Հայաստանի ջրային կոմիտեի նախագահ Արամազդ Ղալամքարյանը երկար տասնամյակներ հավատարիմ ու ազնիվ լևոնանականի համբավ ուներ։
Բայց ինչպես հաճախ տեղի է ունենում Նիկոլ Փաշինյանի հետ շփվող անձանց հետ, Հայաստանի վարչապետը կարողանում է շատ արագ փոշիացնել մարդկանց` տարիներով կերտված կերպարները։
Այսպես Ղալամքարյանը հանուն պաշտոնի ուրացավ Լևոն Տեր-Պետրոսյանին և անցավ Նիկոլ Փաշինյանի կողմը։
Առավել հետաքրքիր է այն, որ կերպարանափոխությունը միայն հայացքներին չէ, որ վերաբերում է։
Զարմանալի է, բայց փաստ, որ ազգային գրադարանում «հեղափոխությունից» հետո թեթև պաշտոն ստացած Ղալամքարյանը անմիջապես անհատ ձեռնարկատեր է դարձել։
Տարօրինակ է, բայց հենց 2018-ից հետո հոր հետ ԱՁ են բացել նաև նրա ընտանիքի անդամները` որդին և դուստրը։
Ինքնին անհատ ձեռնարկատեր լինելը չի կարող դիտվել որպես բացասական երևույթ, սակայն կասկածելին այն է, որ Ղալամքարյանի կենսագրության մեջ այդ փաստը բացակայում է։