Եվրոպական միության Հարավային Կովկասի և Վրաստանի ճգնաժամի հարցերով հատուկ ներկայացուցիչ Մագդալենա Գրոնոն ողջունել է Հայաստանի և Ադրբեջանի՝ խաղաղ գործընթացի առաջմղման ուղղությամբ կատարված դրական քայլերը։ Այս մասին նա հայտնել է X սոցիալական ցանցում՝ Հայաստանի, Ադրբեջանի և ԱՄՆ առաջնորդների Վաշինգտոնյան գագաթաժողովի տարեդարձի առթիվ։
«Այսօր լրանում է 2025 թվականի օգոստոսի 8-ին Հայաստանի, Ադրբեջանի և ԱՄՆ առաջնորդների պատմական Վաշինգտոնյան գագաթաժողովի և հանդիպման մեկ տարին։ ԵՄ-ը ողջունում է անցած տարվա ընթացքում կողմերի ձեռնարկած դրական և կառուցողական քայլերի շարքը՝ խաղաղ գործընթացի հետագա ինստիտուցիոնալացման և առաջմղման համար», — գրել է Գրոնոն։
Today marks the first anniversary of the historic Washington Summit of 🇦🇲, 🇦🇿 and 🇺🇲 leaders on 8 August 2025. The 🇪🇺 strongly welcomes the series of positive and constructive steps taken since then to further institutionalise and advance the peace process.
— EUSR for South Caucasus and crisis in Georgia (@EUSR_SCCiG) August 8, 2026