ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովին (COP17) ընդառաջ «Էկոլուր» տեղեկատվական ՀԿ-ն իրազեկման հանդիպում անցկացրեց Սևան համայնքում։
Սևանա լիճը Հայաստանի կենսաբազմազանության առանցքային հանգույցներից է, որտեղ կենտրոնացած են արժեքավոր էկոհամակարգեր, էնդեմիկ տեսակներ։ Այն ապահովում է բազմաթիվ տեսակների կենսամիջավայր։ Սևանա լիճը Կովկասի ամենակարևոր քաղցրահամ ջրային էկոհամակարգերից մեկն է, քաղցրահամ ջրի ռազմավարական պաշար է։ Նրա պահպանությունը կարևոր է ոչ միայն Հայաստանի, այլև տարածաշրջանի կենսաբազմազանության համար։
«Էկոլուր» տեղեկատվական ՀԿ-ի փոխնախագահ Վիկտորյա Բուռնազյանը ներկայացրեց COP 17-ի հիմնական նպատակները, ՀՀ կենսաբազմազանության պահպանության ազգային ծրագրի թիրախները և այդ թիրախներին հասնելու համատեքտում Սևանի բնության նշանակությունը, կենսաբազմազանության պահպանության խնդիրներն ու առաջարկությունները։ Նաև քննարկել COP 17-ին տեղացիների մասնակցության հնարավորությունները:
Հանդիպումը կազմակերպվել էր «Էկոլուր» տեղեկատվական ՀԿ-ի կողմից «Ֆրիտյոֆ Նանսեն» ինստիտուտի հետ համագործակցությամբ Նորվեգիայի զարգացման համագործակցության գործակալության աջակցությամբ իրականացվող «Աջակցություն Հայաստանի՝ Կենսաբանական բազմազանության մասին կոնվենցիայի կողմերի համաժողովի նախագահությանը և ներքին իրականացմանը» ծրագրի շրջանակում:
Մանրամասները Էկոլուրի հաջորդ հրապարակումներում։
Նյութը պատրաստվել է «Աջակցություն Հայաստանի՝ Կենսաբանական բազմազանության մասին կոնվենցիայի կողմերի համաժողովի նախագահությանը և ներքին իրականացմանը» ծրագրի շրջանակներում։ Ծրագիրն իրականացվում է «Էկոլուր» տեղեկատվական ՀԿ-ի կողմից՝ «Ֆրիտյոֆ Նանսեն» ինստիտուտի հետ համագործակցությամբ Նորվեգիայի զարգացման համագործակցության գործակալության աջակցությամբ:
Ծրագրի շրջանակում արտահայտված տեսակետները պարտադիր չէ, որ արտահայտեն «Ֆրիտյոֆ Նանսեն» ինստիտուտի տեսակետները:
Օգոստոս 07, 2026 at 18:14