Կատալոնական «Բարսելոնայի» հարձակվող Ֆեռան Տոռեսը կիսվել է Մադրիդի «Ռեալի» դեմ առաջիկա Էլ Կլասիկոյի սպասելիքներով։
«Նման հանդիպումն այն է, ինչի մասին երազում է ցանկացած ֆուտբոլիստ: Ճնշո՞ւմ։ Իրականում ամեն ինչ հակառակն է։ Հենց այսպիսի խաղերում է ճնշումն ամենաքիչը։ Սա մեծ հաճույք է: Հենց նման պահերին ես ամենաշատն ուզում խաղալ և զգում ես բարձրագույն մոտիվացիա»,- 26-ամյա իսպանացու խոսքն է մեջբերում AS-ը:
Լա լիգայի շրջանակում «Բարսելոնան» կընդունի «Ռեալին» մայիսի 10-ին: Հանդիպումը կմեկնարկի Երևանի ժամանակով 23:00-ին:
Կատալոնական թիմը 34 խաղից հետո վաստակած 88 միավորով գլխավորում է Իսպանիայի առաջնության մրցաշարային աղյուսակը։ Մադրիդցիները նույնքան հանդիպումից հետո 77 միավորով երկրորդն են։ «Ռեալի» հետ խաղում «Բարսելոնան» կարող է ապահովել 2025/26 մրցաշրջանի վաղաժամ չեմպիոնությունը:
Ընթացիկ մրցաշրջանում Տոռեսը 46 հանդիպումներում դարձել է 20 գոլի և 2 գոլային փոխանցման հեղինակ: Նա «Բարսելոնայում» հանդես է գալիս 2022 թվականի հունվարից։