Գերմանական Audi ավտոարտադրողը պաշտոնապես ներկայացրել է իր նոր տեխնոլոգիական ֆլագմանը՝ Nuvolari սուպերքարը (հիպերքար), որը դարձել է ապրանքանիշի պատմության մեջ ամենահզոր և ամենաարագ սերիական մեքենան։
Նորույթը թողարկվելու է խիստ սահմանափակ՝ ընդամենը 499 օրինակով, իսկ վաճառքի ու առաջին մատակարարումների մեկնարկը նախատեսված է 2027 թվականի առաջին կիսամյակում։ Մեքենան անվանվել է ի պատիվ ավտոսպորտի լեգենդ, իտալացի մրցարշավորդ Տացիո Նուվոլարիի։
Audi Nuvolari-ն հանդիսանում է բրենդի դիզայներական նոր փիլիսոփայության առաջնեկը։ Նրա արտաքին տեսքում ակնհայտ են ավտոսպորտից փոխառված լուծումները.
-
Առջևի մաս. Դիզայնի կենտրոնական տարրը սլացիկ, ուղղահայաց ռադիատորի ճաղավանդակն է: Դրա երկու կողմերում տեղադրված են նեղ դիոդային օպտիկան և զանգվածային օդառիչները: Կերպարն ամբողջացնում են առջևի սպլիտերն ու թաքնված S-աձև օդատար համակարգը (S-duct):
-
Ետևի մաս. Մեքենայի ետնամասն աչքի է ընկնում բարակ լապտերներով, հզոր դիֆուզորով և ակտիվ անտիթևով (սպոյլեր), որը կարող է կառավարվել ինչպես ավտոմատ՝ էլեկտրոնիկայի կողմից, այնպես էլ վարորդի կողմից՝ մեխանիկական եղանակով:
-
Անիվներ և թափք. Սա Audi-ի պատմության մեջ առաջին սերիական մոդելն է, որն ստացել է կենտրոնական ամրացմամբ դարբնված անվահեծեր: Մեքենայի թափքը գրեթե ամբողջությամբ պատրաստված է ածխածնային թելքից (կարբոն)՝ հիմնված ալյումինե Space Frame հարթակի վրա:
Nuvolari-ն դարձավ ապրանքանիշի առաջին սուպերքարը, որն ստացավ plug-in հիբրիդային (PHEV) ուժային տեղակայանք: Ճարտարապետությունը կիսելով Lamborghini Temerario մոդելի հետ՝ Audi-ի տեխնիկները կարողացել են էլ ավելի մեծ հզորություն կորզել համակարգից:
-
Ներքին այրման շարժիչ. 4,0 լիտր աշխատանքային ծավալով V8 երկտուրբո շարժիչ, որն ապահովում է 800 ձիաուժ հզորություն և 730 Ն·մ պտտող մոմենտ: Շարժիչն ընդունակ է զարգացնել մինչև 10,000 պտ/րոպե, ինչը բնորոշ է բացառապես մրցարշավային բոլիդներին:
-
Էլեկտրական համակարգ. Շարժիչին օգնության են հասնում երեք էլեկտրամատակարարներ (երկուսը՝ առջևի սռնիի վրա, մեկը՝ շարժիչի և 8-աստիճան ռոբոտացված փոխանցման տուփի միջև) և 7,3 կՎտ·ժ տարողությամբ լիթիում-իոնային մարտկոցը։
-
Ընդհանուր հզորություն. Համակարգի գումարային արդյունավետությունը կազմում է 1001 ձիաուժ (ինչը սիմվոլիկ կերպով կրկնում է լեգենդար Bugatti Veyron-ի ցուցանիշը)։