ԵՐԵՎԱՆ, 15 մայիսի․/ԱՌԿԱ/․ Հայաստանի վարկային կազմակերպությունների համախառն ներդրումային պորտֆելը 2026 թվականի առաջին եռամսյակի արդյունքներով կազմել է 100,6 մլրդ դրամ։ Այս մասին են վկայում հանրապետության վարկային կազմակերպությունների ամփոփ ֆինանսական հաշվետվության տվյալները։
Ներդրումների պորտֆելը ներկայացված է Հայաստանում գործող 44 վարկային կազմակերպություններից 19-ի տվյալներով։
Այսպիսով, 2026 թվականի մարտի վերջի դրությամբ պորտֆելի կառուցվածքն ունի հետևյալ տեսքը.
- Վաճառքի համար նախատեսված ներդրումներ — 39,75 մլրդ դրամ (պորտֆելի 39,5%-ը)։
- Ներդրումներ՝ այլ անձանց կանոնադրական կապիտալում — 30,87 մլրդ դրամ (30,7%)։
- Մինչև մարման ժամկետը պահվող ներդրումներ — 25,66 մլրդ դրամ (25,5%)։
- Ֆինանսական ներդրումներ առևտրային նպատակներով՝ վերավաճառքի համար — 4,34 մլրդ դրամ (4,3%)։
Ներդրումների ծավալով 19 վարկային կազմակերպություններից առաջատար հնգյակին բաժին է ընկնում համախառն ներդրումային պորտֆելի մոտ 87,4%-ը։ Թոփ հնգյակում ներառված են․
– «Բնակարան երիտասարդներին» – 52,29 մլրդ դրամ
– «Գլոբալ Կրեդիտ» – 17,77 մլրդ դրամ
– «Ազգային Հիփոթեքային» – 6,63 մլրդ դրամ
– DICA – 5,97 մլրդ դրամ
– «ԲԼԵՍՍ» – 5,90 մլրդ դրամ
Նյութի պատրաստման աղբյուրը «ԱՌԿԱ» գործակալության «Հայաստանի վարկային կազմակերպությունները. գործունեության հիմնական ցուցանիշները 2026թ. I եռամսյակում» տեղեկագիրն է, որը պատրաստվել է վարկային կազմակերպությունների պաշտոնական հաշվետվությունների հիման վրա։
Վարկանիշային աղյուսակի կազմման աղբյուրը «ԱՌԿԱ» գործակալության «Հայաստանի վարկային կազմակերպությունները. օպերատիվ տվյալներ 2026 թ. I եռամսյակում» տեղեկագիրն է, որը պատրաստվել է վարկային կազմակերպությունների պաշտոնական հաշվետվությունների հիման վրա:
Տվյալ տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (e-mail: [email protected]):