ԱՄՆ նախագահ Դոնալդ Թրամփը Truth Social սոցիալական ցանցում հայտնել է, որ հեռախոսազրույց է ունեցել Ռուսաստանի նախագահ Վլադիմիր Պուտինի հետ։
Նրա խոսքով՝ կողմերը պայմանավորվել են ռուսական դիզելային վառելիք մատակարարել ամերիկյան և համաշխարհային շուկաներ։ Ինչպես հայտարարել է ԱՄՆ նախագահը, Ռուսաստանն անհապաղ կմատակարարի ավելի քան 300 հազար տոննա վառելիք․
«Ես հենց նոր ավարտեցի շատ հաջող բանակցությունները Ռուսաստանի նախագահ Վլադիմիր Պուտինի հետ։ Բանակցությունների ընթացքում համաձայնություն է ձեռք բերվել, որ Ռուսաստանն անհապաղ ավելի քան 300 000 տոննա դիզելային վառելիք կմատակարարի ամերիկյան և համաշխարհային շուկաներ, ևս 500 000 տոննա՝ նոյեմբերին, իսկ դրանից անմիջապես հետո՝ 1 000 000 տոննա։
Բացի այդ, հաշվի առնելով ռուսական նավթավերամշակման գործարանների վիճակը, Ռուսաստանը կարճ ժամկետում կմատակարարի ևս 3 000 000 տոննա դիզելային վառելիք։
Հորմուզի նեղուցի նկատմամբ մեր լիակատար վերահսկողության և ռուսական էներգակիրների վերաբերյալ այս կարևոր լուրի շնորհիվ դիզելային վառելիքի գները ԱՄՆ-ում և ամբողջ աշխարհում կնվազեն ռեկորդային տեմպերով և շատ արագ։
Ամերիկացիների, հատկապես մեր հիանալի ֆերմերների, անասնապահների և բեռնատարների վարորդների համար գների նվազեցումն իմ գլխավոր առաջնահերթությունն է։
Սա չափազանց կարևոր և նշանակալի հայտարարություն է։
Բացի այդ, անհրաժեշտ է ընդունել՝ Իրանը միջուկային զենք չի ստանա»,- գրել է Թրամփը։