Եվրոպամետ աջակենտրոն ուժերի առաջնորդ Պետեր Մադյարը երդվել է Հունգարիայի վարչապետի պաշտոնում՝ նշանավորելով Վիկտոր Օրբանի 16-ամյա իշխանության պաշտոնական ավարտը, գրել է The Guardian-ը։
Շաբաթօրյա արարողությանը, որի ընթացքում Մադյարը ժողովրդին հրավիրել է միանալ իրեն՝ միասին «գրելու հունգարական պատմությունը» և «անցնելու ռեժիմի փոփոխության դռներով», կայացել է այն բանից մեկ ամիս հետո, երբ նրա ընդդիմադիր «Տիսա» կուսակցությունը համոզիչ հաղթանակ տարավ խորհրդարանական ընտրություններում։
Համոզիչ հաղթանակը, որի արդյունքում «Տիսան» 199 տեղանոց խորհրդարանում ստացավ 141 մանդատ, շշմեցնող արդյունք էր Մադյարի համար, որը մինչև վերջերս «Ֆիդես»-ի նախկին էլիտայի քիչ հայտնի անդամ էր։
Նա հանրության առջև հանդես եկավ 2024 թվականի սկզբին, կուսակցության դեմ դուրս գալուց հետո՝ բացահայտելով համակարգի ներքին աշխատանքը, որը նա անվանեց փտած, և մեղադրելով պաշտոնյաներին հասարակ հունգարացիների հաշվին իրենց իշխանությունն ու հարստությունը մեծացնելու մեջ։
Նոր խորհրդարանը նշանավորում է առաջին դեպքը 1990թ. երկրի ժողովրդավարացումից հետո, երբ Օրբանը, որի բազմամյա կարիերան հանգեցրեց այն բանին, որ ժողովրդավարության կողմնակցից նա վերածվեց Ռուսաստանին բարեկամ կերպարի, որին գովաբանում են ԱՄՆ իշխանությունները, էլ չի նստի խորհրդարանում։
Անցյալ ամսվա վերջին 62-ամյա Օրբանն ասել էր, որ դրա փոխարեն կկենտրոնանա իր շարժման վերակազմավորման վրա։
45-ամյա Մադյարը խոստացել է օգտագործել իր ճնշող մեծամասնությունը՝ քանդելու այն համակարգերը, որոնք կառուցել է Օրբանը, որը դատական համակարգում, լրատվամիջոցներում և երկրի պետական ապարատում հավաքել է լոյալիստների՝ փորձելով Հունգարիան վերածել «Պետրիի գավաթի հակալիբերալիզմի համար»։
Երկրի սահմաններից դուրս Մադյարը նաև խոստացել է վերականգնել Հունգարիայի վաղեմի լարված հարաբերությունները ԵՄ-ի հետ և համագործակցել միության հետ՝ ԵՄ սառեցված միլիարդավոր միջոցների ապաշրջափակման համար։