Դանիայի, Էստոնիայի, Ֆինլանդիայի, Լատվիայի, Լիտվայի և Նորվեգիայի ղեկավարները ժամանել են Կիև, որտեղ երկկողմ և բազմակողմ բանակցություններ կանցկացնեն Ուկրաինայի նախագահ Վլադիմիր Զելենսկու հետ։
Այս մասին Ուկրաինայի արտաքին գործերի նախարար Անդրեյ Սիբիգան հայտնել է X սոցիալական ցանցում։
«Մեր Անկախության օրվա նախօրեին մենք զգում ենք, որ մենակ չենք։ Մեր դաշնակիցները մեզ հետ են», — գրել է Ուկրաինայի ԱԳՆ ղեկավարը։
Ըստ նրա, առավոտյան նա Կիևի երկաթուղային կայարանում դիմավորել է վեց երկրների ղեկավարներին։ Բանակցություններին կմասնակցեն նաև այլ բարձրաստիճան ներկայացուցիչներ։
Սիբիգան հայտարարել է, որ հանդիպումների արդյունքներով սպասվում են «կարևոր որոշումներ և հայտարարություններ»։