ԱՄՆ Կալիֆոռնիա նահանգի Քրեսթլայն գյուղում արջը մտել է ջրային ռեսուրսների կառավարման գրասենյակ։ Նա ինքնուրույն բացել է դուռը, մի փոքր զննել տարածքը և վերադարձել անտառ, հայտնում է Fox News հեռուստաալիքը։
«Սև արջը ներխուժել է Հարավային Կալիֆոռնիայի շրջանի ջրային ռեսուրսների կառավարման գրասենյակ՝ հրելով մուտքի դուռը, կարճ ժամանակով զննել շենքը և վերադարձել մոտակա անտառ», – ասվում է հեռուստաալիքի հաղորդագրությունում։
Տուժածների և շենքին հասցված վնասների մասին տեղեկություններ չեն ստացվել, հավելում է հեռուստաալիքը։