորի. սա դեռ մուլտն է, այնպիսի բաներ է անելու, որից մեր ժողովուրդը զգալու է սովետական ամենածանր բռնաճնշումների հոտը»,- ճեպազրույցի ժամանակ ասել է «Ուժեղ Հայաստան» կուսակցության խորհրդի անդամ Նարեկ Կարապետյանը։

Իսկ թե ինչ ձևաչափով է դաշինքի առաջնորդ Սամվել Կարապետյանը մասնակցելու քարոզարշավին՝ Նարեկ Կարապետյանը նշել է․ «Հանրային ելույթները տնային կալանքից են լինելու։ Ցավոք, մենք այն վիճակում ենք, որ իշխանությունը հատել է նաև այդ սահմանը»։

Մոսկվայի վրա ԱԹՍ-ների ամենազանգվածային հարձակումներից մեկն է գրանցվել

Վերջին մեկ օրվա ընթացքում Մոսկվայի վրա անօդաչուների հարձակումը դարձել է տարվա սկզբից ի վեր ամենամասշտաբային գրոհներից մեկը: Այս մասին են վկայում ՏԱՍՍ-ի հաշվարկները, որոնք հիմնված են Մոսկվայի քաղաքապետ Սերգեյ Սոբյանինի հրապարակած տվյալների վրա:

Ըստ նրա տեղեկությունների՝ մայիսի 7-ին ՀՕՊ ուժերը հետ են մղել 61 ԱԹՍ-ի հարձակում: Այս ցուցանիշը զիջում է միայն մարտի կեսերի իրադարձություններին:

Այսպես` մարտի 14-ին, ըստ Սոբյանինի տվյալների, մեկ օրում ոչնչացվել էր Մոսկվայի ուղղությամբ թռչող 65 ԱԹՍ: Հաջորդ օրը՝ մարտի 15-ին, մայրաքաղաքին մոտենալիս խոցվել է ևս 54 ԱԹՍ, իսկ մարտի 16-ի առավոտյան՝ ևս 42 սարք:

Առաջնախաղ՝ Գորիսի թատրոնում. «Կարմիր գլխարկը և գայլը»


Մշակույթ


Գորիսի Վ․ Վաղարշյանի անվան պետական դրամատիկական թատրոնում մայիսի 11-ին տեղի կունենա մանկական տիկնիկային ներկայացման առաջնախաղը։ Ներկայացումը բեմադրվել է Շառլ Պերոյի հանրահայտ «Կարմիր գլխարկը» հեքիաթի հիման վրա և վերաիմաստավորվել ժամանակակից թատերական լեզվով՝ պահպանելով դասական պատմության հմայքն ու շեշտադրումները։

Պիեսի հեղինակն է ՀՀ ժողովրդական արտիստ Երվանդ Մանարյանը, որի գրական մշակումը հեքիաթին հաղորդում է նոր շունչ և բեմական կենդանություն։ Բեմադրությունն ու երաժշտական ձևավորումը Դավիթ Հարությունյանինն է, որը ստեղծել է գունեղ և շարժուն թատերական միջավայր։ Ներկայացման գեղարվեստական ամբողջականությանը լրացրել են նկարիչ Անի Կրեչյանի ձևավորումները, որոնք հեքիաթային կերպարներին դարձնում են վառ և հիշվող։

Բեմում ելույթ կունենան դերասաններ Էլմիրա Լալաբեկյանը, Հարութ Բադիրյանը, Աննա Հովակիմյանը և Միքայել Մաշուրյանը՝ կենդանացնելով սիրված կերպարներին և ստեղծելով անմիջական կապ փոքրիկ հանդիսատեսի հետ։

Տիկնիկային ձևաչափը ներկայացումը դարձնում է առավել ներգրավող՝ ապահովելով երեխաների ակտիվ մասնակցությունն ու հետաքրքրությունը բեմադրության ամբողջ ընթացքում։ «Կարմիր գլխարկը» հեքիաթի դասական սյուժեն բեմում վերածվում է դինամիկ և ուսուցողական պատմության, որը ոչ միայն զվարճացնում է, այլև կարևոր ուղերձներ փոխանցում երեխաներին։



«Ուժեղ Հայաստանը» տեղեկատվական երթ է անցկացնում Երևանի կենտրոնում

«Ուժեղ Հայաստան» կուսակցության անդամներն ու կողմնակիցները տեղեկատվական երթ են անցկացնում Երևանի կենտրոնում։

Նրանք կանցնեն Մոսկովյան – Մաշտոց – Տերյան – Աբովյան – Սայաթ-Նովա փողոցներով և պողոտաներով։

Երթի մասնակիցները վանկարկում են «Սամվել, վարչապետ» և «Ազատություն» բառերը։

«Ուժեղ Հայաստան» կուսակցության Անիի եւ Մարալիկի գրասենյակներում խուզարկություններ են անցկացվում


Հայաստան


Այս մասին հայտնել են Հակակոռուպցիոն կոմիտեից։ Նշվել է, որ քննչական գործողություններն իրականացվում ընտրակաշառք տալու, ստանալու և Քրեական օրենսգրքի մի շարք այլ հոդվածներով նախաձեռնված քրեական վարույթի շրջանակներում։

«Անհրաժեշտության դեպքում կտրվի լրացուցիչ տեղեկատվություն»,- հավելել են կոմիտեից։



«Ուժեղ Հայաստան» կուսակցության Անիի եւ Մարալիկի գրասենյակներում խուզարկություններ են անցկացվում


Հայաստան


Այս մասին հայտնել են Հակակոռուպցիոն կոմիտեից։ Նշվել է, որ քննչական գործողություններն իրականացվում ընտրակաշառք տալու, ստանալու և Քրեական օրենսգրքի մի շարք այլ հոդվածներով նախաձեռնված քրեական վարույթի շրջանակներում։

«Անհրաժեշտության դեպքում կտրվի լրացուցիչ տեղեկատվություն»,- հավելել են կոմիտեից։