OpenAI-ը ներկայացրել է ChatGPT-ի համար նոր բազային մոդել՝ GPT-5.5 Instant, որը նախատեսված է հատկապես արագ և ճշգրիտ պատասխանների համար։
Նոր մոդելը դարձել է հիմնականը անվճար օգտատերերի համար, իսկ բաժանորդագրություն ունեցողները այն կարող են օգտագործել որպես արագ արձագանքների ռեժիմ։
Ներկայացված տվյալների համաձայն՝ GPT-5.5 Instant-ը՝
- 52.5%-ով նվազեցրել է այսպես կոչված «հալյուցինացիաները» (սխալ փաստերի գեներացումը)
- 37.3%-ով նվազեցրել է ոչ ճշգրիտ պնդումները
- դարձել է ավելի կարճ և կոնկրետ հաղորդակցման մեջ
Մոդելը նաև ավելի լավ է աշխատում արդեն տրամադրված կոնտեքստի հետ՝ ապահովելով ավելի բնական և հստակ երկխոսություն։
Նոր տարբերակում բարելավվել է նաև որոնման գործառույթը․ համակարգը կարող է՝
- դիմել նախորդ զրույցներին
- օգտագործել օգտատիրոջ ֆայլերը, այդ թվում՝ էլ․ փոստի տվյալները
Ներկայում այս գործառույթը հասանելի է միայն Plus և Pro բաժանորդներին՝ վեբ տարբերակում, սակայն առաջիկա շաբաթներին OpenAI-ը նախատեսում է այն հասանելի դարձնել նաև անվճար օգտատերերի համար։
Թարմացումը նպատակ ունի դարձնել առօրյա օգտագործումը ավելի արդյունավետ՝ առաջարկելով ավելի ճշգրիտ, կարճ և օգտակար պատասխաններ՝ առանց ավելորդ մանրամասների և շեղումների։