Եվրոպական երկրները քննարկում են ՆԱՏՕ-ին այլընտրանքային պաշտպանական կառույցի ստեղծման հարցը, քանի որ ԱՄՆ-ն կարող է դուրս գալ դաշինքից։ Այս մասին հայտնում է The Economist ամսագիրը՝ հղում անելով Հյուսիսատլանտյան դաշինքում երկրների ներկայացուցիչներին։
«Եվրոպական որոշ զինված ուժեր մշակում են մարտական գործողությունների վարման գաղտնի պլաններ՝ ոչ միայն առանց ԱՄՆ-ի օգնության, այլև առանց ՆԱՏՕ-ի հրամանատարական և կառավարման ենթակառուցվածքների զգալի մասի», — ասված է հրապարակման մեջ։
Նշվում է, որ ՆԱՏՕ-ի ապագայի մասին մտածելու պատճառ է դարձել Գրենլանդիայի և ԱՄՆ-ի շուրջ ստեղծված ճգնաժամը։ Միևնույն ժամանակ, ըստ պարբերականի տվյալների, դաշինքի գլխավոր քարտուղար Մարկ Ռյուտեն պաշտոնյաներին արգելել է խոսել այլընտրանքների որոնման մասին (Վաշինգտոնին չսադրելու համար)։