Տելեգրամի որոնման համակարգում հայտնվում են «Ճանապարհային Ոստիկանություն» անվամբ մի քանի բոտեր, որոնց անուններն ու օգտահաշիվները միմյանցից տարբերվում են։
Դրանցից մեկը՝ @ROADPOLICEbot, ունի ավելի քան 26 հազար օգտատեր, իսկ մյուսները հանդես են գալիս @roadpoliceAmBot և @RoadpoliceArmeniabot անվանումներով։
Մի քանի նմանատիպ հաշիվների առկայությունը հարց է առաջացնում՝ որն է Ճանապարհային ոստիկանության պաշտոնական Տելեգրամ բոտը, իսկ որոնք կարող են լինել ոչ պաշտոնական կամ կեղծ հաշիվներ։
Հատկապես կարևոր է սա, եթե բոտերը քաղաքացիներից պահանջում են անձնական տվյալներ կամ նմանատիպ այլ տեղեկություններ, ուստի մինչև որևէ նման ծառայությունից օգտվելը անհրաժեշտ է ստուգել դրա պաշտոնական լինելը։